每日

營業中

休息中

呢間餐廳主要係食素菜自助餐，我有幾次經過都想同我一個喜歡食素菜嘅朋友一齊去食，今次見我朋友生日，我就預早book定位，諗住同朋友一齊食個生日素菜自助餐咁啦，佢得兩輪嘅book位，第一輪六點，第二輪七點九，咁因為我朋友冇咁早收工我哋只可以約第二輪啦。咁我有提過我係同朋友食生日飯嘅，我知道佢哋生意好好，但係我哋去到嘅時候佢就同我講今日full Booking，要搭枱坐，我果下心諗我哋三個人佢仲有好多四人枱點解要我地搭枱呢，但係人哋又唔使答嘅，咁算啦行到過去個位就仲搞笑，一個男人坐到勁freestyle咁，個男人個袋已經調到去我哋嗰邊嘅位置到㗎啦，跟住我哋去到個男人仲要唔諗住攞開個袋，然後坐入去嗰陣時佢先施施然攞去佢個袋啦，跟住我再問一次個服務員可唔可以轉位，佢又係嗰句已經無位㗎啦，簡單講我好似聽到坐就坐，唔坐就唔好坐啦八婆，雖然佢冇講出口，但係我感覺到好似咁樣，跟住坐喺我哋旁邊嗰三個大男人，不停講粗口勁討厭，仲要有個係超級大隻好似我個朋友兩個人咁大件嘅，就坐咗1.5個位，我哋就坐到勁逼夾勁辛苦咁樣，所以我下次唔會再貼錢買難受雖然佢冇講出口，但係我感覺到好似咁樣，跟住坐喺我哋旁邊嗰三個大男人

香港搵一間好食嘅扒房好容易，但搵一間好食嘅素食餐廳真係有D困難，襯Happy Friday約同事去呢間新派素食自助餐Happy吓😎😎晚市90分鐘自助餐 (HKD138 免加一)環境 👍🏻👍🏻👍🏻👍🏻種類 👍🏻👍🏻👍🏻味道 👍🏻👍🏻👍🏻👍🏻要對比酒店自助餐，食物種類當然係少，但以一間獨立店舖嘅自助餐嚟講，食物種類算相當多👍🏻小食類有7-8款、主菜類有14-15款、甜品有5-6款，仲有沙律吧、水果茶、湯之類當中比較有印象嘅：蘿蔔味菜胡椒湯用咗大量嘅蔬菜熬煮成乳白色嘅湯，飲多幾碗都唔會有罪惡感花生脆蘋果🍎搽咗花生醬嘅蘋果片加上早餐殼物粒粒，蘋果嘅清爽加上殼物粒粒嘅酥脆，仲有花生醬嘅濃郁香味，如果唔係胃嘅空間有限，真係想成盤拎返位食🤤🤤❣重點❣每日晚上9:30-10:30係可以$20買一盒外賣！如果星期日至四去食，可以買完當第二日個LUNCH，真係好抵食！平時食得太多肉，偶然食吓素感覺好似健康吓都唔錯

鍾意食齋因為健康，怕悶嘅我食buffet最好，尋日係IG見到呢間有68蚊下午茶，今日馬上黎試下。2點半開始嘅下午茶，我差不多3點到已經有9成滿，今日仲要係黃雨。環境座位般，但食物真係款式多，呢個價錢食到咁多款真係平，味道仲要吾錯喎！最好味係椒鹽豆腐，黑椒炸薯粒，炸雲吞，感覺吾太油膩，飲返杯羅漢果茶先…仲有桂花水果茶，橙汁。沙律吧最開心有羽衣甘藍…熱盆都有成十幾款，樣樣都幾好味，另外豬腳薑醋都有，不過得好少薑，全煲都係旦，但醋嘅味道好正…有齋湯有紅豆沙，同埋好多中式甜品 仲有班蘭旦糕

