池家人煲仔飯

黃酒雞 - 非常正好少地方有得食，黃酒的酒味好香， 雞肉新鮮， 唔係雪到梅晒的雪藏雞。還有兩隻荷包蛋，兩個人食一人一隻唔使爭。 黃鱔煲仔飯+潤腸唔係心目中嘅黃鱔煲仔飯， 真係接受唔到有骨的黃鱔， 還要用上白鱔的方法做， 加上麵豉醬（如果冇睇錯）。潤腸沒有原條上， 切到一片片mix埋落啲黃鱔度。。。 總之這個就是不喜歡土魷蒸肉餅肉餅正常，土魷味唔算好濃。 一般家常便飯油麥菜-都夠大碟不得不讚， 飯餸沒有加味精， 食完唔會需要狂飲水…查看更多

平日過咗食飯時間，差唔多兩點去食煲仔飯。好處唔使等一入去就好多位，冷氣足夠。但個姐話兩人係要坐張兩架台，位置好窄。基本上其中一個人隻手踭係永遠比個牆頂住。問佢可唔可以轉四人枱，因為全部都冇人坐。話兩個人就一定要坐兩人枱。其實四人枱都未必坐到四個人。煲仔飯嚟到係幾好。價錢都ok啦。但係真係坐得太差，態度亦都太差。都得返一枱客，時不時又要撞下你。快快脆唔使半個鐘，兩點半都未到，食完畀錢就走人。但唔會再幫襯。…查看更多

呢間小店人氣非常高，雖然舖面唔大，但香氣已經吸引到成條街都聞到。我同朋友嚟嘅時候已經坐滿，要同其他客人搭枱，等咗足足40分鐘先入到去。落單之後仲要等大約20分鐘先有得食，但第一啖就覺得等得好值得。黃鱔煲仔飯魚香濃郁，鱔肉鮮嫩冇腥味，飯粒吸晒醬汁精華，飯焦香脆；臘腸蒸雞煲仔飯同樣出色，臘腸香甜油潤，雞肉滑嫩入味，每啖都好滿足。☺️唯一要留意嘅係，呢度好似淨係收現金同八達通，記得帶定錢先嚟。雖然等位同上菜時間都幾長，但傳統煲仔飯嘅香氣同味道，真係值得一試。另外都試咗佢哋嘅腐乳通菜都煮得幾入味😆…查看更多

星期四的6點到，唔駛等位就入得。冷氣好夠凍，4人卡位唔係咁好坐，窄。叫左牛肉煲仔飯，黃鱔煲仔飯同黃酒雞半隻($168)加一杯凍奶茶，總共$338(我記得好似無加一)。雞的話我覺得肉柴但量多、湯汁好味。煲仔飯飯香汁香，但鱔好一般。唔叫黃酒雞的話，睇餐牌煲仔飯價錢其實都唔貴。以咁的價錢，平平均均，不過不失。…查看更多

去深水埗發現咗一間好有驚喜嘅煲仔飯！#臘腸滑雞煲仔飯臘腸滑雞煲仔飯一上到嚟都幾香。雞肉煮得幾滑，但有啲多骨，可能要小心啲。飯底都有啲飯焦，雖然唔算多，但味道出色，配合埋臘腸嘅鹹香，整體味道非常好。如果你經過深水埗，記得試下呢間煲仔飯，雖然有啲小缺點，但整體嚟講都係一個驚喜！…查看更多