武士拉麵 (已結業)

睇住裕民坊拆得七七八八, 行咗去牛頭角道, 諗住去裕民中心搵飯食, 見到呢間門面細細間嘅拉麵店.同一般日式拉麵店相似, 款式唔會太多, 共7款拉麵加1款沾麵,<<足利將軍拉麵>>未上枱已經聞到好香黑蒜香味!!配以日式叉燒2塊, 大量木耳, 半隻流心蛋, 一大片紫菜.食拉麵最講湯底, 先飲啖湯, 夠濃郁而帶香. 叉燒半肥瘦, 仲食到有少少焦香!! 流心蛋唔錯, 做到半流動而又不凝結嘅狀態. 朋友仔的<<九州地獄拉麵>>同樣有齊日式叉燒2塊, 半隻流心蛋, 一大片紫菜, 多咗大量蒽!!湯底夠哂色,  夠辣味!!!我咃仲叫咗個雞翼share一齊食.熱辣辣, 仲有大量芝麻響面. 口感唔錯, 既有芥末味, 又有蜜糖味. 無加一, 連埋飲品, 每人唔洗百二蚊.

今個星期四又來到牛頭角，行咗去另一條街，呢輪黎多咗，發現呢度原來好多嘢食⋯⋯基本上係成兩條街滿哂咁濟！只係睇你啱唔啱食，不過⋯⋯大部份都係茶餐廳 feel 😅 今次揀咗食拉麵，行過見佢五十幾六十蚊有交易都幾抵，一般都要成八、九十蚊一碗，就好似另一條街有一間，裝修同整體上都好日本 feel ，同正宗啲咁，應該都會搵次試下😁餐牌有兩碗拉麵都係$58，有兩、三款飯，但都係炸物，今次唔想食住😝 仲有款牛添，但怕係肥牛，所以無叫。 我哋叫咗一個始祖將軍拉麵，一個徳川將軍拉麵，拉麵都有得選想要湯底濃定淡，幼麵定粗麵，硬定軟定普通添😄 我哋仲加六蚊追加咗罐可樂😅麵到了！幾好樣喎！ 睇吓兩個湯底有咩分別先⋯⋯始祖係濃香豬骨湯底，而我碗徳川就比起始祖淡少少，因為係醬油魚介豬骨湯底，同埋係無蔥花別🥴我嘅至愛!!!! 兩碗都好味呀！我碗其中一塊叉燒就韌咗少少，不過，只是$58，我又唔會要求太高嘅😌 至於湯底，又香又唔油，對我哋兩個來講都好鐘意，因一般都好油 (可能係比較正宗啲) 點都好，我哋真係怕太油嘅湯底🙊 仲有隻蛋，做到糖心蛋樣，但無糖心蛋味😝～始祖將軍拉麵～～徳川將軍拉麵～呢間拉麵，我哋會再來㗎😁

星期六下午還需工作，肚子餓了先去補充體力再繼續打併，在公司附近食店已經有點膩，便去到牛頭角走走，看看有甚麼好東西食，穿過行人隧道走前不久便見到武士拉麵館，記得年前也和同事在這裡食過，味道也不錯，價錢又不貴﹐於是進入回味一下，這次我依然點了最愛的四季香蔥油拉麵，還追加日式煎餃，拉麵依然能保持水準，入口彈牙，湯底當然也不錯，雖然不清楚甚麼是四季香蔥油，但品嚐到一種黑蒜及芝麻油香味混在一起，而日式义燒大大件入口不膩，還加上一些黑芝麻，口感很好👍🏻。日式煎餃也不錯，皮薄多汁，餃子底煎至微焦，所以咬一口便有爽脆多肉汁的口感，肚子填飽了，我現在充滿力量，要返公司繼續工作。

經過觀塘見再有間拉麵，中意食拉麵既我緊係要去試試。由於本人同朋友也喜歡吃辣，所以試左個辛辣地獄拉麵。辣味剛剛好，不太辣，而湯底濃味濃郁，味道香口十足。叉燒燒得好入味，十分香口，配上辣辣地的湯底好好味。而溫泉蛋也入口即溶。拉麵的硬度可按個人喜好選擇，我揀了適中。小食點了煎餃子，出面好脆，入面卻很juicy，好好味，份量也好多，有五隻。然後點了武士小丸子，章魚味好香，燒得夠熱也好入味。有六粒，食到好飽。

［拉麵之選］以前同一個鋪位都開咗拉麵，轉過手之後就繼續係拉麵，不過變咗武士回歸😯食品黎講，佢嘅豬骨湯都幾濃味，大家要追求更高更高享受，濃湯都好值得試，不過要嗌嘢飲！鰻魚飯都係同其他店鋪一樣，合符正常size 🤔