Had dinner with boyfriend and his family and they wanted to try out 每日 (English name: Everyday).  Ever since Ahimsa opened, there have been copy cats. We tried out Ahmisa (the originator located in North Point, Mong Kok and Jordan) and My Meat Run Buddy (in Tai Kok Tsui). All were quite good with Ahmisa being more towards traditional food while My Meat Run Buddy was more creative in their selections. Now, we try Everyday located in Tsim Sha Tsui.We arrived right when it opened at 6 PM and it was

之前成日路過呢間餐廳每次都會比入面環境所吸引今日終於有機會來試啦真紫薯外形幾靚食落味道唔錯皮蛋同青瓜都唔錯salad 同甜品區好多新鮮蔬菜生果大約有四款好好食甜品選擇多多最好食係香蕉拔絲唔太甜炒菜唔錯唔會太油同有好多款菜有炒飯炒麵牛油果多士好脆花生脆萍果個樣好靚味道都唔錯估唔到有d咁特別gei甜品好正d生果好新鮮款式算幾多下整體味道唔錯環境好乾淨同簡潔好舒服飲料有番石榴汁水果茶同羅漢果水等比較好飲係番石榴汁其他味道比較淡d限時個半鐘趕左少少如果可以食兩個鐘會好d

想食素食 看到網上推介來了這裡都不是第一次吃素食自助餐 食物味道都不錯 水準之上 較多的款式是小食和甜品 而熟食的款式就較少 和不太特別 所以要看個人的喜好見到其他食評說服務態度不太好 只能說盡量安排你入座 又沒有惡言相向 但就較不客氣 哈哈 但不介意的還好的

我從來不寫食評, 但依間真係太差, 想分享一下看過某些網上文章評論, 得知有這間素食放題, 於是立即打電話訂位, 再帶埋太太和女兒親臨一試, 放題時間: 6:00~7:45pm, $168/位, 點知食到一肚氣. 食物種類一般, 品道一般, 唔緊要, 咁既價錢都預左咁既質素, 最大問題是地方實在太細, 坐位與坐位的間隔太密這還不是重點, 我從未試過食放題...原來是要搭枱的, 我們三人被安排在一張六人大枱我們三個坐一排, 對面坐著三位不相識的男生, 對面的食物不斷彈過黎, 而且對面坐著陌生人, 跟本不能與家人暢所欲言, 又唔想望著人地食野, 結果全程頭DUP DUP, 食得很不自在, 咁樣坐法, 我仲以為自己去左茶記, 就算茶記見你3個人, 都好多時會俾張4人枱啦!有時賺錢也唔駛賺到咁盡, 3個人俾張4人枱, 唔會蝕好多, 根本依間野唔係以客人為先, 如果訂枱時有講到要搭枱, 我一定唔會到! 永久black list

同友人到出尖咀行街之後，晚餐想食素菜，咁係Openrice一search就睇到呢間餐廳。咁就去試下啦，第一次食呢間餐廳食，之前都有食過素食buffet”無X食”既旺角店幾次。因為我同朋友都會間唔中食下素，同食量唔係十分多，亦不是肉食愛好者。咁講講價錢先，呢一間應該比”無X食”就貴小小大約$10-20左右，其實都唔算太多。不過呢間既食物係唔錯，至少睇得出都用心整既，沙律前菜新鮮多選擇、主菜都唔太差、我去食仲有胡椒(豬肚)湯，當然無肉係入邊，但都好好飲。飲品都唔錯，有幾款選擇，係對糯米飯有喲失望。無左肉係無左陣油香，變到好淡咪。不過下次都想再去食，如果”無X食”同呢間，我諗我會食呢間。不過朋友想食”無X食”我都會去支持一下。大家各有特式。

脫離城市煩囂的小清餐館，不要以為素食一定是芋頭魚 素鴨齋鹵味等等，這間餐廳為你帶來大量特色素菜， 由沙律，正菜，湯到甜品，全部也是素食， 你有大量雜物包括炸雲吞炸春捲炸豆腐等等，十分推薦炸豆腐和花生併蘋果。

