影片
營業時間
今日營業
12:00 - 15:00
17:00 - 23:00
星期一至日
12:00 - 15:00
17:00 - 23:00
以上資料只供參考, 請與餐廳確認詳情
餐廳地方好大，環境舒適，午市$338食足3個鐘，食得唔急唔趕，坐得又舒服👍。餐廳一部份以QR Code📱落單，另一部份係自助區🚶♀️，响自助區都有好多嘢食好多嘢飲。🚶♀️自助區👇🍺飲品區確係唔野少，好似我哋咁好酒嘅一定開心，有幾款大品牌嘅啤酒，嘉士伯、喜力、朝日等，連日本果汁酒及燒酎都有，當然有冷泡茶、果汁及汽水等；想清清地都有茶包例如玄米茶及煎茶可以沖；除咗雪櫃內，另一邊仲有酒鬼喜歡嘅有梅酒清酒、紅白酒等。🍲熟食區🍤有烤榴槤、炸雞、芝士西蘭花、 豚肉腸、辣酒煮花螺、麻辣小龍蝦連蝦餃點心都有呀，湯類就有蟲草花烏雞湯，熟食我哋覺得超正嘅係烤榴槤，超綿腍又夠香，添食之選。🦐凍海鮮水果🍒有青口、凍蝦及瀨尿蝦；水果有蜜瓜、蜜柑、車厘子及大大粒青提，最特別連人參果都有。🥗沙律小食🧆有成廿幾款餐前小食及沙律，有煙鴨胸、火腿片、煙三文魚及餸酒小食如餅乾及果乾等。🍦甜品區🎂有椰汁西米露、乳酪、豆腐花、大福、布甸、軟雪糕及雪糕配料等。最緊要當然有movenpick及häagen-dazs雪糕喇，另外仲有沖繩海鹽雪糕及日本巨峰雪條添😋。📱QR Code落單👇🥢創作料理 花雕醉鮑魚，鮑魚超軟腍入味；鱘魚子醬鹹香味鮮，牛油果蟹肉最終餅都好正，必然之選。🐠刺身類 松葉蟹腳、油甘魚、金槍魚腩、池魚王、北海道帶子、赤貝及海赤蝦，食過呢幾款都好新鮮及鮮甜，添食之選。🍘炙燒壽司卷物 連江戶前壽司都有，最鍾意就係海膽托羅黑松露帶子及魚子醬拖羅，口感豐富又肥美，不二之選。🍣軍艦有我最喜愛嘅日本北海道海膽軍艦及海膽拖羅鱈魚干手卷，有鱈魚脆片、三文魚籽、海膽及拖羅蓉，非常豐富口感，值得一添再添。🍲一品料理 金湯燴花膠、瑤柱扒豆苗、花膠海參瑤柱翅羹、蜜汁脆鱔、避風塘炒蟹及鮑汁鮑魚撈一口花菇飯，呢幾款都好有特色同時亦係回本之，我哋就最鍾意鮑汁鮑魚撈一口花菇飯，鮑魚超大隻，花菇飯味道超香，而蜜汁脆鱔亦夠香脆甜蜜。🍡燒物 西京燒比目魚、香草羊鞍、串燒牛舌及菠蘿，牛舌及菠蘿我哋都叫咗幾轉。🍤炸物及天婦羅榴槤炸彈及香芋丸，炸物中嘅甜品，夠哂香脆甜蜜。🥘麵鍋 清酒煮蜆及鮑魚皇帝蟹黃粥都好似好正， 不過已經食唔落。🦪蒸焗鐵板 🥥蒸扇貝及珍寶鮮蠔夠哂新鮮；椰皇燕窩燉蛋白，滑溜滋陰唔甜；鐵板鵝肝厚多士，鵝肝超厚；燒乳鴿王肉嫩味濃好好味，可惜叫第二轉已售罄，下次一定要叫多啲。雖然今日超多人，全餐廳滿座，但係都完全冇漏單，收碟速度又非常之快👍，三百幾蚊魚子醬任食，再加埋所有海膽菜式都係使用日本海膽，所以响呢間餐廳食buffet ，唔使擔心回唔到本😝。
繼續閱讀
旺角🚇帝京酒店呢間「殿 大喜屋」🥢 絕對係每次來都有驚喜💖嘅高質日式放題🍽️。 入邊地方超大🤩，又光猛乾淨💡，加上大量雲石裝飾💎盡顯酒店氣派🏨。 呢度嘅自助區有🟠三文魚籽任你食😍，爆汁鹹鮮衝擊力十足💦，撈沙律/刺身/手卷🍣自行加料超正！ 刺身拼盤冰鎮上枱❄️，勁豐富🌟： 池魚王銀皮閃亮✨，爽脆甘香🍃。 油甘魚脂肪紋理好靚🐟，油香爆炸💥。 三文魚厚切鮮味🤤，腴滑無筋💫。 甜蝦糯黏🦐，蝦味甘甜。 牡丹蝦大大隻👍，啖啖膠質黏唇😋蝦膏甘香！ 松葉蟹腳肉質飽滿🦀，雪白鮮甜⚪️。 仲有拖羅任食🎉，肥美粉嫩💖魚脂甘香！ 煙熏鱆紅魚薄切🔪配咗少少三文魚籽🟠，煙燻香滲透晒入魚肉🐟，味道層次好豐富👏！ 