沛公甜品

好欣賞伯爵茶千層班戟嗰種味，對比其他售賣伯爵茶千層班戟嘅店舖超級好食、不會太甜、不會太漏、不會太cream、千層真係好薄。售貨員好細心幫我pack好順便俾了一至兩隻匙羹我同埋幾張紙巾。…查看更多

佢個千層蛋糕仲好味過連鎖店賣既！除左價錢抵幾倍之外，佢啖啖都有芒果果肉！而且啲忌廉都夠哂滑！每層既餅皮都好夠薄，每層cream既大細都好平均，睇得出係心機野！食完又唔膩！會再回購！抵！…查看更多

經過見到布甸賣10蚊件，便便地就買黎試下，點知真係好抵！尤其是係芒果布甸，每啖都有芒果肉！芒果味都好出，而且好滑見到有好多味選擇，一定再回購下次會再試埋啲千層蛋糕…查看更多

木瓜鮮奶布甸 $10 少假嘅木瓜味（預咗）加上偏甜，一般般啦咖啡鮮奶布甸 $10 咖啡味幾強烈而且夠滑順，唔錯好立克鮮奶布甸 $10 聞同食落去啲好立克味都唔太出$10算係咁唔好多多要求…查看更多

今日買左個沛公新甜品，椰汁皮包住芒果同忌廉既腸粉卷🤤椰汁味香，忌廉甜滑，仲有淡淡芒果肉😋幾得意既甜品，飯後食都唔錯✨另外見仲有榴槤味tim🤭 盛惠$30除左椰汁芒果腸粉卷其實都仲有好多選擇嘅，有超多款布甸同埋千層蛋糕任君選擇，價錢仲唔貴添😋值得一試！…查看更多

平時成日經過沛公都無幫襯今日口痕想試下啲布甸 就後悔了自問都有禮貌平時買野都唔該前唔該後個名中年男性店員由頭到尾咩反應都無都算比錢時佢仲一手搶左我張二十蚊就擰轉左面咩態度🤯至於個兩個芒果布甸淡到都唔知自己食緊啲乜下次真係拎啲錢黎捐左佢都無咁嬲…查看更多

咁平嘅蛋糕可以去邊度搵🥹唔使$4️⃣0️⃣已經食到，仲有好多唔同味揀，每日都係新鮮滾熱辣😋即日整！好感好綿密，裏面好似mousse，其實都幾推介千層蛋糕既芒果味，因為一定冇死，而且都係新鮮水果味，叫石板街口味裏面真係有粒粒杏仁碎😋增加口感-近排好多地方都有沛公既pop-up store，大家見到一定要買，亦都有兩間門市，喺屯門&荃灣！…查看更多

有時做優惠嗰陣，可以$10就買到千層蛋糕，真係超級抵食。啲質素都係不過不失，個人覺得芒果千層蛋糕幾好食，但係質量都唔係太好。所以如果原價買就未必會買，但係做緊優惠就一定會買。…查看更多

這間千層蛋糕店不算是什麼大牌子，但應該很多人也見過。因為價格相對便宜，每次經過都想一試。結果今次買了石板街千層蛋糕😋這裏的千層蛋糕款式十分多，例如有原味，榴槤味，石板街，芒果，朱古力等等。之前試過芒果味，感覺味道一般。反而今次石板街味道較香濃，而且中間夾着果仁和棉花糖，口感較為豐富。以這個價錢來說， CP值很高。除了千層蛋糕外，這裏還有很多布丁供選擇，同樣是很多不同的味道。價錢大約都是10元左右～如果飯後想吃一點甜是一個不錯的選擇。…查看更多

