殷悅

營業中

休息中

今次family gathering飲茶嘅地方有點新意，就响熊貓酒店入面嘅呢間中菜廳。自己完全冇諗過嚟呢度飲茶，試吓新嘢總係好事ar...環境一流。放眼一望全是山景，夠開揚。地方夠寬敞，枱與枱之間亦空間十足，坐得舒適。最重要係人唔多，唔使同人迫餐死ge...好嘞..環境就無得頂，食物水準又如何?跟外面嘅環境相差遠矣...滷豬手不夠入味，豬手皮上面D毛都未除乾淨，倒胃；錦鹵雲吞嘅皮不脆口，仲有少少"透風"添，甜酸汁不夠濃稠；梅菜扣肉包係就係有創意，但包皮厚且肉太少，應該稱之為"梅菜包"，餡汁液亦不夠多，食落乾爭爭；稍為好一點係炸鮮魷鬚，脆漿不過份地厚，魷魚亦算新鮮...其餘嗰D，食完都冇乜大印象..埋單當然係不便宜la。咁嘅價錢，可以去蓮香飲足一個禮拜早茶la...

今日趁假期同屋企人去試下呢間酒樓，整體來說，不過不失啦！環境：裝修普通，但勝在夠闊落，都坐得幾舒服。我好欣賞佢地o既落地玻璃窗，但可惜根本無乜景觀。服務：態度好好食物：點心一般。唔算差，不過有其他酒店食肆好過佢地。本人就覺得逸東軒o既點心出色好多(價錢接近)

大年初一，今年的我不需像往年般四出去拜年，留在家中看看電視，睡個午覺，又到晚上。朋友話出來吃晚飯，我當然樂意奉陪。有熊貓酒店的VIP卡，兩位有5折優惠。先打過電話去問問，年初一仍可享用此優惠，就毫不猶豫地來這裡。要一份什麼牛柳粒，四季豆和飽魚銀芽薑蔥撈麵。先講杯茶，是仁蔘烏龍，好香仁蔘，好清潤；朋友話可接受再重些少的仁蔘味，但我覺得已足夠。牛柳粒先到，有雀巢加上翠玉瓜，菌和牛柳粒。翠玉瓜幾爽口，牛柳亦淋，菌的味道清新。有點失敗是我太遲才吃那雀巢，變得太淋，幸好醬汁夠味道。四季豆的乾身程度剛剛好，加上肉碎也不是硬柴柴似的，送撈麵唔錯。飽魚銀芽薑蔥撈麵，麵多於其他材料，不過味道都很好。薑蔥撈麵一向都好穩陣。餸菜還是吃不完，有優惠埋單才二百元，大年初一去邊度搵呀！

生日週倒數啟動了，這一餐主角卻不是我，而是朋友的父母。緣由不提也罷，總之一大幫人吃得開心，都值得一記!　當晚所試菜式包括: 什錦花式拼盤三鮮羹脆炸軟殼蟹花枝炒蝦仁清蒸海上鮮當紅炸子雞荷香飯/ 家鄉炒米粉芋頭西米露水晶桂花糕　食物普遍水準不低，當中尤以脆炸軟殼蟹夠香脆，花枝炒蝦仁用料鮮味道佳，當紅炸子雞又做到酥脆外皮、嫩滑雞肉效果，是幾款出色菜色。朋友又開了紅酒，雖不懂也來試試，口感及風味還真不錯。　餐廳環境又好(唯景觀一般)，服務也佳，絕對是飲飽食醉的一餐。滿足!

之前的悅來軒結業，搬了上去30樓，沿用大部份悅來軒的員工，所以感覺仍然是幾親切。去到酒樓，第一個感覺是比以前在二樓時高榴好多，不論裝修以致員工的制服都幾醒神。可惜落地玻璃出面的景色沒有一點吸引。今次是星期日陪爸爸媽媽來飲茶，雖然我是第一次來，但爸媽就來過多次，而在悅來軒時代我們亦是熟客，因此那知客一眼就認得出我。三個都唔係大食既人，都唔係志在食野，只係習慣了飲茶的氣氛。尤以我媽媽，每日都要飲過茶才安樂，故此只是點了一碟彊蔥鮑片炒麵，梅菜扣肉餐飽和芒果糯米滋。梅菜扣肉餐飽感覺唔太肥，幾好。彊蔥鮑片炒麵好大碟，每人可分到兩碗有多，味道中規中矩。芒果糯米滋個皮幾爽，又一大片鮮甜芒果肉，我幾欣賞。埋單爸爸找數，不過見佢好似二百蚊有找，唔係太貴。

唔知是否d高層看到早幾篇文章, reception d 人服務態度一流, book 位時已經很好, 我上到去等位時約15-20 mins, 足足講左5次唔好意思, 好快有台(其實我早到了10mins), 入到去服務一般, d 點心都幾快, 但較的色, 荷葉飯份量很少, 好似沒有味精, 信用咭有85折都食得過. 略嫌音樂吵耳

(11/6/06)試試酒店飲茶。無乜留意門口知客黑面與否,但入面既侍應服務都唔錯呀。環境係幾好,幾靚,不過地下有食物殘餘物,就要減分喇。點心真係好一般,標榜無味精。蜜汁义燒腸、小籠包、上湯鮮蝦粉粿、脆皮羅漢卷,點左個汁幾好。荔蓉西杏餅,脆脆的,非常好食!!薑米鵝肝帶子飯,炒得好乾爽,粹粹的鵝肝味OK,而帶子就無味既。點心款式真係唔多,一碟炒飯百數元,幸好有credit咭discount,咁試過就算lu。

來呢度飲茶，但付出幾百蚊竟然換一肚子氣!!1) 史上態度最惡劣的receptionist/知客：企門口那位短髮中年大件阿姑知客（自稱經理），由我地訂位到等位到有位，全程黑面，問一句答半句,仲要唔等客人講完就已經搶答,語氣非常晦氣(感覺好似我地要佢幫忙咁),仲要唔望住客人回答/講野,禮貌全無,做咩呀?得罪佢咩???!!! 門口第一關已經令客人印象極差,做咩要放件咁既"極品"做門口知客,令客人未食其食物已經怒火中燒(甚或心灰意冷),失敗!!!!2)食物質素-點心款式少,味道平平無奇,當中炒粉更係無味無道...連一般普通酒樓都不如.3)價錢-物非所值,一般點心至少廿幾三十幾蚊,炒粉麵至平都要一百蚊!雖然位處酒店(但o個間係荃灣既熊貓"酒店"),不過咁既服務,咁既食物,絕對唔配咁既價錢.只此一次,唔會再踏入呢間野!!

門口Receptionist 服務態度懶散, 客人企响度成分鐘都未識招呼!班女侍應好不知所謂!!!!!問乜都說話唔知, 下下要問另一個男侍應.最不知所謂係一男兩女經理响仲有客人的情況下`大遙大擺'坐响度`勁食' !!!班侍應掛住招呼他們而忽略了客人!有一個女經理仲離譜, 响 Last call 時總共問了每檯客人各三次, 仲俾我見到佢响客人正在Check 單時偷'喵'客人, 態度好過份!記住匯豐, 恆生, 中銀, 同A.E.卡有85折架! 佢地唔會主動話你知架!食物水準好但服務根本毫無態度可言! 如果唔換了班伙計, 就索性收大排檔價格啦, 仲好意思收加一!推介食物: 梅菜扣肉餐包, 三文魚撻