法寶廚房 (已結業)

平日黎到法寶廚房食下午茶，見到佢出面menu都幾多款揀，有包餐、麵同飯都有！叫左熱狗🌭️配雞鎚2隻同餐飲柚子蜜，～唔錯都ok勝在大把位, 唔洗等位又可以慢慢嘆慢慢坐👌🏻…Read More

Have been tried breakfast, lunch and dinner, fortunately on leave on weekday, time to try tea here.All of them are cheap, let’s try the taste.Seasar Salad 🥗 Added Salmon, very nice, large portion, salmon is fresh. Pork Lasa rice noodle Too spicy and not classic lasa…Read More

中午時份又來吃午餐~同事推介下試咗呢一間法寶廚房佢個lunch set有好多選擇 ~ 大概10幾款乜嘢菜式都有啲 有意粉有飯 有包自己就揀咗個煙三文魚蟹子忌廉汁意粉呢度都好大碟 但係三文魚份量比較少 醬汁唔係太多 但係都好濃味 但係真係食到好飽呢個價錢包埋餐茶侍應反應比較緩慢 要叫多幾次先嚟…Read More

公司附近嘅餐廳選擇唔多，呢間算係其中一間比較近而又抵食嘅餐廳。食厭左樓下大快活，決定來法寶食下午茶。呢間餐廳好多位，下午兩點幾唔使等都有位。叫左波菜吞拿魚焗意粉、熱奶茶，等左十幾分鐘先有杯奶茶飲。由於要趕返工，要勞煩侍應催一催廚房先比隔離枱快少少有焗意粉食（上次食三文治同薯條都係要催先快少少有得食）。食品質素是ok的，特別係價錢都比大快活平，不過上菜真係太慢啦。…Read More

去開附近。見到間小商場就中左入去食Lunch。見到既時候都諗。是旦求其食一餐。可能平日。lunch time都真係好多人。佢午餐都好多選擇既。入到去又吾想食飯所以叫左個雞扒薯菜。加杯熱咖啡。佢間野啲位都好鬆動！得4個staff。好懷疑佢既速度。但又點估到好快就齊哂。個雞扒薯菜一到我真係嚇左一跳！好大份！雞扒大大塊。薯角多到會擔心食完喉嚨痛個種！好誇張！估吾到有驚喜！個咖啡都吾差！但地方就有少少吾太干淨啦。但總體係ok既！會再黎！…Read More

愛人生日都唔知去邊慶祝好，又想多啲時間陪下家中的兩隻小寶貝，唯有去自己屋邨商場嘅餐廳同佢慶祝。 呢間餐廳個名叫做法寶，食物質素拍得住高級餐廳，門口和室內佈置簡潔清雅。我哋叫咗個二人B套餐,＄300都唔使。有兩個湯。新鮮嘅沙律菜好爽甜。卡邦尼意粉沾了好多醬汁,味道咸淡調較適中,入口煙靱靭，好有口感。巴馬薄餅可免費加厚烤焗得好香脆。還有甜品焗麵包布甸和芝士撻,剛剛出爐熱辣辣,甜度適中,食到嘴舐舐😋。加埋兩杯飲品。咁嘅價錢有咁嘅質素真係好抵👍…Read More

一向比較中意食意粉焗飯西餐類，之前去左九龍灣陪女朋友，放假就想食下午茶，呢間餐廳都好似開左一排，路過見到個路牌見都幾抵食，所以就去試下......下午茶款式都幾多呀.....仲有甜品下午茶，不過我連Lunch都未食，梗係揀個焗飯食下啦...飽D呀MA我叫左個窩蛋肉醬焗飯....下午茶黎講又幾夠份量，上面個煎蛋係半生熟的，不過肉醬中間的肉粒不太多，只食到蕃茄果，但不太惹味，有點失望😞但不是難吃的，可以醫飽個肚, 下次可以再黎試下其他唔同既下午茶啦....…Read More

大部分人會選擇麗晶商場地下嘅食肆，其實3/F都有間隱世食店，主打意粉薄餅，每日1730-2130都有抵食套餐餐湯 - 蕃茄湯，就係一碗普通嘅蕃茄湯黑松露海鮮意粉 - 黑松露味唔算濃，海鮮都足料，整體都好味嘅大玻璃樽裝可樂 總結：價錢算係合理，翠河 椰林閣 以外令人選擇…Read More

食物質素一般，份量奇少~咖哩肉片飯肉片得三片半~都算數，連汁都少只夠拌三分一的飯~服務又不太好(不過不是對本人)~連湯都要加錢~四十幾蚊個所謂套餐食完要再去買小食充飢~…Read More

賣40幾蚊個西式午餐，湯要加錢。出左個飯，一小塊扒連骨加肥膏，兩啖肉都無。個黑椒汁仲係超濃縮，開稀五份都得。個湯就剛好相反啦，已經溝淡左十碗咁。最好笑係，湯都未上得，成碟飯已經上左。格局比樓下椰X閣仲衰。問親野都係轉頭轉頭，轉頭先幫你得唔得，轉頭乜都唔記得。另外一份雞扒配薯角，仲勁。應該叫做薯角配雞扒，一大碗薯角加一小塊雞扒。得熱飲免加錢，可樂仲要分大細支加錢。地方熱，完全無冷氣咁，靠把風扇吹。近窗邊坐可能係樓下機房位，地震咁。…Read More

