沾仔記 (威靈頓街)

營業中

休息中

今晚放工諗住簡單食個麵，見呢間都有啲人流，就入咗去試吓。一望餐牌，得三樣餸揀，於是叫了三寶湯麵。坐低就發覺九成都係遊客，有啲講國語、有啲金髮，都有啲心知不妙……呢啲所謂老字號，不少都得個殼，sell懷舊、本土嘢，實際上不思進取碗麵都算快到，一飲頭啖湯，有一浸羅漢果味，但冇肉湯熬出嚟嘅鮮味之後試啲牛肉片，個質感好怪，好腍，應該用啲粉乸到一啲肉味都冇！之後食鯪魚球，好hea 連個圓形都搓唔好，食落去好無料，淡而無味！最後諗住個雲吞會好啲吧，啲蝦一啲鮮味都冇，亦冇乜豬肉同大地魚粉嘅香味！個麵亦都冇爽口彈牙嘅口感！總括而言，哩間店偷功減料坑遊客，眼見仲有咁多客流幫襯，收$52身為本土香港人，真係睇唔過眼忍唔住上嚟寫劣評，心諗淨係煮幾樣嘢都可以咁差，唉～更加體會到要支持下一些小店，人哋起碼有心做，對得住食客，唔會俾啲咁差嘅食物質素。

中午快快食飯揀咗沾仔記，叫咗招牌三寶麵（牛肉、魚蛋、雲吞）。每樣都好大粒，魚蛋彈牙，魚肉味好重、牛肉入味﹐又唔會煮到太老、雲吞餡料多，皮又夠薄。湯底係清湯，不油不膩；麵條爽滑，麵味十足。大約十分鐘內上菜，適合趕時間。埋單$50左右，以中環嚟講超抵，CP值高！喺中環有一 餐唔過 $70-$80 其實都已經好難。地方乾淨，翻枱快，唯一係人多時要搭枱，都明白午飯時段多人要咁都好正常。不過如果唔介意，真係係食得過嚟食個快餐選擇！

幫襯咗十幾廿年，最鍾意食佢嘅雲吞，大大粒好滿足，有時仲會買生雲吞返屋企打邊爐，星期五晚放工去，雖然唔駛等位，但裡面已經坐無虛席，有9成都係遊客，不過唔知點解，食完一碗麵都好似唔夠飽嘅呢。🥢招牌雲吞麵 $40⭐️⭐️⭐️⭐️食得出蝦好新鮮彈牙，麵同樣爽口彈牙鹼水味唔重，湯底有濃郁嘅蝦味，應該用咗好多蝦殼去熬湯。🥢雲吞.鮮鯪魚肉撈麵 $57⭐️⭐️⭐️⭐️好耐之前食過牛肉覺得一般，所以雙併試咗鯪魚肉，估唔到鯪魚有鯪魚味而且口感又咁細滑，下次都會叫呢個組合。🥢腐乳通菜 $20⭐️⭐️通菜唔嫩幸好無渣，腐乳非常鹹但味道還可以。二人共消費：$117

中環返工最緊要係快，唔可以花太多時間諗食咩。今日中午就走咗去沾仔記，因為佢哋啲雲吞麵出名快靚正。落單後唔洗5分鐘就有得食，對我哋呢啲上班族嚟講真係幫到手。雲吞麵一上枱已經聞到鮮味，湯底清清地但夠晒蝦味唔死鹹，飲晒都唔會口渴。雲吞粒粒飽滿，蝦肉爽口唔腥，食落去真係有啲驚喜。麵係細蓉，唔會淋晒，彈牙得嚟啱啱好，份量一個人食就啱啱飽。環境唔算大，但翻枱快，坐得唔會覺得迫，員工手腳快亦有禮貌，值得一讚。成個午餐15分鐘內完成，仲有時間返office沖個咖啡，對趕時間嘅打工仔嚟講，係個好選擇。👍🍜

沾仔記係我以前嘅飯堂，因為公司附近有一間，午餐，下午茶，朋友或者ot嘅時候，都會落去買碗雲吞麪🍜，因為舊雲吞成個拳頭咁大隻💪，而且麵身爽口，性價比非常高，而佢出名嘅亦都係頭咁大隻嘅雲吞，裏面有幾隻蝦🦐同一般廣東雲吞一啖一口嘅唔同🤗，所以拎咗幾年米芝蓮🏅轉左工幾年無幫襯，唔知係咪成本高漲定通脹關係，今次返嚟幫襯覺得啲雲吞細粒咗，而且啲蝦唔太新鮮🥲，如果唔係米之蓮嘅光環，應該唔會咁多人旅客幫襯😑而且啲侍應一件嘢食完就收碗趕人走咁樣，但係明明坐唔滿，咁樣做飲食真係好難搞

去沾仔記，我就一定會點雲吞麵🦐🍜。呢度係香港最好食嘅雲吞麵，每次嚟都要排隊👥，但完全唔覺得煩！雲吞個個都好大粒，味道鮮美，真係讓人一口就愛上😍。服務又快，唔使等太耐，實在方便。呢度位於中環，做完運動後過嚟食碗麵，感覺特別開心🥢。餐牌上只有三個餸可以選擇：雲吞、鮮牛肉同鯪魚球🐟。鮮牛肉都好新鮮和軟熟，令人驚喜🥩。 沾仔記每年都能夠獲得米芝蓮認可👍🏻，真係好值得👏！仲有一碟腐乳通菜，清爽又美味🥬，平衡咗碗麵嘅濃郁味道。總之，這裡係我心目中嘅雲吞麵天堂，期待下次再來！❤️😍😘🦐

