沙嗲之星

樂富裝修咗之後都好耐冇黎一嚟就見到沙嗲之星 好似有好多花臣咁就試吓睇吓好唔好食 我來的時段可能係平日兼且夜晚人流唔算好多出菜亦都好快 叫咗幾碟餸同朋友一齊食 不過就唔記得叫咩名 大家可以附上圖片落單我好鍾意呢條倉魚配合埋蒸豉油 味道水準亦都比上酒樓 老少咸宜 口水雞 真係食到我口水都流埋出嚟 炒芥蘭新鮮 爽口 我未食過咁甜嘅芥蘭白汁配炸魚柳外脆內嫩 原全無平時食開既油益味 多汁可口 適縫必點 …查看更多

去親food court都預咗冇服務嫁啦～但勝在夠平呀～經過就試下個下午茶餐啦叫咗香茅豬扒金邊粉加熱飲～睇落賣相一般但份量十足～湯底太太太淡似煮菜水完全食唔出咩湯底～金邊粉浸咗好耐有D過淋爛開～一夾就斷暈低啦～香茅豬扒煎得幾香但偏鹹送粉還好～加上有菜心一條、幾條通菜、蒜蓉伴碟叫做有D䊹維質感囉下午茶餐包一杯酸梅汁或者銀菊露～唔想飲嗰2種就加錢轉其他飲品～簡咗奶茶熱飲一杯～飲落都幾香～好有茶味～想食下午茶如果冇要求嘅～淨係想食飽咁先好嚟…查看更多

操帶鄉音廣東話的那位「沙嗲之星」收單女店員, 服務態度非常傲慢惡劣。 請佢加啲鼓油、辣椒油, 佢起先唔睬人, 扮聽唔到, 施施然攞手機出嚟㩒, 跟住仲俾説話你聽: 「叫個31蚊餐, 加呢加路, 麻麻煩煩, 剩係服侍你一個呀! 」坐埋位食飯唔理佢, 佢仲繼續向住其他客單單打打。態度、品格真係差到冇人有, 食物質素又唔見得好, 以後唔駛旨意會再幫襯。…查看更多

上學的中午最糾結就是中午要吃什麼！來來去去都是那幾家餐廳真的吃的有點膩，但是，菠蘿生炒骨是永遠不會膩的菜式啊！！！菠蘿生炒骨（$34）因為food court人太多了，完全找不到位置坐下來吃，所以就買了外賣拎回學校吃。生炒骨的份量不少，但是三色椒的份量更多啊，甚至比肉和菠蘿還多😂肉不算嫩，但是外皮還是很脆的，吃得出來是即炸的。酸甜度也還好，就是骨頭比較多，肉不多😂飯量也是很足的，女孩子絕對夠吃，還會有剩。…查看更多

星期日夜晚去開樂富行街，經過UNY所以入左food court睇下有咩食。Food court入面有西餐，上海野，日本野食等等，周圍行見到都幾多人食小菜，同埋個價錢又真係幾抵咁，三十幾四十蚊仲包埋野飲添。叫左個梅菜蒸肉餅飯，比完錢去比單果時就黎料喇，中伏既開始。我一行埋去，佢同我講唔洗行開喇，即刻有，咁姐係整定曬響度啦，都算喇，比果三十幾蚊，係咁架啦，肉餅個表面干爭爭都係咁架啦。肉餅個樣已經夠衰，食落去果陣真係lur都lur唔切，鹹到呀媽都唔認得，好似食梗一匙羹鹽咁，佢仲要落左豉油，一開頭以為啲豉油出事啦，諗住試下食冇豉油既位置，都唔係得，放唔到入口，好明顯佢地冇洗過啲梅菜就拎黎用啦，啖啖梅菜，仲多過啲肉，不如改名叫肉餅蒸梅菜啦。由於真係鹹到食唔到，所以拎左去同個呀姐講可唔可以換過另一個餸，呀姐話唔得喎，淨係可以好慷慨咁搵熱水幫我地沖下，算啦，沖下好過冇，點知咪一樣，碟野由外面鹹到入面再鹹番去出面呀，沖黎都把鬼。冇呀，結果都係鹹到食唔到呀。睇下張相，成杯凍檸水飲曬都食唔到幾啖飯呀想響度奉勸大家咪貪平呀，一分錢真係一分貨，鹹到腎虧呀。…查看更多

今日晏就想隨心隨吃就黎到樓下food court, 見到沙嗲之星生意都幾好，有人龍，就跟隊點餐試試。在場呀姐好有心，見我舉棋不定，就推介我食「今日之星」！仲話雞扒好食。簡簡單單，一塊大既炸雞扒係面，雞肉館佔既比重都高，下面有好多白蘿蔔，大大舊，再加兩條菜（如圖）。而白飯係分開放上，是次飲品係菊花茶，而且係免費既，無冰塊，亦無提供飲管。是平平淡淡的一餐，追求味道享受既食客建議往別家試試，因為這裡主打平凡，隨心隨心。…查看更多

好夜收工,無咩精力去諗晚餐地方,橫掂要去好樂富買野,就附近食算。呢間沙嗲之星位於樂富uny入邊嘅美食廣場,買完野食要出返去出邊收銀比錢。我地點左孖寶b餐。。。。炒芥蘭極之老,第一次體會食菜食到牙痛生炒骨樣就靚,但排骨全部都係粉同骨,無舊好肉,個味就勉強可以。白飯係劣質米,一pet野,最差係飯係凍嘅,問呀姐點解係凍,佢話無可能嘅,咁都得。白咖喱炸魚,忽然就可以變左沙嗲汁。雖然係美食廣場,但都可以有點誠意嘅!…查看更多

上次叫左鮮茄魚柳飯啲汁完全唔夠而且係黃色我唔知係咪我見識淺唔知茄汁可以係黃色。。今次叫豬扒炒韓式粉絲。。一個字 油我未見過一碟野可以油到咁既地步食落口個似食緊一劈油咁 真係灰左不過。。一分錢一分貨啦唉。。唔會再幫襯 …查看更多

今日翻完學校 打算去樂富吃一個中午想食清啖小小，就揀左依間沙嗲之星食野本身無打算寫食評但食完覺得好伏於是就想打翻一篇無影到碗飯 但好明顯係唔好食我今次食左依個飯本身對豬頸肉有所期待但岀到黎係有岀入我可以幫佢改名做清蒸豬頸肉木桶飯d豬頸肉係白烚 有些少肥膏如果你中意食無乜味既野我都可以建議你試下食嘅呢杯系銀菊露好甜 同維他菊花茶一樣味 但d色有啲假最後冇再飲 …查看更多

年初三去朋友屋企拜年, 係佢屋企樓下商場的FOOD COURT入面買外賣上去食, 見到呢間係食沙嗲的, 朋友話想食沙嗲撈什綿河, 又見到有一個梅菜蒸肉餅的中式飯餐, 價錢唔貴, 咁我地就買左呢兩個外賣啦, 唔係等左好耐就等啦.沙嗲撈什綿河原來係一碗上的, 我以為係一碟碟的, 係河粉上面加左些沙嗲醬, 什綿有些火腿絲, 蛋絲, 肉絲等等, 味道OK, 不過我覺得唔夠沙嗲醬呀, 個沙嗲醬俾較少, 所以撈唔勻呀.另外的梅菜肉餅飯, 都幾大塊肉餅, 咸味較重, 肉餅的豬肉好淋, 唔知係咪加左D鬆肉粉呢. 有菜芯一修, OK啦. …查看更多