沖繩二段料理 (曉悅)

營業中

休息中

雖然open rice 營業時間是21：00, 但實際上，21：00 是last order 時間。 看了餐牌寫著上蒸下煮， 覺得很特別，於是去一試。但原來，其實可以理解為一蒸飯，一餸菜。正餐是正常發揮，甜品應該才是這餐廳贏得好評的原因。

放工就喺長沙灣搵吓有啲咩食，經過就被呢間話自己有沖繩料理嘅餐廳吸引咗。成個環境唔算話好大，座位方便大概有10張枱左右。個佈置好有心思充滿着日式嘅風格好似去咗一間日本小店咁嘅感覺。座位好貼心有儲物籃俾你放袋😆今次就試咗蕃茄芝士炊飯配黑醋柚子炸雞~個飯係一個鍋咁拎出嚟好特別，個飯咬口好似會risotto，加埋幾濃嘅蕃茄味同少少芝士點綴，食落味道唔錯👍🏿至於個炸雞就炸得啱啱好唔會話個炸粉好厚同入邊嘅肉仍然保持肉汁😛加埋個黑醋柚子汁做配搭，非常之清新唔會特別油膩，抵讚！最出色就一定要提佢嘅波提，今次食原味，咬口十分之煙韌，配搭埋雪糕同埋焦糖汁超級好食！唔會話係死甜係啱啱好😛加埋個口感可以話係世一波提！

因為俾甜品冬甩吸引而幫襯的日式料理店。每次想食熱辣香脆的冬甩就會去，基本的焦糖味配上雪糕係最好味的組合。餐廳以日式風格裝潢，以木質風格為主調，室內以紅白燈籠裝飾🏮，整體光鮮簡約，適合三五知己食飯～餐點以定食為主，有自由配搭及廚師精選的組合。主食有各款湯烏冬或日式蒸飯，配以各款炸雞/雞豬牛鍋燒熱食/天婦羅，約10多款選擇，選擇及配搭多元化，可加甜品或特色飲品，冬甩亦有幾款口味選擇。今次叫左廚師精選套餐，免費附上冷/熱烏龍茶，另外加左必點的沖繩海鹽焦糖雪糕冬甩🍩。食完主食就會奉上甜品，食完一個會想再食，即刻製作，外脆內軟，甜度剛好。｜飯類｜🥕沖繩原味蒸飯｜以香菇、紅蘿蔔、飯素🦐明太子櫻花蝦蒸飯｜加入粟米同飯素🐷黑糖檸檬醬油豚肉蒸飯｜配以飯素及豚肉片｜雞類｜🍮沖繩海鹽焦糖布甸雞｜軟滑的布甸配上炸雞出奇融合，咸甜交集，口味獨特🍊柚子雞｜炸雞塊配上柚子醬🌶️宮城辣醬雞｜配以辣醬及沙律醬，微辣，味道過癮沖繩海鹽焦糖雪糕冬甩🤎｜咸甜交集，配上雲呢拿雪糕，多重口感沖繩抹茶獅莎雪糕冬甩💚｜配上抹茶醬

一向都知道長沙灣有好多隱世美食見到附近有「沖繩」日本料理餐廳加上有超受歡迎嘅甜品～冬甩雪糕😋落堂之後即刻帶埋小朋友一齊去試吓🤭呢度無論裝修環境及食物都好有特色空間感寬敝舒適，光線充足，價錢平民化套餐仲有多款唔同選擇及配搭（真係會選擇困難😂）我哋點咗餐廳熱賣款「沖繩蒸飯二段鍋燒」～鰹魚汁壽喜燒牛肉配黑糖檸檬醬油豚肉飯$79蒸飯唔會太濕軟度啱啱好～醬油味道很特別！很喜歡壽喜燒牛肉配以濃濃湯底～肉質濃郁口感味道不錯👍～沖繩海鹽焦糖布甸雞配沖繩原味蒸飯$79布甸雞的確係好特別！無諗過布甸都可以同雞咁夾喎😋布甸似cream咁又軟又滑又香⋯推介👍蒸飯份量都唔少，而且甜品仲係免費🆓呢個價錢都算幾抵食！💢💢💢～蜜糖芥末雞配特濃蕃茄烏冬$99芥末雞同布甸雞兩款都係餐廳嘅熱賣款一定要試吓！而芥末雞味道會比較再濃少少烏冬唔會太淋太硬配搭蕃茄湯底更加無得輸🫠呢個套餐甜品都係免費㗎🤭甜品～人氣大熱「沖繩海鹽焦糖雪糕冬甩」呢個係餐廳必試推介👍👍味道唔會太甜！口感好豐富又軟綿綿！食埋呢個甜品先稱得上「大滿足」🫶飲品～黑糖奶茶/無糖烏龍茶環境：🌟🌟🌟🌟衞生：🌟🌟🌟🌟性價比：🌟🌟🌟🌟🌟味道：🌟🌟🌟🌟服務：🌟🌟🌟🌟

