沙田冰室 (已結業)

今次用咗$89叫咗兩份早餐第一份要咗個火腿包片通粉餐有火腿，炒蛋，同埋餐包一個另外凍飲加$3，叫咗杯凍檸茶第二份要咗個雞扒米線餐同樣都係有火腿，炒蛋，同埋餐包一個另外凍飲一樣加$3，叫咗杯凍菜蜜普普通通嘅早餐餐包要問佢先至會有牛油，不過服務態度好好！嘢飲幾好飲，不過叫咗小冰都好多冰😂通常食早餐都係食多士，呢間有餐包食，所以覺得非常之好！今次係星期日去食早餐，餐廳唔算太多人，又有卡位坐，下次會再嚟😊…查看更多

情人節唔想捱貴餐廳揀茶記，其實坐唔滿，但鹹蛋蒸肉餅等成4、5個字；不過嚟到見到豬肉夠肥，似手刴加撻過，值得等待，有驚喜；雖然個飯啲顏色略怪。同行人士叫雜扒餐，量大味正常；可以翻兜，啲人話貴，香港仲有邊度唔貴。…查看更多

做完大掃除已經沒有力氣煑飯，今晚試新食肆「沙田冰室」。全日特別精選套餐：鮮茄肉碎豆腐湯、咕嚕雞球、白飯、熱香滑奶茶。焗咖哩薯仔豬扒飯。咕嚕雞球味道不過不失，可以接受，超量的白飯，我要帶走一半免浪費。大部份茶餐廳的奶茶真係冇得輸，這杯奶茶也是挺好，茶香順滑。鮮茄肉碎豆腐湯值得一讚是加入少許芫茜，芫茜的清香令整碗湯添加層次，鮮茄粒、肉碎、豆腐，還有蛋花都很豐富，是用心的餐湯，湯水沒有重重味精。家人的焗咖哩薯仔豬扒飯原來是辣味，要飲奶茶解辣味。…查看更多

好似係新開張，以前呢個位唔係呢間嘢，仲要兩個鋪位打通，打算入去試下新嘢啦，反正大圍附近都冇咩好食。 見佢門口冇餐牌，諗住都係一般好少少的茶記價錢啦，入到去……嘩！一個小菜成八十幾九十蚊，接近100蚊！不過入咗嚟就費事走啦。 中伏！原來價錢只係小菜，仲唔包飯，唔包湯又唔包野飲！飯另外畀錢5元！叫咗個海味粉絲雜菜煲，支竹炆火腩煲，味道冇乜特別，一般茶記貨色。 咁既價錢，我使鬼喺度食？唔怪得知冇人光顧啦。大家小心。…查看更多

專門去沙田覓食,心儀的餐廳太多人等候,所以行过两間舖位,見到沙田冰室好像裝修不錯,乾乾淨淨,所以入内一試,下午茶選擇不多,所以選了常餐來吃,是普通的豬扒米粉,火腿炒蛋和餐包,因為吃多士要加2元,所以不改了；豬扒米的豬扒煎得較乾,有些鞋口,火腿蛋很普通,餐包是凍的,这樣普通的常餐要55元,沙田果然是高消費地方,另外我發現它的下午茶餐牌多士餐費32元,一點不便宜,更奇怪是每搽多一種醬要加3元,因為它指定是搽一種醬,例如搽奶油便要費35元,我吃遍很多茶餐廳都沒有發現这奇怪地方,所以不要怪港人北上消費,如果新開的餐廳都如此收費,只会愈做愈差,希望佢以後有所改善啦.…查看更多

呢間餐廳都幾唔老實，新開張個頭半個月雞扒蛋飯有兩塊雞扒同兩塊煎蛋，呢家多咗人食就得返一塊細雞扒+1隻蛋，仲要收58蚊但服務態度算好，會盡量安排座位同服務態度親切…查看更多