影片
營業時間
今日營業
12:00 - 15:00
17:00 - 23:00
星期一至日
12:00 - 15:00
17:00 - 23:00
以上資料只供參考, 請與餐廳確認詳情
餐廳地方好大，環境舒適，午市$338食足3個鐘，食得唔急唔趕，坐得又舒服👍。餐廳一部份以QR Code📱落單，另一部份係自助區🚶♀️，响自助區都有好多嘢食好多嘢飲。🚶♀️自助區👇🍺飲品區確係唔野少，好似我哋咁好酒嘅一定開心，有幾款大品牌嘅啤酒，嘉士伯、喜力、朝日等，連日本果汁酒及燒酎都有，當然有冷泡茶、果汁及汽水等；想清清地都有茶包例如玄米茶及煎茶可以沖；除咗雪櫃內，另一邊仲有酒鬼喜歡嘅有梅酒清酒、紅白酒等。🍲熟食區🍤有烤榴槤、炸雞、芝士西蘭花、 豚肉腸、辣酒煮花螺、麻辣小龍蝦連蝦餃點心都有呀，湯類就有蟲草花烏雞湯，熟食我哋覺得超正嘅係烤榴槤，超綿腍又夠香，添食之選。🦐凍海鮮水果🍒有青口、凍蝦及瀨尿蝦；水果有蜜瓜、蜜柑、車厘子及大大粒青提，最特別連人參果都有。🥗沙律小食🧆有成廿幾款餐前小食及沙律，有煙鴨胸、火腿片、煙三文魚及餸酒小食如餅乾及果乾等。🍦甜品區🎂有椰汁西米露、乳酪、豆腐花、大福、布甸、軟雪糕及雪糕配料等。最緊要當然有movenpick及häagen-dazs雪糕喇，另外仲有沖繩海鹽雪糕及日本巨峰雪條添😋。📱QR Code落單👇🥢創作料理 花雕醉鮑魚，鮑魚超軟腍入味；鱘魚子醬鹹香味鮮，牛油果蟹肉最終餅都好正，必然之選。🐠刺身類 松葉蟹腳、油甘魚、金槍魚腩、池魚王、北海道帶子、赤貝及海赤蝦，食過呢幾款都好新鮮及鮮甜，添食之選。🍘炙燒壽司卷物 連江戶前壽司都有，最鍾意就係海膽托羅黑松露帶子及魚子醬拖羅，口感豐富又肥美，不二之選。🍣軍艦有我最喜愛嘅日本北海道海膽軍艦及海膽拖羅鱈魚干手卷，有鱈魚脆片、三文魚籽、海膽及拖羅蓉，非常豐富口感，值得一添再添。🍲一品料理 金湯燴花膠、瑤柱扒豆苗、花膠海參瑤柱翅羹、蜜汁脆鱔、避風塘炒蟹及鮑汁鮑魚撈一口花菇飯，呢幾款都好有特色同時亦係回本之，我哋就最鍾意鮑汁鮑魚撈一口花菇飯，鮑魚超大隻，花菇飯味道超香，而蜜汁脆鱔亦夠香脆甜蜜。🍡燒物 西京燒比目魚、香草羊鞍、串燒牛舌及菠蘿，牛舌及菠蘿我哋都叫咗幾轉。🍤炸物及天婦羅榴槤炸彈及香芋丸，炸物中嘅甜品，夠哂香脆甜蜜。🥘麵鍋 清酒煮蜆及鮑魚皇帝蟹黃粥都好似好正， 不過已經食唔落。🦪蒸焗鐵板 🥥蒸扇貝及珍寶鮮蠔夠哂新鮮；椰皇燕窩燉蛋白，滑溜滋陰唔甜；鐵板鵝肝厚多士，鵝肝超厚；燒乳鴿王肉嫩味濃好好味，可惜叫第二轉已售罄，下次一定要叫多啲。雖然今日超多人，全餐廳滿座，但係都完全冇漏單，收碟速度又非常之快👍，三百幾蚊魚子醬任食，再加埋所有海膽菜式都係使用日本海膽，所以响呢間餐廳食buffet ，唔使擔心回唔到本😝。
繼續閱讀
今次同班friend去咗太子Moko商場入面間日式放題，真係冇得頂！間鋪頭裝修得好靚，座位闊落又光猛，坐得超舒服，重點係食物質素超高。頭盤必食花雕醉鮑魚，隻隻都係咁大隻，酒香入味得嚟又唔會搶晒鮑魚鮮味，咬落爽彈得嚟仲有少少溏心，我哋encore咗兩轉！牛油果蟹肉最中餅個配搭好驚喜，脆卜卜嘅米紙包住creamy牛油果同絲絲蟹肉，精緻好食！刺身方面要畀10個like！海膽拖羅黑松露帶子個組合豪華到爆，海膽甜到似食緊糖，拖羅油脂同黑松露個香味撞到正。松葉蟹腳同赤貝新鮮到好似仲識郁咁，甜蝦超鮮甜同牡丹蝦每隻都勁大，咬落去啲蝦膏爆出嚟超邪惡！熟食都冇hea做，燒物系列我最愛蒜蓉牛油赤蝦，蝦頭啲膏多到漏油，仲有西京燒比目魚燒到外皮脆內裡嫩滑。估唔到連羊鞍都處理得咁好，冇羶味得嚟肉質軟淋，個香草醬撈飯食都得！最後要讚吓個金湯燴花膠，膠質多到黏嘴唇，飲完成個人都暖笠笠。雖然價錢唔算平，但計返質素同環境真係值回票價。
繼續閱讀
