殿·大喜屋

營業中

休息中

本身book左枱 想改遲啲啲入坐話唔得 諗住拎飛當walkin客等位晏小小入座又話唔得 問佢有冇客等位又話冇 明明有枱 問佢接唔接受walk in 客 前枱話唔接受 咁門口部機係裝飾？仲要啲態度差到爆 嬲到唔食 廢事貼錢買難受

殿·大喜屋 @d？？？係一間DuckGor🦆好鍾意去嘅日式放題店，尤其旺角Moko嗰間，真係百去不厭😂。相比尖沙咀，旺角帝京酒店2️⃣樓呢度，樓底高，地方大，環境舒適，另外無論枱與枱之間、或者自助食物區距離好闊，完全不覺得擠迫，空間感十足🥰。通常揀平日5點去食，一來人少啲，二來平啲，只需要$358😆，今日再癲啲，因為今次三百幾蚊連魚子醬都可以任食😍！晚市放題 $358 (1700 - 1900)雖然自助區域自己一向不重視，但呢度選擇真心唔少，除咗有炸雞塊🐓、炸餃子🥟，海鮮🦪等，仲有小龍蝦🦞，同埋好受歡迎嘅榴槤蓉，不過我就興趣不大。除咗魚子醬都可以任食，呢度海膽都係任食，所有海膽菜式都係用日本北海道海膽，大癲😍。由於今日得自己一個人，真係食得唔多，除咗點咗3️⃣盒魚子醬、n件海膽軍艦；三文魚、油甘魚、池魚王、帶子、北寄貝、赤貝、甜蝦、海赤蝦等刺身外，就只點了以下呢啲👇🌟海膽拖羅鱈魚干手🌟殿堂級鐵板鵝肝厚多士🌟川燒珍寶鮮蠔燒🌟金蒜粉絲蒸扇貝🌟皇帝蟹棒天婦羅🌟天婦羅蝦🌟清酒煮蜆🌟芝麻雞翼🌟燒牛舌🌟冰鎮花海哲🌟意式風味鱆紅魚薄切🌟避風塘炒蟹🌟花膠海蔘瑤柱羹🌟皇牌燒乳鴿王🌟鹽燒泰國草蝦🌟鮑魚皇帝蟹黄

講到高質日式放題，殿·大喜屋絕對係必去之選！呢度主打高級放題，食材新鮮，選擇多到眼花撩亂，重點係任食魚子醬，咁嘅奢華享受，點會唔心動？首先，佢哋嘅刺身拼盤係即叫即切，厚切三文魚、帶子、甜蝦等全部新鮮到冇得輸。海膽壽司係另一大亮點，海膽甘香滑溜，放入口即化，真係感覺幸福爆燈！另外，仲可以試埋乳鴿，皮脆肉嫩，香氣十足。愛海鮮嘅朋友一定唔可以錯過鮑魚，每隻都好鮮甜，質感彈牙，係放題中難得嘅精選！最後，嚟一碗熱辣辣嘅蟹粥作結，粥底濃郁鮮甜，真係為整餐畫上完美句號。環境方面，舒適，呢度都絕對係一個高質之選！

位於旺角 Moko 的放題店「殿·大喜屋」質素向來是信心保證，午市及晚市只需三百多元便可享用任食魚子醬-提供刺身、壽司、軍艦、卷物、串燒、燒物、炸物、天婦羅、創作料理、麵鍋、一品料理及蒸焗鐵板等，海膽菜式全使用日本海膽-自助區選擇豐富，如點心、沙律、前菜、飲品及甜品等；當中烤榴槤、熱盤如小龍蝦及炒蜆等甚具質素；冷盤推介有煙三文魚及三文魚籽；甜品重本供應 Haagen Dazs 及 Movenpick 雪糕-刺身種類十多款，口感緊緻細嫩且油脂豐富；其他必食推介有：層次豐富又鮮美的海膽拖羅鱈魚干手卷，鮮香帶奶油味道的鱘魚子醬，甘香細膩的鐵板鵝肝多士，皮脆肉嫩的西京燒比目魚及肥大肉厚又富酒香的清酒煮鮮蜆

