池記 (已結業)

Had a stopover at HK airport and what else to try other than local wanton noodles!Nicely cooked noodles with delicious wantons ... the congee was nice too.Price was not really cheap though.…查看更多

池記湯底無麥奀香的濃麻油味，我+2元轉左竹升面，麵無鹼水味都彈牙同滑還可以，有比較下都是麥奀彈牙好食。雲吞較大粒，皮薄，餡料也很香，池記雲吞同麥奀雲吞不相上下，風味不一樣。值得一題池記辣椒油同辣醬都非常出色，特別是辣辣油非常香辣。還有份量比麥奀大，起碼唔會食兩啖就食完。…查看更多

服務超差，我9月7號往池記吃午餐一位老員工下單叫左幾聲都聽唔到，直行去出菜位，我唔明佢係耳仔有問題定咩，錦都得直到有個後生女幫我落單，完全末訓醒錦，又幫我落錯單，我要牛斤麵，黎到變左雲吞麵，算喇，我無氣了，完全失望，池記唔知點請員工的…查看更多

池記以其招牌鮮蝦雲吞面而出名，不少食客慕名而來。鮮蝦雲吞面皮薄餡大，內含整只蝦仁，嫩滑彈牙，一口咬下去十足的滿足感；金衣蟹黃粥也是必點之一，粥裡有一整只蟹和誘人的蟹黃，味道鮮美，粥最上面還有蔥花點綴和提味，整體吃著非常暖胃。…查看更多

有時清清地想食麵或者粥，我一定會揀池記。貪佢服務好、坐得舒服、質素有保證，價錢亦都唔貴！叫咗個及第粥、炸雞翼，同炸鯪魚球。池記嘅粥係最我食過最綿，而且有米香，每一款粥都會有少少唔同味。今次呢款豬潤好大塊，口感非常清爽處理得好好。豬肉丸係手打，非常之滑嘅質地，細細粒好彈牙，有豬肉嘅鮮甜，好味！豬肚爽口彈牙，味道唔算太濃，但口感一流！炸雞翼大推呀！係我食過炸得最脆嘅雞翼，連埋上面超足料嘅炸蒜，每一啖都係卜卜聲。雞翼比較大隻，炸到外脆內軟，仲會咬到啲肉汁。有時口痕我都會專登過嚟食啲炸雞翼😆炸鯪魚球，識食一定係食蜆介😏 呢一間嘅蜆介酒味比較濃，鯪魚球炸得香脆可口，食到鯪魚嘅清香同鮮甜。配粥食另有一番滋味。銅鑼灣呢間老店比較細間，坐得唔舒服，下次想食可以食其他分店。…查看更多

假期最後一日，當然放低遊戲機，同女朋友拍拖拍拖。係銅鑼灣行吓街睇吓戲。下午時間見肚空空，嚟到池記食個牛腩麵雲吞麵。牛腩麵牛腩切成粒狀，容易入口，口感煙韌，味道濃郁。竹升麵其實同普通幼麵一樣，事實上食唔出有咩分別，不過帶有輕微的鹼水味。上湯芥蘭芥蘭結實爽脆，菜味濃郁。炸鯪魚球鯪魚球炸香口，外脆內嫩，表層爽薄。鯪魚味普通，唔算濃郁。豆漿天下豆漿差唔多可能喺下午時份，店員精神稍為放鬆，兩三個圍埋吹水在所難免，不過太大聲。反而散工店員上菜態度更為貼心。…查看更多

為了不得失國內同胞，我被服務員強行迫走：服務員指示同胞們可在我旁邊迫迫迫，最後，我浪費了飲料，一走了之。極討厭，投訴無門⋯⋯ 店內所有服務人員也視而不見。極度生氣！…查看更多

池記都算係老字號，都幾岀名。晚飯時間都要排20分鐘左右我地叫左:炸鯪魚球: 最好食係呢個，一碟有四粒。成粒都好扎實，好足料，唔會好多粉果種，真係啖啖肉。外面炸得脆脆地，但唔會燶。外脆內軟 加啲醬 會仲好食。蘿蔔牛筋腩菜飯: 肉既份量好多，蘿蔔炆得好透，好淋好入味。牛筋唔算多，但牛腩好足，雖然淋，但都有得咬果種 唔係一般既淋。都係好入味，送飯好好食。連菜飯一齊食 有菜中和左肉既肥膩感，當然啲牛腩唔係肥，大概係3分1肥 3分2瘦，肥瘦適中。豬軟骨雲吞麵: 雲吞麵係池記既招牌，所以黎呢到一定要食雲吞！每粒雲吞裡面都有大大既蝦仁，雲吞唔算好大粒，但好飽滿，好料足！每一粒都皮薄餡靚！仲有三四舊豬軟骨，大大件，豬軟骨每一啖都有醬油味，好入味，小小咸。同麵一齊食，令到麵既鹼水味退去，中和肉既咸味，成件事好完美。上湯芥蘭: 就係水灼芥蘭，幾乎無鹽，食左其他咁多味道既野食，清清地咁幾好。…查看更多

