永輝冰室

營業中

休息中

今日行經紅磡有啲肚餓，想搵間小店食下午茶，途徑呢間冰室望入去感覺好乾淨，就入去試下，開頭諗住叫個奶油多士食嘅，點知俾我發現有個下午茶係枸杞豬潤湯麵+火腿奄列，即刻叫左嚟試，有驚喜豬潤有好多塊同埋唔會煮到過熟，質感啱啱好，我都飲咗好多湯添，推介

見依間茶餐廳新開，就走咗去試一試。有少少後悔去咗。一心諗住叫個叫左個焗芝士雞扒意粉就一定安全。結果: 焗雞扒意粉好一般。意粉煮得太耐。雞仲有雪雞味。好在上邊少少大大粒嘅蕃茄。凍檸茶正常，四片檸檬，味道正常。凍檸茶就好難出事嘅。坐位麻麻哋。文職員可唔可以坐其他卡位，不過比人拒絕咗。9號枱對住落單區。可以同職員經常互動。😅 坐到其他卡位會好好多。 走個時其他卡位仲要冇人。我會唔會再返去食？ 唔會。因為今次經歷真係好差。黃埔區有好多其他茶餐廳可以選擇。

茶記常餐是香港飲食文化的經典，簡單卻美味！通常包括牛油多士、火腿奄列或煎蛋，配一碗沙爹牛肉麵或者火腿通粉，湯底濃郁，令人回味。可以轉雙煎蛋，奶茶滑順，茶香濃郁。價錢親民，份量十足 。凍檸茶大大杯 。抵飲抵飲 。服務態度都幾好 會再黎👍👍👍👍👍👍👍👍下次試下其他野食

天氣實在太熱，唔想煮飯😓落街行一圈，見到一間新開冰室，裝修簡潔光猛有晚餐供應仲有幾款可以選擇，轉特飲都只加8蚊👍先嚟二杯凍飲✨柚子梳打水🥤正到暈，夠凍，柚子酸酸甜甜勁解喝😋✨奶茶紅豆冰🧋夠創意😊但原來又好夾，奶茶夠滑，紅豆夠林，正👍✨京都豬扒🐖豬扒好林，配上洋蔥🧅菠蘿🍍蕃茄汁,酸酸甜甜好惹味，送白飯，開胃😋✨黑椒薯仔牛柳粒🐂即炒，熱辣辣，肯定唔係預製菜😊牛柳粒又林又滑，薯仔又夠粉，吸收黑椒汁，好好味🤤二大碗白飯清盤😂✨香煎牛脷見餐單有煎牛脷，因我勁鐘意食，所以好想試，真係冇失望，估唔到茶餐廳做牛舌做得咁有水準，一啲腥味都冇，煎又香又林，口感一流😋✨公司三文治打包比屋企人食😂份量真係足，仲配上芝士沙律菜做餡，屋企人都話好好味，唔錯👍永輝冰室廚房做得唔錯，價錢又經濟，份量又夠，真心味道好，真係好過自己買餸煮😂

紅磡～永輝冰室～食晚飯，有個二人晚餐，好抵食架，都係148，份量唔少。二人餐有三款口味嘅雞選擇， 再喺晚餐小菜揀一款，又有上湯浸菜、飲品、白飯，好豐富。我哋揀咗沙薑雞，成半隻，雞件肉質嫩滑，沙薑味香濃，好惹味。中式牛柳微甜帶酸，肉質軟腍; 欖菜肉鬆四季豆炒得惹味，多肉碎，餸飯一流。上湯浸菜，生菜鮮嫩，湯底清甜。趁仲有下午茶，叫多個生炸雞髀，雞脾外皮炸得香脆、肉汁豐富，yummy。紅豆冰奶茶，紅豆夠綿，配上冰涼茶味香濃既奶茶，甜度適中，非常消暑解渴。永輝冰室適合一家大細，朋友聚餐，性價比高。👍

過來黃埔游水前 先同朋友來醫醫肚😋見到間乾淨企理嘅茶餐廳 決定入來試下溫泉蛋肉醬意粉🍝好味😋！等得唔算耐 個肉醬好惹味 ～我地將溫泉蛋變成太陽蛋 更加好味😋焗芝士雞扒🍱件雞扒好juicy啊😋加買香噴噴嘅芝士 超好味😋西多士🍞開心😃 下午茶時間居然到七點 所以所有嘅下午茶餐都有啊！件西多又邪惡👿又好味蔥花鮮牛肉炒蛋潛艇見到個名覺得好新鮮 決定試一下 有驚喜！牛肉炒蛋多到滿瀉😍見到老闆娘係度寫緊聽日Menu 又多款式又抵食啊 唔掛得之好多街坊日日來

週末同兩個朋友一齊嚟咗呢間喺紅磡開咗冇幾耐嘅冰室食晚餐🤣$60「星洲炒米」：有好多新鮮爽滑嘅蝦仁、仲有火腿絲、少少雞蛋、少少香蔥等，炒得香口，少少辣但係又唔算好辣，好食🤣$15「上湯浸菜」：係「灼生菜🥬」，要咗兩份因為我哋想食多啲菜🥬🤩，生菜新鮮，幾爽脆，簡單好食🤣$30「脆炸雞扒」：雞扒炸得幾香口🤣$58「豬扒煎雙蛋飯配蔥油」：豬扒大大塊煎得香口，豬扒肉質軟熟，配埋煎雙蛋（要咗全熟），連埋蔥油一齊撈飯食，好夾，好食🤣$32「生炸雞髀」：燒雞髀，我鍾意食，炸雞髀，我更加鍾意食🤣，雞髀皮仲炸到脆脆哋我哋忍唔住都食咗啲😜加 $5「無糖可樂」：凍冰冰嘅可口可樂就梗係好飲啦🤣加 $3「熱檸檬水🍋💦」：熱辣辣大大杯幾清新🤣$20「熱奶茶」：大大杯夠熱夠滑🤣我哋都食得飽飽🤣