100
17
5
港鐵尖沙咀/尖東站 B1 出口, 步行約4分鐘 繼續閱讀
所有分店 (2)
開飯介紹
來自元朗的人氣車仔麵店,推介十餸大碗麵。 繼續閱讀
營業時間
今日營業
12:00-22:30
星期一至日
12:00-22:30
*截單時間: 22:00
付款方式
現金
食評 (131)
等級4 2017-12-17
1033 瀏覽
星期六在尖沙嘴逛街,去到The One附近斜路外面大排長龍的一間餐廳,原來是元朗很出名的永年士多車仔麵老舖,原來在尖沙嘴開設分店,想食也不用入元朗,雖然同樣要排隊,也要嚐一嚐老舖的味道。這裡同快餐店一樣是先付款點餐再自取食物和自助搵位,餐廳內外雖然人多,但井然有序。價錢相宜,$37三餸一麵,另加配料每款$8。淨餸三款都是$31,另加配料每款$9。它們亦可配自家秘製辣汁,但可惜我不吃辣。今天有點貪心,很多款餸都想食,應該一個碗都裝不完,果然店員說要分開上,真有點不好意思了,我點了湯底不辣的粗麵;雞翼、牛筋、羅白、豬紅、牛肚、韭菜餃、魚皮餃和流心蛋,還加了紫菜、時菜。豬紅和雞翼都十分入味;蘿白腍軟。流心蛋真的是流心並且有蛋香的甜。《抹茶紅豆冰》(原價$25,跟餐$15)抹茶味香濃,加上本身帶甜的紅豆蓉,味道剛好。另外亦點了豬紅、雞翼、蘿蔔、牛筋 、韭菜餃、芝心丸、時菜、鳳爪 配粗麵(不辣)。永年的配料每款都有自己的味道,而非一般車仔麵般每款都同味道或者無味只靠湯底,所以不錯,唯獨牛筋如果可以再腍一點就更好。飲品配熱柚子蜜。《多士(班蘭咖央) $13》烘得脆身而且超厚身的,醬不會太甜,配搭幾好味。 繼續閱讀
(以上食評乃用戶個人意見 , 並不代表OpenRice之觀點。)
衝出牛牛區 焦點食評
等級4 2017-11-24
1713 瀏覽
早陣子網上有人說笑道屯門在新界北區,荒山野嶺得居民要騎牛上班。元朗在地理位置上可也是不相伯仲,但近年發展很快,多個大型商場如YOHO落成,引入了很多連鎖食店,卻不知為何也調頭將元朗地道的小店帶出市區,人們不用再長途跋涉地走進新界去吃特色美食了,如這次吃的永年士多便是一例子。餐廳十二點開門,想不到星期六我十一時四十五分到達,門口已經有人龍!香港人倒真的是越要排隊的地方越要吃啊 也代表能夠衝出元朗到市區開分店是有人氣證明的。以前吃車仔麵是吃經濟實惠,現在吃車仔麵變成一種奢侈的懷舊,更加著重味道,甚至有很多新配料,當然點起餸來價錢也不便宜。拾級而上便是下單櫃台,如多於一人來的話,可以一人下單,另一人先進去自己找位子。下單付錢後到吧台交票,再自行用刻有店名的托盤把食物端到自己位子,全程自己serve自己,像是快餐店物流一樣。交票後食物很快便做好。難得weekend又早起外出,獎勵一下自己吃好點,我倆便「不小心」地點了車仔麵盛宴。兩個人兩個小吃加兩碗麵,而麵食的份量原來也很大,非常豐富。這是新出的抹茶紅豆冰。宇治金時本來就是好搭檔,用港式紅豆奶冰底加上帶點澀的抹茶冰,不會太人工,也不過甜,是新派特飲之選。 