17
1
0
港鐵中環站 D1 出口, 步行約5分鐘 繼續閱讀
營業時間
今日營業
11:30 - 23:00
星期一至四
11:30 - 20:00
星期五至六
11:30 - 23:00
星期日
11:30 - 20:00
付款方式
現金
食評 (20)
等級4 2020-01-06
1774 瀏覽
來自澳門的茶室,全店所有裝潢走日式禪室設計,佔面積大,空間闊落,感覺安寧而清優,是中環鬧市中的清泉,一個很好hea的茶室🧘🏻‍♀️☕️主打手沖茶,提供中式和日式茶,還有花草茶,款式超多,茶飲用紙杯裝上,杯內附有茶隔放著茶葉,杯蓋設計有兩個孔,建議先開啟一個用鼻子👃🏻感受茶葉香,再在另一個孔喝啖茶🍵除茶飲外,還有供應茶漬飯定食,及各式茶類甜點、和菓子,必試茶漬飯,是清淡健康首選,飯粒分明,餸菜配上茶香湯飯確是美味😍定食的「茶凍」更充滿驚喜,果凍有咬口,也帶有茶香,是清甜不heavy的甜品😋▫️三文魚碎茶漬飯+是日配菜一款+手工茶凍+京都培茶 $138▫️ 高菜櫻花蝦茶漬飯+是日配菜兩款+手工茶凍+金毫雲南紅茶 $138 (+$12加購「迷你抹茶冷烏冬」)吃完套餐的茶凍嫌未夠喉的話,可再點茶味甜品、雪糕或和菓子🍮🍨大福皮薄而質感超Q軟🤤,一切開感覺就軟綿綿,餡料也夠多,抹茶/焙茶餡🍵加上滑溜忌廉,整個吃起來甜甜的,但絕不會膩,吃完感覺超幸福🥰🎈 繼續閱讀
(以上食評乃用戶個人意見 , 並不代表OpenRice之觀點。)
等級4 2019-12-26
915 瀏覽
之前見到廣告話澳門人氣日式茶舍要係香港開旗艦店. 重要唔係齋飲茶兼有熱食. 咁我梗係唔會放過機會走黎試下. 可能係假期的關係. 人唔算多. 加上位置唔係大街上. 入到黎整個人十分舒暢. 係counter拎左menu 叫埋野食由於暫時無客人.所以係度影左好多相. 等左大約半個鐘. 食品同飲品都陸陸續續上晒.我地叫左兩個set. 食品包括:雞肉碎的茶漬飯, 甜薯牛肉. 抺茶烏冬及京都焙茶.及高菜櫻花蝦茶漬飯, 胡麻醬菠菜, 抺茶烏冬及京都焙茶.兩個都係$150先講下個茶漬飯, 高菜櫻花蝦的味比雞肉碎濃而且鮮. 反而雞肉碎就比較普通. 雖則如此. 佢的甜薯牛肉同埋胡麻醬菠菜的味都較濃. 相比起來. 反而覺得個飯淡一d會更適合. 最後個抺茶烏冬. 係凍食黎0既. 一望唔多似烏冬, 反而覺得似蕎麥麵. 煮得剛剛好, 爽口唔林. 味道有點咸. 但可以接受. 最後個茶凍相比起較清淡. 來一個美好的完結最後的係佢的茶. 之前去到澳門的店. 三行茶有兩行都sold out. 相反香港的基木上都齋全. 個京都焙茶唔澀. 飲完重可以叫店員加熱水. 真係十分貼心. 呢度的茶會比埋茶隔同茶葉.  即叫即沖. 原意十分之好... 真材實料. 但... 係鋪飲還好.. 出街即時覺得個茶隔放左係頂. 要點飲? 飲時必需要將茶隔拎開. 有點不知所措. 希望店家可以想想這個問題... 係香港每個人都匆匆忙忙. 黎到呢度可以靜靜地享受午餐. 嘆下茶真係人生一樂也.  繼續閱讀
(以上食評乃用戶個人意見 , 並不代表OpenRice之觀點。)
