55
13
0
港鐵中環站 D1 出口, 步行約5分鐘 繼續閱讀
營業時間
今日營業
11:30 - 20:00
星期一至四
11:30 - 20:00
星期五至六
11:30 - 23:00
星期日
11:30 - 20:00
付款方式
現金
食評 (80)
等級4 2020-10-09
148 瀏覽
為咗食「冰磚明太子抹茶蕎麥麵套餐」,我兩次到訪餐廳,但都係緣慳一面🤦🏻‍♀️睇嚟我同佢真係無緣😓唯有食其他啦.....🥢冷抹茶蕎麥麵套餐($98)兩次都有點呢個套餐,驟眼睇只比較主食嘅話,兩個套餐嘅分別應該係缺少咗用冰整成嘅器皿及明太子,所以諗住食唔到冰磚套餐,都食到類同😆蕎麥麵有幾濃嘅抹茶味,抹茶愛好者應該會鍾意,但第二次食時,蕎麥麵汁相對之前比較鹹,豉油似乎重手咗,要一邊食一邊飲茶解鹹,與我過往食過嘅蕎麥麵汁有分別🤷🏻‍♀️🥢高菜白魚菜漬飯套餐($138)第一次點咗呢個套餐,茶底真係非常清淡,茶味唔算濃,雖然加咗白飯魚及醃芥菜,味道都唔見突出,比較一般🤷🏻‍♀️厚燒肉子熱辣辣即製,味道甜甜地又幾有蛋香;桂花茶凍混合咗粒粒桂花,清清地又幾Q彈,味道唔會好甜,推薦👍🏻🥢高菜櫻花蝦菜漬飯套餐($138)由於第二次到訪時跟第一次一樣,好多套餐都已售罄😅唯有再點茶漬飯套餐,但選擇咗另一款味🤷🏻‍♀️茶底仍然清淡,但櫻花蝦都終算有啲蝦味,而且幾有口感,味道比白魚好😆厚燒玉子及桂花茶凍與上一次一樣好食,仍能保持水準👍🏻🍵白牡丹(套餐是日手沖茶,凍飲+$4)我同朋友從未飲過白牡丹茶,所以第一次到訪就直接要咗2杯是日手沖茶!呢款係白茶,茶味唔濃又清清地,口味都幾大眾化!🍵鳳凰單欉(套餐轉其他手沖茶+$20)朋友要了呢款烏龍茶,茶味相對較濃,又有茶香味,都幾好飲!🍵玫瑰果蜜樹茶(套餐轉其他手沖茶+$20)我要咗呢款係花草茶,一入口已覺得古怪🙈味道似唔苦嘅中藥crossover綠箭香口膠味😂朋友對我杯茶嘅味道好疑惑,佢試飲後完全感受到我對呢杯茶嘅形容😂最後我為免浪費,朋友形容我以灌茶方式飲哂杯茶😅 繼續閱讀
(以上食評乃用戶個人意見 , 並不代表OpenRice之觀點。)
經過短短一年既時間,人氣爆燈既「汴 京 茶 寮」亦瞬間成為深受中環OL熱棒既日式茶舍。基本上你想搵個位都要排下隊先呀,而呢一個正正係香港獨有既文化,唯有高質小店先存在排隊既價值。今次就趁晚市,唔飲啤酒唔飲Wine,改變一下新意,跟隨新派養生之道,以茶代酒。係呢個生於亂世既時代,彷彿踏進忘我境界呀!👇📌期 間 限 定 套 餐 · 每 日 限 量 -♦️冰磚明太子 · 抹茶蕎麥麵套餐 - $228▪ 櫻 花 胡 麻 豆 腐 -▪ 特 濃 水 月 冷 煎 茶 -▪ 手 工 茶 凍 -▫ 雖然已經步入入秋既節奏,識玩既當然要捉緊夏天既尾巴啦,今次二訪最大原因就係要試試呢個香港首創既「冰磚蕎麥麵」。之所以能夠成為人氣大熱,或多少係成個冰磚既設計相當精緻,而且工序繁複,要重複將水煮熱後再冰凍;加上夏日限定,變得更加難能可貴。而冰磚旁邊配上店鋪自家製既梅酒汁,淋上後,入口更加開胃;而且口感爽彈,同時冰磚既溫度令每條麵條食落有種透心涼既快感。