永年士多 (香港逸東酒店)

營業中

休息中

以前住元朗成日食永年，自從搬咗之後就冇食，出咗佐敦先知原來佐敦開咗，即刻回憶返晒嚟，裝修唔錯，即刻入去試吓係咪同元朗一樣先。咩都想食關係叫左碗 大碗麵🍜 咩都有，正，仲加左 牛筋，牛丸，墨魚蝦卷。咖喱湯底真係好正，超夠味，好啱鍾意重口味嘅人。而家用QR code落單好方便，有啲仲可以自選喜好，仲可以轉菜底，仲有素食者菜式提供，唔錯唔錯。 所有餸都好好味，蘿蔔，豬腸，豬紅，豬皮，魷魚，陳皮魚蛋，全部都好夠味又夠淋身。除咗雞翼尖差少少，其他都keep到水準。而家多咗好多唔同嘅選擇，搞到心大心細，揀咗好耐食咩好仲叫左碟菜，腐乳通菜，個腐乳醬勁正，好細滑，好好味，通菜仲可以揀淋啲添。呢個多士又係必食，不過真係要趁熱食，最好味，咖央醬加牛油不得了好吃的東西總是令人胖胖的現在還是很想再吃它的奶茶也是必叫的，夠濃夠甜嘅港式奶茶，正。

今日黎食好掛住嘅車仔麵，呢間永年士多喺逸東酒店樓下，交通好方便！！裝修設計好有懷舊風味，會見到有啲車仔麵檔嘅裝飾～～～Menu上都有唔同既配搭，仲可以自選！三豬麵～有豬腸豬皮同豬紅配上油麵，油面爽滑，豬皮好入味，豬腸好腍，完全冇豬臭味！招牌麵有魚蛋，豬紅，豬腸同蘿蔔，另外仲加咗紫菜同牛肚，叫咗粗麵，同樣爽滑彈牙，而且一碗份量都唔少魚蛋細細粒，但好彈牙～最近仲出咗新嘅辣串Combo，集齊左四款永年招牌串，豬腸、魚蛋、魷魚、牛栢葉，食落唔會太辣，啱晒香港人口味，推介食魷魚，好彈牙！腐乳通菜麻辣牛柏葉麻辣味十足，牛柏葉吸晒麻辣味好正！最後緊係要試埋個樽仔港式奶茶，茶味十足，唔會好甜，飲落有回甘，正！

永年士多位於佐敦逸東酒店，裝修充滿復古風情，坐低即刻有種置身舊香港冰室嘅感覺。主打車仔麵同港式小食！首先係牛筋牛腩蘿蔔蒜油撈麵，完全係全場最有驚喜嘅組合！牛筋牛腩炆到超入味，牛筋彈牙唔嚡口，牛腩帶少少脂肪，啖啖肉夠晒滿足，配埋炆到腍身嘅蘿蔔，啱晒鍾意濃味又有層次嘅朋友。蒜油撈麵本身已經香得嚟夠滑，配埋濃郁微辣嘅咖哩汁，味道層次即刻升級，每條麵都掛滿醬汁，真係停唔到口！第二款豬紅雞翼墨魚蝦卷冬菇車仔麵，豬紅滑溜唔腥，雞翼夠嫩，墨魚蝦卷鮮味彈牙，冬菇吸晒湯汁，口感層次超豐富。湯底清甜又夠味，油麵煙韌掛湯，每啖都充滿港式風味，食到最後一啖都仲係咁滋味。蝦醬通菜炒得香口，蝦醬味道濃郁但唔會過鹹，通菜爽脆冇渣，送飯送麵都一流，鐘意重口味嘅朋友必試！再嚟係辣串combo，有豬大腸、魷魚、牛柏葉、魚蛋，再配秘製醬汁，真係又香又辣！豬大腸處理得好乾淨，完全無異味，食落仲帶少少煙韌口感；魷魚爽口彈牙；牛柏葉吸晒辣汁，超入味；魚蛋彈牙又夠辣，配埋其他串燒，絕對係一個夠晒過癮嘅拼盤！飲品方面，抹茶紅豆冰嘅抹茶味濃郁，紅豆煮到夠綿密，甜度啱啱好，飲落唔會覺得膩；樽仔奶茶茶味香濃，唔會過甜過奶，口感順滑，啱晒配