用上罐頭糖水菠蘿及菠蘿醬,味道酸酸甜甜,還有果肉可以吃,是簡單清涼的美味。多士有數款口味可選,甚至可以雙拼,我們選了大熱的咖央。白麵包厚身,烘式烘至剛剛好的金黃色,外脆內軟。內裡的咖央醬塗抹得非常均勻,薄薄一層,倒也夠椰甜味,不會太膩。想不到通菜非常鮮嫩,完全沒有渣滓,廚師還很細心將菜莖和菜葉分開,放得整齊之餘也方便食用。腐乳醬更是精髓,夠稠杰夠濃味,鹹香惹味。來到主角車仔麵了,這是友人點的豬紅、蘿蔔、流心蛋配油麵,全都是餐廳推介配料。豬紅絕無腥血味,淋得來帶點脆口,不錯的吃。蘿蔔用咖哩汁炆至非常軟林,用筷子輕輕一碰已經會破洞,選料上乘所以蘿蔔自身本已非常清甜,再加港式的咖哩汁調調味,甜而不辣,十分推介。我這碗是流心蛋、雞翼、魷魚配生麵。雞翼滷得入味,醬油汁不會過鹹,肉質軟林但外皮仍然完整。土魷份量很多,也很爽脆,厚過味道則較淡,若能與炆蘿蔔的咖哩汁炆在一起會更好吃。我倆都有點的流心蛋,還真的是少於半熟所以做到流心效果。欣賞它在蛋黃保持流心的同時,外層蛋白已經熟了,才是流心蛋應有的火候控制。不過蛋本身沒有醃過或浸過醬油,同樣地味道欠奉。個人吃車仔麵時最喜歡點生麵,這裡的麵份量很多,彈牙得來沒有鹼水味,煮得條條分明,不會糊口,時間掌握得不錯。總括來說這家車仔麵雖然配料較傳統,但味道和選擇都不錯,飲品更是新穎。價錢稍貴,但在尖沙咀中心地帶開店來說算是可以接受。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-11-23
1111 瀏覽
永年都出左尖咀咀一段時間,但開業的最初,總是人滿為患,所以一直都未有機會去。事隔2個多月,總於約同事一訪。星期六下午人都未算多,但早已排到出門口,幸好出貨快,所以人龍都散得快。 餐廳唔大,但要上一層,正門是收銀,左手邊係廚房,眼見師傅們忙個不停。點左2碗麵,2杯特飲,一份咖央多及一碟腐乳通菜。上菜好快,買好等飛拎野食。 首先一讚個咖央多,四四方方一份,麵包夠厚,醬夠多,牛油都夠厚。成件加埋好好食。 特飲也不可錯過!奶茶紅豆冰好足料,正宗的港式奶茶配上紅豆,只睇都覺得吸引。抹茶紅豆亦讚不絕口,抹茶味好足,質感夠幼滑,呢2杯係不可錯過之選,而且出面都好少飲到。 講到麵,湯底比較清,但幸好啲餸醃得入味,所以加起黎味道剛好。喜歡其豬腸,因為清得好乾淨,而且入味,栢業夠爽口,墨丸係真材實料的,唔似出面咁有粉打成,所以食到粒墨魚肉。同事就點左雞翼尖,佢話好入味,同埋佢加左辣汁,所以佢話好惹味。大家都清左個碗,而且連湯都飲埋。個腐乳通菜都好好食,通菜切得好整齊,所以食時唔會長長一條痴住晒。通菜面淋上了滿滿的腐乳醬,真係多到瀉,所以差不多每條菜都沾,到腐乳醬。簡單得黎又好食。尖沙咀區食車仔麵的鋪頭唔多,永年的出現令大家多左個米線以外的好選擇,而且唔使長途跋涉入元朗食,好方便!!! 繼續閱讀
(以上食評乃用戶個人意見 , 並不代表OpenRice之觀點。)
永年士多 焦點食評
等級4 2017-11-20
267 瀏覽
