永珍越南菜館

營業中

休息中

來到九龍城，當然要試吓出名既泰國菜啦！我最初看到招牌既時候不禁有點疑惑，明明寫著越南菜鋪？但係所有菜色都似係泰國菜！（我本著一試的心態，和家人入去試吓到底掛著越南菜館招牌既餐廳，做出來既泰國菜好不好吃？）我們先點了生蝦和司蚶，見到賣相不錯廚司亦很細心，把做生蝦刺身剩下來的蝦頭炸脆，作小小既點綴（炸蝦頭都好好味，脆到可以整件食落肚）。白灼司蚶煮得不錯，起碼不會整碟都是紅紅的血水。冬陰功湯可以選（蝦，海鮮或雞），我們點了蝦冬陰功湯。蝦，是新鮮彈牙的，而不是煮到d蝦肉「梅」晒。除了食物要讚之外，這餐廳員工的服務態度都要讚。👍👍👍不會因為店鋪繁忙而忽略顧客的需求。

父親節食飯， 一家四口去左九龍城食永珍越南菜館， 但其實係泰國菜， 可以話係越南泰國菜。 好彩我地早左食飯，6:45PM到，唔洗點等位， 因為坐咗一陣已經越來越多人入嚟，仲全場滿座添。屋企人喜歡食咖哩， 點都要叫咖哩， 最終點左個咖哩海鮮煲， 食咖哩要用麵包點汁食先夠yummy， 再 order咗份蒜蓉包， 我哋另外仲叫咗越式炒牛柳粒、 泰式活蝦刺身、 越式香芒炒飯、泰式炒雜菜。 叫到成枱都係食物好滿足。越式香芒炒飯-$66 (好味指數 / 抵食指數) - 5個為最高。越式香芒炒飯煲仔上， 即使由廚房拎到上枱都仲熱辣辣， 一放上枱成煲金黃色， 好想即刻擺入口食。 成煲金黃色不單是因為香芒， 連飯都炒到金黃色，仲有好多肉鬆，大大粒蝦肉青瓜片同菜粒。 好欣賞佢個炒飯炒得好入味， 真係連啲配菜例如蝦肉菜粒都好夠鑊氣同夠鹹味， 豬肉鬆本身香香脆脆，配個炒飯一齊食更加香口惹味， 主角芒果大大件，最重要係一啲都唔酸超級香甜。 呢個越式香芒炒飯炒得好好味，成煲飯炒得夠均勻夠鑊氣。咖哩海鮮煲-$128 (好味指數: / 抵食指數 - 5個為最高。話咁快咖哩海鮮煲同蒜蓉包一齊上枱喇， 咖哩海鮮煲面頭有一

響附近探完人, 出開黎就過九龍城食泰菜, 四圍行見呢間幾多人, 雖然裝修無咩特別又舊舊地, 但都一於試試.要左個蟹肉炒粉絲, 粉絲炒得幾乾身, 仲索晒調味既汁, 食落爽口彈牙, 唔會一舊舊. 配料有芽菜, 蝦仔, 洋蔥之類, 蟹肉就較少, 不過整體都好大堆頭, 口感豐富.賣相也算吸引,如果出品可以整齊d,就可以完美d la....

大家都知道九龍城泰國菜非常出名，但其實我覺得還有很多老店做得非常出色，而永珍就是其中一間這麽多年都保持一定水準的越南菜餐廳。上星期約了好幾個舊同事去以前常到的永珍食飯，食物依舊好好味呀！前菜先來個酥炸軟殼蟹，炸到外脆内軟，而且裏面的蟹肉保持鮮嫩多汁，配上甜甜酸酸的醬汁非常好味！另外我們還點了雜菜粉絲煲，份量非常多，適合多人share，而且湯底不會好重味精味，不錯。我最喜歡的當然是咖喱牛肉煲加蒜蓉包了！他們的咖喱椰汁味非常重，而且不會太辣，加上即叫即焗的香脆蒜蓉包，沾滿香濃的咖喱汁，非常好味。另外還點了蝦醬炒通菜，不過蝦醬有點偏鹹。另一個非常出色的就是春捲凍懞粉，春捲熱辣辣新鮮炸起，外層非常香脆，而且餡料分量好多，配上撈懞一流。 （值得一提的是他們家的秘製雨露好好味喔！！）

