永年士多 (宏富廣場)

營業中

休息中

試咗佢哋嘅大碗面，真係令人難忘！我揀咗公仔面底，嗰個微咖喱辣湯底真係正到痹！😜 咖喱辣嘅味道調配得剛剛好，嗆辣之中帶住咖喱嘅濃郁香味，一啖湯落肚，全身都暖笠笠，簡直打咗個「正」字。面底嘅公仔面吸收咗湯底嘅精華，每一口都充滿嗰種惹味嘅咖喱辣香。而搭配嘅芝士竹輪同日式蟹棒，更加令美味加倍。芝士竹輪咬落去，芝士嘅香濃即刻喺口腔中散發開嚟，同咖喱辣湯底完美融合；日式蟹棒則鮮味十足，口感彈牙，食起身好過癮。仲有嗰個流心蛋，真係一大亮點！輕輕一戳，蛋黃就好似金黃色嘅熔岩一樣流出嚟，將蛋黃拌喺面入面，每條面都裹上濃郁嘅蛋黃，口感更加豐富，香滑又惹味，真係超讚👍除咗呢個大碗面，佢哋嘅豬手撈面都非常值得一試！豬手煮得淋滑，入口即化，鹵味濃郁，同爽滑嘅撈面一齊食，味道一流

一家人星期日去堂食，餐廳無咩人，坐低用QR code 落單，之後見佢用外賣盒給我。但我哋落單紀錄係「堂食」，叫佢改放入碗話我吔單寫「外賣」。咁叫佢俾個碗我，佢好似聽不到，黑口黑面。其實即使係系統出錯，或者我哋襟錯（而我哋紀錄確係堂食，即今次是「系統出錯」），客人問取個碗都不應這樣態度。已經無服務（自己取餐，食完要自己收拾），但連問佢攞個碗都咁嘅服務態度，仲要成個餐廳冇乜人，不是繁忙時間，職員態度要改善。

見到永年出咗新產品 街頭辣串串Combo，忍唔住又走入去試下，順便食埋我最鍾意嘅車仔麵。淨酸齋 $ 20麵根煮得入味，口感軟綿，濕潤多汁，酸酸甜甜，辣串Combo $39新品街頭新辣辣串，其中combo 包了4款辣辣串：魚蛋、魷魚、牛柏葉及豬腸，魚蛋有陣陣陳皮香氣，魷魚爽口彈牙，牛拍葉軟腍，豬腸無異味，連住肥膏一齊食，有陣陣油香味滲出，整體煮得好入味香辣。鮮油多士 $18多士現叫現製，暖笠笠的脆口多士加上鮮油，簡直係人間極品。自選麵 $48三餸加油麵咖哩汁小辣 $56豬紅、蘿蔔及筋牛，3款食物都煮得入味，豬紅唔太鹹無血腥味，蘿蔔清甜多汁又無渣，牛筋份量唔少，質感軟腍，油麵量份多，煮至軟硬適中，咖喱汁惹味又好味。四餸加米粉麻辣汁小辣 $71豬皮、牛肚、肥牛及炸魚皮，豬皮及牛肚炆得軟腍入味，肥牛肥瘦均勻，帶陣陣油香，湯底味道麻辣鮮香，米粉掛上湯汁後，香辣惹味，越食越上頭。抺茶紅豆冰 跟餐 +$15紅豆粉糯香甜，抺茶與紅豆比例剛好，淡淡的抹茶香味又無澀味，好好飲。

還記得小時候食車仔麵是價廉物美的選擇就是選擇自已喜愛的麵、餸、汁便可了可是現在不單價格貴了事情也變得複雜了首先是scan qr code點餐我一直認為要見到一格格餸根據該店甚至該日的食物狀態來選擇才能成就choice of today不過可能基就於動線及人流管制又或者選擇困難症的人太多(其實有選擇困難症的人不應該吃車仔麵)於是現在大部份車仔麵檔也是在座位剔點心紙的方法點菜而且這間鋪更擔心你不知選擇在點餐紙更一開首已經預備了幾個選擇給你餸菜款式都是大路選擇可是湯汁竟少了腩汁這個選擇這可是車仔麵的靈魂呢然後點餐完畢再帶著點餐完成的qr code往櫃台付款才算完成點餐然後出餐時再到櫃枱取餐對於堂食要離開座位才能開始進餐體驗不太好不過論食物其實不差豬腸豬皮豬紅都卤得夠入味豬腸爽而不韌豬皮腍但不會一咬即散豬紅新鮮，但相對份量較少總而言之食物處理調味都很好唯獨湯汁偏油了一點另外，飲品一定是散叫而涼粉冰也只比凍檸茶貴3蚊所以點了涼粉冰略嫌奶加得太多不過冰是碎上的這是值得稱讚

