永年士多 (兆安廣場)

營業中

休息中

在銅鑼灣中心地區的永年車仔麵，我已經吃了很多次，沒有一次令我失望。今次試咗下午茶，非常超值。兩餸麵配多士或油菜，仲有熱飲都只係$38！兩餸麵同平時單點的份量一樣多，唔會因為係下午茶而變少咗，多士可以選一種口味，我選咗鍊奶。多士份量都唔少，是厚切麵包。食完一份下午茶已經好飽肚。今日車仔麵我點咗粗麵配豬皮及魷魚，首次嘗試中辣。辣度十足好過癮👍🏻豬皮本身已經醃得好夠味，點上辣汁好惹味；而且豬皮好爽口，咬落索索聲。魷魚唔算好大份，都適中，口感都係好爽，不過略嫌淡味咗少少。粗麵麵質抵讚，我放咗3分鐘先食都唔會太淋，煙煙韌韌，好食！多士雖然只有一款口味，但本身多士已經烘咗，所以好香口。奶茶茶底不錯，唔會有苦澀味，但略嫌奶落多咗少少，蓋過咗茶味。

員工完全無視在用餐的食客在打掃 準備收舖. 塵埃和清潔液空中四飛 毛巾,地拖和水桶擺來擺去 倒垃圾 同食物非常接近 甚至撞到食客 櫈已經放在枱上 完全不乎合現時應有的衛生準則.同埋大家要有用後門經後行離開的心理準備, 因為職員會準時鎖好正門.病從口入 希望大家慎選餐廳!!

之前一個人去左食永年既車仔面，叫咗豬腸、牛筋、雞翼+油面，個面底普普通通，最驚艷到我嘅係係雞翼，咬落又滑又入味。牛筋好軟，加埋湯底都入味。豬大腸食落乾淨，仲幾多份量，就算我好肚餓，最後都食唔晒，因為仲要留翻肚食甜品😋佢個咖央鮮牛油多士，都整左5-10分鐘，我食食下面先上菜，咬落外暖內凍，多士好脆，同我係馬拉食嘅有得揮（雖然一定唔會係完美）好推薦大家試呢個😂個醬都好味粒粒紅豆冰配搭濃郁奶茶，無咩特別，但好飽啊呢餐，滿足😋

呢間野真係紅到發紫，去親都大排長龍，到底係咪真係咁好食呢？今日親身過黎試下！中午一點幾到，竟然唔洗排隊，一去到就有位坐！由於太餓，我揀左四個餸，牛肚，豆卜，流心蛋，韭菜餃。每樣餸都不過不失，普通車仔面既味道，無特別impressed。比較印象深刻既係牛肚，炆得幾入味。豆卜有少少普通，浸得唔透，中間無咩味。流心蛋都幾流心，不過出面層蛋白無咩味。成餐飯既點綴係樽奶茶，拍得住太興，好濃郁，澀得黎又帶點甜。個人覺得整體係幾好食，但味道唔特別，唯一好處係環境乾淨，坐得舒服。

今晚係銅鑼灣總統戲院睇戲，順道去對面謝斐道搵野食。見到永年士多，即刻念念不忘上次喺永年冰室食嘅車仔麵！這裏地方較細，只有幾十個座位，以自助形式先買飛後取餐 。裝修整潔光鮮，大大隻字永年招牌。店內亦放置微型懷舊模型，滿足打卡用，食物就主力做車仔麵和經典小食！招牌大碗麵有豬腸、魚蛋、雞翼、蘿蔔、豬皮、豬紅、雞翼尖、紅腸、菜、魷魚。 唔使揀包羅 萬有經典車仔餸，識食梗係揀食油麵！豬腸瘦乾淨鹵水入味，陳皮魚蛋經典製作， 蘿蔔清甜無渣腍身入味，水魷魚新鮮爽口!自選餸 車仔麵紅腸、魚蛋、雞翼、蟹子丸、牛丸，河粉 加紫菜。 個人覺得車仔麵除咗餸材料之外， 湯底亦都好重要。永年這方面做得相當出色，滷水醬油湯底清甜，咸度適中配車仔麵一流！ 仲可以揀不同辣度醬汁，十分貼心。腐乳西生菜靈魂就是辣椒腐乳，甘香醇厚味濃有質感，配合辣椒鮮辣嗆口，令清淡生菜味覺昇華，回味無窮!咖央多士咖央醬新鮮芳香，質感有如西方果醬，不會過甜。塗上厚多士，烘焙得外脆內軟熟，口感滿足。菠蘿冰顏色鮮豔吸引，啖啖菠蘿肉絕不吝嗇。 童年嘅回憶全部返曬嚟！ 我就是喜歡那 種菠蘿果汁糖嘅味道，滿載以前燦爛笑容的快樂！