有友人住麗晶花園所以成日都黎呢頭食野見小巴成日貼廣告出黎見到個牌又有幾抵既下午茶食M記食到悶,就試下呢間~唔知點解一入到去個地下痴笠笠所以有小小唔自在呢間野好似成日都無乜人我地下午茶時間黎到,差唔多都有6,7成入座率既但果度都幾大,裝修都算係咁,話哂個商場都殘殘地有間咁既餐廳算係咁由於我地太肚餓,兩個人叫左3個餐...但都係岩岩好飽XD個意粉都OK架,但唔記得影相,同埋唔知點解個意粉整得特別耐....食完哂先上黎D STAFF都幾好服務的,不過睇黎都係PT黎,我地倒瀉左水搞到成枱都係,但個STAFF用濕布幫抹,抹完好似無抹咁總括黎講,呢間下午茶最抵食,午餐就太貴了!…Read More

難得短週，我同我條佬去左朋友仔屋企打機，不知不覺打到夜晚，係時候落去樓下麗昌商場醫一醫肚，其實麗昌商場係屋村內一個只有三層的小商場，餐廳真的不多，不外乎都是連鎖快餐店，粉麵店，茶餐廳，但其實最頂層有一間西餐廳 ，看到門外的餐牌好抵食就進去喔餐廳空間頗大，播著懷舊的英文歌，坐得蠻舒適。無呃你，真係好平架！當然如果呢個優惠唔岩食，餐廳內重有其他餐牌，價錢就不一樣喔。我們每人點一個餐，我跟我條佬加$10要西湯，另一位朋友仔係雞翼狂，所以另加$28加一份雞翼。今晚係西蘭花湯，簡單又健康，啖啖都有西蘭花粒的口感，好好飲！朋友仔的煙肉磨姑忌廉汁意粉加蜜糖雞翼，賣相不錯，意粉軟硬適中，份量超級多！雞翼焗得皮脆肉嫩，加上蜜糖味必定美味。輪到我的香草野菌天使麵，加上紅/青椒視覺上加分，超級足料，尤其磨菇更加多到食極都有，怎會想像到這碟天使麵只需$29，天使麵炒得很乾爽又入味，只是吃到底後才有點油膩。我條佬的日式咖哩雞扒飯，味道就像平常買到的日式咖哩磚一樣，咖哩味香濃帶點微辣；雞扒有點雪藏味，但有咖哩汁撈飯己經簡單又美味。這個價錢算不錯吧，有種煮家的味道…Read More

難得可以周圍走，今次去咗九龍灣，見到呢間友人話就食呢間啦。時間唔算晏，唔係話好肚餓，所以最後4個人叫3個餐(￣O￣;)我地幾個決定叫三個pizza，易分，份量又啱4個人。辣肉腸$42，呢個都ok，外面都脆，有夠辣。夏威夷$54，料還好，正常味道墨西哥$56，料有多小小，味道ok啦。食完都覺得我地好勁，點解會叫三款簿餅，呢個價錢都ok，正常。lunch嚟講ok啦，係呢頭確實無咩選擇。一間小店，環境服務ok，正常。…Read More

因為想去啓業睇下個有街掃既新街市，所以搵附近餐廳打個底。搵左呢間正評都多既餐廳，想舒舒服服坐下慢慢食。門口海報啲相影得幾好，好似好多野食。餐廳大間一邊大窗有啲小圓枱，但玻璃矇查查口，咁都係坐普通靠牆位，點知坐落望到牆上有啲黑色（可能冷氣水令牆發黑陰功）影響觀感。叫晒食價格相宜，叫左個雞扒飯一個牛舌片意粉。凍檸茶大杯，正常。雞扒硬，唔多肉汁。飯分量正常一碗無特別，汁唔多唔夠餸飯。牛舌意粉一樣唔夠汁撈，牛舌片有四片，煮過頭太軟身無左牛舌口感似牛腩多啲。其實見裝修格局係想做好啲，但係啲野舊左無打理就行唔到高級少少既感覺，就講碟意粉，上菜時啲粉周圍飛其實又無乜客人卷返靚啲先上觀感就差好遠。…Read More

去過好幾次法寶廚房了， 九龍灣工業區及麗晶附近， 平民嘅餐廳沒有一間可以見得人。 唯獨是此間不是大型連鎖餐廳， 食物有水準， 價錢又大眾化， 晚餐叫蠔，又意粉，沙津，雞翼，cheese cake， 每人平均一百元， 而且服務員態度又好， 上菜又快。畀著出面嘅餐廳平均每人係二三百元， 去法寶廚房感覺自己慳了很多。奇怪的是如此好嘅餐廳， 晚上只有幾張枱坐客人， 可能附近嘅居民鐘意返屋企食飯， 我去親呢區，必去這間餐廳幫襯。唯一不足是，呢間餐廳要上扶手電梯兩層，行多步， 有好嘢食何樂而不為？…Read More