好多年前去元朗做嘢時第一次食永年🍜~估唔到而家已經好多分店🎊~唔使再千里迢迢入去元朗食啦🚍!今次去觀塘店,佢哋仲新出咗街頭辣串串🍡~可以揀魚蛋,魷魚,牛栢葉,豬腸~或者好似我咁貪心💗,揀個combo就乜都有🤗~佢辣得好過癮,辣喺喉嚨頂~而牛栢葉係最黐醬,亦係最辣嘅🌶🌶🌶~另外再叫咗個腐乳通菜🥬~份量ok,不過有少少渣🤏~腐乳醬都落得夠~唔想諗嘢嘅朋友可以叫大碗麵😋~有雞翼,豬腸,魚蛋等十款,一次就可以食晒佢出名嘅配料💯~仲可以揀要麻辣汁或者咖喱汁~我就次次都淨係叫蘿蔔🥕,豬紅,雞翼🐔~最鍾意個豬紅好入味又甜甜地,個蘿蔔都煮得好腍甜~飲品方面,我依然係最大推抹茶紅豆冰同奶茶紅豆冰🥤~兩個茶味都好濃好香,啲紅豆粒又大又甜起晒沙🫘~跟套餐就加15蚊,另外嗌就28蚊杯,跟餐抵好多👍~永年喺觀塘開分店,實在係打工仔福音💼~我都好想佢喺我公司附近開返間呀🥺~

今次去咗觀塘嘅永年士多，呢間車仔麵餐廳真係有啲正！我呢個豆卜蘿蔔甜酸齋撈麵真係唔錯！啲豆卜吸晒甜酸汁，入口即化，蘿蔔煮得好腍，甜甜地夾雜啲酸味，齋撈麵就啱啱好彈牙又唔會太硬，每一啖都係一種享受。呢個組合唔單止健康，仲令我食完覺得好滿足。我朋友嗌嘅墨魚卷魚蛋牛筋魷魚粗麵，簡直係一個味蕾大爆炸！墨魚卷煙韌有彈性，魚蛋彈牙得嚟鮮味十足，牛筋腍得嚟仲好入味，魷魚就有啲嚼勁，配埋粗麵同嗰啲濃郁嘅湯底，真係食到停唔到口。講到飲品，我哋點咗樽仔奶茶同凍檸茶。樽仔奶茶香濃幼滑，甜度啱啱好，飲一啖即刻滿足晒，嗰種懷舊味道真係令人回味。凍檸茶就清新解渴，喺熱辣辣嘅天氣飲落去，真係透心涼。至於最新推出嘅街頭辣串串，真係激推！魚蛋、牛柏葉、豬腸、魷魚，全部都浸滿嗰啲特製辣汁，每一串都辣得嚟好開胃，特別係牛柏葉，啖啖爽口，食完仲有一陣香辣留喺口腔，簡直係一場味覺盛宴。總括而言，永年士多係一個唔錯嘅地方，無論係食物質素定係嗰種懷舊氣氛都令人流連忘返。每一道菜都充滿心思同地道風味，無論你係咪鐘意食車仔麵，都應該去試下，絕對唔會令你失望！快啲約埋朋友一齊去感受吓呢個美食之旅啦！

在觀塘泓富廣場！香港老店【永年士多】開到來啦，在附近上班的朋友，不用再去元朗和尖沙咀了。店舖在大堂角落位置，是半開放式的店舖。環境裝修跟其他店不同，這裡以橙色配植物裝飾，形成一個顏色對比，給人一種清新風的感覺🙈。-飲品 跟餐+HKD$12起隨食物點會有跟餐價，是會便宜一點的🤭，點了樽仔奶茶、樽仔烏龍茶及凍檸檬茶。這幾款飲品味道也香濃，烏龍茶用冷泡方式，喝得到茶的清香味。奶茶甘香口感順滑，檸檬茶香濃解膩。-街頭辣串串 HKD$9/起串這個是新推出的美食，用了自家製的惹味辣汁製成。串串美食有4款，包括：豬腸、魚蛋、魷魚及牛栢葉。醬汁香濃惹味，辣得過癮挺入味欵，再來一口冰飲真香。-鮮油多士 HKD$18多士有3個口味選擇，但鼠妹🐿喜歡的是鮮油口味。簡單的美食不用太多調味，製作成港式風格美食。外脆內軟的多士，中間夾著香滑的牛油。半融化的質感，令到味更香的感覺。-大碗麵 HKD$76心大心細的選這個就可以欵，份量十足吃到飽！一次過吃到多款食物🤤，包括豬腸、豬紅、蘿蔔、魚蛋、豬皮、雞翼、雞翼尖、魷魚及紅腸。顏色吸引味道挺香的，可自選麵底、湯底和辣度，不用怕沒有喜歡的口味。-高佬發辦 HKD$68