今次帶屋企人試下尖沙咀一間新派素食，因為屋企人心目中素食係大嶼山嗰d,負皮冬茹嗰d,但依間新派素食就真係令我大開眼界，糖醋骨(即係炸猴頭菇),仲有個蓮牛餅需然冇肉係入面，但食落口感十足，味道好好，甜品亦有多樣選擇。。下午茶時段仲要$99(冇加一),抵讚

晚市蔬食自助餐，價錢相宜、又多選擇。同媽媽慶祝生日、又可以滿足她每樣都吃的心情。地點方便，地鐵站步行只需數分鐘。到餐廳時已經有好多人就坐了，場面爆滿。幸好早兩星期前訂位，可以安心。食物方面有很多選擇。清新的有沙律、生果吧。熱食有較清淡嘅薑汁芥蘭、炒青菜等等，亦有不似蔬食的合桃咕嚕肉、素嚕茄子等等。每款食物都很不錯，看得出花過心思。個人喜歡脆皮蘿蔔條、青蘋果紫薯球、黑椒薯仔、牛油果蒜蓉多士，還有香蕉糕。因太多款式，90分鐘用膳時間其實不太夠，哈哈。有機會再光顧。

第一次因為呢d咁既事黎reg ac寫評語早排係fb見推薦所以同朋友去食左dinner，幾好，於是朋友過兩日自己再帶朋友過去食lunch，結果就遇上超不愉快經歷朋友入座發現張台搖，於是同店員講可唔可以換過張台，張台太搖喇，當時又唔係冇其他台。結果呢，你哋員工就係我朋友背後話佢痴線，比佢親耳聽到。你哋咁樣教員工做嘢？如果唔想換，可以有其他方法同我朋友講，比如話一係我幫你哋整返好張台，但一定唔係話人痴線，請問換張台有幾痴線？？？雜誌宣傳效應係一時，要點將佢維持係你哋要做既事，但如果呢d態度一直唔改（你睇下劣評都係話態度就知咩事），真係會等收工囉一定balcklist

過時過節 食得比較多所以就簡左呢間素食 比腸胃休息下入需熱食選擇都好多 紫薯泥如果鐘意紫薯就必試啦 好正其他熱食都有水準既而比較有驚喜就係甜品喇當然選擇又多 又比較有特色比較推薦薑汁糕！

晚餐$138唔使加一食90分鐘，性價比真係好高。有前菜、湯、主菜、糖水、甜品，咖哩都有埋，死未！唔使加一係因為大家食完要自己執野，好似IKEA咁，都幾好。咁多野食實在不能盡錄，補食物仲補得好快。熱盤同甜品都好好食。反沙芋頭，好飽肚但太好味都食左幾舊。椒鹽豆腐：入面超嫩消，外皮夠晒脆，真心正！一定要熱烈推薦香蕉拔絲。臨走時咁岩冇晒，都要特登等佢十分鐘啪多幾舊先埋單溫馨提示佢開6點，如果平日6:45過後wall in都應該要等，最好打去book位先。另有lunch 同下午茶時段，更抵食！

今日和老媽做檢查，中途有兩個多小時空檔，便和她到這間鄰近的素食自助餐吃飯。其實我已對這一類素食自助餐沒多好感，但老媽喜歡，而且11點幾人應該不會多，座位安排應該不會混亂，食物也應該是熱的，所以帶她來試新嘢。但這些應該，除了座位安排沒出事，其他都不如所想。這裏11點多已經很多人，還好未迫爆。不過座位和座位之間一樣擠迫，拿食物的通道也貼近座位，人一多就危險了。環境裝飾一樣走文青風格，但我已經沒感覺。而食物雖然有保溫著，但不明白為什麼有部份還是凍凍地，可能今天太凍吧。不過這裏食物款式不錯，也算多樣和新頴。而且重添算快。味道也不錯，第一次吃素食薑醋，和平時吃的一樣味道。這裏菜的款式也多，大部份鮮嫩，只有極少數是差的。另外，老媽說綠豆沙好味，但我沒吃。餐具自己回收，但沒有放廚餘的桶子，吃剩的和垃圾一同倒在同一地方。午市$88，不收加一。我叫老媽自己和朋友早點來，但我應該不會來了。