殿糖級 (已結業)

呢間位於路德圍嘅糖水店算係新開，比起平時食開嘅松記高質少少，價錢亦都貴少少。今次我就食咗佢嘅芒果拿破崙，冇諗過賣相同味道都咁正，個拿破崙好鬆脆，每層嘅芒果都好多，反而啲cream啱啱好，又唔係太多，配埋少少朱古力醬一流兩個人食啱啱好因為佢有三層高，每層都有厚度稼店員嘅服務都幾好，入去嘅時候會比幾杯暖水 我哋嗰日去嘅時候，唔太多人唔使等位可以即刻入 如果大家喺路德圍食開飯，想食糖水又吾想等位嘅話，可以不妨考慮吓呢間

同朋友係附近就搵左間唔多人既甜品店食個甜品，因為極想食雪糕既關係，我就點左個有三球雪糕既懷舊香蕉船 。睇佢menu寫雪糕係Dreyer’s，咁應該都ok。點知，雪糕選擇非常少，得芒果、雲呢拿同朱古力... 果一下已經想點第二樣算，但最後都點左黎食。味道ok，香蕉船好難做得差，配料正正常常無特別，同香蕉、雪糕都幾夾。但menu配圖明明有士多啤梨...但實際上就無，睇返清楚原來係要加錢加先有水果...總結而言，果晚唔洗等就入到，食物都正正常常無驚喜，可惜雪糕選擇太少，同行朋友點既心太軟同熱品都ok，勉強都算係飯後一個好選擇。Ps: 我朋友懷疑椰子燉奶個椰子殼無椰肉係重用...如果介意既朋友就唔好點啦。其他甜品都算ok

一如以往，在荃灣食完晚飯下場便是甜品，剛好殿糖級在餐廳附近，亦無需等位便去試試。分別點了兩個香蕉船、合核露及原個椰皇燉3.6牛乳加燕窩。香蕉船 $42 （小丸子+$2）沒有太大驚喜，就是普通的香蕉加雪糕。合桃露 $24，可惜味道不夠濃亦不夠滑。原個椰皇燉3.6牛乳加燕窩 $65，但最可怕的是椰皇是重用的😑裡面根本沒有椰子肉，大概是被人吃掉了然後重食椰殼，好噁心。而且燉奶一點都不滑，燉到好老，極失望。不要試，千萬不要去試。

同朋友喺荃灣食完飯，諗住搵個地方吹下水，行行下見到殿糖級岀面有個廣告牌竟然有薄荷綿花冰天氣咁熱，諗都無諗即刻入左去坐低，睇下個menu，好多不同嘅甜品款式我哋就叫左一個雜果窩夫配雪糕同一個薄荷綿花冰。等左大約5分鐘，薄荷冰就到左(可能當時11點幾無乜人，所以好快到了)而個窩夫就要即整，但大約只係10分鐘就有得食薄荷冰賣相無得頂好靚食落有啲似D字頭雪糕嘅薄荷朱古力味雪糕！正！個窩夫都不錯！唔會好似岀面嗰啲咁林哂，佢係脆嫁配埋雪糕食簡直係perfect match下次我都會再嚟依間！佢已經成為我嘅新聚腳點

同朋友食完晚飯之後，仲想再搵個地方坐底吹下水同吃甜品，於是就隨意睇下附近嘅甜品店，最後去左殿糖級。我們叫左一個益力多冰，話說真係好大份，可以夠我地三個女仔分黎當飯後甜品。益力多冰面頭嘅醬雖然唔太確定係咩，不過我估應該係楓糖漿，佢唔會太甜，而且同益力多冰酸酸嘅味道配搭起上黎，十分夾。另外，配料有好多款，有類似小丸子既粉團、乳酪爆珠、疑似蘭香子、仲有朱古力脆米。除左脆米之外，全部嘅配料都好鍾意呀，所以食得好開心~

今日和老公結婚周年，食完飯，諗住去食個糖水or 甜品，但現在荃灣區都都沒有一些比較有特色嘅甜品店，剛剛行過路德圍，有個小姐派傳單，就諗住去試一試，咁我叫咗個鮮雜果黑白涼粉，而老公叫咗個宇治金時。等咗一彈兩個甜品都一齊到了。但我個甜品。。。只是得個“甜”字，鮮雜果不太新鮮，而且水多過鮮果，黑涼粉多過白涼粉。老公個宇治金時(即綠茶雪花冰)，綠茶味不濃(簡單講，即係冇味)😅，唔知佢想點。。。比較失望。。。

地膽朋友帶我黎荃灣食完晚飯，我哋就諗住搵間糖水鋪再吹下水啦，見到呢間殿糖級好似新開嘅，所以就盡管試下啦！我叫咗個原個椰皇燉3.6牛乳（＄46），朋友就揀左芒果班戟（＄31）。一上枱，咦，urm....好似有啲細個喎..同埋見到啲牛乳同個椰皇係分離嘅，唔緊要，可能係好食呢！食左一啖牛乳，係好有牛奶味嘅，好rich，但係個椰皇就好似縮左水咁，外面都見到有啲'lung lung'地，再刮埋啲椰子肉黎食，已經變左係啡啡地色，亦有啲乾。朋友嘅芒果班戟亦都唔例外，班戟皮係黃到有啲誇張嘅，芒果亦唔算好多，奶油忌廉算係咁，不過不失。 希望今次只係失左小小水準啦。。。。