家人贏左馬仔錢，本身去九龍城食泰菜！最終見呢間永珍好多人食就望下餐牌，見到有越南又有泰國菜就食呢間！泰式咖哩炒蟹叫左個大既~大大隻肉蟹，鮮甜好多肉，比平時泰國鋪食既香，但就冇左辣味，加蒜蓉包點汁真係一流，包大大舊好脆！好耐都冇食個菠蘿炒飯係原隻上，唔算好好味，但好足料，入面既菠蘿亦食得出係新鮮椰青~亦清甜多水

九龍城泰國越南菜館多的是，永珍在這裡已久，我也常幫襯。從前會到福佬村道店，覺得味精多，吃完會頭痛。現在就常在獅子石道店吃午餐，大約$38-$46，幾實惠。少有星期日幫襯，星期日午餐加$6Honey點菠蘿炒飯和生牛肉河。炒飯材料不少，炒得不油，不過，不夠香口。牛肉河湯頭也甜，蘿蔔清甜。午餐飲品加$10轉特飲。Honey點鹹柑桔冰，我點涼粉冰。兩杯冰也不錯，幾大杯幾好味！

以前成日到這裡用膳，一來不貴，二來菜式多選擇，而且好味。最近一次，在星期六和朋友來吃，原來假日要收貴，不過大約貴十元，不著數。另外台面不太潔淨，污垢可見。我叫來一碟泰式炒飯，這個我覺得最好味。可是這會一吃，失卻以前口準。既無可口的辛辣味，伴菜也沒以前多，飯還覺濕漉漉，炒得不夠乾。至於朋友叫的是四寶飯，我看是少了伴菜，朋友也評價沒夠好。整體比以前差了。

一間經常幫襯的越南/泰國菜，每個星期既lunch time都會去食，午餐餐牌有麵類和飯餐，幾乎都試食過，最後都是推介沙嗲河，炒飯略為唔夠熱，叫炒飯可以叫佢整熱啲先上

「為食星球人覓食之旅（8）」今次星球人覓食到九龍城，夏日炎炎想食啲酸味味嘅嘢，最後就選擇去食永珍越南凍檬粉。叫了下午茶套餐，熱華田。因為這天是要食素菜嘅關係，就叫咗姐姐「要走肉多菜」。阿姐個樣有啲諾言但係都幫我同廚房講咗多菜酒肉。個粉一上枱覺得好開心，因為成個碗都比啲生菜雜菜鋪滿晒。再加埋佢哋店裏酸酸甜甜嘅魚露醬汁，食落口即刻覺得好舒服，感覺好清。不過果醬要小心啲辣椒，因為加左真係好辣。所以我通常都會等個醬汁沈澱下，淨係倒橙色嘅醬汁部份，盡量唔要啲辣椒。下次唔一定要等下午茶先過嚟，因為原來佢淨凍檬粉只係需要＄28姐，仲大碗過下午茶，抵食好多～（8）

菠蘿炒飯連餐飲($45)-菠蘿炒飯用料豐富，有雜豆，肉鬆，菠蘿，青瓜，雞肉和臘腸。炒飯的口感豐富，咸味適中，不過略嫌較油膩，吃完喉嚨有點不適。餐廳的座位很多，有卡位有長枱，不用等位，環境尚算不錯。

