33
3
2
以上資料只供參考, 請與餐廳確認詳情
食家推介
食過好多粥店,但粥要夠綿,炸兩又好食嘅真係好少。呢間唔止兩樣都整得好,啲炒粉麵都簡單而好味~好多時啲炸兩一係個皮唔滑或者太厚,一係就個炸兩腍bb...真係好少食到炸兩令我覺得好脆又唔係死硬,而個皮都係又薄又軟滑嘅。所以會成日都好掛住呢個炸兩…呢度嘅米粉同麵油皇炒麵都係用個鐵板即炒而成。所以店內成日都有炒嘢嘅香氣同埋鐵板鐵鏟碰撞嘅金屬聲,真係聽到都想叫返碟。炒米粉雖然無乜料,但夠鑊氣!呢度嘅粥底好線,基本上咩粥都會好食。之前食過豬紅粥,豬紅本身有味嘅。而皮蛋咸瘦肉粥就無乜特別,料都足~炸雞中翼雖然係好簡單,但真係好香脆,而且雞翼入味。作為一個討厭食花生嘅人,我覺得佢連伴碟嘅咸脆花生都好好食!香港地嘅獨立粥店真係唔多,繼上次介紹嘅西關粥店之後,呢間都係會令我想念嘅粥店~
繼續閱讀
兩個人食兩碗粥、一碟炸兩及一杯豆漿，係食唔曬嘅，份量比想像中大太多。皮蛋瘦肉粥料很足，豬肉絲很細。咸雞粥很清甜。豆漿香濃。炸兩很脆 不過油炸鬼有陣千年油味 寧願單食腸粉。
繼續閱讀
今日係紅日公眾假期 好早就起咗身於是落街行吓 突然之間今日好想食清淡少少所以就行咗去聯和墟到食粥👍🏻👍🏻其實呢間粥店我以前都介紹過都係住喺聯和墟嘅朋友推薦我食不得不提佢哋嘅炸兩一碟有4大條 HK$17 個價錢係講緊$17😋😋😋另外嗌左碗鮮滑豬肉片粥😋😋HK$29 呢個份量係足夠一男一女食所以嗌嘅朋友千祈唔好嗌太多 因為真係食唔晒佢哋嘅粥係軟綿綿 口感好好而且佢哋嘅豬肉真係好新鮮 好滑同埋啲豬味係無雪櫃味 好新鮮👍🏻👍🏻以佢哋嘅炸兩我每次來都一定會叫呢醬都係仼落嘅😂😂佢哋嘅舖頭係好舊式嘅裝修👍🏻👍🏻食落去更加有感覺😋😋😋
繼續閱讀
連鎖式個間 覺得貴唔好食因此 很久沒吃粥 是日口淡淡 同埋太耐冇食粥(男笨友話好食）咁我試一試佢豬潤粥 好厚 約有六塊好爽口 好好吃😋艇仔粥(唔記得影相）正常嘢 嫌佢免牛太少😢但個粥底真心出色 好綿😋😋炒麵我不嬲都唔食因為坊間嗰啲好多都冇乜味同埋整定好 就夾一碟比你佢唔係 佢真係再炒過熱辣辣送到去你枱面成件事就覺得有誠意咗好多下次再會
繼續閱讀
鍾意去聯和墟嘅水上人粥店，因為有幾樣招牌菜。店舖招呼又友善。天氣一涼就好多人㗎啦。而且經濟又好味，所以好多街坊捧埸。香菇粟米粥無肉之選，唔洗食白粥咁悶。鮮菇香，粟米甜。正！炸兩佢哋嘅炸兩，一上碟成坐山咁高，大碟到你唔信！而且好味！真係次次都要打包先掂。炸雲吞屋企人食到停唔到爭住食，次次要叫2份。炒麵足料又夠乾爽！芽菜、蒽、魚片絲、紅蘿蔔絲加上芝麻，非常豐富。魚腩粥屋企人至愛，次次必叫。話足料，滑得嚟又唔腥
繼續閱讀