影片
2O24年11月在此店擺賀眼科大Sit登六宴嗰餐，無論員工服務態度，食物質素及味道和此店提供嘅埸地，都大獲出席嘅同事好評。有見及此2O25年6月7日，賀眼科萬歲之王，玲姐嘅登六及榮休宴亦順理成章不作他想，再選擇在此店舉行，亦合情合理冇人有異議。可惜事與願違今日此店，雖然仍然提供到優質廳房場地和員工對顧客的到位貼心服務，可以值得一讚外席上嘅食物可說是，劣食每款菜色都喺(咸過咸伯)到連出名，食嘢重口味嘅肥華都要舉手投降，敢開懷大嚼全個晚宴，肥華認為祇有個籠🍑食得吓，其他食品都不值一提，所以連相都冇影，無謂被食物買相誤導咗觀看肥華此篇食評嘅捧場者此餐！👎👎👎👎👎
繼續閱讀
呢個四人餐性價比超高，食材上乘，價錢相宜，平均每人二百幾蚊就有鮑魚魚翅龍蝦食，最啱帶屋企人嚟食冰鎮8頭原隻鮑魚肉質彈牙鮮甜，原汁原味，鍾意濃味啲嘅可以加芥末豉油調味花膠竹笙魚翅花膠養陰潤肺，竹苼健脾益胃，加埋足料魚翅，口感豐富，味道上乘，加少少醋，更加開胃蒜蓉蒸龍蝦蒜蓉開邊蒸嘅龍蝦每位有半隻，龍蝦蒸得啱啱好，肉質彈牙，蒜蓉味好香順德欖角豬扒欖角係醃製左嘅烏欖，呢個欖角豬扒好入味，啖啖咸香得黎帶甜味，滿滿順德菜嘅風味米水浸時蔬簡單嘅一道白菜仔，可以清清味蕾銅盆蒸污糟雞污糟雞其實係走地雞，雞件鮮嫩多汁👍🏻順德菜出名係粗材細作，用銅盤裝住去蒸熟，烹煮嘅時間比較短，用錫紙封住上枱後職員先打開，能夠鎖住肉汁，所以肉質比平時食到嘅蒸雞更加滑嫩生炒糯米飯炒到粒粒分明，口感煙韌，唔硬唔粘，花生蛋絲再提昇左味道同口感桂花糕口感軟糯，味道清甜，可以解膩紅豆沙仲有紅豆沙送，食埋呢碗甜甜嘅港式糖水，好滿足餐廳光線明亮，啲餐具都好靚，有多間獨立房間，可以打麻雀同唱卡啦ok
繼續閱讀
老細叫幫離職同事攪farewell. 佢話想試順德菜,咁我就揀咗呢間就腳嘅餐廳. 位置尖沙咀I-square 三樓,地鐵站上面,極之方面. 知客幾有禮貌,都安排一張6人枱比我哋4個人. 侍應生都友善,問完飲咩茶就介紹特色菜. 原本釀鯪魚要預訂, 無得食添😭咁就叫其他...順德煎釀三太公,係煎釀三寶🤣但好好味喎,鯪魚肉釀虎皮椒,蓮藕夾,鯪魚球,配蜆介汁👍跟住叫咗個薑蔥焗魚咀,堅好味😋蝦醬西芹炒魚膘,蝦醬惹味,魚鰾爽脆又唔腥☺️順德炒鮮奶,滑,再叫一個孖寶,沙薑蒸滑雞,蝦乾蒸茄子😋最後叫咗一個黃金糕,餐廳就送咗紅豆沙同埋紫米露😁埋單每人$370,物有所值☺️
繼續閱讀
星期六去食飯，尖沙咀行完街iSquare 江順名匯見到有特價難得喺香港搵到一間免茶錢免+1喺尖沙咀呢啲旅遊區竟然仲有咁嘅收費實在太抵試咗個孖寶三重彩嘅c餐走地雞加個茄子都只係$198夜晚能夠喺尖沙咀iSquare有呢個價錢實在難得
繼續閱讀
呢排唔係 落雨落到又紅又黑， 就係曬到要帶帽， 墨鏡 ，風扇都出埋。 去到尖沙咀， 搵個有冷氣地方抖下氣， 見到isquare 三樓江順名匯 做特價， 晚飯 孖寶三重彩， 睇到個孖寶B唔錯 ， 夜晚去咗試試，地方座得舒服 ， 條魚蒸得唔錯 加埋個小菜 同白飯 ， 埋單 260蚊 ， 睇睇張單 原來重免埋加一同茶介， 抵到爛， 平過茶餐廳。
繼續閱讀