永年士多專門食車仔麵，有很多款式選擇，價錢平民，味道挺好。 餐廳位置非常便利，開放式設計，有卡位坐得挺舒服。餐廳係自助形式，自己掃code點餐，即時俾錢，叫號拿餐，食完亦自行歸還餐盤。堂食和外賣都很多幫襯呢。自選麵套餐+飲品幼麵微咖喱辣湯底雞翼、肥牛、牛丸、墨魚丸、魷魚、韮菜餃幼麵微咖喱辣湯底牛腩、魚腐、魚皮餃、墨魚蝦卷、蟹籽丸、流心蛋每款麵自選左6種餸，所以大碗又豐富令。有好多餸選擇，每種餸都各自不同價錢。我最鍾意食魚腐和墨魚蝦卷，牛腩亦很香濃牛腩味，韮菜餃也大隻好味道。凍樽製奶茶 熱華田

位置幾特別的一間車仔麵，座落係繁忙的商業大廈地下，商業大廈遊人人來人往，食車仔麵之餘，可以感受一下，勤奮的香港人，不同工種的工人各有各忙，大家都係為了為口而奔馳！！而我就正正係到餵飽我的胃口🤣🤣。三🐷米：懷舊的味道，依舊湯底濃郁，正。😍凍紅豆奶茶： 茶味濃，紅豆大大粒。👍

觀塘新開人氣歌車仔麵，就近原則抱住一試無妨的心態。結果大失所望$49小寶油麵，湯底好好好油以為嗌咗唔辣嘅麻辣火鍋，平時我都會食麻辣火鍋、五花腩，唔怕肥膩都頂唔住。。。不過蒜味好重，少返啲油應該會好啲。陳皮魚蛋好硬但唔係彈牙，食唔到陳皮味，因為湯底掩蓋咗。豬紅不過不失。唯一大腸可取，乾淨冇異味，鹵汁入味。油麵正常。裝修、服務、環境，全部中上。食品水準希望只係因為新開運作未順暢，所以未如理想，不過短期內都唔會想再試。

早排路過才知觀塘都有永年車仔面，真心都好耐無幫襯囉，見GREEN套餐相對抵食D，跟埋飲品，又試吓，冬菇&蘿白好味，油麵就一般，凍奶茶都OK。咁啱朋友相約三人聚，半年無見，觀塘方便，再嚟整碗車仔面，三人食夠180蚊當中包括一杯多多特飲，就可填表參觀多多廠，順便試填，睇吓有無得參觀嘛。兩位朋友揀自選三餸面餐。朋友J話：蘿蔔好入味，車仔麵有5隻冬菇都算幾多，職員好nice。朋友K話：好欣賞蘿蔔～入味、甜和冇渣，唔夠冷氣。🙏今回我就叫左招牌面+白桃多多，加多多豬腸汁跟粗麵，覺得好味好多，豬紅&蘿白至好味白桃多多有少量果肉，益力多味唔濃，杯飲品清清地唔過甜都OK。永年幫襯過尖沙咀&沙田店，都幾好。佐敦&奧運分店容後又試試先。

#20240803 🤍📍 #永年士多觀塘成業街6號宏富廣場地下G01號舖 🍽️銅鑼灣｜尖沙咀｜佐敦｜大角咀｜沙田｜元朗｜屯門｜天水圍均有分店➖➖➖➖➖➖➖➖➖➖➖➖➖➖➖➖➖#自選三餸麵 $48 🫧 #豬紅 #蘿蔔 +$2 🫧 #雞翼尖 #米粉 #中咖喱辣 💭 最近公司附近新開左呢間野，同事極力推薦，講到未食過永年等如未食過車仔麵咁誇張，咁梗係要尼會一會佢啦😏首推蘿蔔，真係好甜，而且淋身，豬紅唔會一夾就散都抵讚，又係有啲甜味，目測有過十粒幾抵食，雞翼尖唔係唔好食，係無蘿蔔同豬紅咁出位🤩.#自選三餸菜底 $48 🫧 #牛筋 +$4 🫧 #豬皮 #魚腐 #中咖喱辣 💭 唔想食都叫菜底都係一樣價錢，變相係淨4餸咁樣，不過佢菜底無得揀要咩菜，一般都估佢係比生菜啦，估唔到係菜心幾特別，豬皮同牛筋一樣都係自帶甜味，豬皮彈牙而牛筋就有嚼口，魚腐正常唔係太推薦，反而要提醒大家佢個辣係堅辣！就咁叫中辣已經辣到索晒脷咁，真係衝量下先好叫👅.#班蘭咖央多士 $18💭 除左班蘭咖央仲可以揀鮮油或者煉奶，再唔係加2蚊雙拼都得，舊包有少少攤凍左唔太脆口，價錢亦唔算平，食佢唯一好處係甜甜地可以解辣，如果唔係即係無咩必

很早之前吃過加拿芬店，一試難忘😋今日路經觀塘去浤富廣場拎野，才看見永年開左係大堂入面，吾係咁岩真係未必見到。今次我自選三餸，豬腸、墨丸、魚蛋、米粉和熱奶茶。湯底唔油，豬腸還細分瘦腸、正常、肥腸，真貼心，魚蛋是少有的陳皮魚蛋，奶茶有驚喜，吾會有苦澀苦澀味，茶底好有茶味。所以話永年一直都冇令我失望。