夜晚想食糖水！見到呢間唔洗排隊同埋新開咁就試下佢la !!-因為店內無位，所以我地係店外開枱食！-叫左3樣都係芒果味嘅甜品😆🍧香芒益力多雪香 ($49)姐係綿綿冰🍧🍧同其他地方食嘅芒果味綿綿冰差唔多正正常常無驚喜🍰芒果千層蛋糕 ($39)皮薄！味道唔錯 ~~🍰黃金酥皮拿破倫 ($45)賣相好靚！有花過心思先上碟！酥皮好脆呀😆加埋吉士醬同芒果！very yummy !!我同朋友都一致認為呢個甜品係有驚喜！推介😍👍🏼

食完飯緊係要食埋甜品先夠完滿經過見到呢間甜品店有位，唔洗排隊就坐低咗。試一試新野同朋友每人點一樣，然後share食我揀咗芒果千層蛋糕當然無lady m咁好食。但價錢平，味道唔錯，入面仲有芒果肉添性價比幾高朋友點咗芒果拿破崙見到個賣相已經贏咗加分個酥皮好脆，配埋吉士醬同芒果肉無得彈啦🤩仲叫咗一個芒果益力多綿花冰😎呢個就普普通通 不過不失啦

想食個tea但其實又lunch咗冇耐，飽飽哋但行到攰又想坐吓，於是就tea甜品啦！四個人，兩個仲要叫凍嘢，真係怕咗佢哋，我哋叫咗芒果奶凍、合桃糊、薑汁芝麻湯圓同榴槤班戟。甜品share食係最開心，最後大家投芒果奶凍最好味，全因佢芒果好甜，連芒果汁都冇hea我哋，係好鬼濃，奶凍當然係滑滑的，好美顏Feel。其實其他都好味，等我一一講吓啦！榴槤班戟味濃，榴槤肉足夠，只係個皮少少硬咗，可能天氣太凍關係吧?! 但整體係好食既。至放兩個熱甜品呢就非常滋保合桃糊有生磨嘅感覺，好有口感；薑汁芝麻湯圓嘅湯都香，辣辣地，喺咁凍嘅天氣係非常啱食，D芝麻湯圓呢就好煙韌好多芝麻餡料，所以都係好值得食! 最後就要讚下個店員姐姐啦！佢非常有禮，落單唔嫌我哋煩， 好有耐性，又好好笑容，仲同我哋講吓笑

好奈無出荃灣食野，食完飯又行到海壩街個條食街，心思思想食個甜品， 意外見到間新開嘅甜品店，Menu嘅選擇都比較特別，我個人就比較唔係甘鍾意食中式糖水，又唔係甘鍾意食嗰啲水果撈撈，好彩個Menu有其他為我地呢啲人嘅選擇，最後揀咗拿破崙同椰子燉奶，仲有芒果綿綿冰，個拿破崙送到賣相唔錯，又唔會太甜都幾鬆化，口感豐富同埋牛油奶香味好夠，俾足料，價錢都算合理，椰子燉奶奶味好香同埋好滑，因為佢用咗3.6牛奶，口感比平時嘅唔同，整體都唔錯，不過我就比較鍾意食拿破崙因為比較少甜品店有，絕對可以返轉頭，賣單三樣嘢都唔洗百四蚊，好過去食埋啲唔知乜記都乜記，兩間老土野食嚟食去都係果啲生果溝奶溝水溝糖，一啲新意都冇，最重要係又多人又迫又唔係好食，行開荃灣絕對會返轉頭再食殿堂級。重要老闆娘都幾靚女，態度又好

收工同想同朋友去荃灣搵間糖水鋪聚下，吹下水。朋友話新開左間殿糖級，帶我們試下。佢似乎試過呢間鋪，一坐低menu都唔睇就霸氣地叫左兩個椰子燉牛奶，一個芒果拿破崙。原本抱住「醉翁之意不在酒」的心態去食糖水，點知個椰子牛奶又真係出奇地香濃。原隻椰子啖啖果肉，香濃燉牛奶配搭得岩岩好，勁好食。食完燉奶都不忘用匙羹刮一刮椰子肉食。芒果拿破崙都香酥脆口，芒香四溢，芒果好足料。有機會一定會試多次個椰子牛奶。Btw，臨走想影下個鋪面，比老闆娘望到，佢好配合咁舉左個V哈哈。

本身住開荃灣，成日都會係路徳圍食野，同男朋友行開粥鋪個邊開左間新嘅甜品店，見裝修幾靚入去試下，點知有驚喜叫左兩樣野食大約十五分鐘倒就黎啦！野食一上枱已經要相機食先📸賣相一流呀！拿破崙好好好脆裹面啲cream 唔係好甜，食落幾滑，好味！下次要試埋其他味先心太軟好流心♥️ 唔太甜！1啲都唔「漏」好好食！朱古力味濃！服務都幾好！員工好nice!環境好乾淨！可以望到入廚房，見工作嘅人都有帶手套做野！一定會再幫襯！

食開大圍，係荃灣等巴士見到殿糖级荃灣又開一間。同大圍唔同，座位不多但多個展示櫃。行過去睇下，見佢賣多咗唔少外賣野，有多幾款千層，啤酒焦蛋同我最愛的雞蛋布丁。買左芒千，兩盒蛋同芒果拿破崙，水準keep 到，芒千多芒，cream 唔太流唔太甜，食得出唔係大陸芒。我做開生果，知道呢排好芒難求，佢地算係咁拿破崙買比老婆，夠脆，中間酱，唔知係吉士定cream, 夠滑夠香。雖然有D人憎連鎖，但我覺得起碼質素唔會参差，性價比亦算係咁。但我覺得佢地裝修可以加d特色，會更加好support!