永興豆漿王

呢間老字號除咗買豆漿，仲有買其他小食，今次揀左$12/10粒燒賣，同兩粒花生糯米糍做下午茶，咁先$22咋～位置係裕民坊入邊，可以嘆住冷氣咁掃街，唔使熱到傻同食埋街邊啲廢氣。店員姐姐超親民，我話要少少辣佢會問埋要唔要渣，勁貼心啊！燒賣有咬口，唔粉，加埋秘製辣椒油，一粒接一粒，越食越過癮，秘製辣椒油香得黎唔會死辣，值得一讚！$5一粒糯米糍其實好平，皮唔算好薄，但入邊花生餡同椰絲好足料，食完滿足晒開心晒！…查看更多

呢間30年歷史嘅老字號重開咗係裕民坊入面，原本都本住無咩期望嘅去食，點知有驚喜。首先20蚊有20粒魚蛋燒賣，而家呢個價$1粒真係好抵食。飲品買咗支無糖豆漿，雖然無糖，但係佢個豆味勁香濃，估佢唔到。…查看更多

下雨天，逛街累了，突然想喝豆漿好友帶我來這家豆漿王，我點了凍豆漿，好友的是熱豆漿店家還很貼心的說，兩瓶豆漿不要放一起因為冷熱不一樣🥰豆漿很好喝，不會太甜喝完還有淡淡的豆味魚蛋是蒸的，加上特別的辣醬好好味，很健康😋推薦 🌟🌟🌟🌟🌟…查看更多

童年時，我是一個觀塘小街坊；至今，對一些街道名尚有點印象！近年，位於觀塘裕民坊的豪宅凱譽落成，其下面商場，正是活化了的裕民坊！首次來到觀塘裕民坊，為了走到市集穿水晶鏈！當時都未夠晚上 8:00，我走落市集樓層，似乎9成9都已收舖！ 幸好！我多口問剛收舖嘅阿叔，個市集店舖係咪好早收舖？！我問我想買咩？他答我最後一條走廊尚未收舖那間！令我不會白行一趟！順便行成個商場！ 商場獨特之處，正是可以在商場內嘆冷氣等巴士！走到商場1樓的裕民里，這裡是一條食街，找到有30多年的老字號 <永興豆漿王>！供應的港式美食多元化，鹹甜俱備，而且街坊價！ 還要嘆著冷氣掃街，食街頭小食！ 係咪正呢？！在4月尾，好友相約我到觀塘，當時我仍然行緊裕民坊，為方便我，他在 APM 泊車後，便走過來裕民坊找我，我們行來行去，這裡都有些餐廳食肆，而且仲唔使等位，於是我們在平台那層食泰國菜，才發現有個平台花園呀！並非住客才可進入！日景原來環境優美， 卻是天氣炎熱而已！最近天氣轉涼有秋意更舒服吧！由4月至今，幫襯了好幾次！豆腐花 $13 大碗老闆娘因應食客口味，而幫我加入薑糖漿及少許黃糖，輕滲薑味及入口清甜，豆腐花真的滑不留口！如果買 $11 細碗裝，恐怕我不夠喉呢！在店子外進食期間，客似雲來，我亦留意其他食客買什麼？ 老闆娘又推介美食！我實在意猶未盡食多點小食！魚蛋5粒+燒賣5粒 $10本身各 $10/10粒，我問老闆娘雙拼幾錢？既然可以雙拼都係 $10，實在太好嘞！否則！我食唔落 $20/20粒呢！兩者配豉油，店子把盛載魚蛋燒賣的金屬器皿底部也有熱水滾住，保持熱燙及口感！魚蛋味帶鮮味、富彈性而軟身！燒賣口感柔軟卻不失彈性！腸粉 $10/ 5條 (配豉油及花生醬)熱辣辣！5條腸粉裝滿滿的，香滑油潤的花生醬淋上腸粉，豉油在底部，腸粉晶瑩軟滑，蘸上配豉油及花生醬，風味滿載！不足之處是外賣兜好薄身，容易啪斷！家鄉炒米粉 (細碗) $10另有大碗 $15，可跟豆漿配成套餐會平 $2！ 我付款才得知！由於店方提供膠叉，並非竹筷子，如果油份會沾上筷子，便知道有多油膩？！這裡的炒米粉炒得香口又夠味，不會重口味！配料除了跟坊間的椰菜、甘筍之外，還加送炒麵， 炒麵有部份炒燶！底部的確幾油！熱豆漿 (大杯) 原價 $10 跟餐+$8另有細杯裝 ，可選擇無糖，冷熱飲。比坊間豆漿質感更濃稠，豆味濃郁，香滑少甜，放了一會兒，表面有一層薄膜，真材實料！熱飲的水溫拍得住熱咖啡！相信冬天飲，會感覺更暖胃！凍豆漿 (細杯)  $8凍豆漿跟熱豆漿同樣濃郁，反而覺得凍飲比熱飲稀薄一點！熱無糖豆漿 (細支) $16對比大杯裝，真的抵飲！豆漿本身濃郁，豆味香濃，待至和暖，就算無糖也不會難飲，喝出原質原味更健康！配跟炒麵好夾！炒麵 (大碗) $15入口熱辣辣，相信是炒起不久吧！炒麵口感軟腍一點，勝在今次無炒燶，配料有蔥及芽菜，味道不算重口味，起碼卻不及炒米粉咁油！…查看更多

