池記

今日入到嚟元朗覓食，第一站先到呢間位於擊壤路熟食既池記粥品。早餐時段到店，有幾枱食客，揾咗張大圓枱坐底，隨既點餐，要了一碗艇仔粥一份牛肉腸。好快兩樣食物送上，先食一啖牛肉腸，食開滑牛肉腸既我覺得碟碎牛腸唔夠味道，普普通通而已。艇仔粥粥底唔錯，有股腐竹的味道，雖然沒有碎牛，只有豬皮，水鱿同埋魚片絲，但味道唔錯。[米饭]口味：🥚🥚🥚[薄荷]环境：🥚🥚🥚[服务铃]服务：🥚🥚🥚🥚[糖果]性价比：🥚🥚🥚…查看更多

今早來元朗行下, 唔想食連鎖快餐店, 去左元朗廣場隔離的大排檔食粥, 家人叫艇仔豬潤粥, 我食白粥, 另外叫左一碟炸両兩份, 我跟住多口問一句, 係咪收$先😅, 之後一啖一啖品嚐我的白粥, 幾好味😋 好似有d腐竹味, 所以好香😍 再食炸両, 加一些甜醬, 腸粉也滑入面油炸鬼都係脆🥰👍🥢 食落唔會好油, 有香港地道風味😸 可能真係連續幾日紅日, 所以都唔係太多人😚😚 食得幾舒服…查看更多

每次上午經過池記都對佢哋嘅油炸鬼心心眼。每朝坐低食咗碗肉片粥及一條油炸鬼。油炸鬼炸得好靚仔，勁脆口。粥都煲得好味，唔會過咸。一啖粥一啖油炸鬼，好滋味，好正😍佢哋嘅粥品類，炸兩腸，牛脷酥及炒麵都好受食客街坊歡迎。…查看更多

啱啱去咗池記嘆返碗「魚片粉腸粥」，賣相平平無奇，但食落意外地出奇。魚片確係薄過紙，軟滑得黎唔失咗魚味，粉腸爽口得嚟彈牙，齊齊浸入咗鹹香嘅粥湯之中。薑蔥點綴得啱哂，食嘅時候真係熱辣辣最正。再黎碟「炸兩」，一啖咬落去聽到嘎嘣聲，酥脆得嚟唔油膩，口感同層次分明，真係搶鏡。😋 偶然見到隔離桌嘅「砵仔糕」，心諗一試無妨，個糕體香甜適中，得罪在紅豆硬哂，啲細節真係要加把勁。總括黎講，呢度嘅粥品質感同味道都算上乘，仲要環境同服務都算唔錯，值得再嚟！👍💯…查看更多

今次我去咗一間充滿人情味嘅食肆，一入門口已經聞到飯菜香，帶住興奮嘅心情，我點咗幾款令人垂涎嘅美食😋。首先提啱咗我胃口嘅，係烤乳鴿，外皮烤得啱啱好，啖啖肉嘅咬勁，真係令人欲罷不能。再來係頭抽兩味，蒸嗰陣嘅鑊氣味，真係勁過高登，特別係嗰蒜蓉粉絲蒸斑腩，魚肉咁滑，粉絲吸晒味，我食得好開懷！啲豉椒炒蜆鮮辣味美，即使蜆有少少欠佳，但味道跟份量都算過得去。無咁掂嘅就係啫啫，食到嘅雞肉比雞肝少，啲雞肝倒係好滋味，估唔到逆境反勝咗。最後嗰啖蒜炒油麥菜，簡單直接，清新過水，襯得啱啱好，飯後覺得身心都暢快啲。我哋一行六人食足六道菜，肚仔飽滾滾。食得滋味，食得開心，食完心情又靚晒🌟。這間食肆，光靠菜品，絕對值得再嚟一轉👍。…查看更多