紮根香港62年的永年士多進駐逸東酒店，店內以舊香港場景為主調，牆上面掛有由本地藝術家雪姫創作的巨型壁畫，壁畫畫上了 60 年代劉永年先生在屏山虛市擺檔場景，更擺設了60年代的車仔檔，模型造件栩栩如生就像回到從前一樣。店內場景打咭一流，另外還有送由藝術家雪姬設計的明信片活動，不可錯過啊！車仔麵餐牌多款不同配搭嘅車仔麵，亦可選擇自選，適合不同口味客人。大碗麵：有豬腸、魚蛋、蘿蔔、豬紅、豬皮、雞翼、雞翼尖、魷魚、紅腸、菜，足足有十樣餸，份量十足，全部都滷得好入味，尤其係豬腸洗得乾淨冇異味，食得出係新鮮非急凍，煙韌度啱啱好，湯底揀咗微咖喱辣配米粉，湯底每天用鮮雞配以多種材料熬成，味道香濃鮮甜。至尊麵：有豬手、雞翼、豬紅、豬腸、豬皮、魚蛋、蘿蔔，豬手滷得入味，每口都充滿骨膠原，雞翼嫩滑，豬皮爽口魚蛋彈牙，蘿蔔清甜，中咖喱辣湯底配油麵，辣辣哋惹味彈牙。小食咖喱三寶都好受歡迎，豬皮、魚蛋、蘿蔔越食越滋味！葱花豬腸：每日新鮮烹調，確保美味，清洗澈底，再伴以香料煮製，清香滲透豬腸內外，食落令人齒頰留香！紅豆奶茶冰：林甜紅豆冰加入香滑奶茶，提升了紅豆冰層冰。凍華田是麥芽巧克力的口味，不會太甜。 

行開佐敦見到，又想回味下佢哋出色嘅車仔麵，順便帶個外賣返屋企。麻辣豬耳及麻辣牛柏葉麻辣汁麻辣惹味，豬耳口感爽脆，牛柏葉質感爽滑，煮得十分入味，越食越香辣。淨酸齋麵根口感軟綿，濕潤多汁，酸酸甜甜好入味。自選麵四餸跟粗麵加微辣咖哩汁豬紅、豬腸、魷魚及麻辣豬耳，豬紅唔會好鹹又無腥味，豬肥腸腍滑入味，有油脂香味，魷魚爽彈入味，粗麵煮至軟硬適中，掛上香辣咖喱汁，更加香口惹味。四餸加米粉豬皮、牛肚、牛丸及豆卜，豬皮及牛肚炆得軟腍入味，牛丸爽滑彈牙，豆卜吸收咗湯汁，原味湯底味道香甜，配搭米粉一齊食，相當好味。樽仔奶茶茶奶比例剛好，味道香濃，口感順滑。菠蘿冰菠蘿粒份量多又味道清甜，零舍冰涼透心。

今日經過佐敦呢間永年士多，入去食咗啲嘢，除咗有一般分店都有嘅美食之外，餐廳設有打卡位！落單可以用QR code落單夠晒方便✅蝦籽菜心搭配香脆的蝦籽，增添了海鮮的鮮味。這道菜的口感層次十分豐富滷水雞翼醬汁香濃，雞翼經過滷製後，肉質鮮嫩，味道入味。滷水的香料味道讓雞翼更加誘人，外皮微微帶有光澤，口感滑順。🍟🍟大碗麵一碗豐盛的面食，裏面材料包括有豬腸，魚蛋，羅蔔•豬紅，豬皮，雞翼尖，魷魚，紅腸！今次揀咗油麵為基底，口感滑順，吸收了湯底的精華。中咖喱辣的湯底給予了麵條獨特的風味，香氣撲鼻，讓人食欲大開。紫菜的加入增添了海味，讓整碗麵更加豐富🔥🔥🔥🔥另外叫咗支樽仔奶茶，非常值得推介😎😎 #廟街 #油麻地警局 #油麻地