日本嘢大家就食得多，但係沖繩菜大家又有冇食過？今次食位於長沙灣既餐廳，主打沖繩二段料理！今次主要叫左芝士蕃茄炊飯，食落唔錯，蕃茄酸酸甜甜嘅味道相當開胃，鍾意食湯飯既我真係食唔停手。另外亦都叫咗佢嘅芝士雞，食落略為乾身，芝士醬汁更多會更加好味。至於呢間餐廳最出名嘅海鹽雪糕冬甩，味道相當不錯，不會太甜，風味十足。總括而言，呢間都係大家想試新嘢唔錯嘅選擇！菜式有相當多嘅款式可以俾大家選擇！下次黎可以試埋其他嘢！

同事介紹，話要試下呢間冲繩二段料理，個冬甩好好食。我第一個反應係：想點呀，食日本嘢，還是食甜品呀？但試完後，又真係兩者都幾得喎～餐廳聲稱主打冲繩料理（不過我唔識分 😅）， 我選了個上蒸下煮 - 二段鍋燒。鰹魚汁壽喜燒牛肉（下煮）+ 黑糖檸檬醬油豚肉蒸飯（上蒸）：- 起初以為會偏淡，誰不知味道非常濃厚，特別是牛肉鍋的汁，完全是精粹所在，完全可以當湯飲。冲繩海鹽焦糖雪糕冬甩：飯後甜品是極多人讚賞的雪糕冬甩，我個人一向不好甜品，覺得有啲似油炸鬼 😅，不過海鹽雪糕的確是消暑極品，夏日炎炎透心涼~最後以一杯冰的無糖烏龍茶作結，又是美好的一餐~

假期晚飯時間帶住狗狗見呢間餐廳有兩張outdoor位置有位 就入去試下🥢蜜糖芥茉炸雞明太子櫻花蝦蒸飯飯用蒸籠上 飯粒中都有不少櫻花蝦同粟米粒 幾有口感👍🏻不過蒸飯唔係好夠熱炸雞有4件左右 炸得好香脆 雞上嘅蜜糖芥末醬有埋香蔥 好惹味😋🥢蜜糖芥茉黑椒雞櫻花蝦蒸飯黑椒汁帶有小小甜 同炸雞一齊都好正 不過我個人比較喜歡蜜糖芥末醬❤️甜品必食冬甩🥢海鹽焦糖冬甩冬甩🍩炸得好好食 脆脆地入面又煙煙韌韌 配埋雪糕一齊食好滋味呀❤️下次會再想試其他食物👍

堂食外賣都食過幾次，食物有心思又抵食，有時細食啲，兩個人分一個餐都夠。最好味係冬甩佢係珠鏈形冬甩，剛整好暖暖地，外層微脆，大小適中，咬落煙韌，但又唔會話好飽滯，會一口追住一口食。我外賣海鹽焦糖味，佢嘅海鹽焦糖醬另外用小膠兜上，邊行邊食，食一口點下醬非常享受。佢做到comfort food嘅感覺，而且好食過好多貴donut添

The name of the store is called cafe, and the selling point is Okinawa food but only Okinawa steamed rice and Okinawa donuts on the menu. What I wanted to eat is udon. There were many options for set meals. The pork meat had a large portion and an average taste. It was placed in a wooden box to be served on the table. It was indeed very delicate and beautiful. The taste of Udon was fair . There was an unexpected surprise in the dessert donut which was sticky and yummy. I recommend everyone to ea

星期日喺荔枝角上完瑜伽堂，落堂就行咗去長沙灣嗰邊搵嘢食。行到過去見到呢一間門口寫住沖繩二段料理嘅餐廳，門口見佢menu主要係食蒸飯；由於未食過沖繩料理，而且咁岩仲病緊，蒸飯好似幾岩我（笑！）就入左去食喇！我叫嘅set有3款蒸飯同12款炸雞/鍋燒料理可以揀。最後我揀左沖繩原味蒸飯+柚子雞+熱烏龍茶+沖繩海鹽焦糖雪糕冬甩 $85沖繩原味蒸飯嘅配料有冬菇、雞肉、紅蘿蔔、宮城秘製醬油。蒸飯嘅份量都幾大，由於配料都幾健康，相對清淡，岩哂我呢個病人食😂下次再黎會試佢重啲口味嘅飯！柚子雞唔錯，雞肉好嫩滑，柚子甜度剛好，中和返本來清淡嘅蒸飯。最後係甜品雪糕冬甩，跟餐配埋唔使加錢，真係非常抵。但我唔敢多食，只係試左一小舊冬甩🍩，正喎！煙煙韌韌好彈牙！又唔會過甜，值得一試！呢間餐廳絕對可以再黎👍🏻👍🏻