今日放假，約咗朋友行街食嘢，佢話想食放題咁唔洗諗啦，一定係去放題界嘅天花板 殿·大喜屋 ，好彩我哋有book 位，全場爆滿，原來而家三百幾蚊連魚子醬都係任食！！味道仲要勁鮮甜濃郁呀！好正呀～日本海膽入口即溶，海膽拖羅鱈魚干手卷；好吸引，日本海膽鮮甜肥美，加上拖羅蓉、粒粒鮮三文魚子，口感層次豐富！食到唔停口！壽司＆刺身；有海膽、有三文魚、有赤貝、有油甘魚、有池魚、有甜蝦、有螺片、有帶子……等等熟食；有乳鴿、有巨型花膠、有鹽燒牛舌、有蒜蓉焗扇貝、有串燒雞腎、金黃蟹粥、有魚子醬鵝肝多士….. 等等甜品；各款味道雪糕、雪條、芝士蛋糕、豆腐花、多款生果….. 等等飲品；各款茶類、各款汽水、梅酒、啤酒、清酒….. 熱飲等等巨型花膠扒，勁正呀，勁大塊又厚肉，膠原蛋白極之豐富，勁有口感又爽滑。油甘魚、三文魚刺身，厚切口感豐富，入口充滿魚油香味，鮮甜肥美～

殿大喜屋開咗都一段時間，但每次經過都好多人食！所以嚟食最好提前預約，減少排隊時間！人均三百幾蚊就有得任飲任食，食物款式包羅萬有，回本必食海膽！拖羅！蟹腳！連魚子醬都有得任食！性價比好高！仲有各式刺身、壽司、卷物、串燒、天婦羅、鍋物、甜品等，手機落單後，食物幾分鐘就送上好快手！刺身種類好多，有拖羅、三文魚、油甘魚、帶子、海赤蝦、松葉蟹腳等！仲有多款壽司同卷物，重點緊係要食海膽壽司啦，全部即叫即製！最近仲新出海膽拖羅鱈魚干手卷，賣相極靚，必食！多款熱食都好吸引，避風塘炒蟹、花雕醉鮑魚、金湯燴花膠、鮑魚花菇飯、燒蠔等，水準真係唔錯，放題嚟講真係幾高質下！自助區有冷盤海鮮、熱食、前菜小食，水果、酒類、甜品、雪糕 ！任食Haagendazs, Movenpick等雪糕！仲有好多自家制甜品，最鍾意椰皇燕窩燉蛋白，香甜又好味，真正食到最後一秒鐘！

今日同大家分享下我最近去咗旺角MOKO新世紀廣場嘅「殿·大喜屋」食晚市放題嘅體驗！講真，呢個價位，三百幾蚊一位，竟然連魚子醬都任食，真係抵到爛！😱 重點係，佢哋所有海膽菜式都係用日本海膽，真係鮮甜到暈！😍餐廳環境：舒適又高檔 ✨一入到去，就feel到餐廳嘅裝修幾有心思，走簡約日式風，木系裝潢配埋柔和嘅燈光，感覺好舒服😌。座位之間都幾闊落，唔會逼夾，傾偈都方便啲。值得一提嘅係佢哋有個開放式廚房，可以睇到師傅即場炮製美食，增加咗唔少趣味！👍🏻 有啲座位仲可以睇到旺角嘅街景，打卡一流📸！ 刺身壽司：新鮮到震！🍣講到放題，梗係要食刺身啦！呢度嘅刺身選擇都幾多，油甘魚、三文魚、赤貝等等，都好新鮮，肥美鮮甜。不過，最正嘅都係佢哋嘅海膽！全部都係用日本海膽，鮮甜到冇朋友，入口即溶，真係食到停唔到口！🤤 壽司方面，款式都好多，炙燒壽司、軍艦都有，特別推介海膽拖羅黑松露帶子，呢個組合真係超正！😋 熟食：驚喜連連！🔥除咗刺身壽司，熟食都一樣咁出色！鐵板鵝肝厚多士，鵝肝煎得啱啱好，外脆內嫩，配埋魚子醬，真係食到舔舔脷😋！另外，鮑魚皇帝蟹皇粥都好正，蟹味濃郁，啖啖都係精華，暖胃又好味！🦀 炸物同天婦羅