本身呢我係未食過永年士多 但只係網上見過啲人話幾好味咁架咋咁平時出開尖沙咀發士有個門口位有排隊唔知食乜有次有偷食過但都睇唔到咩黎 跟住後尾原來係新開咗間永年士多咁我都想試一次架喇 因為見咁多人排 不過呢 尖沙咀叫做好食少少都好多人等位其實 間間餐廳都要排 假期係好多人食飯呀真係餐牌好清楚咁寫咗有咩麵可以配啲咩嘢食 咁我比佢個新出既流心蛋吸引住咗 所我係點咗碗有流心蛋既之後又見到有個多士 又屎忽痕叫埋個多士食 所以我係食咗六十五蚊既咁我叫咗碗墨魚大腸流心蛋幼麵既 隻蛋比較熟 得返好少流心 熟咗啲啦而墨魚比較淡味喎呢到 跟住啲大腸就比較難咬得開 我咬咗好多先吞重點係湯底 好重麻油味呀 好似食緊公仔麵既感覺 麻油係落得好多 但麵質唔錯 都幾爽口好味 跟住仲有一個係生根大腸魷魚配油麵 佢呢碗既麻油味比我個碗仲要勁 唔知係咪呢間野既風格啦 但我覺得落得太多麻油味啦成碗麻油味 冇其他味喇 但油麵都係幾好味 爽口既 生根就一般般 魷魚都唔錯 口感幾好 都爽既 大腸都係靭啲但可以接受加多埋杯嘢飲就五十二蚊啦 呢碗麵13蚊兩件士多仔 味道一般 唔算好味 但見佢即時整都叫有加分既抺茶紅豆冰 反而幾好飲喎 抺茶味同紅豆都幾夾 抹茶清得黎有紅豆味 唔錯 但碎冰落得比較多仲有杯係紅豆奶茶冰 普通奶茶加咗紅豆加左奶咁咋 冇乜特別 不過不失咁我地就揀咗個窗口位坐既 望街 隔離都唔會有人拎住盤野係我地後面經過所以我覺得呢位都幾好坐呀其實 又唔會有人騷擾到你 又望到出面街啲人仲見到對面間野好多人排隊 感覺唔錯 不過間野係比較迫既但係37蚊碗三餸麵同埋餸唔多之下我覺得係比較貴 但味道我覺得唔錯既都 繼續閱讀
(以上食評乃用戶個人意見 , 並不代表OpenRice之觀點。)
等級4 2017-11-12
2207 瀏覽
以前聽元朗之友講永年,今日終於係尖咀食到。中午黎講冇夜晚咁多人排隊,雖然都係人多,但等一陣就有位。新派的裝修令人感覺年輕,港區名graphic和figure有香港特色。地方十分乾淨,有別舊式的店舖裝修。特製的tray配車仔麵,感覺新潮,將地道美食帶入新的時代。魚蛋、大腸、牛筋幼麵(三餸一麵$37)加微辣,魚蛋係我最鍾意個種結實口感,大腸鹵得好入味,牛筋粗身帶肉又有嚼勁,湯底清甜,不加辣也ok,仲附上幾條菜心,車仔麵黎講真係非常有heart,又有質素。連小食都有,幾多元化。斑蘭咖央多士($13) 烘得幾脆,多士仲係厚身的,唔太甜,幾好味。蠔油菜心($18)新鮮。豬皮、雞翼、蘿蔔米粉($37),豬皮炸過後,好吸湯汁,極之入味。蘿蔔夠稔又清甜,大小切得剛好,很貼心。雞翼肉質很嫩滑。其實平時去其他舖頭都唔多夠食,今次真材實料,好大個麵底,抵食。估唔到呢度都有抹茶紅豆冰(跟餐加$15)咁creative,抹茶味濃郁,紅豆份量多又大粒,正!凍奶茶(跟餐凍飲加$11)有茶餐廳的水準,茶味和奶味比例非常好。p.s.服務唔錯,好有效率! 繼續閱讀
(以上食評乃用戶個人意見 , 並不代表OpenRice之觀點。)