呢日出長沙灣睇戲，開場前響附近搵食，行下行下見到呢間主打沖繩菜式的店，之前響荷里活廣場試過一次感覺都OK，見好耐都冇食，餐牌又好似唔同咗，所以再嚟食下。.我地兩個人分別叫咗兩款定食：一款係蜜糖芥末黑椒雞配沖繩蒸飯，雞件都幾淋幾入味，個蒸飯份量都幾多，而且香口又唔會蒸到好濕，好食！.另一款係鯖魚鍋燒定食配蒸飯，仲包咗日式餃子及炸軟殼蟹小食。鯖魚有湯汁同菜響底，唔會令到條魚好乾，小食就普普通通唔太特別其中一個餐飲升級咗「熱海鹽焦糖咖啡」，海鹽味唔算好突出，淡淡焦糖味又唔會太甜，味道OK。其實最吸引係定食免費包咗「沖繩海鹽焦糖冬甩雪糕」，上枱時個冬甩都仲熱熱地，而且唔會好油，連埋個海鹽雪糕一齊食，少少咸味中和咗焦糖冬甩嘅甜，真係要一齊食先更加好食.如果唔計加錢升級飲品，人均消費唔駛$100有咁多嘢食，食物質素亦唔錯，實在非常抵食，值得比個好評！

在長沙灣附近上班, 一向都知道有很多隱世美食！終於來到這間要排隊的Antoshimo Cafe & Bakery。《沖繩二段料理》的柚子炸雞、沖繩海鹽布甸雞都好食沒想到, 布甸和炸雞的配合好正，好似炸雞上面加cream，好特別呀。一試就愛上了，要比返個好評!

14/2/2023 今日嚟咗呢區，梗係幫襯我好喜歡嘅「冲繩」日本料理啦。套餐多款式，配搭好吸引，價錢又合理，最緊要係佢哋嘅招牌「海鹽焦糖雪糕冬甩」係免費贈送甜品，好正呀！我哋叫咗冲繩精選午餐：柚子雞 配壽喜燒湯鍋烏冬布甸雞 餃子 軟殼蟹 配蕃茄濃湯烏冬雞塊皮脆，配柚子酸酸甜甜，增加食慾；布甸雞夠特色，烏冬彈牙，每次都保持水準，好味道。另外－提，呢度午餐時段好好生意，要喺12:00noon之前到就有枱，之後就要等位架喇！

呢間嘅甜品一直都係令到我最開心嘅嘢食🥹🥹我覺得每人都需要試一次!!!😂😂😂我試過佢兩間分店，分別係鑽石山同埋長沙灣😆😆鑽石山嗰間好食啲但係長沙灣嗰間平啲🥹呢一張相喺長沙灣分店影嘅😙但佢嘅甜品真係每一間分店都係咁好食😢完全唔會令人失望!!! 每次食佢嘅嘢都好期待甜品，重點係佢包埋，唔使附加錢😍 有沖繩黑糖味嘅冬甩配雪糕真係一流。個雪糕簡直係冬甩嘅昇華🥺佢完全唔會甜到漏，反而令你好想繼續食。再加埋塊朱古力，真係超好食呀😭

放暑假無得去旅行，唯有周圍去，食盡唔同國家嘅餐廳喺香港開設嘅分店，一解旅行癮🥹Antoshimo Cafe & Bakery由沖繩引入香港，喺香港有好幾間分店，今日嚟到長沙灣分店，試一試最signature 嘅✨沖繩獅莎冬甩✨，在港感受沖繩熱情活潑嘅味道✈️📍冬甩乳酪布甸可因應需要選擇冬甩嘅數量，非常貼心💗新鮮製作嘅冬甩果然係名物，包體拉扯度高，內裡質感煙韌，配搭海鹽焦糖醬進食層次味道更勝一籌😋📍天婦羅定食 雖然天婦羅並非餐廳嘅招牌菜，但出品卻比其他天婦羅專門店更為出色，有驚喜🤩自選嘅柚子炸雞、黑糖蜜番薯條、野菜天婦羅及芥末雞軟骨餃子都炸得金黃，令人食指大動👍🏻👍🏻