段純貞X日出茶太 (The Johnston)

營業中

休息中

Lunch落去灣仔「段純貞×日出茶太」😍好耐冇去台灣了，好掛住台灣嘅味道 一於就入去食返餐台灣美食啦呢度環境好靚，樓底好高，空間感十足燉濃湯雞手工麵 🍜湯底好重雞味，雞分量都唔少!雞肉份量都算多，配餐廳自製手工麵條口感扎實Q彈 好味 雖然清湯，但都可以做到湯味濃郁鹽酥雞🐥鹽酥雞夠大件，而且炸得非常香脆可口，食落雞肉夠嫩唔會好多炸粉，大大粒好好食新鮮䐁肉鍋貼 🥟煎得金黃香脆，食落入面充滿肉汁，皮薄餡靚估唔到連鍋貼都可以做得咁出色🌟仲叫咗杯水果茶飲 可以叫好多款嘅台灣飲品😍下次再試埋其他！

去唔到台灣但又想喺香港食到台灣嘅滋味, 我就約咗朋友仔一齊去位於灣仔嘅<<段純貞>>到試下😋地鐵站行過嚟都好方便, 位於灣仔作對The Johnston, 舖面好闊好大好光猛, 環境舒適!我哋叫咗兩碗麵, 兩個小食同兩杯飲品. 手工面係比較粗身, 彈牙爽口👍🏻 牛肉都好足料, 又夠厚身, 口感豐富👍🏻 最令我哋有驚喜嘅係個煎餃子, 大家都覺得好好味, 必食推介😋飲品佢哋係同Chatime crossover, 好有台灣風味! 佢哋仲做緊夏日飲品優惠, 正價惠顧任何飲品, 其後每杯可以享半價, 咁抵梗係要同朋友仔happy share啦!!

台式X O醬蒜泥白肉涼拌麵（中辣）台式XO醬第一次品嚐，味道是具有特色的XO醬。香蒜味濃，白肉切片薄口，易入口咀嚼，最神奇是辣味之中而不會辛辣，而是有涼透心的感覺喔！燉濃湯雞麵手工麵濃湯用了新鮮雞肉燉煮，而且雞肉肉質新鮮而嫩滑，好味道！手工麵亦配搭出色！好好味呀！雞湯抄手用新鮮雞肉燉煮雞湯，加上大大隻新鮮蝦作餡料，令抄手更加吸引好味！酥炸排骨外脆內軟，排骨肉質鮮嫩，酥炸出台式的味道！黑糖珍珠鮮奶有珍珠嘅珍奶確係好飲，黑糖味濃，令整杯黑糖珍珠鮮奶外觀上好似一幅山水畫似的！推介推介！環境灣仔集中點，交通方便，鄰近灣仔港鐵站，餐廳內環境開揚，坐位寬躺舒適！

段純貞於戰亂時在新竹空軍基地以單車作為攤位，售賣親手製的家鄉豆瓣醬、泡椒、甜酒釀等川味佐料，幫補家計。於2007年時，為了紀念已故祖母，以其名開店，表達孝思。段純貞牛肉麵總店位於新竹市武陵路，時至今天依然是當地的人龍食店，人人都為招牌的經典紅燒牛肉麵而來。當然我今日都唔例外，係就係想試吓咁出名嘅牛肉麵，要一試曾被「台灣美食教父」焦桐參與編製的《臺灣牛肉麵評鑑》中獲選為「5顆星牛肉麵」，到底係有着乜嘢嘅吸引力？第一樣嘢當然要是牛肉麵，段純貞熬出美味舊法製作料理的堅持沒有改變。招牌經典原汁紅燒牛肉，堅持不使用市售桶裝牛油，而是利用新鮮肥牛榨出的自製純天然油脂，牛油加入香蔥、薑、蒜、豆瓣與23種中藥材，慢火拌炒8-9小時後加入牛骨高湯中熬煮，搭配上各種手工調配的香料及醬料，其過程費時，耗工就係現代快餐好少可以食到嘅美味。今次食左三寶麵（腱心，牛肚，牛筋）同燉番茄腱心牛肉麵，牛肉湯底以牛大骨熬煮，經過數小時慢火細燉，十分濃郁惹味，一頭牛只能取出約五碗份量的牛腱心肉花紋狀的油脂分布均勻，豐富膠質及黄金比例的车筋半肉，口感軟Q，肉香辞厚，入口即溶今次都試晒兩款麵，手工麵既麵團反覆延壓維持韌性，厚薄