套餐仲包埋一個「櫻花胡麻豆腐」,食落味道幾特別,不過香港人可能會唔係太習慣,但我覺得口感好似布甸,相當幼滑;而「水月冷煎茶」採用日本當地農夫既新鮮茶葉,茶香十足,淡淡清香,唔錯;最後仲有一個手工茶凍,今日試左呢個「玫瑰花桂花茶凍」,桂花味清新得黎唔會太甜,仲散發住玫瑰既香氣,成個套餐非常滿足。📌和 風 定 食 套 餐 -♦️壽喜燒 · 和牛定食 - $128▪ 海 老 味 噌 湯 -▪ 厚 燒 玉 子 - (+28)▪ 星 野 抹 茶 鮮 奶 - (+$20)▫ 將傳統融合新派飲食文化,就點少得香港人最愛既「和牛丼」呀,來自兵庫縣既和牛非常誘人。每一塊和牛食到濃香既牛肉味,加上肉質鮮嫩,入口腍滑,可以感受到油香係味蕾既衝擊,相當好食;配搭日本岩手縣米飯,可以話係完美既組合。而附上既「海老味噌湯」蝦味豐富,同樣出色。另外加左$28單點一份「厚燒玉子」,店主亦處理得岩岩,質感幼嫩,蛋香十足,唔錯;最後呢個set加$20可以轉其他茶飲,我揀左來自星野村既「抹茶鮮奶」,入口有種回甘既清香,配搭鮮奶令質感更加濃郁細緻,相當好飲!📌精 選 私 房 茶 -♦️山政小山園 · 宇治抹茶薄茶 -▪ 白 豆 蓉 和 菓 子 -▫ 如果鍾意飲抹茶既朋友不得不試呢個招牌私房茶「宇治抹茶薄茶」,事關所採摘既茶葉都係一等一珍貴。而店主會係你面前手沖一次,然後飲完後第二次會由客人自己試沖,亦係一個好好既體驗。不過暫時就未有,黎緊就有呢個機會啦,大家一定要惜目以待! 繼續閱讀
(以上食評乃用戶個人意見 , 並不代表OpenRice之觀點。)
Tea Room 在香港可找到的程度較高,反而日式茶室類型的相對較少聽到 所以當留意到中環雲咸街開了這間 - 汴京茶寮 便有興趣來一探究竟囉聽說是從澳門過來~提供多款中國茶、日本茶、花草茶, 還會以原片茶葉即時沖泡若說到這茶室的裝潢,雖然透著「日系」的味道,但更多的反而是東方氣息除了對著街外的落地玻璃吧桌及後還有一些座位星期六來到滿多人的,幸好下午2點半來到時仍有位置,所以等了5分鐘左右而已只是入座後其實一直都見到有不少客人在等位喔較近門口的甜品櫃放置了一些和菓子、純素蛋糕等等的甜品入座後先看Menu~點餐的話需要自行去收銀那邊下單和付款,之後才由店員送餐在收銀旁就是沖泡茶的位置。客人頗多,但只有一位店員在沖茶~我只是看著也覺得手忙腳亂普通的可以點茶、甜品,但想吃得豐富一點可以選擇 Lunch Set ~大約$98起我和朋友都點Set,套餐都配了是日手沖茶 那天的是 - 西湖龍井~轉凍飲要+$4 或+$20轉其他茶飲亦可以沒想到堂食都是用紙杯,而且內裡竟然有茶隔味道頗清淡,是屬於綠茶的一種我點的是 - 冷抹茶蕎麥麵套餐 ($98) 就蕎麥麵配厚燒玉子再加上是日手沖茶囉爽口彈牙的蕎麥麵沾上濃濃的冷麵汁來吃頗不錯麵量比想像中多點,就如果麵條下方會放置竹屜來隔一隔水會較好厚燒玉子吃落則是甜甜的且頗香嫩的兩位朋友點的都是 茶漬飯套餐的Set B ($138)可以在三款茶漬飯中選一款 + 四款配菜中選一款 + 手工茶凍 & 是日手沖茶前者是高菜櫻花蝦茶漬飯 配迷你冷抹茶蕎麥麵;後者則是三文魚碎茶漬飯 配小松菜豆腐絲菜漬飯調味較淡味一點~另外茶凍的口感像蒟蒻,還是桂花口味的 話說因為客人滿多的關係,等上餐時間可能要花點耐心襯著等待的時間參觀了一下店靠後方的位置~小小的茶室和玻璃門外的"後院"就環境來說大概是放了不少的心思呢 繼續閱讀
