沖繩二段料理 (奧海城2期)

營業中

休息中

樓下大食代終於都裝修完。裝修完好多新餐廳，成個裝修好靚，比起以前真係舒服得多，尤其係就到夏天夠冷氣精神當堂返晒嚟。之前食過嘅沖繩餐廳估唔到係到都開左，一段時間無遇到，點都要入去回味佢個不得了嘅冬甩以一個套餐黎講真係好豐富有齊前菜主食同甜品，唔講仲以為食緊大餐廳啲set lunch，今次因為係食lunch我揀咗啲飽肚啲嘅野食明太子飯配鯖魚明太子飯我諗大家返開鄉下都食唔少，最怕係一味得個鹹，食得多又怕膩，但佢地呢到真係拿捏得好好，明太子醬混埋啲飯，比例岩岩好，又夠味又平衡，加埋櫻花蝦做點綴，真係食得岀佢地岀之前有認真咁試味，雖然鯖魚同一般嘅分別不大，但係當你食完明太子呢類型嘅醃製食物，飲返個鯖魚湯，成個味蕾當堂relax哂焦糖Donut 我最期待嘅終於岀現，之前都講過煙靭唔黐牙，食嘅時候岩岩整起熱辣辣，配埋個雪糕真係無得頂 ，鍾意食甜品嘅朋友，記得好好保護自己啲牙，如果唔係有敏感牙齒就食唔到呢啲咁完美嘅冰火配搭

同小朋友睇完戲，搵下午茶食。見到壽司郎好多人，所以去咗大食代，全新裝修有好多嘢食。因為我哋要食晚餐，所以揀咗輕便啲野食。之前Megabox都食過，好好食。今次我哋揀咗抹茶雪糕冬甩。冬甩好煙un，外脆內軟，不過冇下午茶餐，要散叫$39。值得一試！