池記 (已結業)

九龍塘又一城乃城中高級商場，名店林立。餐廳也走高檔路線。趕時間想來一快的，一諗就諗到food court. 見到池記，見佢條龍短D，得3個人排隊。趕時間就一野衝去排啦。叫碗牛腩麵，諗住快快脆，點知佢3幾碗麵都要攪15分鐘，真係慢到一個點。好彩朋友已揾到位，唔係都唔知等到幾時。講番食物，麵底都可以啦。Q Q有口感。牛腩方面也有水平。有筋有腩肉，筋的骨膠原豐富，腩肉肥而不膩。腩汁也好味。整體水在中上。所以，唔係話唔好食，就真係慢得緊要。

約咗朋友夜晚睇戲 ，所以睇之前要食返個晚餐。 好多餐廳都好多人排隊，我哋時間唔夠，所以就決定去food court度食嘢。因為唔肚餓所以就揀咗池記，試下佢嘅雲吞麵，套餐配一杯熱飲，但我另外加左3蚊配左凍飲。埋單大約40幾蚊。面嘅份量其實都幾少，女仔會夠飽但係男仔就可能會爭啲。印象中雲吞中約四粒。但味道係ok的，都好足料。凍檸茶叫咗少甜少冰 ，果然真係唔甜抵讚！！解渴加加埋埋40幾蚊，但係又一城，雲吞麵貴D又正常既。

這 2 星期和很多香港人一樣心情一般，這天星期日來又一城 CLINIQUE 專門店試護膚品，單刀赴會，又去 Food Court 找吃的，遠處就看到上次去過的池記，個人比較念舊，再試多一次啦！上次吃雲吞麵，這次試下豬軟骨麵，清湯芥蘭 $53。收銀姐姐不是上次的那一位，但同樣友善、有禮貌！這碗麵麵質沒有上次爽，豬軟骨有 “雪” 味，幸好味道還算不錯，加回一點點分！芥蘭有幾粒 gojiberry, 普通一碟油菜，不過不失啦！印象分搭夠，哈哈！$53 合理啦！整體感覺沒有上次好，所以下次再來又一城，就不會再來池記了，試試其他食肆！

同個friend去又一城逛街，行到咁上下，又到醫肚時間，呢度食肆雖然多，不過都偏貴，所以最後都係揀咗Foodfest，雖然只得譚仔三哥、池記、太興、吉野家、大家樂、麥當勞同Pepper Lunch呢幾個快餐選擇，但都人頭湧湧，皆因大家都想食得經濟啲。喺池記要咗個蘿蔔牛筋菜飯包熱飲$53，另加$16配多碟上湯芥蘭。賣相雖然普通，但味道相當不俗，蘿蔔唔會太腍，牛筋都夠入味。個菜飯乾身咗少少，不過淋返啲牛筋汁落去，咁就啱啱好。上湯芥蘭清清哋，一般水準。熱飲我揀咗薏米水，望落平平無奇，原來入面有蜜棗同薏米，飲落仲有薑味，都幾好飲。

係其他分店池記已經食過好多次，每間都保持到一定水準，亦吳會參差😊兩個下午茶套餐抵食又好味，食物品質吳差👍👍👍👍🐂腩雲呑面➕瑞士🐔翼➕白灼芥蘭➕鲮🐟球粥➕腸粉➕🍋茶=兩個下午茶套餐🐂腩雲吞面——雲吞皮薄焰靚，🐂腩夠香夠諗又夠味😋瑞士🐔翼—-味道不會咸，咸甜味道調較適中😋😋白灼芥蘭——菜甜又嫩口😋腸粉嫩滑，加埋甜醬麻醬再➕小小辣醬，👍👍like—-好味道😋鯪🐟球粥—-鯪🐟球大大粒，不過吳記得放係匙羮影張相😅，又係好味彈牙😋😋

今天約了 11:30 約了又一成相熟化妝品專櫃取已訂購的化妝品，沒有堵車!見時間尚早，不如上兩層 Food Court 坐下吃點東西吧，未到食飯時間，不算人多，有大家樂、吉野家、太興、池記。。好像都是連鎖店，興趣不大，“池記” 這位收銀姐姐笑容可掬，語氣輕鬆，禮貌的問：“想食乜嘢呀？” 令人好舒服，所以話什麼檔次的食肆，服務都是很重要，贊👍點了一碗雲吞麵 + 了一個小食炸魚球 ($59， 以 Food Court 來說，價格不算便宜)！說要等幾分鐘，客人不多，其實很快，那位收銀姐姐仍然笑容滿面，“得喇”！可能她性格是比較開朗，再贊👍心想，與上次左鄰右李的服務比較，不經意笑出來😄雲吞麵都算爽口彈牙，雲吞也及格，湯底一般啦！炸魚球三顆熱辣辣的，有陳皮味，都有魚味，不算多粉，還有一小小杯蜆介，整體滿意！吃完也差不多 11 點半，時間剛好！

其實又一城Food Court本身都冇咩選擇～不過叫做又快又經濟D囉～來來去去都係嗰D～都食過好多次～都係嗰幾間～依間都算係比較少食D嫁啦叫咗豬軟骨河粉配小食一份再加錢配熱飲～小食6選1～簡咗鹵水雞翼3隻～熱飲加$5簡咗熱奶茶～60幾蚊個餐其實真係有D貴囉如果係呢個份量～鹵水雞翼都幾入味嘅～有3大舊豬軟骨夠晒淋又入味～之前食麵有好重鹼水味～所以都係食河粉穩陣～但係分量就偏小～幾十蚊食完都唔係好飽咁囉

上午做運動完畢，順路就在又一城2樓吃快餐式午餐，大食堂在正午12:00已經人頭湧湧，在開張的池記睇啱水餃牛筋麵$45，有三大隻水餃，每隻都有近兩吋長，頗漲卜卜的，餡料是正正常常的豬肉、蝦仁、木耳、竹筍，味道很滿意，豬肉、蝦仁有鮮味，木耳、竹筍就爽爽脆脆，牛筋燘得腍而不爛夠腍滑，幼麵爽滑，喝了幾口麵湯底，感覺比較鹹，水餃牛筋麵還有少許韭黃，唯一是美中不足是冇辣椒油提供！沒有加錢要飲品，請女侍應給我一杯開水，服務都不錯！

估唔到 food court 都有池記食，所以睇戲前即管試一試。今次叫左牛腩蘿白米粉加上湯杞子菜心配熱薏米水，價錢大約$60左右，都算合理。個牛腩蘿白米粉，牛腩蘿白唔算多，但都入味，湯飲落唔味精，而且湯係你拎的一刻先加入去 ，唔怕d粉浸住湯，非常好。上湯杞子菜心，味道清清地，都唔錯熱薏米水，好好飲，而且有少少薑味，飲完好暖身。