(以上食評乃用戶個人意見 , 並不代表OpenRice之觀點。)
Follow @pigfoodiexhk for more food!🐷💛===========================📍鬧市中寧靜小茶館 -- 汴京茶寮🍵中環雲咸街有一間寧靜嘅小茶館,店舖用上日系裝修,比人一種好舒服嘅感覺🤤前排就同@majorinfood一齊嚟chill下🥰------------------------------⭐️冰磚冷麵套餐($228)-明太子抹茶蕎麥麵-紅豆糕-桂花茶凍-特濃水月冷煎茶賣相十分驚艷,用上原塊冰磚裝住蕎麥麵🤭將梅酒豉油倒入麵就可以開動啦!蕎麥麵食落冰涼爽口,梅酒豉油味道甜甜哋,撈埋明太子又會有陣鹹香~感覺清新👍另外小編幾中意桂花茶凍,口感好煙韌🥰慢慢咀嚼嘅時候會滲出陣陣桂花香,清香怡人❤️------------------------------⭐️茶漬飯套餐($98)套餐包括茶漬飯同手沖茶,湯底不時轉換,當日就係高菜白魚味~食落帶少少鹹香,不過小編略嫌茶底有啲澀口同苦😹🙈整體不過不失唔算特別🙈手沖茶係白牡丹茶,飲落幾清香~------------------------------⭐️迷你和菓子(紅豆蓉)($38)賣相係一個柿子,非常精緻🙈不過食落外皮頗粘口同痴牙,入面嘅紅豆蓉亦略甜🤭小編就麻麻哋🙈------------------------------整體嚟講食物賣相有心思,不過味道就唔算好驚喜,性價比唔算高🙈不過呢到嘅環境一流,同朋友嚟輕鬆下打下卡都係個唔錯嘅選擇🙈------------------------------賣相:7.8/10味道:5/10性價比:4.8/10回頭率:4/10------------------------------店舖資料名稱:汴京茶寮地址:中環雲咸街36-38號雲慶樓地舖前往方法:中環站D1出口 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-07
1099 瀏覽
難得平日放半日假,又點可以唔搵個靚地方食個Tea!汴京茶寮就係一間我bookmark左好耐既餐廳!原來平日嘅下晝都好多人餐廳既裝潢真係好日式, 成個環境都好舒服一入到去果陣就已經留意到counter個櫃裡面擺左好靚既和菓子,好精緻好想試首先我地叫左個茶漬飯套餐,配一款配菜,套餐仲包括左手工果凍同埋是日手沖茶,手沖茶可以+$20升級其他飲品配菜我揀左迷你冷綠茶蕎麥麵,我好鍾意佢個麵質夠咬口,醬汁味道又夠濃,所以我推介大家必定要試下手工果凍媽媽好歡喜,佢有好香既桂花味,甜度岩岩好,最後仲要額外叫多一份添!我地仲叫左個飯團套餐,有三種口味可以選擇,我就揀左海帶肉燥米飯團,佢有別於平時食既日本飯團,呢個飯團既米食落去較煙韌!套餐仲有黑芝麻麻糬,我個人就比較鍾意呢個麻糬多過茶凍,因為麻糬個皮好滑,餡料好多,鍾意食糯米糍既朋友一定會鍾意!我地仲叫多左個紅豆銅鑼燒,我都幾鍾意,因為佢個紅豆餡比較特別,紅豆已經打碎成紅豆蓉,又唔會太甜!飲品我地都升級左做抹茶鮮奶同培茶鮮奶,真材實料,奶香味裡面都飲到濃濃既茶香,唔似出面果d得個甜字!如果唔係趕時間都想坐耐少少嘆下 繼續閱讀
(以上食評乃用戶個人意見 , 並不代表OpenRice之觀點。)