沙記乳豬燒臘 (已結業)

如果有睇食評，肯定唔會嚟買！尋日經過買外賣，第一次幫襯， 個阿嬸就介紹食叉燒同燒肉，睇落去都唔係太差，買咗半斤叉燒同埋半斤燒肉返去試吓…已經覺得比較少， 我問佢係咪真係得咁少，佢話係呀，跟住個磅收錢。返到屋企自己磅下，結果只係得10兩！自己安慰自己希望好食啦⋯⋯一啲都唔好食….又乾又硬又鹹！佢應該係喺佐敦油麻地我食過咁多間燒臘最難食嘅燒臘店！肯定以後都唔會再去幫襯佢。如果大家下次去買…..一係自己帶個磅去….一係就叫佢喺你面前磅俾你睇。希望大家唔好中伏。

買咗幾舊燒肉收咗$80。返屋企磅過其實一半都冇。他們給你 80元的燒肉比燒肉飯甚至更少。I paid $80 for smoked pork, and I received less than half when I weight it at home.味道也很差，不健康。 很咸，很難吃。Taste is also poor and unhealthy. Very salty and just doesn’t taste good.I would only support good honest local business. This scam business model is out of date.Hope they closed soon and get replaced by a better shop.

今日去寶靈街買野，經過此店，諗唔到食乜就入去簡簡單單叫碟切雞飯，等食嘅空檔發現佢都颇多規舉:带外來食物酒水收幾錢，淨飲開水十蚊杯，罐裝汽水$15一罐！！未經許可不能拍照拍片,燒味飯+罐裝汽水(特價$58)……………食個飯啫！講番碟飯，賣相唔差，正如之前食友拍嘅一模一樣，左邊放肉，中間青菜，右邊係白飯，都睇得出有heart嘅。切雞雞皮爽爽地，肉偏咸，夾D羗茸，更咸！！反而白飯裏面D醬油好得，咸淡適中，超好送飯！好食！！淨係醬油撈白飯柤信可以連啪兩碟。不過都唔會令我返轉頭。另外送嘅例湯都唔好嘥時間講啦。埋單$48。好好食的話，唔貴。唔怪得佢咁靜啦

曾經聽上一代人講，食乳豬一定要去佐敦沙記，今日放工心血來潮想食乳豬，一於衝去試一試！一入到去，入面冷清清，空無一人，老闆問我想食乜，我問佢仲有冇乳豬，佢話買晒，唉！好失望！不過既然一場嚟到，老人家又講到咁正！一於試一試其他燒味！所以就點了一個燒肉切雞飯！一見到碟飯，已經覺得賣相麻麻，一口咬落燒肉到，嘩！層皮硬到咬崩牙！實在大硬了！而且無肉汁，最大件事係好咸！我本身都已經好食得咸，都覺得佢咸，所以其他人一定頂唔順！到切雞，顏色已經麻麻，咬落去更加完全無雞味，好似雪藏雞咁，又無肉汁！整體嚟講完全唔合格，我以後不會再去了！

44蚊食個飯其實係香港旺區都算係咁，早上9點幾見到有飯食就走入去啦，燒味檔一向都唔指望有服務，但係呢，叫個肥叉油雞飯，味咸，豉油咸，蔥油仲咸，叉燒係無問題，但雞呢，咸同老，老得黎要未熟，所以就知油雞師傅啲技術去到邊，呢個價錢我無期望，但得到只有失望，當年嘅沙記，已不在了。

上完堂係佐敦食晚餐，走入了這間沙記叫了燒肉燒鴨飯，奉送例湯先44蚊都無咩期望。先飲例湯，算唔錯，有瓜有肉，估唔到入面煲湯嘅燒肉比飯上面的更好食。飯到了，餸算是多舖滿飯面，燒肉皮有點硬，肉有一半肥，肉不靭也不”林”。燒鴨算是香口，但很少肉。飯算是最好吃了，很軟綿。算罷，吃得飽，中規中矩。

一餐冇營養嘅乳豬飯，只有肥膏，食落仲有啲油益味！ 冇服務， 個女掛住睇電視！ 叫極都唔回應。 都唔平架只得六件肥肉加皮。 個老闆娘仲話呢啲叫做白色瘦肉囉！咁都收人57 執得啦！