男朋友好鍾意食永年車仔面，之前去咗尖沙咀嗰間，但係實在太迫同埋又多人，次次去都要等位🙈見到另外佐敦都有分店仲要喺街頭店入面，睇落好似幾得體咁，就轉場去咗呢間食。呢度嘅空間咁感大啲，裝飾都有d懷舊風，有一個扮車仔檔嘅設計同埋有一個英倫風嘅郵筒，打卡啱晒呀。.叫咗最經典嘅四餸車仔麵，真係好豐富！佢嘅陳皮魚蛋都真係幾好食，食得出係同出面唔同。另外一個叫咗個五餸車仔麵，特別係虎皮鳳爪，係必試嘅，份量十足，大件夾抵食！另外佢嘅斑斕咖央多士都好出名，選用嘅防爆都有少少厚，雙面烘完食落去有少少脆口，配埋本身甜甜地嘅斑斕醬，都幾好食。

係逸東酒店入面，估唔到會有一間香港地道特色既車仔麵，仲有唔少有心思打卡位俾你記錄一下舊時香港車仔麵手推車檔嘅特色，仲有送明信片活動添～同媽子每人嗌咗一碗車仔麵：-自選麵：米粉、小咖喱辣、豬皮、魚蛋、牛筋、蜂巢豆腐、流心蛋-自選蒜油撈麵：微咖喱辣、豬大腸、魚蛋、牛栢葉、豬手、墨魚蝦卷最推介魚蛋&豬大腸～ 每樣嘢都做到車仔麵應該做到嘅水準，很不錯👍🏻 蒜油撈麵嘅調味亦都做得恰到好處，btw就算怕食辣嘅都可以嗌小辣😉-抹茶紅豆冰第一次見呢個組合，可以一試！-白桃多多幾fresh! 入面有一粒粒椰果☺️-腐乳通菜係最正嘅組合！啲通菜洗得好乾淨、切得好整齊，但如果鑊氣再勁啲、啲腐乳同通菜mix埋一齊，會更正😛-樽仔奶茶茶同奶比例係我鍾意既🥰

車仔麵係其中一樣我好鍾意食嘅野其實成日都外賣食永年，好少堂食今次好似係第一次堂食，唯有幫佢打返篇食評啦😝🤩以前返工每個禮拜總有一日叫永年外賣🤣叫開尖沙咀同觀塘嗰間外賣第一次去佐敦分店裝修都幾靚平日都非常多人呢個永年辣串串好似係新所以今次嗌咗嚟食，叫咗超多嘢食😆我就叫咗大碗麵 $76超多餸推介大家嗌佢哋嘅咖喱辣 好好食陳皮魚蛋直接點嗰個醬食超級好食大碗麵，除咗魚蛋、豬皮，豬紅、雞翼尖、雞翼，魷魚、菜心仲有紅腸份量好多揀左米線佢嘅米線係爽口個款如果淋啲我會鍾意啲朋友就叫咗最傳統嘅四寶麵車仔麵必食嘅四款餸！蘿蔔魚蛋豬紅豬腸蘿蔔超級甜豬腸同豬紅都好入味佢哋自己出嘅樽仔奶茶都唔錯腐乳通菜個腐乳汁好惹味喺麵度加嘅餸～魚皮，份量都好多