用餐時間（9:03pm late dinner）follow@wojengyea/@wo!正嘢 for more food info🐒 支持我哋發掘更多美食 😋元朗出名多大排檔，見池記啱啱新裝修完，環境比以前光猛，地方乾淨咗，即刻去試。兩條仔嗌咗三個餸（魚香茄子煲、菠蘿咕嚕肉、瑤柱扒豆苗）諗緊飲咩啤酒🍻嘅時候，已經上第一碟菜。咕嚕肉🍖炸夠脆，個醬汁都好味，但豬肉佢用燒味嗰隻燒肉，晤係用脢頭（豬肩）肉，口感冇咁好，紅黃綠椒都落足，又有粒粒菠蘿🍍。豆苗扒瑤柱正常發揮，個瑤柱芡汁還好，唔會太鹹😋。最後上魚香茄子煲🍆，諗住撈飯但豬肉碎晤夠多，另外亦都冇咗鹹魚嘅鹹香，有點失色。三碟嘢夠鑊氣，但未至於話好好食，食緊飯嘅時候，都會聞到一浸浸火水味🔥🔥🔥 成件事好有feel。.無加一無茶介，咁嘅價錢好低食，份量夠又哂多，建議如果女仔去可以嗌兩個餸🥘🥘，或者叫多幾個姊妹去食。…查看更多

前排天氣比較凍，個人會好想食粥品做早餐，暖吓個身體。呢間池記雖然門面較舊亦唔算好起眼。不過佢算幾有歴史，係街坊老店嚟。早餐賣粥品類，中午至下午賣煎釀三寶。晚市係打冷小炒。好多元化嘅一閒舖。今朝我試咗：👉艇仔粥 ($21) : 口感幾棉，都幾多料同埋新鮮嘅。4/5分👉炸兩($19): 油炸鬼非常脆口。整個口感和味道同平時食開嘅炸兩差唔多。但就唔算好特別。4/5分👉意猶未盡, 外賣一條油炸鬼($10 )返屋企同媽媽一齊分享。我哋都好鍾意食呢度做嘅油炸鬼。就算唔係炸完即食都仍然食到好脆口。會令人想食第二條😍😍😋😋👍 5/5分另外，我觀察到佢哋做嘅牛脷酥，煎堆等等嘅油器類都好受歡迎。下次我會想試埋其他。…查看更多

大排檔可以話係香港人嘅集體回憶。個名原來係有故事的，佢源於二戰後香港政府發出嘅固定攤位小販牌照，比流動小販牌照大，所以俗稱「大牌」。之後大家嗌嗌下，就變左「大排檔」了。元朗廣場門口呢間大排檔就係我嘅童年回憶。每年天氣凍時，都會一家人來幫襯。週末傍晚來到，店員啱啱開緊檯，我地就去霸個靚位先~ 到6點半左右已經坐滿，食客主要係附近街坊，同店員非常熟絡。例湯（送）一坐低店員就送一大碗老火湯先，好熱好足料，有雞腳、排骨、冬瓜、蘿蔔等等，而且冇乜味精。餐牌有多款小菜，仲有煲仔飯、雞煲同羊腩煲。由於成年冇來了，所以都係嗌幾碟小炒回味下先。椒鹽白飯魚炸到色澤金黃，賣相十分吸引。入口有椒鹽嘅咸香，而且口感酥脆。蒜香椒鹽焗蝦上桌有撲鼻香氣，蝦殼開邊，令椒鹽、蔥同爆炒蒜粒可以混和到蝦肉中，係食到吮手指嘅味道。芹菜腰果炒雞丁芹菜爽口保留纖維感，腰果煸得香脆，但雞丁就有少少肥。南乳粗齋煲呢個好抵食，份量好多而且非常適合送飯。鐵鍋上菜，可以長時間keep到溫度。有西蘭花、白菜、腐竹、冬菇、粉絲、蓮藕片、木耳等等，食材好豐富而且入味。梅菜蒸鯇魚鯇魚本身好新鮮，加入大量甜梅菜同薑蔥去蒸，完全冇草泥味。連本來怕腥嘅我都覺得幾好食。…查看更多

今日專登入元朗買燈籠🥰🥰🥰見到一間大排檔好懷舊嘅粥店，我就試吓啦，我叫咗個皮蛋碎牛豬潤粥，豬潤好味，油炸鬼，紅豆砵仔糕，未到全部正常啦，只係懷舊一吓🥰🥰🥰…查看更多