銅鑼灣池記 我點了幾樣食物一杯豆漿 豆漿飲到一半發現上手留低的唇膏印，還要是很清晰 很完整，我懷疑隻杯根本有沒有洗過，於是跟經理反映 他竟然反應毫不驚訝，態度還很差的回答說是隻杯已經洗得很乾淨，只是留低上手的唇膏印 ! 我聽到都呆了 是什麼道理？？ 真令我很激氣！很嘔心！一世都不會忘記這種嘔心的感覺！連基本的衛生意識都沒有！還說是米芝蓮推介？會不會太諷刺？以後也不會再來！奉勸各位也不要再光顧！！ 除非你夠膽識！又吾怕嘔！！…查看更多

近日多咗幫襯池記， 今晚都唔見得好多人，門口比較冷清。 同樣都係有晚飯套餐或單點。環境比較差，太過開揚，座位唔太舒適。豬手雲吞竹昇麵要轉竹昇麵加$2， 呢兩蚊抵俾! 因為竹昇麵比普通嘅麵滑身，少鹼水味。 豬手好肥美，唔會只係得骨，有啲係連肉嘅。雲吞細細粒，口感一般。豬軟骨麵豬軟骨太過肥喇! 得好少肉，而且啲肉有少少鞋，軟骨太硬，唔得腍身。雲吞竹昇麵雲吞有幾粒，雖然蝦好大隻，但無味又唔太新鮮。其實麵的份量就比較少，兩三啖就食哂。因為揀套餐，配埋油菜或小食，及跟一杯嘢飲或糖水。食哂以上D野都夠飽。我地其中兩個餐揀左油菜，菜心好大條，而湯有鹹味。但食到尾見到有隻蚊，當場呆了!餘下一個揀咗小食--炸鯪魚球。鯪魚球真係新鮮炸，唔係用萬年油，魚肉都有少少口感唔會有骨，有魚肉，唔會只有粉和得個腍。薏米水入面有薑味，薏米有口感，有少少生又有少少熟。侍應態度都幾好，叫佢俾杯水都冇黑面，埋單個姐姐都幾有禮貌。…查看更多

同朋友睇完電影有D餓！未想回家不如吃少少野！見咁耐冇去池記食就入去試下有冇咩唔同先！此店舖細小，但裝修也別具風格！有好多幾古式古香既陳設！卻有幾盞很時尚的吊燈！感覺是現代與傳統的結合！我朋友特別鐘意冲茶的金色茶煲！椅子亦以古式古香木造設計！但是檯與檯之間好迫！而且檯面積細小！我點了牛腩麵，朋友點雲吞麵！我就介紹一下自己的吧⋯⋯牛腩麵嘅牛腩肉質好鬆化軟滑！牛肉味亦好濃郁！仲送兩件蘿白都係炆得好入味！麵是彈牙, 但有少少梘水味,！真心覺得已經沒有多年前咁好味了!跟餐小食要了紅油三寶！（雲吞，水餃及鯪魚球各兩粒）當然我地大家一起吃啦⋯⋯水餃及雲吞皮非常薄身，蝦肉相當彈牙！炸鯪魚球嘅肉質都幾鮮味彈牙！外層亦炸得好香脆！最好味是上湯菜芯, 菜花夠鮮綠！酌得好腍又好食！不過值得一題就是薏米水！真材實料好似煲左好耐！有淡淡的清甜味！真心不錯！…查看更多

之前沒吃過池記一直想吃看看，今天下班發現還沒打烊，就走進去，因為這陣子嗓子不好，發不出聲音，裡面一個職員叫咩琪嘅，在我點單的時候很不耐煩態度超級差，因為是第一次吃，所以不知道什麼是特色，說的比較慢，她就在那邊皺眉頭，很不耐煩的口氣要我快點，如果一開始點單是開心的，就算東西不好吃也只會當嘗試一下，沒有那麼大的落差，一開始就態度差導致客人心情也不怎麼樣，就算再好吃的東西也會食不知味，望貴司重視並改進…查看更多

喺銅鑼灣行完街諗住食粥麵，就黎左池記～點知中伏！嗌左個皮蛋瘦肉粥$59，牛筋竹笙麵$45～落單時女侍應黑口黑面，但語氣冇乜特別，所以都冇乜野～到碗麵黎左，男朋友只係用左五分鐘都冇就食完碗麵（因為太少），佢食完我碗粥先黎.....碗粥都算少，味道同海x粥店一樣......重點係，我目賭女侍應落單時對隔離枱的遊客態度超惡劣，語氣好差，搞到人地即刻走👎🏼👎🏼👎🏼碗麵少得可憐，又貴，味道一般絕對不建議食！…查看更多

went there purely by chance. kind of regret that I didn't check on openrice before entering. the food was mediocre, the wonton might have sit for ages. the shrimp inside released a smell of ammonia. the noodle portion is tiny so even tho by itself it's fairly cheap, you would have to order other things to fill you up. seating was crowded, no dinning experience at all. they even charged a fee for using their utensils. ridiculous.the couple sat cross table found a hair on their chicken wing. …查看更多

講起雲吞麵係好多長輩心目中必會食的，我哋細細個的時候都會食過一碗，而家後生及年青的朋友大多數都會去食拉麵，例如出名嗰幾間，但其實食一碗好少少的拉麵，都要七至八十蚊起，配料又少，所以我比較喜歡去食雲吞麵，他的面質較煙韌同彈牙，比起拉麵都經濟好多，所以我間中都會去（池記雲吞麵）食番個下午茶，叫番一碗正宗的雲吞麵比自己食，以便回味吓從前雲吞麵美食的回憶。我會揀下午茶的時候來吃，十分抵食，又坐得好舒服，仲可以慢慢地歎。…查看更多