汕尾美食 (已結業)

一向喜愛光顧地道特色食店，發現其中一間位於小瀝源廣源街市内。最初發現潮式腸粉好特別，價錢仲好實惠，味道也好。如喜愛濃味，一定要揀臘腸腸粉或叉燒腸粉；如喜愛淡味，亦可揀葱花腸粉或菜甫腸粉，非常可口。地道美食還有潮式菜茶、卷菜粿及韮菜盒子，仲有我非常鍾意食嘅手打鰻魚丸同新鮮豬肚丸。不過，因為土地供應問題，起疫情期間仲可加租約百份之十五，所以這地道小店於6月底便會結業啦！

所有食物都好好味，食材好新鮮，好有心機煮！我最鍾意食鰻魚丸，牛肉都好有牛味。仲好食過我係潮州食既潮式菜式！炒飯炒得好乾身，超正！有自製涼茶，檸檬草花茶都好有特色！

好香好脆，＄20/份，有兩大塊，新菜色值得一試，煎出黎已經好香，食落口好濃郁既香蔥味，而韭菜盒子都係煎嘅，超級脆口，好多材料，有韭菜丶雞蛋丶豆乾丶粉絲丶蝦皮，好有口感！食完又可以配支檸檬草花茶，下一下火，潤一潤喉嚨，絕配

今日去咗沙田搵食。原來沙田有一個街市，裏面有好多小攤檔賣小食，就好似一個小夜市咁樣。入到去見到有一間小店係食潮州嘢，於是就點左手拉腸粉，餡料有，蔥，菜譜同埋蛋。腸粉個賣相非常之靚，菜譜偏鹹但撈埋腸粉和蛋食味道剛好。至於個豉油汁冇咩特別，小店有自製嘅辣椒油，加埋落腸粉到立刻將味道提升很多。另外我哋仲帶咗牛肉餅， 話日本原來都有十幾樓，亦都有幾件生菜。牛肉餠有香濃牛肉味，而且口感好好，好爽好彈牙。呢間小店價錢親民，味道好好，值得大大推介。

已不是第一次幫襯，就係覺得每次都有水準先寫評價。佢並不是好食到驚唯天人，但誠意同水準已有好高CP值!佢地腸粉每次叫先至即造，所以並非卷起果隻腸粉，係手拉腸粉，好處係會細滑，另外配料有食開嘅叉燒同蝦之外，仲有一D平時都小有。例好蛋花、 菜脯同䓤花，其他食品有都有好多，潮汕的菜茶都有，其他地方都好小有人賣。最值得推介的是卷菜粿，卷皮同樣係即叫即造，中間的菜又用料十足，有一次我想叫一客，姐姐話唔夠菜要等多一陣，其實見到D料應該夠，但佢都堅持有咁多先做，可見誠意十足!如果人多的話，的確要等多一陣，但好食又何需介意一刻呢?

近排朋友講起，原來廣源邨的街市翻新咗，入面有好多特色的小店，所以放假專登㴝試下。我估主力附近的居民，外賣為主，店前有五、六個位左右。今次㨂咗試叉燒手拉腸粉，同平時酒樓食開的唔同，佢的賣相係皺皮，但食落都好滑，入面有叉燒粒。另外，再叫咗炒河加粥的套餐，炒河完全無餸，味道都算正常，較為推薦手拉腸粉。

前排見到咩假期成日出post話沙田多左個掃街好去處都見到有唔小野食都有興趣見到咁多野食所以第一時間拉左老婆過去試試呢到既質素啦呢間最主要都係賣腸粉呢到d腸粉 我覺得好夠滑落埋蛋同叉燒會好味好多蛋香味都好夾但加錢落叉燒得果2粒 好似唔太抵可以睇下張圖 真係得幾粒仔環境方面啦因為街市舖 環境點都唔會好 同舒服得店前幾個位人流都多 keep住身邊有人買野感覺唔太好但呢個新裝修既街市 衛生方面做得幾好係呢方面要比like like

原來香港有廣源這個地方， 廣源市場裏有各種不同的小食店，每一間都有他們的特色。這間汕尾美食是必試的地點之一。 每一款小食都十分之新奇有趣， 聽聞腸粉和珍珠小米是他們的推介，所以必試無疑吧！腸粉是經人手即叫即製，條條分明，不會太厚。建議加上炒蛋味道更佳，我這個為食鬼就當然要再加配叉燒！想點後可以自行加上甜醬和芝麻，迎合不同需要。珍珠小米也十分有特色， 蝦餃皮包上清香的豬肉， 食落有淡淡清香。配上自家製的辣椒醬十分惹味！香港真是有很多臥虎藏龍的小店。