影片
大圍真係一個美食天堂！除咗地鐵站附近嘅其他地方多餐廳之外，附近都有好多種唔同嘅餐廳！今日我同男朋友就去咗田心村嗰頭覓食🤭 呢間日本餐廳真係稱得上「隱世」，如果唔係男朋友帶我黎，我諗我應該搵唔到😅 餐廳入邊充滿咗日本嘅元素，好多掛畫同裝飾都充滿日本風。雖然餐廳好似冇乜客人咁，令我一開頭以為食物質素麻麻哋，但點知食材幾新鮮，而且性價比極高！真係又抵食又好味🤤！雜錦魚生飯 ($75)本身想要嗰刺身丼，但係可惜海膽賣晒哂🥲 所以我就轉咗呢個雜錦魚生飯set dinner。呢個set包左味噌湯、中華沙律同埋普通沙律🥗。至於魚生飯方面，配料有三文魚🍣、玉子🥚、甜蝦🦐、鱆紅魚同埋油甘魚。雖然係普通嘅魚生飯配料，不過佢啲魚生都幾新鮮👍🏻燒味淋魚乾 ($48)味淋魚乾係我每次去居酒屋必點嘅菜式，今次都唔例外🤭 呢間餐廳俾嘅份量算多，咬落去依然都係好香，不過質地偏硬有少少柴，如果軟身啲就更好了🤪炸蝦鍋仔烏冬 ($58)呢一個烏冬，我只可以用「抵」來形容😆 $58 有一個食得飽嘅晚餐，除咗烏冬之外，入邊配菜都唔少，有炸蝦🍤、粟米🌽、冬菇🍄、蟹柳、菜🥬、蛋🥚、豆腐… 雖然係家常便飯feel，係性價比真心高！
繼續閱讀
一試家庭式餐廳。目測是一家人。點了兩份三文魚刺身、海膽壽司、野菜牛肉鍋，牛油果海膽炒飯。刺身尚算ok,如果有刺身拼盤會更吸引。海膽壽司不過不失。牛肉鍋的海很鮮甜。炒飯很香，但配料不多
繼續閱讀
我見呢間餐廳開左都半年，但從來都未有機會試下， 趁今日母親生日，就帶屋企人黎試下。我地一早就訂左位，所以去到都唔洗等位，7點鐘去到，間餐廳都幾多人，好彩我地一早Book左位。我地叫左一個二人餐，壽司師博都推介左唔同既壽司比我地，燒饅魚，雞肉野菜鍋，榴槤炸彈。佢地既饅魚都燒得好靚，食落去都係熱熱的！最後，師博仲送左我地每人一粒大福。總括黎講，呢間新開既日本餐廳，性價比都幾高，價錢唔算貴。建議大家黎試試。
繼續閱讀
呢間係日式家庭料理🏠，喺大圍站落，經過八爪魚橋行過去，地方闊落同乾淨。一入間舖頭老闆好仔細咁介紹餐廳嘅特色食物。大部份食物都係即叫即做，保持住食物嘅鮮味。.《鵝肝壽司》⭐️⭐️⭐️必叫！薄薄地又充滿油脂嘅鵝肝片，配埋圓形一口嘅壽司（好特別)，鵝肝煎得好香，送上來嘅時候啲油仲滴緊😍超香～最後再 encore 多碟！《雜錦刺身船》⭐️🍣吞拿魚腩同三文魚腩都好出色🤤 完全冇筋，甜蝦亦都比出面嘅大隻。所有刺身都好新鮮！《炸軟殼蟹/ 三文魚子手卷》🦀軟殼蟹份量幾多，食到去個底仲有，唔似平時食開嘅手卷，剩係得個面有餸。三文魚子份量同壽司飯配合完美，讚！《芝味炸蝦卷》⭐️⭐️⭐️係成塊厚芝士 🧀 鋪喺炸蝦卷上面，好滿足🤤《龍蝦沙律/ 芥末八爪/ 海膽⭐️⭐️軍艦》全部食材都好新鮮，鍾意龍蝦嗰隻醬，海膽好鮮味，八爪魚保持鮮味唔會比芥味蓋過！《炸蝦天婦羅/ 野菜天婦羅》⭐️🍤炸粉唔多，炸得好香脆，連塊薄荷葉🍃都炸埋，打卡都幾靚。食嘅時候仲熱辣辣，好脆身。《鹽燒雞皮》🐔薄同脆，送酒一流！《燒牛舌》⭐️⭐️🐮幾軟身，好入味，你唔太鍾意食牛舌嘅fd最後都忍唔住食咗兩舊🤭最緊要係夠新鮮！《鹽燒雞翼》⭐️⭐️呢個做法好特別，好似半邊雞翼咁，燒得好脆同好香，調味適中，簡單入口！🥤《蜜瓜味波子汽水》🍈🍊《蜜瓜/ 橙味汽水》.總結來講，呢間日式店選材高級，嘢食非常新鮮！大廚好有心機咁呈現每一樣食物最美味嘅一面，擺盤亦都好靚🤩環境非常舒服，同朋友吹水食嘢飲酒一流！除咗刺身小食仲有定食套餐，選擇超多！.📍 沙田大圍田心村199號［大圍站 C 出口，步行約5分鐘] *去之前記住留意營業時間啊！
繼續閱讀
本身住大圍，都鍾意食日本菜見到呢間野算係新而且又未食過，所以就去試有室內同室外選擇，坐得闊落而且又安靜魚生飯比想像中平同埋好食三文魚同鱆紅都正2人叫咗一個定食再燒三文魚頭同埋燒鰻魚埋單都係$135/人值得再試
繼續閱讀