永真日本料理 (已結業)

大圍真係一個美食天堂！除咗地鐵站附近嘅其他地方多餐廳之外，附近都有好多種唔同嘅餐廳！今日我同男朋友就去咗田心村嗰頭覓食🤭 呢間日本餐廳真係稱得上「隱世」，如果唔係男朋友帶我黎，我諗我應該搵唔到😅 餐廳入邊充滿咗日本嘅元素，好多掛畫同裝飾都充滿日本風。雖然餐廳好似冇乜客人咁，令我一開頭以為食物質素麻麻哋，但點知食材幾新鮮，而且性價比極高！真係又抵食又好味🤤！雜錦魚生飯 ($75)本身想要嗰刺身丼，但係可惜海膽賣晒哂🥲 所以我就轉咗呢個雜錦魚生飯set dinner。呢個set包左味噌湯、中華沙律同埋普通沙律🥗。至於魚生飯方面，配料有三文魚🍣、玉子🥚、甜蝦🦐、鱆紅魚同埋油甘魚。雖然係普通嘅魚生飯配料，不過佢啲魚生都幾新鮮👍🏻燒味淋魚乾 ($48)味淋魚乾係我每次去居酒屋必點嘅菜式，今次都唔例外🤭 呢間餐廳俾嘅份量算多，咬落去依然都係好香，不過質地偏硬有少少柴，如果軟身啲就更好了🤪炸蝦鍋仔烏冬 ($58)呢一個烏冬，我只可以用「抵」來形容😆 $58 有一個食得飽嘅晚餐，除咗烏冬之外，入邊配菜都唔少，有炸蝦🍤、粟米🌽、冬菇🍄、蟹柳、菜🥬、蛋🥚、豆腐… 雖然係家常便飯feel，係性價比真心高！

一試家庭式餐廳。目測是一家人。點了兩份三文魚刺身、海膽壽司、野菜牛肉鍋，牛油果海膽炒飯。刺身尚算ok,如果有刺身拼盤會更吸引。海膽壽司不過不失。牛肉鍋的海很鮮甜。炒飯很香，但配料不多

我見呢間餐廳開左都半年，但從來都未有機會試下， 趁今日母親生日，就帶屋企人黎試下。我地一早就訂左位，所以去到都唔洗等位，7點鐘去到，間餐廳都幾多人，好彩我地一早Book左位。我地叫左一個二人餐，壽司師博都推介左唔同既壽司比我地，燒饅魚，雞肉野菜鍋，榴槤炸彈。佢地既饅魚都燒得好靚，食落去都係熱熱的！最後，師博仲送左我地每人一粒大福。總括黎講，呢間新開既日本餐廳，性價比都幾高，價錢唔算貴。建議大家黎試試。

呢間係日式家庭料理🏠，喺大圍站落，經過八爪魚橋行過去，地方闊落同乾淨。一入間舖頭老闆好仔細咁介紹餐廳嘅特色食物。大部份食物都係即叫即做，保持住食物嘅鮮味。.《鵝肝壽司》⭐️⭐️⭐️必叫！薄薄地又充滿油脂嘅鵝肝片，配埋圓形一口嘅壽司（好特別)，鵝肝煎得好香，送上來嘅時候啲油仲滴緊😍超香～最後再 encore 多碟！《雜錦刺身船》⭐️🍣吞拿魚腩同三文魚腩都好出色🤤 完全冇筋，甜蝦亦都比出面嘅大隻。所有刺身都好新鮮！《炸軟殼蟹/ 三文魚子手卷》🦀軟殼蟹份量幾多，食到去個底仲有，唔似平時食開嘅手卷，剩係得個面有餸。三文魚子份量同壽司飯配合完美，讚！《芝味炸蝦卷》⭐️⭐️⭐️係成塊厚芝士 🧀 鋪喺炸蝦卷上面，好滿足🤤《龍蝦沙律/ 芥末八爪/ 海膽⭐️⭐️軍艦》全部食材都好新鮮，鍾意龍蝦嗰隻醬，海膽好鮮味，八爪魚保持鮮味唔會比芥味蓋過！《炸蝦天婦羅/ 野菜天婦羅》⭐️🍤炸粉唔多，炸得好香脆，連塊薄荷葉🍃都炸埋，打卡都幾靚。食嘅時候仲熱辣辣，好脆身。《鹽燒雞皮》🐔薄同脆，送酒一流！《燒牛舌》⭐️⭐️🐮幾軟身，好入味，你唔太鍾意食牛舌嘅fd最後都忍唔住食咗兩舊🤭最緊要係夠新鮮！《鹽燒雞翼》⭐️⭐️呢個做法好特別，好似半邊雞翼咁，

本身住大圍，都鍾意食日本菜見到呢間野算係新而且又未食過，所以就去試有室內同室外選擇，坐得闊落而且又安靜魚生飯比想像中平同埋好食三文魚同鱆紅都正2人叫咗一個定食再燒三文魚頭同埋燒鰻魚埋單都係$135/人值得再試

今晚母親節同左屋企人去咗田心村附近嘅日本料理，大概七點幾鐘已經到，當時全場滿座，見到呢間係一間家庭式經營嘅日本料理，裝修平實簡單，剩返一張戶外枱，咁啱我哋有帶小狗坐戶外非常適合，我哋四位就坐低左叫左個二人餐，$288價錢真係好抵食，有藤原豆腐沙律，刺身盛，雜錦壽司，燒鯖魚，三文魚蟹子炒飯，天婦羅甜品等等我哋再叫左啤酒同日本酒，另外見到有我最愛嘅海膽手卷就試一試，估唔到咁新鮮，仲有叫咗個鵝肝壽司，因為媽咪好鍾意食鵝肝，個鵝肝燒得好好味，好香，估唔到喺村屋加上呢個價錢都可以食到咁嘅水準嘅日本料理，下次一定會再支持下😋☺️

今晚突然醒起田心村開左間新嘅日本菜餐廳，就去試下值唔值再去。餐廳入面約有6張4人枱，外面都約有4張4人枱，環境都算乾淨，由於限聚令，所以晚餐時間都唔算太多人，感覺似係家庭式經營。我地一家3口要分2張枱坐，但其實枱距離都好近🤭打開餐牌，都有幾多選擇，壽司單件價錢一般，都係1x-3x一件，每件壽司唔算大件所以唔算特別抵食，反而覺得啲湯麵，魚生飯或定食會抵食啲。今晚想樣樣試下，就散叫以下：小插曲，我試海膽壽司時發現有頭髮，好彩我習慣每次都會夾少少試下味先會成舊食落口，唔係就已食左落肚，即時扣晒分。

好多海鮮都好新鮮，又唔會好貴！！真心推薦大家可以來試一試！！見係新開嘅希望生意唔會因為疫情而受到影響 飯嘅量又多 午餐又套餐又會便宜 菜式也很多 有甜品 小食 主食 壽司 沙律 超級多選擇呀