經過佐敦，先發現原來逸東酒店樓下有間，牛筋腩蝦籽撈麵連樽仔奶茶$66無加一，合理！蝦籽味咸香麵質都算彈牙，牛筋腩好林入哂味，仲可以加咖喱汁。樽仔奶茶、紅豆奶茶冰個奶茶底香醇濃厚，又唔會太甜，岩我口味。蒜油撈麵外表好清，但食落有蒜香，唔辣友好。揀左3餸：酸齋似乎係間間都咁好食、炆林無渣嘅蘿蔔、入味鳳爪都無失水準。今晚食咗碟蝦醬通菜，超多蝦籽！！咖喱三寶、辣串Combo有豬腸、牛柏葉、魚蛋、魷魚等等，樣樣入味惹味。可能佢而家主打遊客生意，有好地道打卡位，同送明信片活動，如果我係遊客都會覺得幾吸引！

今日我去咗佐敦一間主打食車仔麵嘅餐廳，佢哋嘅總店其實喺元朗，出名到不得了！今次特意嚟試下佢哋嘅招牌。一入到去，環境好有特色，雖然係餐廳，但有種車仔麵嘅懷舊感覺，坐低之後，我哋就開始點菜。我叫咗佢嘅咖喱串串四寶，裡面有魷魚、牛柏葉、魚蛋同埋豬腸，咖喱汁香濃，串串嘅材料一齊煮，味道融匯得好好。魷魚煮得剛好，唔會過韌，牛柏葉嘅口感亦非常好，吃落去很有咬勁，配合咖喱汁簡直係完美！另外，我仲叫咗佢哋的至尊麵，呢碗麵真係包羅萬有，裡面有雞翼、豬紅、豬手、豬腸、鳳爪、蘿蔔、魚蛋同豬皮，真係一碗滿足嘅組合。我選咗小辣，想試下佢哋嘅辣味，果然辣度正好，唔會過火。幼麵底煮得非常好，滑滑嘅，豬紅同豬手都煮得超正，豬紅滑膩，豬手則肉質軟嫩，簡直係絕配！我朋友選咗自選車仔麵，粗麵底，佢買咗牛肚、牛筋同魷魚，聽佢講味道都好正。牛肚有啲嚼勁，牛筋就更加彈牙，魷魚亦係鮮嫩，三樣材料搭配粗麵，吃落去真係好滿足。佢仲加咗$20要碟酸齋，聽講味道都幾特別，酸酸甜甜，真係好開胃！飲品方面，我哋叫咗抹茶紅豆冰同樽仔奶茶。抹茶紅豆冰，抹茶味濃郁樽仔奶茶就係懷舊嘅味道，奶香濃郁，茶味亦唔會太重。呢間佐敦嘅餐廳真係好值，食物味道出色

和朋友來吃車仔麵,一起分享了不同的食物及飲品。碗裡的湯麵看起來豐富，湯頭清爽，帶有一點鹹味，裡面的肉質鮮嫩，蔬菜也很脆，整體口感很好。每一口都能感受到不同食材的風味，讓人覺得很滿足。肥牛，肉質鮮嫩，煮熟後油脂融化，入口滑順，帶著濃郁的肉香，令人滿足。牛柏葉則是瘦肉與脂肪的完美結合，咬下去有嚼勁，肉香與油脂的味道交織在一起，讓人一口接一口。芝心丸外脆內嫩，咬開時芝士流出，濃郁的奶香與肉味融合，讓味蕾享受到驚喜的美味。最後是豬手，經過長時間燉煮，肉質軟爛，膠原蛋白豐富，吃起來特別滑口，醬汁的鹹香讓整道菜更加美味。烏龍茶，清香四溢，口感滑順，帶有淡淡的甘甜，特別適合搭配各種美食。抹茶紅豆冰則是一種創新的組合，抹茶的香氣濃郁，與紅豆的甜味相得益彰，口感綿密，讓人感受到日式風味的甜美。菠蘿冰，清涼解渴，菠蘿的香甜與冰的冰爽完美結合，喝下去瞬間提神。港式奶茶的茶底醇厚與奶的柔滑，讓人回味無窮。