近排天氣又悶又熱，放工真係唔想煮，決定同埋阿媽搵野食。平日lunch成日要大排長龍，所以終於可以帶埋阿女去黎食。梅子汁芒果嫩雞胸涼拌麵($78)梅子汁加芒果🥭酸酸甜甜，雞肉滑溜🐓，加埋凍冰冰涼🧊拌麵係夏天恩物，大推👍🏻👍🏻👍🏻墩番茄腱心半筋半肉麵 ($92) 唔同一般紅燒牛肉麵，呢個湯底無咁油，牛肉燉得好林，香濃嘅番茄味嘅湯底配埋手工麵非常好味😋三星蔥肉鍋餅 ($48)之前我地就去過台灣摘三星蔥自己整鍋餅，三星蔥同一般蔥好唔同，香得黎無青味，連我女唔食蔥嘅都食話好食，而且質感彈牙又唔油雞湯抄手 （$58)一睇就知皮薄餡靚，入面隻蝦大大隻又彈牙最後，台式飲品梗係唔少得太極厚奶 （$38）奶香絲滑，加埋Q彈珍珠🧋同爽脆蒟蒻晶球🫧，大愛❤️芒果QQ ($36)甜甜嘅芒果飲料配上椰果同珍珠，令人更開胃最後，不得不讚呢度員工，佢地相當照顧小朋友，係我個女迷惘唔知食咩時慢慢介紹俾佢

以前放學成日都經過灣仔過左咁多年 琴日專登去行下囍貼街 因為大紅燈籠真係好靚好有特色行完之後就去左人氣台灣牛肉麵✨段純貞 ✨主食試左三寶手工麵同燉蕃茄腱心半筋半肉麵牛肉軟嫩多汁 牛筋Q軟彈牙 牛肚爽口而且我最中意麵底煙韌的口感小食我簡左新鮮豚肉鍋貼同鹽酥雞鍋貼香脆餡香 外皮呈現金黃色 大推👍鹽酥雞 外酥內嫩 係台灣的風味最後試埋招牌太極厚奶 同消暑的西瓜奶茶珍珠+蒟蒻波波 煙韌又爽脆 加埋厚奶又香又滑非常夾而西瓜奶茶真係好岩咁熱既天氣飲 解渴又消暑

放工落去「段純貞X日出茶太」食晚餐🌙.三寶麵🍜湯底牛味濃郁醇厚🐄帶微辣味🌶️三寶係腱心、牛肚、牛筋🐂腱心同牛筋炆到好腍又入味🔥腱心入口膠質豐富🤤半筋半肉，肉味重☺️牛肚爽口，手工麵寬厚煙韌有咬口😗.胡椒湯酸菜雞麵🥢湯底濃郁胡椒同酸菜味🧂🥬細麵掛滿湯汁😋有1隻大雞脾同雞肉🍗肉質滑嫩👍🏻.雞湯抄手🥟抄手皮薄😍蝦肉大粒彈牙🦐味道鮮甜😛.三星蔥肉鍋餅🫓鍋餅煎得酥脆😆入面係肉餡同三星蔥🐖🌿.熱芋頭特調💜除咗芋頭味，仲有一浸燕麥味🌾仲有粒粒芋頭☺️.凍烤茶拿鐵🧋烤茶味道頗香🍵但烤茶同牛奶味都偏淡🥺

想念台灣的味道 走到灣仔地鐵附近的段純真吃牛肉麵上菜才發現我在台北車站都係食段純真我們點2碗麵 牛肉清湯麵 & 三寶麵朋友選牛肉清湯細麵 牛肉好腍🐮🐮三寶麵裡面是牛筋、牛肚、牛腱心 🐮 三寶麵還可以選細麵/手工麵 如果跟我一樣喜歡吃台灣闊麵必選手工麵手工麵煙韌有咬口 牛筋 & 牛腱好腍好入味三寶麵湯底帶少少麻辣味 愛吃麻辣必點🩵🩵小食我們點了雞湯抄手 & 台灣必吃鹽酥雞 雞湯抄手🩵湯底鮮甜 雲吞皮薄 ！！鹽酥雞🩵不會炸得很燶而且雞肉很嫩滑