大排檔內嘅粥品店 [池記]大排檔總係令人對啲傳統食店抱有興趣，平日早餐時間見有唔少食客幫襯。 於是今日就嚟試下，坐低咗之後，Menu上嘅粥品選擇多，而且好平。揀好咗食咩，店員就好快咁同我落單并且收埋錢。除咗粥，我仲點咗個牛脷酥。 之後食物好快就送到。皮蛋瘦肉粥最失望係個皮蛋瘦肉粥，粥底平平無奇，唔綿，而且愈食愈稀，是粥品店敗筆嘅地方。鹹瘦肉份量唔多，有醃過，但鹹瘦肉食落有怪味加上皮蛋又冇乜味，真係影響食慾。牛脷酥唔係啱啱炸起，外皮唔脆而且仲有啲硬，不論口感同味道，都係我食過好一般嘅牛脷酥。老實講，第一次食到咁差嘅皮蛋瘦肉粥，真係好失望，可能真係唔食粥試其它出品會好啲。喱度嘅出品真係好抵食但絕對唔係好食或者值得去食。…查看更多

白粥 （下火）又濃又綿嘅粥底而家真係唔係好多間可以做得好碎牛粥不過不失啦！煎堆由細到大都特別鍾意佢哋嘅煎堆外皮特別香脆、裡邊又煙韌軟熟非常好味😋牛脷酥甜甜地 外面酥脆酥脆入面軟熟厚實其實我一直都覺得佢係中式冬甩🍩油炸鬼/油條/炸麵我鍾意佢夠鬆脆唔會好似出邊而家食到咁死實實、硬繃繃但係今日唔夠乾身有啲油膩仲外賣左兩個煎堆一條油炸鬼！總數先至係$77真係抵到呢而家真係好難有啲咁平嘅價錢仲要係好食嘅希望佢永遠存在啦！…查看更多

艇仔粥$19夠足料 粥好綿炸腸$17新鮮製作 油炸鬼好脆 配上出面腸粉既軟滑 好食! 叉燒腸$17腸粉比例較多 但夠軟滑 入門既無咁出色好香港街頭傳統風味既粥鋪 雖然環境一定唔會咁好 但都接受到 員工都好熟手…查看更多

油炸鬼個口感好脆，又唔會好油膩，佢嘅價錢都好平煎堆佢啲煎堆口感好脆，又唔會好油膩，而且好香芝麻味，佢嘅價錢都好平個叉燒腸粉，啲叉燒餡都好多，叉燒味亦都好香，佢嘅腸粉皮都好滑，而且價錢又平皮蛋瘦肉粥佢啲料好多，皮蛋又多，瘦肉又多，佢啲粥嘅口感好軟綿綿，好滑，份量有多，價錢又抵，真係好完美…查看更多

晚市的池記，小炒真係好夠火喉以前喺其他店食過小炒王，對呢碟餸超級失望，所以一路都抗拒小炒王呢碟餸，今日寶寶一定要食小炒王，唯有照叫啦，內有韭菜、腰果、菜莆、魷魚、蝦乾，鹹香辣，好惹味，配啤酒一流，對小炒王呢碟菜另眼相看有新菜推出，第一次食鴛鴦檸檬骨，個醬汁係由鮮檸檬🍋+鹹柑桔🍊煮成，酸得來帶一點鹹🤩好清新又香又好味，排骨炸得好，外脆內Juice唔少得最愛嘅紅燒乳鴿，即叫即炸，外脆內Juice…查看更多

元朗池記，成日經過，今次入咗去食晚飯！星期日夜晚都幾爆滿，求其搵張枱坐低咗！雞煲: 份量少係其次，無咩味之餘，仲要鞋，全程唔知自己食緊咩！芥蘭炒牛肉: 不過不失鵝腸：真心好失望，大排擋多油多鹹都預咗，無得挑剔，鵝腸極之肥都係其次，但有沙係咩玩法，家禽就話要食沙幫助消化啫，人唔洗呀嘛！蝦🦐：係咁sale 海鮮，之後揀咗蝦，但蝦細隻就算，仲要唔係太新鮮總括黎講，食過咁多大排擋，池記都算差！上菜慢，炒嘢完全唔夠鑊氣，sale嘢，嘢食質素唔掂，埋單真心唔平！嬲到唔記得影張單，無下次！…查看更多