9
0
3
港鐵荃灣西站 D 出口, 步行約6分鐘
繼續閱讀
電話號碼
28899022
營業時間
今日營業
09:00 - 16:00
17:30 - 22:00
星期一至日
09:00 - 16:00
17:30 - 22:00
公眾假期
09:00 - 16:00
17:30 - 22:00
以上資料只供參考, 請與餐廳確認詳情
蟹黃鍋貼入邊嘅豬肉完全係生的，咬落去第一啖以為係肥膏唔小心吞咗，發現嘅時候阿仔都食咗落肚，同啲侍應講侍應話拎入廚房了解一下，同個經理講經理話了解一下，完全之後沒有跟進，跟住一直唔見經理返轉頭解釋
繼續閱讀
平時去開逸月軒，今日想轉下新地方，第一次去呢間，如心廣場三樓平時好靜，入到去發現都比想像中多客，點心質素OK，本來覺得下次可以有多個選擇⋯點知埋單先知收費取巧，Tick點心紙黃紙黑字寫明$138 ，埋單收$158，話要收午市價(離座時12:10pm)，無下次。
繼續閱讀
間中有嚟呢間酒樓飲茶，今日試下係度食晚飯。叫左個特價例牌乳豬（$48.8），咕嚕肉同海味什菜煲。咕嚕肉上枱先，賣相唔錯又夠大碟，除左有咕嚕肉，重有菠蘿，青紅黃椒等。咕嚕肉酸酸甜甜，非常開胃，最啱送飯。跟住就係海味什菜煲，清清地，除左什菜外，重有蝦米，蝦，鱿魚，貴花蚌等，都幾豐富。最後先到乳豬出場，雖然係例牌，分量都唔細，食落口皮脆肉滑，重好有豬味，點埋乳豬醬，正，要比個佢！埋單時送糖水，今晚糖水係綠豆沙，算係今晚最失色既一環，冇乜綠豆味，味道差少少甜味。
繼續閱讀
貢菜鮮蝦春卷$31.8， 蝦餡料就切碎一粒粒有新鮮有唔新鮮撈埋一齊， 食入口梗係唔好食。 春捲皮炸到黑黑咁樣即係D油用咗好多次☻ 手打鯪魚球真係傑作$23.8又腥又梅。 內裏格局用白色慳電膽顯得昏昏暗暗，座椅坐得唔舒服。 呢間嘢點心師傅 神經刀 時好時壞，水準唔穩定。 呢間酒樓一定要check單 , 收銀早茶就收你正價價錢, 亂咁嚟， 講畀佢聽反應 語氣 態度唔好 ，錯咗咪改，使乜態度唔好？點解呢？ 唯一好食百花釀魚肚， 幾次都水準穩定。 其他 點心就睇你嗰日好唔好彩。 好多時搵唔到人斟水
繼續閱讀
終於要獻出第一次寫食後評語，因今次試咗間泓景悅宴嘅大閘蟹宴4人餐，連埋糖水有9款菜，同枱4個人食完都俾個like, 派咗我做代表寫食評，好咁我逐一個菜講：1.姬松茸響螺燉雞湯姬松茸爽脆軟滑，湯就鮮甜滋潤，我平時飲湯都食埋湯渣，所以相中咁足料嘅湯渣俾我清埋😁2.荷芹炒臘味正所謂秋風起，食臘味，呢個菜應晒景，荷芹鮮甜脆口，配上腴滑油那潤嘅臘腸同臘肉，真係話咁快就清晒成碟嘢。3.招牌燒鵝皇今次嚟呢間晚飯其中一個原因就為咗佢而嚟，果然冇令大家失望，皮脆肉質嫩滑，入口鵝味出晒嚟，掂！4.蟹粉小龍包夾起已知重料，我鍾意先張個皮篤穿，等d湯流入匙羹，飲咗啖濃郁鮮湯，再食裡面嘅蟹肉，啖啖肉，有圖有真相！5. 8頭鮑魚伴金錢鮑魚雖然不是好大隻但肉身夠厚。炆得軟腍夠入味，冬菇亦都大大件厚身，吸收咗蠔汁嘅精華，所以好快又清咗😋。6. 清蒸大閘蟹終於到主角出塲喇，每人兩隻大閘蟹，部長話每隻足五兩，拿上手都幾重秤，一開殼已聞到濃郁嘅蟹膏味，之後掛住食都唔記得咗相機再食，影爆膏相。7. 清蒸海花班一放上枱，見魚眼凸起同識得揮手，就知夠新鮮喇，蒸到剛剛熟，夠滑有魚味！8. 籠仔蒸臘味糯米飯呢個飯我冇試到，唔係唔好味，只係大家食完條魚後已好飽肚，冇人再食得落個糯米飯，唯有叫人打包攞走，所以連相都冇影到！9. 夠薑湯丸飯後糖水，好夠薑味夠温胃！下星期又要再同屋企人食多次😋！
繼續閱讀