呢日去開灣仔買d野🛍️買完之後經過開段純貞，諗起好耐無去台灣，好掛住台灣嘅味道😏一於就入去食返碗台灣麵啦☺️入到去覺得餐廳樓底好高，空間感十足，完全無焗促嘅感覺👍🏻🍜三寶麵(手工麵) $94牛筋|腱心|牛肚三寶牛味好濃，牛腱而且煮得好腍好入味，牛肚爽口手工麵夠晒煙韌😋湯底亦非常之濃郁🍜清湯牛肉麵(細麵) $78牛肉大大件，煮得非常軟腍，配埋細麵一齊食無論味道口感一樣好夾🍗鹽酥雞 $48鹽酥雞夠大件，而且炸得非常香脆可口，食落雞肉夠嫩唔會炸到好乾👍🏻🥟新鮮豚肉鍋貼 $48煎得金黃香脆，食落入面充滿肉汁🧋黑糖珍珠鮮奶 $39勁重鮮奶味😍黑糖珍珠煙韌有咬口👍🏻芒果QQ $36甜甜嘅芒果特飲配上大量椰果&珍珠好解渴

同我妹搭完叮叮🚃之後，－落車就見到超出名既台灣第一牛肉麵－《段純貞》，當堂唔使再煩惱今餐到底食咩好，就走左入去！😆我地食左：✨三寶麵 ✨$94呢碗三寶麵入面有炆到好腍，又軟又嫩既牛腱心、爽口Q彈既牛肚同軟軟糯糯，幾乎滑入喉嚨既牛筋，每樣都牛味超重又入味🫶🏻肉肉既份量幾乎仲多過d麵🤣正‼️靈魂湯底濃郁醇厚帶輕微辣味，牛香重到－個點‼️😍麵底有幼麵同手工麵可以揀，我哋都揀咗手工麵🍜 有韌性又夠寛闊既手工麵吸收完d咁正既湯汁之後，超快比我清哂😋✨墩番茄腱心半筋半肉麵 ✨$92食落同三寶個隻有d似，只係個湯底再帶多陣香濃嘅番茄味🍅，感覺再開胃d👍🏻✨鹽酥雞 ✨$48呢度d鹽酥雞好大嚿🥰出面炸得啱啱好👍🏻唔會硬掘掘😋食落外脆內嫩又多汁 🤤雞湯抄手 $58雞湯抄手望落精瑩通透👍🏻入面隻蝦大大粒咁透左出嚟，一睇就知皮薄餡靚😄味道亦都比我想像中更加鮮味！✨芋頭特調✨ L $38醇厚奶味同芋頭獨有既香味相輔相成👍🏻入口每一啖都系芋頭嘅精華，質感濃稠唔膩，亦唔會好甜💯✨西瓜荔枝沙冰✨L $36清甜嘅荔枝同香甜西瓜🍉組合而成既沙冰又冰又涼超解渴，真係好適合依家越嚟越熱嘅天氣🔆📌本身打算只買飲品外帶所以先有膠

同朋友行開灣仔,一出灣仔地鐵站對面就見到段純貞,因為做完野太餓,見到咁近就衝左入去試下~餐廳環境都算大,座位闊落,坐得舒服唔會好迫好侷促～係一間專注於台灣風味菜的餐廳,提供各種台灣小食和特色料理及甜品,好多款食品選擇～🍜牛肉三寶手工麵 $94餐廳招牌菜之一,三寶係指配三種不同口感的牛肉,包括軟嫩的腱子肉、筋道的牛腱和嫩滑的牛腩,牛肉麵湯底有少少微辣,濃郁而不油膩👍🏻 肉質軟嫩多汁,成碗肉多過麵!!另手工麵好寬厚,食落好有咬口,好飽肚～🐔燉濃湯雞手工麵 $88湯底清清地,雞分量都唔少!仲比左雞髀🤩配餐廳自製手工麵條,口感扎實Q彈,好味✅🍅燉蕃茄腱心半筋半肉手工麵 $92其實同牛肉麵差唔多,只係加咗蕃茄,食落味道酸酸地比較開胃,酸甜適中,肉質軟腍入味～🐔胡椒湯酸菜雞麵 $88呢款麵冇得揀轉手工麵,得一種麵款選擇;湯底濃郁的胡椒香氣同酸爽的酸菜形成對比,口感層次豐富。雞肉份量都係唔差,肉質幾嫩,都係唔錯🤤小吃：🥟新鮮豚肉鍋貼 $48🍗鹽酥雞 $48🍖酥炸排骨 $48🫓三星蔥肉鍋餅 $48Drinks：（大杯，一杯有700ml）黑糖珍珠鮮奶茶 $39招牌珍奶茶 $34夏日水果茶 $34玄米玉露