經過見到好多家長同小朋友圍埋就去睇下，原來賣緊布甸，仲標誌特價$10一杯添，上openrice見到呢個優惠都做咗好長時間。真係花多眼亂，好多選擇，鮮奶系列有：阿華田鮮奶/益力多鮮奶/蜜瓜鮮奶/香芋椰果鮮奶/朱古力鮮奶/芒果鮮奶/抹茶紅豆鮮奶/藍莓鮮奶/好立克鮮奶 等等除咗鮮奶布甸，仲有果凍，例如：蜂蜜綠茶蘆薈果凍/蜂蜜紅茶桂圓果凍/蜂蜜杞子蜂蜜果凍/蜂蜜柚子檸檬果凍/蜂蜜洛神花果凍/蜂蜜桂花杞子果凍 等等全部味道都係$10杯除咗布甸同果凍外，仲有蛋糕同飲品賣。我就買咗3個布甸1️⃣好立克鮮奶布甸2️⃣阿華田鮮奶布甸3️⃣香芋椰果鮮奶布甸三款味道都偏淡，鮮奶味亦無乜不過$10一杯又唔可以要求太高，下次試吓果凍…查看更多

因為喜歡吃榴連以往年年家人生日都在這訂榴連千層做生日蛋糕，每次經過店舖都會買一小塊榴槤千層，連中秋都在這裹訂月餅，結果質素一年比一年差！之前訂月餅餅皮難食，至少榴槤質素還在，都還可以忍耐，但這次給了一個酸臭味的蛋糕實在是再也無法忍受！現在口中還有那股臭味🤮🤢一開始還心存希望中間不會有酸臭的味道，結果每一層都嘗了，都是酸臭的，完全難以入口，榴槤完全是變壞的！太過失望和生氣😡對於這個品牌實在不會再信任！以後不會再幫襯！…查看更多

遠近馳名的千層班戟一向係沛公的主打，今日經過店舖，忽然諗起好耐冇食，於是買了一個芒果千層班戟蛋糕返屋企同家人分享。一返到屋企已經忍唔住打開，馬上即刻開餐。上面兩粒士多啤梨仲突登砌左個心型，不過兩粒士多啤梨都好酸。班戟皮算係好薄，入口綿密，與忌廉和餡料層層疊起，忌廉和芒果肉層次分明。不過芒果肉就唔係好夠甜，可能未去到最當造時間(?)。cream就偏甜，彌補到芒果肉唔夠既甜味不過整體而言，如果口痕又唔想比好貴，算唔錯既選擇。…查看更多

媽媽生日，佢鍾意食榴連，特登去買咗個大size榴槤千層蛋糕，點知個蛋糕夜晚食就有陣酸臭味。之前買過件裝，都試過有酸臭，無諗過成個蛋糕都係咁。我明白疫情對大家都有影響，但係無理由將臭ge賣比人!!仲要媽媽生日，好影響…查看更多

喺社交平台見到沛公甜品呢個早鳥優惠，係迎虎年賀年糕點新品，鮮製貓山王榴槤凍糕，即刻吞左啖口水，所以即刻落order，原價$298 早鳥優惠$188。一打開個盒已經聞到好大陣榴槤味，但係食落就冇乜好濃郁嘅榴槤味，食到有少少榴槤肉，但整體個口感唔係太好，如果佢過榚係比較煙靭啲會較佳。同埋唔知係咪榴槤同奶味唔係好夾所以食落有少少「縮」味，唔知係咪壞咗定本身係咁所以都即刻掉左。留意保存方法佢話不可放於冰格。總括嚟講咁嘅價錢咁嘅味道比較失望唔會有下次。…查看更多

咁啱同朋友諗住帶d小朋友去荃灣公園放下電去路德圍買野飲就見到佢寫住10蚊一個布甸做優惠價仲要都多款揀買左一個紫薯鮮奶布甸同埋木瓜鮮奶布甸(比小朋友食)紫薯嗰個好重味 但唔覺有鮮奶味唔知係咪入面啲紫薯一粒粒 好鞋一d都唔滑 但我未食過唔滑既布甸:(好奇怪:( 仲10蚊就真係抵食既 原價都要廿幾蚊 不過不失啦木瓜個個我就冇試 但就咁睇都滑同埋小朋友都食哂😌 ok la:)…查看更多