第一次食的時候覺得麻麻，但因為老公鐘意食所以就俾多次機會，之後就連我都主動話幫襯了。我覺得永年的車仔麵之所以比其他車仔麵優勝係因為佢每一樣餸本身都有調過味，唔係就咁用湯底烚熟佢地。三餸一麵：蘿蔔，生根，大腸，油麵，小辣加左韮菜餃。其實我平時都食得辣，不過食車仔麵我覺得小辣就已足夠啦，始終我唔係黎食四川米線我最推介的係蘿蔔！冇渣好甜入晒味。生根係完全煮淋，吸收晒湯汁，絕對唔係平時半生熟仲硬硬地的質地。大腸少少肥，剛剛好，又係好入味。韮菜餃好味，我覺得似灣仔碼頭。十寶麵：大腸，魚蛋，豬皮，豬紅，蘿蔔，雞翼，雞翼尖，魷魚，紅腸，菜 - 中辣魚蛋係陳皮魚蛋加分，基本上所有餸都好食，反而係麵底可能份量比較少，老公話十寶冇得加底。樽裝奶茶好濃茶底，細細枝剛剛好。銅鑼灣店+尖沙咀店都食過，覺得銅鑼灣好似坐得舒服d。

比平時嘅車仔麵貴少少，但係都正常嘅，係呢區～同埋呢度環境真係舒服同乾淨好多，如果唔係繁忙時間可以慢慢坐朱紅好特別幾好味，不過我覺得佢好明顯落咗堂，好明顯好甜我覺得天然啲好啲啲配料都好味嘅，但係覺得太少，因為我淨係嗌淨餸都係得幾舊， $9都係得兩粒韭菜餃好食到過唔到口癮雖然彈左好多咁，但係其實overall我係食得舒服嘅；）唔記得講，其實啲蘿蔔都好明顯落咗堂！所以甜得非常假, 我prefer啲食物係天然味，寧願唔好咁甜

元朗起家做到港九新界都有鋪，一於試試永年嘅虛實🍴四十幾蚊三餸一麵價錢算正路，叫咗時菜生根流心蛋米粉（微辣）。餸嘅份量正常，通菜ok，生根唔推介，平時打邊爐好鍾意食生根因為好索湯好入味，但問題係個湯底冇乜鮮味，所以生根食落只有油味。而店家推介嘅流心蛋的確流心，質地唔錯，但因為完全無滷過，所以除咗微微嘅蛋味其實冇咩味... 米粉份量同質地都正常，叫咗微辣，辣汁都幾辣吓，但唔太香，總括而言，普普通通，可能唔太啱我口味總結：價錢&份量適中，味道普通

今日收工約左朋友係銅鑼灣行街，行到咁上下攰攰地就去食嘢，估唔到銅鑼灣有永年士多既分店，永年士多係元朗有三十多年歷史，係一個家傳戶曉既食店，根本上無人唔識☺️我地毫不猶豫就入去食番餐好既💕店內環境非常乾淨，裝修優美，未食就已經先加分🤭因為行街太攰，忍唔住嗌多左幾樣餸😂我最推介既係牛筋同流心蛋。真係無諗過呢到既流心蛋比得上專吃日本菜地方，一咬即流出半熟既蛋黃，超級好味👍🏻而牛筋非常入味，并且易咬，但又不失煙韌口感，正呀✔️當然唔少得韮菜豬紅啦❤️呢碟真係一定要叫，啲豬紅完全吸到哂湯汁，超級入味，仲有質感爽口，食過絕對番尋味🤣鋪頭好細心咁可以比大家選擇要不辣/小/中/大辣，照顧不同喜好既客人👏🏻除左呢d餸，我仲叫左·炸魚皮·豬皮 ·貢丸 ，全部都幾好食架！另外店內有不少其他食店無既飲品，而我就叫左紅豆奶茶特飲，香港2大有名的飲料放埋一起，估唔到可以擦出新火花，變成一杯永年獨有既fushion特飲!有茶香同時又有紅豆既甜，令杯飲品有番啲口感，味道唔會咁單調～