來到人氣放題✨ 旺角殿·大喜屋✨ 旺角太子道西193號帝京酒店2樓✅午市放題 ▶️可以食足三小時，CP值好高價錢星期一至五$338，六、日及公眾假期就 +$10WALK IN 唔好太大期望，因為BOOKING 要等一個月✅三百幾蚊就有原瓶魚子醬任食，夠哂HIGHCLASS ，啖啖充滿奢華感自助區有海鮮、生果、冷盤、雪糕、甜品不得不提飲品，勁多選擇，有凍有熱，紙包飲品、汽水、冷泡茶、梅酒、白酒、豆漿、清酒同珍珠奶茶等等刺身好新鮮，有三文魚、油甘魚、池魚王、鮑片、北海道鮮帶子、金槍魚腩、北寄貝、赤貝、甜蝦、大赤蝦，松葉蟹腳❤️赤蝦大大隻，肉質爽彈，入口鮮甜❤️蟹🦀腳鮮甜肉嫩，滿滿海水鮮味❤️帶子大大粒，好鮮甜殿堂級鐵板鵝肝厚多士❤️川燒珍寶鮮蠔燒肥美❤️海膽軍艦， 海膽拖羅蓉鱈魚脆脆，海膽拖羅黑松露帶子海膽採用日本北海道海膽，口感滑嫩，海水味十足❤️鹽燒雞軟骨香脆熱辣❤️燒菠蘿🍍一啖入口好醒胃❤️拖羅入口即溶，完全無筋

閨密約了我去食放題慶祝生日，去咗帝京呢間長期人氣高企嘅放題。大癲！ $3XX/位 連魚子醬都可以任食， 食物種類多樣性，老少咸宜一家大細都啱食，重點係食物水準高，Staffs快手有效率，用QR code落單 ， 上菜速度快亦冇漏單。必點推介：🔶魚子醬🔶刺身： 刺身新鮮，松葉蟹腳都有，赤蝦還是我的最愛😍🔶鮑汁鮑魚撈飯：鮑魚好彈牙，連個飯都好好食🔶海贍菜式：用北海道海膽好鮮甜，大推「海膽拖羅鱈魚干手卷」🔶花膠海參瑤柱翅羹🔶乳鴿：燒得好香脆🔶鵝肝多士： 鵝肝煎到好香，邪惡但好好味🔶燒蠔& 扇貝：肥美鮮甜，蒜味香濃自助區整齊企理，可以自己任取🔹熟食 e.g. 小龍蝦🦞、烤榴槤、蒸點心🔹小食前菜🔹冷盤海鮮、水果 ： 三文魚籽可以任加🤩🔹多款飲品、啤酒、淸酒梅酒🔹各式甜品、雪糕雪條

想食好耐啦 勁難先book到位咁嘅價錢就食到魚子醬同海膽仲要無限量咁食 一定回本海膽全部都係嚟自日本㗎今日一收工就嚟食6點鐘時段放題環境好大 一入門口已經見到勁大個飲品櫃成幅牆咁闊小食 熱食 甜品 同飲品區都喺晒度 好方便飲品方面 有凍熱清酒 梅酒 白酒食住魚生嘆幾杯都幾寫意嘢食款式都算多 我哋主要都係食海膽同魚子醬魚生叫咗1 round咋 🤭 魚生新鮮 而且片片厚切厚鵝肝多士都推介 件鵝肝又大又厚 完美地遮咗塊多士 😆燒蠔同扇貝都幾大隻 辣嘅店員不停收碟 唔怕張枱無位放嘢食除咗燒物 上菜速度都幾快整體嚟講 呢個價錢抵食㗎

Happy Friday 對自己好啲☺️😌😊我主要食刺身，刺身熱愛狂迷😍😍😍上菜速度快，職員收碟殷勤地方闊落，4人卡位比較多，其次8人座位自助拎野食餐桌乾淨職員不定期refill 食物，密度都比較密飲品有自家制冷泡茶，最欣賞係人蔘烏龍茶，甘香人蔘茶味濃，帶有少許天然人蔘甜味冷熱清酒，熱清酒🍶味醇，梅酒甜，有埋紅酒有汽水，日本牌子啤酒及汽水，韓國牌子汽水，乳酸飲品，道地飲品，維他奶冷熱，咖啡奶茶自助機至於食物方面帶子可接受有甜味，但一件份量太細件希靈魚鮮甜，爽口三文魚腩肥美🤤油甘魚唔腥😍劍魚腩位juicy 😛🤤😍甜蝦已碌左蝦殼超級甜食到唔停口👍🏻👍🏻👍🏻海膽手捲新鮮甜👍🏻👍🏻👍🏻熟食方面有羊架燒出來肉汁juicy嫩滑，易咬開，甜🤤榴連炸彈香好味😋芝麻雞翼香燒菠蘿🍍多汁，又甜，好似飲緊菠蘿汁，一啲唔乾，啖啖肉👍🏻👍🏻👍🏻冷盤方面有煙三文魚，中華沙律，火腿，甜酸鳳爪，喬頭，帶子邊，鮑魚絲，魚皮等等超多野食提供甜品，雪糕多不勝數

