永豐海鮮火鍋 (已結業)

八爪魚必叫, 真係新鮮到不得了, 係咁郁! 蠔,大大隻, 鮮甜好味!蝦,生猛到插住枝竹籤都係咁郁!雜丸, 肥牛, d雪都未溶, 篤都篤唔入....番茄魚湯湯底一般, 都算足料。d檯排晒係條街度, 甚為莊觀, 仲有警察影相警告...服務態度: 成日都叫唔到人, 叫到唔代表即刻埋黎...最好咩都自助la! 同埋個爐d gas真係好弱, d料有排都未熟...另外最好唔好入廚房....你會後悔的...overall, 都係鍾意佢\夠大排檔feel ja

樓下食客完全冇心理準備就咁釘瓜人...講真E種街邊火鍋店已買少見少，仲有係張矮枱上打邊邊簡直失傳！尋晚食過，蕃茄紅衫魚底好正！但薑汁鷄子仲掂！搞到要返啅！仲有鮮墨魚同八爪魚必叫！！！八爪魚斬件後仍吸住隻碟！！！你都咪話唔新鮮~!~!~!不過牛就真係差D... 帶子大隻但鮮味不夠...服務好好又有笑容，臨尾仲送自家制臘味飯^_^如果要隊啤建議坐街邊，因要過隔籬士多買。頂得住E度嘅食友可以再挑戰"鴻福"~!

見今期飲食男女介紹，一行５人黎試下，去到都見到有好多人，心諗都唔會好差，點知一坐低2分鐘，就見到１隻小強係我後面個鐵閘行過，不過諗住大排擋，所以算啦！叫左魔鬼魚湯底，同埋一ｄ海鮮，講真！同雜誌介紹真係差好遠，ｄ牛肉重要直紋切，咬唔開！重有衛生真係好差，奉勸食完就唔好去廁所（會見到廚房)，保證你後悔！臨走仲有好多小強同你講ｂｙｅ-ｂｙｅ！埋單６７０，無下次！