💯全香港數一數二嘅Matcha Latte🍵———————————黎間茶鋪令我印象好深刻一入門口成間鋪嘅裝修已經好有心思而且環境好闊落 感覺leisure 同靜D然後餐牌都多選擇 不過當日都有D茶無供應店員都好主動介紹唔同茶嘅種類出面多數都係宇治抹茶或者小山圓抹茶佢地就特別D 主打八女綠茶🍵我地就選擇咗.🍵星野抹茶鮮奶🐄 ($52)‼️黎個超級推介!!!💯佢地同出面好唔同黎杯matcha latte係好重抹茶味回甘味好明顯 好濃郁嘅抹茶味同果仁豆奶之間個平衡控制得好好出面好多cafe飲完成口都係奶味 抹茶味淡都飲唔倒 又甜所以黎間茶鋪嘅質素絕對係全港數一數二佢地用嘅抹茶粉份量超級慷慨而且唔係用水開 係直接用奶開 所以抹茶味更加出💚💚下個post再介紹佢地其他茶同小食💚———————————汴京茶寮中環雲咸街36-38號雲慶樓地舖#igfoodtaste日式#igfoodtaste茶館#igfoodtaste#topcitybiteshk#bestfoodhongkong 繼續閱讀
(以上食評乃用戶個人意見 , 並不代表OpenRice之觀點。)
雲咸街實在係有太多又靚又有特色既餐廳今日一於去間充滿日系感覺既打卡.由於係品茶既地方 食物既選擇唔算多但有平日比較少既茶漬飯 口味比較清淡對我呢個長期減肥中既人而言啱啱好.茶漬飯餐有分A/B/C 三種setB Set 一個有齊茶漬飯、一款是日配菜、手工茶凍同是日手沖茶 ($138)是日手沖茶加20蚊仲可以轉做其他茶.不過手沖茶就只能轉做其他手沖茶款見到有款培茶鮮奶其實好有興趣 但可惜無得轉希望下次有機會再去品嚐! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-28
0 瀏覽
中環新開嘅茶寮令我大為讚嘆!1️⃣星野抹茶鮮奶 $52味道甘香有餘韻 ,抹茶味越飲越濃烈!抹茶控一定會鍾意❤️🙆🏻‍♀️美味指數:8/102️⃣靜岡焙茶鮮奶 $52雖然比起其他嘅舖頭賣得貴,不過佢嘅份量都相對多好多,真係有大杯台式手搖飲品嘅份量!味道醇厚甘甜,而且有烘焙香氣!🙆🏻‍♀️美味指數:7.96/103️⃣水月煎茶 想飲到靚嘅煎茶,返工又冇時間等,呢個就幫到你!水月煎茶用玻璃樽載着,grab & go就得,超方便!茶味非常香濃!🙆🏻‍♀️美味指數:7.56/104️⃣八十八夜茶點解叫八十八夜?立春之後第八十八日係初夏來臨、季節轉變。八十八夜採摘的茶葉是最好的,飲落去好甘醇!佢仲用咗茶整成冰球,令到茶味更濃郁。🙆🏻‍♀️美味指數:7.53/105️⃣迷你和菓子 $62和菓子造型好可愛,桃🍑同南瓜🎃嘅外表,打卡一流。食落去煙煙靭靭,分別有紅豆蓉同白豆蓉作為餡料,味道唔會好甜,配上純正嘅抹茶🍵好愜意!🙆🏻‍♀️美味指數:7.45/106️⃣冰鎮明太子抹茶蕎麥麵呢個冰塊🧊造型夠晒震撼!🙆🏻‍♀️美味指數:7.53/107️⃣抹茶銅鑼燒 $40銅鑼燒有驚喜!蛋香味濃郁,而且質感綿密,唔會覺得乾爭爭!裏面嘅抹茶忌廉好幼滑,配上粒粒紅豆,口感層次豐富!再呷一口抹茶鮮奶,人生一大樂事!🙆🏻‍♀️美味指數:7.56/10💡整體來講,性價比高,繁忙鬧市中享受片刻嘅寧靜!汴京茶寮 (中環)地址🐾:中環雲咸街36-38號雲慶樓地舖 繼續閱讀
(以上食評乃用戶個人意見 , 並不代表OpenRice之觀點。)