相信大家對永年一啲都唔陌生。而咁岩見到逸東酒店有間分店就入去試試！菜底車仔麵 + 3 餸想叫多個小食又怕食唔晒，所以叫菜底就最岩！我今次特登想有碗暖湯，所以一定叫湯麵😍湯底黎講，唔知點解我覺得同尖沙咀個間有分別🤔但都唔影響佢成個味道嘅。食永年就係想要佢嘅濃濃湯底加埋蘿白，真係好正😍當然另外2個配菜（雞翼同冬菇）都唔錯滷水鳳爪見到佢有新品當然要試吓！佢成隻鳳爪係勁入味同好冧。值得一試！ 不過期間限定就唔知幾時會下架🥹

今日同個朋友傾開原來逸東除左有自助餐外，近年都有唔少食店進駐，今日甘岩黎佐敦，就揀左永年，車仔麵黎講佢都好有名。朋友叫左個自選麵，豬紅好味，有好重既蒜香味，配搭唔錯。牛筋滷到好入味，入口都仲有少少彈牙，唔錯。牛柏葉燙到剛剛好，有口感爽爽地之餘都好掛汁，正！我就叫左佢個套餐有營有素，配流心蛋、蘿蔔、豆卜、冬菇、紫菜。首先要講一下湯底，加左紫菜提鮮真係唔錯。蘿白係香甜既，最正係流心蛋，煮到真係剛剛好，蛋汁流出黎再撈埋個粉一齊食，好正！值得一提係佢d 辣醬超惹味，食辣既朋友一定要試！小食方面鹵水虎皮鳳爪，同平時飲茶既鳳爪味道唔同，依度係醬香味濃d 加上有少少辣，幾惹味。辣串Combo set ，包左有魚蛋串，牛柏葉，豬腸，魷魚串，配有香濃咖哩汁，好正。腐乳生菜，生菜爽脆腐乳汁香濃，用黎配住d 辣野食就最岩啦！另外值得一提係佢既野飲，叫左樽仔烏龍茶，冷泡香味比較出，解辣一流！

凍冰冰嘅天氣，玩完九龍公園😋見到間連鎖出名麵檔暖心嘅🍜店，即刻坐低食暖笠笠Lunch先🤤港式風味嘅車仔麵，想食乜嘢就揀乜嘢🎉都幾多選擇！🍽️ 至尊麵 + 抹茶紅豆冰香港人叫車仔麵叫藞䕢麵，唔係代表佢污糟，係因為佢種類繁多，乜都有得食，咁我叫咗個至尊麵餐，有豬紅、豬大腸、豬手、雞翼、蘿蔔、魚蛋等等嘅配料😍加埋香濃嘅豬腸汁同粗麵，真係食出街邊車仔麵嘅風味，個麵底仲煙煙韌韌夠晒彈牙，鍾意食內臟嘅朋友一定唔可以錯過！而杯抹茶紅豆冰都好正係用咗維他抹茶豆奶再溝紅豆製成，全部都係香港獨有嘅味道😋🍽️ 牛筋腩蟹籽撈麵 + 紅豆冰撈麵係 Lisba最愛😍叫咗牛筋腩蟹籽撈粗😋 估唔到有咁多件牛筋同埋牛腩，件件都炆到入晒味好腍😋真係啖啖肉食得好滋味！🍽️ 街頭辣串串童年回憶一定要叫街頭串燒，喺呢度食乾淨得好多，我哋叫咗牛柏葉、魷魚、魚蛋同豬大腸串😋串串都夠晒風味，牛柏葉配少少辣醬，有咬口，唞而且魚蛋係我哋細個食開嘅陳皮魚蛋😋已經食到回憶！🍽️ 紫菜丸湯我地3個人叫咗兩餐，另外叫咗個紫菜丸湯比Lisboy🍲佢食咗少少牛腩同埋粗麵，再配埋個牛丸開心到好飽😋紫菜湯夠清新，牛丸有牛味！不得不提呢間分店嘅裝修係比較特別喺酒