本人作為燒賣控，去觀塘拎野又再食埋另一間燒賣～٩(〃._.〃)ว其實裕民坊兩個小食檔都賣唔同方向既小食，但剛好燒賣係我必定最想試既ɪᴛᴇᴍ所以再戰埋另一間小食店既燒賣👅醬汁：我叫左少辣，呢個少+豉油之後好香同惹味價錢：同樣抵食，$𝟷𝟶/𝟷𝟶粒，叫左一半魚肉燒賣+ 一半魚蛋🥡🥢口感：𝟝粒燒賣入邊有𝟝粒都好煙韌，而魚蛋彈牙，抵食👍🏻…查看更多

嚟到嗰陣睇到好多人排隊㗎🤩🤩，有人買魚蛋燒賣，仲有人買豆漿㗎🤪🤪。⭐️ 豆漿(小杯) $8之前試過買過一支大豆漿，不過天氣太熱，攞出街入返屋企嗰陣，豆漿就開始凝固同變得好濃稠😳😳。呢間豆漿好新鮮好滑身，係用新鮮黃豆磨成㗎。豆漿有好多蛋白質同其他營養素👍🏻👍🏻。今次我就輕輕地買咗杯小豆漿😎。飲落去好好味，豆香濃郁😳😳，滑滑嘅口感。大熱天飲咗凍豆漿，就好似整個身體都涼晒😆😆。完全自家製嘅豆漿，唔會太甜，黃豆嘅味道更加突出😇😇。真係提高咗我對豆漿嘅standard😗😗。📍永興豆漿王觀塘協和街33號裕民坊YM² 1樓裕民里1B10號舖Shop 1B10, Yue Man Lane, 1/F, Yue Man Square, 33 Hip Wo Street, Kwun Tong…查看更多

好開心裕民坊見到呢間老字號食店🤗！食肆越來越難做，所以每次食到傳統味道，就充滿精力🤩。熱豆腐花（$11/細）：豆香味完勝其他豆品店🏅，加上職員憑多年經驗，調教出我滿意的甜度👍🏻，第一次食好surprise😳。因為豆花好足料，所以質地唔會好水，食完有飽肚感可以做早餐。味道：🔅🔅🔅🔅🔅新鮮：🔅🔅🔅🔅🔅分量：🔅🔅🔅衛生：🔅🔅🔅🔅🔅速度：🔅🔅🔅（5🔅為滿分）…查看更多

💪🏻 黃金魚蛋($10/10粒)呢間小店嘅魚蛋同燒賣，都仲係賣緊$10/10粒，非常佛心，對抗通脹嘅恩物😍 而且呢間嘅魚蛋唔係用平時烚嘅方式去煮，而且係蒸嘅方式去整魚蛋，食落嘅感覺好唔同！ 蒸魚蛋相對冇咁容易索左湯而漲大，所以個人認為啲魚蛋相對彈牙😋 都食得出魚肉味道。 而且我以前小學小食部都係蒸魚蛋，所以好似食番兒時嘅味道🤣💪🏻 豆漿(跟魚蛋買+$8）呢間小店係做豆漿起家，豆漿每日新鮮係店內即磨即做，豆漿豆味非常香濃😋，飲得出足料，豆漿嘅質地都好濃郁，一啲都唔稀。(豆漿可以走甜）味道：7/10性價比：10/10 食住瘦指數：💪🏻💪🏻💪🏻💪🏻/5 …查看更多