經過銅鑼灣就試一下這家店，選擇了這碗大碗麵，有菜，蘿蔔，豬紅，豬皮，魚豆，魷魚，大腸，雞翅和雞翅尖，還有紅腸，真的什麼都有，好利害。全部都很入味，鹵的好吃。再加上一杯紅豆冰，真的飽得不得了。跟傳統的車仔麵店裝修不同，這家比較有現代感。

知道這店食物的份量比較多，就帶了朋友一起去試，結果都是食不完😂😂主食大碗麵 小辣 米粉一上到來哇了一聲😂超大碗勁多料🤣米粉好碎。。。豬大腸有點太肥了，其他還不錯，雞翼幾好吃😋豬手蝦籽撈麵 大大辣發現什麼辣個醬都是一樣🤨🤪只是份量差別🤷🏻‍♀️豬手得4舊🤔吃下去還好，麵底煮過了，太糊了😫小食腐乳通菜這個挺好！通菜是bb通菜，吃上去又爽又甜又嫩~~特飲抹茶紅豆冰不行不行✋🏻完全沒有抹茶味😑紅豆份量太多，甜shi了熱柚子蜜太甜了啊😰總體上食物飲品都很普通，沒有去吃的必要啊！🤭就是在銅鑼灣地段算是低價位的選擇🤗📍永年士多銅鑼灣謝斐道482號信諾環球保險中心地下7-9號舖

今日 食咗個两餸車仔麵餐加杯抹茶紅豆冰 紅豆 大大粒 唔似一般茶餐廳紅豆冰 超滿足! 車仔麵 魚蛋有陳皮味。加咗咖哩魷魚同油麵 個油麵好爽唔肥膩 感覺啱啱好! 唔似一般老字號 環境 好乾淨 會再去幫襯

永年士多 ～ 香港老品牌。 這是我第一次吃車仔面。 點了豬手撈蝦子面，腐乳通菜 和 綠花紅豆冰。 豬手很入味，蝦子面很彈牙，超贊 👍，但要小心有小碎骨綠茶紅豆冰，也要贊一下。 綠茶味很濃，紅豆軟身，我喜歡來了銅鑼灣，怎可以不來永年士多打卡呢 😝

環境幾簡潔，都坐得自在既。嗌左杯抹茶紅豆，唔係好夾，個抹茶多少少奶會好d，得個茶味同紅豆溝唔埋。no good個通菜。。。嘩。。唔店硬得。。好似未熟咁，都唔知想點。個腐乳醬好死咸丫，救命。。。撈混左都唔店丫。no no no但個車麵幾好味，湯底夠味，個辣醬唔錯，每個餸都醃夠味，陳皮魚蛋就唔係太夾，麻麻地。豬紅，大腸，蘿蔔都好好蘿蔔係勁甜，但所有餸份量就普通啦，唔叫抵係食過既車麵，下次可以試第二d飲品😃

今日和家人去銅鑼灣行街，見到永年車仔麵，之前食過它元朗總店車仔麵。所以又試吓銅鑼灣分店味道如何。店內環境都很整潔，員工服務態度良好，買票也不需要等太久。坐在門口那排座位，便可以一邊吃一邊看街景，也算不錯。我叫了一個三餸麵，有豬紅，豬皮和蘿蔔，食物的水準和份量和元朗總店差不多，味道也大致不錯。但是湯有點甜，所以我太喜歡，如果少些糖會好一點。我覺得最好吃的還是豬紅，豬皮和魚蛋。價錢方面和元朗總店的也差不多。有機會再來吃。