近排同同事講起食放題，佢哋話我知有一間非常瘋狂嘅日式放題店，竟然牡丹蝦🦐、奄仔蟹🦀、日本海膽全部任食，奄仔蟹仲要隻隻爆膏，叫我一定要去試吓！食放題，當然唔少得嘅就係嗌勁大碟刺身啦！我哋分別叫咗松葉蟹腳、牡丹蝦、甜蝦、北寄貝、北海道鮮帶子、希靈魚、池魚王、金槍魚腩、油甘魚，款款都咁新鮮，牡丹蝦大隻又厚肉，味道甘甜！幾款魚嘅刺身都切得非常厚，口感同鮮味都十足！食完刺身，當然唔少得試返佢哋幾款招牌壽司啦！其中日本北海道海膽軍艦一定係必食，記得唔好錯過啦！✨✨另外，油鹽焗奄仔蟹🦀大家都可以盡情放心嗌，事關佢哋嘅奄仔蟹隻隻爆膏，非常吸引🤩🤩最後當然唔少得任食Häagen-Dazs同Movenpick雪糕，另外仲有多款甜品可以選擇，保證兩個胃都滿足到！😋😋
繼續閱讀
No.1 全港獨有牡丹蝦 & 奄仔蟹任食的日本放題今日夜晚，我去咗位於旺角嘅大喜屋食飯。大喜屋一向以高質嘅放題，吸引唔少捧場客人。依家位於旺角嘅大喜屋，裝修就特別雅致。刺身方面，有唔少選擇，當中包括北海道帶子，甜蝦等等，材料非常新鮮。鵝肝多士鵝肝入口充滿鵝油香味，多士烘得好香脆。海膽軍艦唔多放題可以食得到海膽，海膽入口非常之甘香，鮮甜可口。避風塘炒蟹蟹肉鮮甜可口，炒得唔會太過火。加上用上大量炸蒜，令到蟹肉有蒜香味。甜品方面，有各式各樣嘅雪糕提供，加上有唔同品牌可以選擇，所以選擇都好豐富。整體嚟講，放題嘅價錢唔貴，食物質素亦都非常高。
繼續閱讀
朋友話想食放題，我揀咗旺角 MOKO 嘅「殿・大喜屋」，之前食過覺得唔錯，今次我哋食晚市時段，5點入座，$388 任食 2 個鐘，依度環境闊落舒適，坐得夠舒服上菜又快，最適合同朋友擦餐勁嘅😋～📱自助區 + QR Code 落單雙模式，選擇多到眼都花！自助區真係唔野少，淨係飲品區都睇到眼花，有齊嘉士伯、喜力、朝日啤酒，日本清酒、梅酒、燒酎🍻酒鬼朋友見到隻眼都發晒光！另外仲有冷泡茶、玄米茶、果汁汽水應有盡有～仲有無限食既三文魚子，蟹子，蒸魚燒雞小龍蝦點心，青口凍蝦煙鴨胸，真係超多選擇，甜品區仲有我嘅最愛 Häagen-Dazs、Mövenpick 雪糕，沖繩海鹽雪糕同日本巨峰雪條等，食番十個八個都無問題🎂🍨！💥QR Code 落單必點創作料理！海膽控必瘋狂！所有海膽菜式都用日本海膽，海膽軍艦同海膽拖羅鱈魚乾手卷簡直係靈魂之作～鱈魚乾脆卜卜，配上海膽同拖羅蓉，層次感爆炸💥，仲有鮑參翅肚樣樣都咁正～刺身類強推松葉蟹腳、油甘魚、拖羅！拖羅入口即溶，魚油香濃到不得了🐟🦀炙燒壽司卷物裡面嘅海膽拖羅黑松露帶子，肥美到唔敢相信！鐵板鵝肝厚多士超厚切，入口即化，記得一上枱就食熱辣辣～依度仲係全香港獨有牡丹蝦＆奄仔蟹任食嘅日本放題餐廳，鹽焗奄仔蟹隻隻都爆膏爆肉，鹹香帶出蟹肉鮮甜，食幾隻已經回本🦀✨，真係抵到爛！牡丹蝦刺又大隻又鮮甜，又係要食多幾round😂👌服務貼心，收碟快唔漏單！成間餐廳滿座都仲保持高效率，落單後上菜快，冇漏單，收碟亦迅速，服務態度超級好～性價比簡直無得彈💸✨📌必點推介：✅ 日本北海道海膽軍艦 / 拖羅鱈魚乾手卷✅ 鹽焗奄仔蟹（爆膏必食！）✅ 鐵板鵝肝厚多士✅ 金槍魚腩刺身✅ 椰皇燕窩燉蛋白✅ 各式雪糕呢度真係每次嚟食都有驚喜，無論係刺身、海膽定創作料理都好高質，同朋友一齊嚟食到飽飽又開心，絕對值得回頭 N 次！快啲約埋班 friend 嚟食啦～🍣🦀🎉評分：最高為5分治癒度：👩⚕️👩⚕️👩⚕️👩⚕️👩⚕️抵食度：💉💉💉💉💉翻兜指數：🩺🩺🩺🩺🩺殿·大喜屋旺角太子道西193號帝京酒店2樓📍港鐵旺角東站 D 出口(MOKO商場入口) ；太子站B2出口#healingbobo #foodie #hkfoodie #foodiehk #香港 #美食 #香港美食 #香港必食 #香港探店 #香港打卡 #香港旅遊 #香港必喝 #香港放題探店 #香港放題店 #香港好去處 #香港推薦食品 #日本菜 #香港食評 #美食打卡 #日本料理 #壽司 #旺角美食 #日本放題 #海膽任食 #奄仔蟹放題 #大喜屋 #極尚大喜屋 #Daikiya #TonoDaikiya #殿大喜屋
繼續閱讀