舊舖係裕民坊擺咗好多年，出名好食又抵，勁多街坊幫襯，新舖搬左係商場入面，味道一樣冇變，價錢都相宜！🍴豆腐花 $13 大 (8/10)份量足，豆腐花好滑，口感比較是一磚磚豆腐咁，紮實少少，都幾香濃嘅豆味！加埋黃糖同糖水，真係濃濃嘅港式風味！推薦指數: 8/10支持本地手作豆腐花，真心好食！…查看更多

🥛🍙🥡出色豆品，經濟早餐店☑️燒賣 $10 / 10粒一蚊一粒燒賣真係好抵，呢度嘅燒賣好大粒，而且好彈牙，吾係一舊粉，有魚肉香味，而且仲有蒜蓉味，豉油同辣油都好正！又平又抵又好食😋☑️豆漿（細杯）-$6買燒賣加$6仲可以買到一杯豆漿，可選熱/凍。我地叫左熱，用紙杯上的，但有蓋同飲管。豆漿係呢度嘅名物，豆味香濃，吾會好稀，而且吾甜，熱嘅仲可以暖胃😁☑️豆腐花 （細碗）- $11@1，$20@2豆腐花，有大碗、細碗選擇，細碗其實都吾細，豆腐花裝到好滿，所以都幾飽。好滑而且豆味香濃，佢會裝埋糖水同黃糖落去，如果要少甜多甜就要同佢講啦。…查看更多

歷史悠久的永興豆漿王店原來在觀塘裕民坊內找到了！店子面積是小小的，但顧客卻絡繹不絕，不愧為三十多年的老字號。最後選了幾款外賣帶回家與家人分享。～家庭裝豆漿（細樽）可選熱或凍的家庭裝豆漿適合和家人一起享用。豆味突出，入口濃綿的豆漿不會很甜，佷適合現今講求健康的人仕飲用。～粢飯賣相較像糯米三文治，上下的軟綿糯米夾著肉鬆、油條和少許榨菜，鹹甜味道適中。整體來説，肉鬆味道較突出。～魚肉燒賣十元有十粒的魚肉燒賣，非常抵食。燒賣淋上醬油味道更突出，燒賣外型討人，既有咬口，味道又不錯，抵食！喜歡吃辣的話，更可要求淋上辣椒醬來吃，相信又有另一番風味。這小店的出品果然不錯，日後有機會的話，我一定會試試其的食物。…查看更多

今日去觀塘考完mock準備去地鐵站，肚仔有啲餓，想食燒賣，穿過裕民行過一笠食店，見到有間 ‘燒賣$10/10’ ，吸引咗我眼球。老闆娘又話啲燒賣係靚野抵食，入貨十幾(/幾十？)蚊一包🤣，咁咪買嚟食下囉^^.食完之後覺得正！🌟🌟 軟糯彈牙！辣油都正！ 仲要1蚊1粒！超平民！ 呢個價真係揾都難揾！ 又幾好食，真係無得彈！抵食！推薦！.行街經過裕民坊真係可以去試吓，價錢又唔貴。諗住下次有機會再嚟就試吓粢飯或者係豆漿同埋油炸鬼😋…查看更多

舊鋪由細食到大之前冬天最鐘意坐低 整返碗熱豆花大排檔式豆花 好有風味今日經開YM Square欣喜地發現永興豆漿王行左幾次 終於問到接待處喺巴士總站嗰層雖然已經冇得堂食冇咗嗰種風味但人情味同濃厚嘅豆味不變外賣返到屋企仍然好正見到老闆娘而家踩10幾個鐘人流冇以前咁旺 知道生意難做大家多多去支持下————————————————————網上補充資料扎根裕民坊30年的「永興豆漿王」是街坊最熟識的店舖之一。他們出品的豆漿及豆腐花，以香濃幼滑聞名。這家以往只在晚上營業的小店，以往每晚都吸引數百食客光顧。…查看更多

好細嘅一間店，只可以拿走無得堂食，叫左一個粢飯同埋一個花生糯米糍，分別係13蚊同5蚊，粢飯唔算大件，入邊d料都係榨菜、肉鬆同埋油炸鬼，不過我覺得油炸鬼比較似麵筋，糯米糍中間都幾多餡，食落去就好似食花生糖甘，味道還算可以。…查看更多

經過店舖，被豆漿吸引。豆漿分凍熱。買了兩樽凍豆漿，不太甜，香滑。老字號果然名不虛傳，沒有令我失望。家人也讚好。下次經過店舖再買，如果有其他味道更好。希望可以有其他地方可以買到。…查看更多