呢度仲有幾多款壽司🍣，但係最深得我心嘅就一定係勁鮮味嘅🇯🇵日本海膽軍艦同埋☺️層次超豐富嘅海膽🐟拖羅鱈魚乾手卷！ 佢哋呢期有全香港獨有🧂油鹽焗奄仔蟹🦀任食，隻隻都爆晒橙紅蟹膏💥，鹹香帶鮮甜蟹肉香嫩✨正呀！ 另外仲有避風塘炒蟹🌶️，炸蒜金黃焦香🦀，辣度適中惹味送啤酒🍺一流！ 蠔控必食川燒珍寶鮮蠔燒🔥同埋酥炸桶蠔🦪，一款香辣惹味🌶️，一款鬆脆鮮甜😊。 泰式🇹🇭麻辣奶油蝦🦐蝦頭啲膏多到癲🧡，奶油香滑🥛加上香茅同埋檸檬葉調味，🌶️泰式風情滿滿！ 殿堂級鐵板🪿鵝肝厚多士外焦脆🔥內軟滑，入口即溶勁甘香🍞！ 佢哋仲有多款串燒🍢，全部任叫任食🎉都十分之唔錯👍。 自助區仲有多款冷盤🥗、熱盤♨️、中式點心🥟同埋多款酒類🍶任飲🍻款式極多元化🌈。 甜品櫃🍮入邊嘅甜品款式極豐富🍰，雪櫃仲有 Haagen-Dazs 同埋 Movenpick 雪糕添🍨真係大滿足啊💯！
繼續閱讀
好鐘意食放題，今次黎到呢間有牡丹蝦及奄仔蟹任食😋😋一坐低就立即點油鹽焗奄仔蟹🤣奄仔蟹嘅膏超多又夠creamy!! 所以又立即點多幾轉😆刺身就叫咗三文魚、油金魚、拖羅、池魚、牡丹蝦，牡丹蝦好大隻又爽，其他刺身肥美又好新鮮👍🏻😋壽司🍣 炙燒三文魚腩、炙燒左口魚邊等就必定嗌，但係呢間有日本海膽軍艦、香蔥拖羅小卷，所以一定要嗌！日本海膽好creamy!!!! 香蔥拖羅小卷超級多拖羅容，超正👍🏻另外仲有個海膽拖羅鱈魚乾手卷，鋪滿厚厚嘅拖羅容、海膽、三文魚子，真係一次滿足晒3個願望😍花雕醉鮑魚🍺鮑魚好入味👍🏻又淋又爽😋好好味珍寶燒蠔、燒牛舌、燒羊架、燒乳鴿等燒物真係好好食！真係必食！！最後梗係要食返甜品啦，呢度嘅雪糕同雪條比起其他出邊嘅放題少見，仲要係特別版Häagen-Dazs同埋日本雪條👍🏻
繼續閱讀
今次同班friend去咗太子Moko商場入面間日式放題，真係冇得頂！間鋪頭裝修得好靚，座位闊落又光猛，坐得超舒服，重點係食物質素超高。頭盤必食花雕醉鮑魚，隻隻都係咁大隻，酒香入味得嚟又唔會搶晒鮑魚鮮味，咬落爽彈得嚟仲有少少溏心，我哋encore咗兩轉！牛油果蟹肉最中餅個配搭好驚喜，脆卜卜嘅米紙包住creamy牛油果同絲絲蟹肉，精緻好食！刺身方面要畀10個like！海膽拖羅黑松露帶子個組合豪華到爆，海膽甜到似食緊糖，拖羅油脂同黑松露個香味撞到正。松葉蟹腳同赤貝新鮮到好似仲識郁咁，甜蝦超鮮甜同牡丹蝦每隻都勁大，咬落去啲蝦膏爆出嚟超邪惡！熟食都冇hea做，燒物系列我最愛蒜蓉牛油赤蝦，蝦頭啲膏多到漏油，仲有西京燒比目魚燒到外皮脆內裡嫩滑。估唔到連羊鞍都處理得咁好，冇羶味得嚟肉質軟淋，個香草醬撈飯食都得！最後要讚吓個金湯燴花膠，膠質多到黏嘴唇，飲完成個人都暖笠笠。雖然價錢唔算平，但計返質素同環境真係值回票價。
繼續閱讀
近排同同事講起食放題，佢哋話我知有一間非常瘋狂嘅日式放題店，竟然牡丹蝦🦐、奄仔蟹🦀、日本海膽全部任食，奄仔蟹仲要隻隻爆膏，叫我一定要去試吓！食放題，當然唔少得嘅就係嗌勁大碟刺身啦！我哋分別叫咗松葉蟹腳、牡丹蝦、甜蝦、北寄貝、北海道鮮帶子、希靈魚、池魚王、金槍魚腩、油甘魚，款款都咁新鮮，牡丹蝦大隻又厚肉，味道甘甜！幾款魚嘅刺身都切得非常厚，口感同鮮味都十足！食完刺身，當然唔少得試返佢哋幾款招牌壽司啦！其中日本北海道海膽軍艦一定係必食，記得唔好錯過啦！✨✨另外，油鹽焗奄仔蟹🦀大家都可以盡情放心嗌，事關佢哋嘅奄仔蟹隻隻爆膏，非常吸引🤩🤩最後當然唔少得任食Häagen-Dazs同Movenpick雪糕，另外仲有多款甜品可以選擇，保證兩個胃都滿足到！😋😋
繼續閱讀