影片
以上資料只供參考, 請與餐廳確認詳情
有關獎賞計劃
296 瀏覽
週四約咗哥哥收工去中環IFC濕平，上網睇到二樓間「江南」有位，所以就訂埋位食晚飯。上海菜館樓底高高，間隔開揚通爽，光猛企理，卡位同梳化位都一樣咁闊落舒適，晚市全店滿座都唔會覺得特別噪吵或者逼狹。每位席上擺有齊備嘅自用餐具。厚本餐牌及二維碼點餐系統均附帶彩圖，清晰易明。自助落單尤其方便快捷，隨時可加單及查閱賬單。一開單已經睇到雜項收費，包括茗茶$15/位及餐前小食$10/碟。脆脆水母花（$85）：透透地光嘅海蜇頭爽就夠爽脆，可惜勁酸，估計喺醋汁入面浸得太耐所致。江南小籠包（$55/四粒）：小籠包皮層巧薄、Q彈唔易穿，豬肉餡心亦幼嫩軟滑，美中不足就係唔夠湯汁，唔知係漏哂出黎定係本身唔夠啦。招牌擔擔麵（$78）：正當小肥一個人食哂食成籠小籠包時，哥哥就要咗碗招牌擔擔麵。蘿蔔絲酥餅（$58/兩件）：呈紅蘿蔔形嘅蘿蔔絲酥餅賣相十分精美，中間個皮層其實都好酥化，入面啲蘿蔔絲都好爽潤甜美，無奈頭尾餡少嗰兩邊就比較硬實，似乎都係要做返傳統嘅外型先最恰當。乾煸四季豆（$98）：啲四季豆食落成口油，就連啲肉碎都好似啱啱喺個油桶拎水黎咁，完全唔掂呀！紅油抄手（$60/五隻）：雲吞粒粒皮薄滑溜，個菜肉餡柔嫩足料，點心香辣惹味。中環商場餐廳「江南」原來同「翡翠拉麵小籠包」係同集團嘅，唔怪得知餐牌上嘅菜式都差唔多啦，不過明顯各方面都升咗呢！用餐大堂簡潔優雅，服務生好客且效率高，餸菜逐道上，唔會一窩蜂咁趕客走，只係食物質素仍有頗大嘅進步空間，幸好以匯豐信用卡可享八八折優惠，憑單亦可免費泊車車，計落都可以接受。
繼續閱讀
果日去呢度，因為近我去大會堂聽音樂，諗住是但食啫，點知叫了小菜後，發現有紅酒喎，嘆下先食物味道一般，但價錢冇得頂，成張單都係5xx二人來講係中環食心裏有數，再加上有免鐘泊車，有下次見
繼續閱讀
是肉夹馍🥙也是小汉堡🍔蜜汁火腿烤双方 好吃！小面饼松软又紧实，配上夹心的火腿、黄瓜和薄脆，🌯口感变得很丰富有层次，火腿的咸香也更加立体蔓越莓煎餅 🌸做的很典雅，造型也很好看，不过油煎过以后，吃起来有点子油腻，蔓越莓的味道也淡淡的每道菜都做的很精致，吃的很爽！
繼續閱讀
由於因為第一次到店用餐等好耐，所以第二次為左節省時間，預先係app叫外賣自取。11:25成功落單，App顯示11:58am就可以拎。12點去到，服務員話未有要等等，但係一直pack緊其他11:45am落單既外賣催促左幾次都無人理我，最後12:15先拎到外賣。返到去發現又漏單...你無睇錯呀，係又漏單呀!!!等咁耐已經嬲嬲地，比漏菜更加嬲返轉頭比張單職員睇，佢好有記性呀，仲同我講我頭先pack左碟菜比你丫。無錯你係有pack，但係我要兩碟菜=.=貴店係咪應該要認真改善一下呢?
繼續閱讀
以為連鎖店都係細細碟，貴一貴，但份量比想像中大，味道亦都不錯。當日嗌左3個麵食，蔥油餅，京蔥炒牛肩肉，蒜泥白肉，牛尾煲，炒萵筍，小籠包，除左麵食個麵餅埋一舊，感覺唔好外，其他食物都唔錯。埋單好似係$1600左右，價錢算係合理，仲要係ifc，所以算性價比唔錯。
繼續閱讀