咁啱今日喺灣仔返工Lunch約咗一大班同事一齊食牛肉麵我哋叫咗好多嘢食⭐️牛肉三寶手工麵 $94牛肉好淋，湯濃郁,帶有微微辣味，唔錯👍🏻⭐️燉濃湯雞手工麵 $88分量好良心，有雞脾🍗🤤🤤🤤一碗好夠飽～⭐️燉蕃茄腱心半筋半肉手工麵 $92濃郁的蕃茄，酸酸甜甜好開胃，肉質鮮嫩多汁，與微辣的湯好夾💯⭐️胡椒湯酸菜雞麵 $88雞肉鮮嫩大份,係一碗別具風味的雞肉麵🐔小食：⭐️新鮮豚肉鍋貼 $48好特別，賣相扁身，食落都幾香脆⭐️鹽酥雞 $48雞肉酥脆多汁,外皮灑有鹽和香料,好味😋⭐️酥炸排骨 $48炸得啱啱好，唔會好乾身⭐️三星蔥肉鍋餅 $48我都第一次食，係一道台式鍋貼，餡料有鮮嫩肉餡和三星蔥，外皮脆脆地，好食🤤🥤Drinks：黑糖珍珠鮮奶茶 $39招牌珍奶茶 $34夏日水果茶 $34玄米玉露茶 $30

晏晝係灣仔行到球場嗰面，又落雨又嗡悶，見到呢間段純貞有連埋日出茶太，就決定去食餐台灣野，順手飲杯手搖飲料。入到去睇嗰menu，先發現原來佢仲有賣一款叫梅汁芒果嫩雞胸拌冷麵，聽落都好似酸酸甜甜好開胃咁，所以就嗌一個黎試試佢。另外再叫左一份台式拼盤小食，野飲就嗌左一杯西瓜特飲。等緊野食望下鋪頭入面D裝修，整體都係用木/竹系既感覺設計，俾人感覺都係明亮舒服既，而且地方都乾淨企理。過左15分鐘左右Order就已經出齊，都算幾快下，咁試左嗰小食拼盤先，份量正正常常，豆腐、菇都有4,5舊，都滷得幾入味，隻溏心蛋好好味。試埋豌麵，望落嗰賣相好清新，上面既芒果係新鮮芒果黎，食落香不過唔係好甜，仲有一舊細蕃茄有用梅汁先浸過，有多一陣梅香味，塊雞胸應該係用慢煮，咬落去唔會嚡口都Juicy，連埋嗰汁食唔錯，嗰麵同嗰汁幾夾，少少酸甜好開胃，我覺得如果之後天氣再熱D再食一豌咁既冷麵會好啱。

個湯好濃香料味，但好似同牛肉麵唔夾？揀咗手工麵，好粗好厚，似闊條麵，但份量小得驚人，感覺牛肉多過麵。牛心腱好正，好淋，唔韌，又滑。黃酒薑湯煮雞，重酒味同時重薑味，雞好滑，正。

向灣仔做完嘢晏晏地是但搵咗間未收嘅餐廳，上菜都幾快。叫咗個台式滷水拼盤 ($118)套餐包埋一份燙青菜，份量不少，拼盤嘅滷水嘢都幾入味同淋，而且種類都幾多，有蛋，豆腐、牛展、筍同金錢肚，抵食。 個飯跟返台灣係俾珍珠米，幾有誠意。 配菜嘅花生略咸，個筍幾好食，而青瓜就正常。整體感覺ok，臨last order前入座都冇因為趕收工而服務/食物質素差咗，又冇趕人走，係唔錯。