沛公甜品 (已結業)

榴槤千層班戟幾好味....CREAM 太多...冬天可能唔係時令季節.....榴槤唔夠香,所以味道唔係太濃烈...無咩榴槤肉.....個餅皮都OK呀....又唔太厚....好味....同埋真係有好多層,最好一班人SHARE 黎食啦....一個人食晒真係有D"流"架.....茫果腸粉....感覺好新鮮.....好係食緊炸兩咁....外面好似一塊白色既芝士咁.....好好味.......其他既傳統糖水...都OK 既....又平...BUT 唔夠熱....再熱D就更正.... 可以呢D唔係主打甜品....感覺好似煮得太稀勒......綠豆馬蹄爽好似栗米湯咁椰汁茫果黑糯米都可以值得一試...

收工後和朋友食完自家之後.因為唔記得去就周圍搵.行番出去既時間見到依個甜品店.好耐之前就想試下.係門口問下姐姐有冇洗手間.佢話有就入左去食野喇.去左洗手間之後,就睇下有咩食.朋友同我對班戟好有興趣,.佢就叫左個曲奇千層班戟.我就要左個榛子千層班戟2個都好好食!!不過認為佢唔夠凍.另外要左個葡萄酒果凍.完全冇酒味.好似食緊提子啫喱.有個侍應態度超唔好.好似唔恨做你生意咁.

聽講呢度的班戟好好食，所以專登來試試。環境：白色襯青綠色，有一種refreshing和田園的感覺，十分舒適。服務：女侍應細心介紹，好！食物：招牌芒果千層班戟果然名不虛傳，D忌廉十分軟滑，雞蛋皮又夠薄，食完仲齒頰留香。下次想試試青檸味和榴槤味。

朋友上次食過之後話好正就帶我過去食啦~舖仔不算大,外面仲有一埋人向到等~在等o既其間就睇下有咩食~menu都好多新派甜品主打千層蛋糕,裝飾好靚~個心花露放手工一流架!我朋仔極力推薦我食榴槤千層蛋糕or榴槤酥~榴槤並不是小女子我的至愛,所以朋友仔就我食左個芝士朱古力味~我再叫多個什果馬露天使(糖水底有綠豆,馬蹄,蛋花等)芝士朱古力味千層蛋糕不錯~好食架!至於個什果馬露天使…..口感不錯,出事在蛋花!D蛋味太重蓋過馬蹄的青甜什果的清新,我接受唔到囉….朋友就話我試埋d奇怪野,會出事架嘛….下次都系食反d正常架啦又或者佢唔加蛋花我會再try架!

個椰汁榴槤卷幾好食今日去佢地在試業中, 但係見到個餐牌都幾吸引因為有好多出面食唔到既選擇好似個好得意既星形蛋糕而且服務都好好, 老細同伙計都好有心機介紹又十分之好禮貌價錢又十分合理覺得絕對比對面街既甜品舖更加值得一試

今日出嚟尖沙咀行 K11 ，順道搵吓<沛公>。行哂寶勒巷都搵唔到，轉入赫德道就搵到，正是五X同糖斜對面。 <沛公> 除咗荃灣總店之外，而家開埋尖沙咀分店，只開咗兩日，現階段係試業中！所以甜品並不齊全！如果想食某款甜品嘅話，恐怕要睇運氣！ 呢度有個好處，就係可以舒服堂食！ 唔使好似荃灣店要買外賣或者坐喺街邊食。為咗配合<沛公> 個 Logo ，店內以白色及青色作為主色；就連個鐘都唔例外，認真襯到絕！ 靚女店員企喺門口作招徠！但係食客招唔到，反而招徠一個又一個中國遊客問路。甜品共十多種類：主打千層班戟、其次鮮奶布甸、仲有特飲 ( 沙冰、雪香、涼粉冰、紅豆冰 )、涼粉、黑糯米、傳統糖水、果凍、有料腸粉、馬露天使、紫霞仙子等等。另有特色蛋糕賣呀！睇見都心郁！荔枝鮮奶布甸 $16白色滑溜溜嘅布甸放喺有暗花嘅玻璃碟上，令賣相吸引一點！睇得出濕濕地嘅布甸面，加上不少荔枝汁，感覺 Juicy ！ 用茶匙切開，更見到荔枝肉；當然唔係糯米糍呢種荔枝，只係普通荔枝，肉質薄薄，甜中帶些少酸！不及糯米糍荔枝肉厚多汁！估唔到荔枝汁加鮮奶嘅味道如此匹配！滑溜之餘又有濃