同朋友喺九龍城食TEA,二話不說去永珍。舖內裝修簡約而富泰國FEEL，下午時段唔使等位。越南生牛肉河$32食極都唔厭嘅生牛肉河。呢度嘅牛河水準穩定，湯滾牛靚，熱湯一淖，牛肉汁同洋蔥、金蒜、葱、青檸汁同指天椒合而為一，食粉前呷一啖湯，鮮甜之極，河粉爽滑幼細，牛肉味濃郁，一個字，好味😋越南滴滴咖啡$12正宗越南蒸餾咖啡，因為即叫即做，咖啡甘香無酸味，配煉奶飲別有一番滋味😌越南春卷$46。(無影相😔)又係每次必點菜式。雖然要等十分鐘，但老闆堅持即叫即做。春卷皮炸得鬆化，饀料飽滿，用生菜包住，再點魚露一齊食，啖啖傳統味道。九龍城泰國菜館多過七仔，可以屹立廿年，絕非僥倖。

個女伙記態度超級惡劣,又鬧客人講野唔清唔錯, 問多一句又鬧, 臨走前個女伙記仲惡到啤住你走, 試問咁樣點做生意,!!P.S.個火車頭超級咸,勁多味精,其他小食soso...不會再幫襯,有點貼錢買難受. 老細如果想做好間餐廳,請先改善伙記既服務水準!!!

極少在九龍城吃越南菜,始終泰國菜在這區已是根深蒂固.入到來坐下才知原來這店是泰越混合版!午市有不少的特價飯選擇,沙爹牛肉飯----論賣相及份量是沒得輸!以煲仔另上的,沙爹牛肉熱氣騰騰而且內裡牛肉份量極多.牛肉是韌了一點但沒經化學處理本應一讚,沙爹汁味道尚可不算香濃,但質感呈水漾完全不似芡汁,混入飯中就像用有味水撈飯....牛丸湯河----牛丸是大路貨式,湯頭味道頗清,顏色是深但欠缺一點骨香.豬肉蝦片----蝦片乾身鬆化,蔥油加上炸乾蔥粒的豬肉碎極香口.最怕吃到那些不新鮮還要被油浸到變軟的蝦片!本來對三數十元的包飲品的午餐沒甚要求,但就是這個沙爹汁差了一點點!

第一餐先和契媽團年團年。他們兩口子和我一家三口子先到，我遲了一點點，他們早已起動， 沒有拍照機會了。蒸粉卷評：好滑，內裡是新鮮豬肉，加上魚露WOW，好滿足。10／10越南春卷 （4件）評：生葉，加上魚露加越南春卷，絕配。10／10 蝦春卷評：炸野，好好味，蝦肉結實！8／10咖哩豬扒煲評：咖哩保持水準，豬扒用左香茅醃左，好有味，加上咖哩COCOUNT之香味，9／10蒜泥包X2客：評：正！！！即叫即焗，脆，脆，好香GALIC 味加上咖哩汁之配。10／10越式炒通菜評：夠鑊氣，唯一不是太SPICY，8／10越式金邊粉評：酸酸甜甜，不錯，花生碎好簡，8／10＊呢道D STAFF 好NCIE，主動問冰水OR 熱茶，要唔要碗SHARE AR，又提你下魚露。總評：8／10

剛北上回歸, 尋晚享受完一餐平靚正又開心既木屋燒烤, 番到九龍塘已經係中午既時份, 個肚又開始餓喇, 突然大腦對我發出強烈要食生牛河既指令, 同時對腳唔聽使咁上左架九龍城小巴係小巴度上網揾下靈感食邊一間好, 終於決定試一試永珍, 路過左呢間野咁耐都未有機會試一坐低餐牌都唔睇就點左生牛河, 牛肉全生另上, 五分鐘左右就送上我枱面先飲一淡湯, 可知生牛河湯底係其中一樣靈魂湯係夠味既, 但唔重牛味, 係一般湯粉麵個D味, 失望河粉尚可, 唔會係一夾就斷其餘芽菜洋蔥等配菜正常牛肉剩係睇賣相以為係凍肉鋪十幾蚊一包既貨色, 有成6片, 食落又比想象中好, 仲有D牛肉味呢碗生牛河絕對唔算係難食, 份量仲幾大碗, 可惜對一個特登想嘆一碗上品生牛河既人黎講, 失望太大喇另, 午市時間入黎食碗粉, 我無EXPECT會收加一, 另一失望為了生牛河的話可一不會再了