招牌雲吞面一道經典的廣東小吃，彈牙的雲吞和細緻的麵條。雲吞好大粒，粒粒內餡有新鮮的豬肉和蝦仁，搭配香料和調味料，口感鮮美。湯底清淡而鮮香，搭配各種青菜，整體味道平衡，讓人食欲大開。鮮牛肉麵牛肉選用腩肉或腱子肉，經過慢煮後變得軟嫩。湯底濃郁，加入各種香料（辣椒油，香醋）和醬油，讓整碗麵的味道更加豐富。麵條的口感彈牙，吸附湯汁，搭配一些蔥花或香菜，令人垂涎欲滴。

又係中環做嘢，今次食呢間中環沾仔記，見佢成牆都係米芝蓮牌，門口又黐咗好多報紙，所以就入去試試啦。雖然佢有咁多牌，但係價錢都唔算貴，真係幾抵食。今次叫左個三寶撈麵，雲吞大大粒兼彈牙，真係可以叫皮薄餡靚。鯪魚都係大大粒。牛肉冇特別，正正常常。麵就超級彈牙爽口，簡單加左啲蠔油都幾好食。如果可以食得辣既一定要加埋佢既辣椒油，真係又香又惹味。另外佢有跟半碗湯，湯底偏甜口，但係味道唔錯，同個麵同埋雲吞都好夾。

本身喜歡吃雲吞，也久不久會幫襯；但已經不是一次，店員高聲呼喝客人，完全沒有禮貌。😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡作為食客，我不明白為何老闆會縱容？ 這些店員只會令香港的飲食業蒙上污名，怪不得經濟。轉身去對面麥奀記，樂也！

在香港的几天，这家是吃过体验最差的餐厅。陆陆续续吃了几家茶餐厅和粥粉面店，食物质量有好有坏，但基于对香港美食荒漠已有所了解，心理还是平衡的，但这间沾仔记简直是雷中雷。点了三宝面和虾云吞面，云吞质量参差不齐，掺杂了较多面粉，没有口感可言。最大的问题还是店员，点单的时候看到没及时听到店员大妈的催单就被狠狠吐槽，她也不是明着骂你，而是阴阳怪气。最狠的是买单的时候，消费112元，我给了120元现金，结果结账的大妈一脸不开心，指定要我用八达通。我八达通钱不够，便问她是否没有硬币，她却低声叽叽歪歪，最后啪一声把几个硬币甩到桌上！我心想我是来找你讨债的吗？我是给你500元大额币刁难你吗？一脸黑脸似乎全世界都欠了你。给脸不要脸。

有朋友黎香港旅遊，帶左佢去中環馳名多年嘅米芝蓮餐廳沾仔記，喺消費指數高嘅中環區黎講依個價錢算係好抵食。傳統的麵食，可以揀撈麵或湯麵，啲肉份量都okay, 個人覺得牛肉幾好味，朋友都enjoy。

之前聽朋友強烈推介呢間沾仔記嘅雲吞麵，於是捉咗朋友陪我去試，我哋分別嗌咗雲吞麵同鯪魚球麵，兩個個面質都好爽口，鮮蝦雲吞好大粒，好多蝦肉好爽口，鯪魚肉都好好食，不過一碗雲吞麵得三粒雲吞唔係好夠喉

平日夜晚8:20 一個人去到..放眼望去無數漏都有9個位剩..但係個吖嬸係都要我逼埋去4人臺剩低既最後一個坑..平時繁忙時間都好理解 大家將就下 問題係都夜晚8點幾 有咁多剩位既時候 都一如既往作風..要客人攬住個袋 逼逼夾夾食..其實人均消費50 係平 但係大家都係坐十幾分鐘 食完就走 占得你d位幾耐!

去咗沾仔記食雲吞麵，我講你知啦，呢度真係係有驚喜！啲面同雲吞都好有彈牙，唔會好腍，反而係夠大粒，食落好爽口。我食完都唔覺得膩，真係好正！內面d蝦仲好大粒而湯底唔算太咸， 平時出面食完會好口渴 ， 瘋狂飲水 。再叫多碟菜 價錢合理的 下次我一定會再去試其他嘢，你都應該試下啦！

沾仔記算是香港非常老牌的雲吞麵店了除了它還有麥奀沾仔記身為被米米芝蓮指南「必比登推介」這間位於中環的店不乏遊客但當天去還是有大概三分之一是香港本地人🔹️ 招牌雲吞麵 $40直接點了一碗招牌雲吞麵份量看起來不算多 主要是麵體比較小但其實很足料 雲吞大大粒  雲呑用新鮮草蝦 蝦肉爽口彈牙湯底以大地魚乾熬每日鮮製的蛋麵口感也有彈性 沒有太多鹼水味整體來說真的很不錯😋