影片
營業時間
今日營業
11:30 - 21:00
星期一至日
11:30 - 21:00
公眾假期
11:30 - 21:00
公眾假期前夕
11:30 - 21:00
以上資料只供參考, 請與餐廳確認詳情
-
網上訂座即將推出
相關文章
最近又心心念念台灣菜，所以去咗黃竹坑「段純貞X日出茶太」食晚飯，每次都食得好滿足，因為佢嘅菜式真係做到喺台灣先食到嘅味道。*此餐廳收取全單10%服務費。濃湯燉雞麵幼麵（單點$88），雞脾好大隻，肉質嫩滑，雞味濃厚，濃湯湯底色澤清徹，帶有少量雞油，雖然為濃湯，但飲落味道較為清淡，細麵口感幼細。麻辣鴨血冬粉（單點$88），鴨血食落好Juicy，味道不腥，冬粉口感爽滑，容易掛湯，麻辣湯底辣度6.5分，內有唐生菜。胡椒湯酸菜豬腳麵手工麵（單點$88），豬腳皮口感Q彈，豬腳肉帶有筋位，食落啖啖肉，配以酸菜食用，可以中和油膩感，胡椒湯底味道辛辣，手工麵麵條口感筋道。滷水牛肚（單點$78），牛肚肉質彈牙、不韌，食落充滿滷水味道，配料包括有油麥菜、冰糖醬花生、酸菜。蒜醬青菜（單點$48），西生菜菜口感爽嫩，配以蒜醬食用，食落好香口。熱台式綜合豆花（單點$48），三色芋圓口感煙韌，薏仁食落有咬口，綠豆泥、紅豆口感起沙，豆花食落入口即化，配以花奶食用，口感更佳。中杯500mL凍飲阿嬤Q角紫香芋泥特調（單點$43），少甜、少冰，芋頭牛奶口感濃稠，味道香甜，略嫌芋頭飲落好似系用榨汁機打到類似芋頭沙嘅口感，令到整體飲落如同飲豆漿嘅時候飲到成杯豆腐渣，建議將芋頭整做芋頭蓉、芋頭粒或芋泥會更好，阿嬤Q角口感Q彈。
繼續閱讀
去開黃竹坑行街順便食晚飯，想食台灣菜真係要搵一搵，好懷念食正宗台灣牛肉麵這個THE SOUTHSIDE 有間台灣過江龍「段純貞牛肉麵」餐廳店內環境燈光舒適，佈置充滿中華特色 蒜醬青菜$48 油麥菜好新鮮，蒜香味好濃.滷水鴨舌好$68最愛食鴨舌仲夠入味 麻辣鴨血冬粉$88佢湯底香又辣，每條冬粉及鴨血都好入味 而且鴨血非常好滑闊條嘅手工麵，食晒都非常有夠飽肚. 招牌紅燒腱心牛肉麵（微辣）$86 牛肉麵湯底非常濃郁味道香濃，是用了牛大骨慢火熬煮多個小時 大大件半筋半牛肉入口好軟淋.燉濃湯雞麵 $88湯底感覺好鮮甜，有大大件雞脾，肉質好嫩滑手工麵質地咬落煙靭口感，好岩我口味純貞芋圓1號（凍）$48最愛有滑滑仙草、粒粒紅豆入口好咬口，同芋圓煙韌透明珍珠、黑糖珍珠同愛玉是夏天必食甜品芒果QQ $3250% 甜中杯500ml食完都好夠飽肚，份量都不少，食物味道及員工服務都不錯.📍段純貞牛肉麵 (黃竹坑)黃竹坑香葉道11號THE SOUTHSIDE 2樓205號舖
繼續閱讀
係黃竹坑學完游水，就同左阿女去左段純貞食牛肉麵同Chatime，游完水真係好肚餓，見到咩都想食！首先，蒜醬青菜簡單但好好味，蒜香味十足，搭配清脆嘅油麥菜，令人食唔停。小食方面，麻辣鴨血冬粉真係好夠味，辣味唔會太過，而且鴨血十分滑！而鹽酥雞就更加唔使講，外脆內嫩，每一口都感到滿足。主菜方面，招牌紅燒腱心牛肉麵真係俾我驚喜，牛肉軟嫩入味，湯底濃郁，啖啖都係滋味！清燉牛肉麵就係阿女最愛，牛肉煮得入味又林，湯頭清澈，恰到好處。飲品方面，原來Chatime與陳凱琳自家朱古力品牌Dulce Vida合作推出暑期限定「朱古力捏捏杯」- 只限8月1日 至31日。
繼續閱讀
作為牛肉麵的愛好者，這個湯頭絕對要試試！ 湯頭濃郁，讓人每一口都感受到牛的精華。招牌紅燒健心牛肉麵（微辣）$86牛肉煮得剛剛好，軟嫩入味，紅燒湯的香氣持續回味，讓人一口接一口，停不下來！清燉牛肉麵（細麵）$82牛肉鮮嫩，湯頭清澈卻鮮甜，適合喜歡清淡口味的人。滷水豬腩肉 $78肥瘦適中，滷得入味但不過鹹，無論配飯還是單吃都好正！段純貞芋圓4號 $48甜品意外驚喜！有椰汁、珍珠、紫薯泥等，芋圓口感彈牙，甜品控絕對不能錯過！百香鳳梨 $34酸甜清新，搭配濃郁的牛肉麵後來一杯，超級提神！
繼續閱讀
是晚兩人到訪黃竹坑Southside段純貞牛肉麵，一試古法牛肉麵。牛肉麵湯底略鹹，沒有層次。牛肉甚佳，無筋、軟熟。麵條開頭無味，浸了約十分鐘卻太鹹。份量較細。另鹽酥雞非即炸，味道尚可。唯伴碟九層塔明顯一早炸起，溢出油分甚多。一咬下去，豐富的油抑味立時充滿口腔。唯一好處是起菜迅速，點菜後一兩分鐘已上菜。侍應服務尚算有禮周到。常言道，一間餐廳有無誠意，從不起眼的伴碟小菜可見一斑。故謂此店果腹一流（其實也不是，因份量太小），再訪可免。
繼續閱讀