媽咪話好耐冇食放題，今日就帶佢黎MOKO嘅殿·大喜屋，聽聞三百幾蚊就有魚子醬任食🤩仲有所有海膽菜式都係用日本海膽，梗係要黎試下啦～刺身🐟多款刺身可以選擇，有三文魚、油甘魚、吞拿魚拖羅、北海道帶子、赤貝、甜蝦、熟松葉蟹腳等等，每款都夠哂新鮮😍特別推介吞拿魚拖羅厚切得黎油脂豐富，帶子同熟松葉蟹腳都好鮮甜，最最最吸引梗係魚子醬，鹹香得黎好有口感😻壽司🍣超過20多款壽司，有炙燒壽司、軍艦、卷物，必食日本北海道海膽軍艦、魚籽醬拖羅、海膽拖羅黑松露帶子，所有都係用左日本海膽😍超吸引中式煮物🍲估唔到呢度啲中菜有鮑蔘翅肚，例如花雕醉鮑魚、花膠海蔘瑤柱翅羹、金湯燴花膠等等，鮑魚同花膠都好大隻，食落又爽口😚仲有避風塘炒蟹、燒蠔、粉絲蒸扇貝、燒乳鴿，真係多到食唔哂，味道全部都唔錯，值得一試👍🏻串燒🍢款式都幾多，鹽燒牛舌、燒香草羊鞍、蒲燒鰻魚等，點少得我嘅最愛燒菠蘿🍍超甜又解膩自助區仲有多款小食、炸物、水果甜品、飲品等可以，飲品有非酒精飲品同酒精，例如自家製冷泡茶、汽水，而酒類有日本梅酒、啤酒🍻而甜品就有椰皇燕窩燉蛋白同Mövenpick，Häagen-Dazs雪糕同雪條🍦外面仲有我中意食榴槤，多重滋味💕

完全冇諗過食300幾蚊既放題可以食到魚子醬、榴連蓉、日本海膽、三文魚籽，原隻鮑魚撈飯，全部任食！刺身既種類好多，仲有金槍魚腩，蟹腳！全部大大件，非常滿足！意想不到既仲有肥美鵝肝！日本海膽軍艦海膽份量多，飯既份量唔算多，唔使驚食飯食飽左！海參碗仔翅，真係有原條海參！鮑魚撈飯，完全達到大師級，賣相同味道都冇得輸！甜品除左大牌雪糕任食之外，椰皇燕窩蛋白我食左幾個，真係好正飲品都有好多選擇，清酒、梅酒、罐裝日本啤酒等等

上網睇評價就已經見到有唔少關於服務嘅差評，本來諗住食嘢主要睇味道，好食就唔緊要，見到個個都話要reserve先食到，就諗住打電話去book，點知個電話係從來都冇接過，可見服務真心差到極致

🍣 殿大喜屋 - 旺角MOKO廣場 🍣🥳 剛剛過去嘅週年紀念日，我哋選擇咗去殿大喜屋慶祝。呢間餐廳嘅裝修非常華麗，樓底超高，氣派十足，感覺就似置身於一個高級餐廳度。🌟 大喜屋集團係全香港遍佈分店嘅知名品牌，不論中外遊客定係本地香港人都廣為人知。今次嚟到殿大喜屋，真係唔會令你失望！🍣 無限任食嘅特色：- 拖羅：無窮無盡嘅任食拖羅，真係鮮美多汁，令人一試難忘。- 魚子醬：任食魚子醬，鹹香美味，每一口都係味覺嘅享受。- 日本海膽：新鮮日本海膽，入口即溶，充滿海洋嘅味道。🐟 刺身推介：- 劍魚腩刺身：鮮嫩多汁，入口即溶，每一片都係極致享受。- 章紅魚薄切：口感爽滑，味道濃郁，令人一試難忘。- 油甘魚刺身：肥美濃郁，鮮味十足，絕對唔可以錯過。🍙 創作料理：必試海膽拖羅魚子手卷，每一口都充滿驚喜！🍰 熟食區：大量自家製甜品、Movenpick同Häagen-Dazs雪糕任食，甜品控一定會瘋狂。仲有泰式涼拌象拔蚌同鳳爪等多款涼菜，味道非常獨特。🍶 飲品選擇：大量清酒、梅酒、日本酒同日本啤酒任飲，仲有冰鎮奶茶任飲，酒足飯飽，真係無得頂！🦐 自助海鮮：飛魚子、凍熟蝦、青口、藍青口等自助海鮮，任食到飽，每