影片
港鐵筲箕灣站 B2出口, 步行約2分鐘
繼續閱讀
營業時間
星期一
11:30 - 15:00
18:00 - 23:30
星期二
全日休息
星期三至日
11:30 - 15:00
18:00 - 23:30
以上資料只供參考, 請與餐廳確認詳情
食家推介
話咁快weekend就黎到星期日，梗係係屋企訓到日上三竿。屋企人買左呢間「沙坦尼阿來」既外賣番嚟一齊食。呢間位筲箕灣東大街嘅泰國餐廳係泰國人主理，泰國人煮嘅泰國嘢起馬夠正宗！==============================青咖哩牛腩飯 (配飲品) $62一打開外賣蓋果刻既青咖哩香味已經撲鼻而來！青咖哩嘅辣度容易接受，香葉香料味濃郁，辣中帶少少甜，非常開胃！牛腩夠淋，青豆為咖哩帶來爽脆口感，配一大碗白飯簡直一流！餐飲嗌左凍泰式奶茶，之前有經驗飲泰式奶茶好甜。泰式同港式奶茶唔同嘅地方，普遍泰式奶茶用甜味帶出奶茶既味道，走甜嘅飲落口會寡寡地（唔知大家有冇呢個感覺🤔）呢杯少甜岩岩好，有茶味得嚟唔會似飲糖水，比較啱香港人口味==============================泰式雞肉炒金邊粉 $52賣相唔錯，雞肉分量不少，唔會淨係得金邊粉，食落仲有啖啖花生香味。雖然炒得有些少油膩，不過食得炒粉麵就好難避免啦～總括嚟講「沙坦尼阿來」果然冇改錯名，阿來阿來～值得翻啅！下次幫襯下堂食先！
繼續閱讀
不過不失嘅菠蘿雞粒炒飯Lunch set $52 包熱飲，有湯，仲有個飯後甜品真係幾抵食。如果個炒飯可以多啲肉鬆同腰果會更好，肉鬆可以乾身啲，但overall 都合格，同埋好飽肚。😊
繼續閱讀
📍#沙坦尼阿來📍Delicious Station #DeliciousStation.🇭🇰香港筲箕灣筲箕灣東大街42-52號金來大廈地下L號舖🇭🇰Shop L, G/F, Golden Mansion, 42-52 Shau Kei Wan Main Street East, Shau Kei Wan, HK.🌐筲箕灣.#MFJ筲箕灣 #MFJ泰國菜 #MFJ_ShauKeiWan #MFJ_ThaiFood .人均消費: HK170.味道: 👅👅👅👅賣相: 👀👀👀👀價格: 💰💰💰💰環境: 🌹🌹🌹服務: 👨🏻👨🏻👨🏻👨🏻性價比: ⭐️⭐️⭐️⭐️回頭率: 🔆🔆🔆🔆.新開業時食過一次就無食了，當時覺得出品同勝價比高✨今日再食仍然唔錯！.🆗炸春卷🌯HKD55春卷裡面有蘿蔔絲粉絲等等，外皮好脆熱辣辣味道偏淡，醬有點似酸梅醬，普普通通👌🏻.👨👩👦👦四人套餐 HKD580四人餐有6道菜，比單點平好多！⭐️特色小食拼盤小食拼盤有春卷，雞翼，腸，蝦餅，蝦多士同肉丸每樣都4舊都幾多下！每樣都炸得好好味！尤其係雞翼，蝦餅同蝦多士！好抵食！.💯肉碎生菜包🥙同平時食的生菜包感覺有啲唔同，帶微辣，但魚露味超香，食落特別惹味，包生菜勁爽脆！如果唔夠生菜會主動問我地要唔要☺️.⭐️冬陰公湯🍲冬陰公湯夠香，雖然偏淡，但𥚃面有4隻大頭蝦，所以十分鮮味，材料都幾足，足足夠每人飲兩碗.💯咖哩炒軟殻蟹🦀咖哩偏甜但出奇的好味！泰式咖哩炒軟殼蟹真係好正！軟殻蟹又熱又脆又香，配咖哩汁加上麵包一流！略嫌軟殻蟹有點少.⭐️馬拉盞炒椰菜苗🥬泰菜一定揀菜苗，尤其馬拉盞椰菜苗我特別喜歡！菜甜又惹味😋.⭐️菠蘿海鮮炒飯🍚勁大碟炒飯😂 海鮮料唔算好多，但味道搭夠！菠蘿味幾香，炒飯爽身，腰果都幾好味.⭐️芒果糯米飯🥭之前食過一次，佢哋嘅糯米飯用蝶豆花做，淺藍色好靚！糯米飯連椰漿好香😋.⭐️薄餅🥠HKD56仲有好多咖哩，又點個薄餅蘸咖哩食，好味😋.🆗燒牛肉🐮HKD88燒牛肉比較失色，肉質較乾身較韌，唯個汁微辣帶香求返少許分數.💯椰皇大菜糕🆓完全出乎意料的好味！話係大菜糕，其實似椰汁糕，重點係𥚃面有好多椰子肉😍 食落又香又有口感👍🏻👍🏻.小店地方不大，出品同服務都好好食物不算樣樣完勝，但性價比回頭率高！.#mfoodjournal #instagfood #foodstagram #foodie #hkfoodie #fooddiary #foodblog #hkfoodblog #tastyfood #foodphotography #相機食先 #食好西 #吃貨 #香港美食指南 #香港美食
繼續閱讀
同屋企人去食 入到去就唔係好多人 想快d有位坐 有野食 就叫左炒飯 同一杯凍檸茶 熱奶茶 黎左兩杯凍奶茶 話佢兩句轉返 佢就話我屋企人口音有問題 聽唔清楚就問啦 仲要明明冇口音 好啦 都算啦 佢就整左碟炒飯 本來都想就咁食算啦 點知就發現左隻死曱甴 真係火都黎埋 咁既餐廳 咁既員工服務態度 咁既食物質素 都唔明點解仲未汁左去 真係火都黎埋！
繼續閱讀
放工終於可以食餐好試下新野飲品無得跟主菜，正價$38椰青黄咖喱雞 $98, 汁料偏鹹，香料味唔夠，薯仔完全唔入咖喱味，雞肉都係無咖喱味，似煮熟左放落去，所有料同知汁膽係分開，麻麻地。香茅燒牛肉，$88左右，牛肉新鮮，超有牛味，外面醃料好惹味。可惜燒到過火，裡面非常乾。蝦膏炒飯蝦肉厚身，算有幾粒鹽醃過，炒飯底有蛋絲唔出奇，但佢面都有隻炒蛋，好少咁大方，仲要唔老身，撈埋d蝦膏飯食好正！豬肉粒醃左，甜甜地又有肉香，好好餸飯d飯又有乾葱又好配料，有獲氣，蝦膏又香，真係好好味 唯一感覺好味既菜色！炒飯臨尾食食下發現，點解覺得咁豐富呢，原本唔止蛋絲肉鬆乾葱同蝦膏，綠色果 d唔只有葱花，仲有豆角粒，好有心機！只可以post 12張相，咁比大家睇下主食 d價位。以質素黎講，偏貴，炒飯一流，可再食。另外，客人多，人手唔夠，當晚起碼等了半小時才有第一味菜。
繼續閱讀