餐廳位置在大街上，容易找。外面很多拉麵店都很趕，一吃完就要走，但這家座位夠多而且幾靜，適合和朋友聊天食飯。我點了始祖拉麵，來吃拉麵當然要點餐廳的招牌。湯底是濃厚的豬骨湯，喜歡它已經把油隔掉，不油膩。麵上的黑蒜炸過，非常香濃，增加了味道。溏心蛋的蛋黃是流心的，一口吃掉半個很滿足。朋友點的地獄拉麵，湯底的椒味很香，不是只有辣味，是真的有辣椒味，很出色。小食也很出色，特別是忌廉蟹肉薯餅，上桌時還熱到冒煙，咬開忌廉洗出來，外脆內滑。

這間餐廳前身是我和男友都挺喜歡的一家日本餐廳😋自從知道餐廳結業換成這間拉麵店後一直想嚐嚐,直到今個星期六剛巧有事在觀塘要處理,就想起了它!😃😃格局上和舊店沒有太大改變~中午的menu,選擇基本上都是主打拉麵,只有兩個標明"限量供應"的飯類🍛德川將軍拉麵($58)魚介豬骨湯底,湯底濃度/麵條粗度/麵質都選了普通.. 配有半顆溏心蛋,木耳絲,一塊大紫菜和叉燒😍對拉麵不算特別有要求的我覺得很不錯!日式咖喱豬扒飯($52)比起拉麵,咖喱飯相對較遜色..男友說油炸味偏重~((雖然賣相看起來好像還不錯的說🤔))忌廉蟹肉薯餅($18)跟餐加配,炸粉也不算厚,口感不油膩,吃不出蟹肉的味道,但可以一試😋😋中規中矩的一頓飯吧😊說不上有驚喜但也不失望~

打算換一家電訊公司，便過來裕民中心附近辦理手續，無意中發現裕民中心對面也有一間武士拉麵的分店，這家分店開在在馬路邊，選址較開陽。上次在九展中心分店吃過豬軟骨湯底的拉麵後，覺得很不錯，所以這次再點豬軟骨拉麵，豬軟骨的軟骨煮得很軟，很容易就咬斷，但還有三分脆，沒有完全失去軟骨的口感。而粘在軟骨的肉是非常的瘦，而且很大塊，不用擔心吃了會容易長胖，肚子餓的我更是放心大口大口的吃，這次選了粗麵，口感更有韌性。妹妹覺得胃口不是很好，所以點了番茄豬骨湯底幼麵，第一次吃的她，吃完了讚不絕口，湯底非常濃香，番茄酸酸甜甜很開胃，肉片也不肥膩，即使是幼麵口感一樣不失粗麵。

順著牛頭角道走去，路經這一所拉麵店，想起她好像在尖咀以及九龍灣也有分舖的，生意是做得越來越大....店像是新開了不久。區內人對之不太熟悉，而且又是閒日，所以基本就由我包了場，一個人在吃麵....店內供應六款口味的拉麵再加一款沾麵。今天小弟少有不點我的至愛沾麵，轉而點最簡單、最基本的豬骨湯底拉麵....習慣性先喝口湯，只覺其十分稀身且味偏淡非常普通。傳統豚骨湯的那份濃杰而起膠的口感，在此是不太感受得到；麵條雖已叫了粗身的但事實上比它粗的，我就曾遇過更多；叉燒縱使有經炙過帶點焦香但缺點是它太薄了，咬起來毫不爽快而沒存在感....其餘的配菜都是些常見的拉麵配搭 ---- 紫菜、高菜及木耳絲，沒有甚麼特別....所有的配搭加起來，便成就了一碗吃完後，也不會令人留下很深印象的麵....

今日在觀塘附近開完會，突然想吃拉麵，所以選了武士拉麵這間餐廳試試。我7點多來到，未算太多人。我點了一碗足利將軍拉麵。足利將軍拉麵其實是指黑蒜油豬骨湯底。黑蒜油豬骨湯底的味道十分濃郁，黑蒜味剛剛好，又會不蓋過豬骨湯底味。日式叉燒有兩塊，加上大塊的紫菜和溏心蛋，十分滋味。我又點了一份蜜糖芥末雞翼。一共有8塊單骨雞翼。雞翼的芥末味很濃，很適合吃辣的我。蜜糖味也很豐富。今天吃到出色的拉麵很滿足，下次會再來試試其他。

本人係一個拉麵發燒友抱著一個興奮嘅心情去食,睇佢個湯底好似好濃郁 點不知湯唔夠味又唔夠熱嗰塊咁嘅叉燒同我平時食開嘅煙肉size冇乜分別..都唔緊要 沒有肉味只有雪味!唔會再去食佢食!

路過見到新開業的拉麵店，見到店面的裝飾很日本風，感覺挺吸引，於是，愛拉麵的老公就拉了我去試試～武士系列的拉麵～ 不同的武士代表不同的湯底，心大心細的我有幾款都想試可選麵的軟硬度，湯的濃淡度，找個適合自己口味的拉麵～充滿日式裝修足利將軍拉麵個人偏愛黑蒜油湯底，所以選了足利將軍半顆糖心蛋 + 一大片紫菜 + 厚厚的黑蒜油，係出色呀～ 拉麵軟硬適中，夠彈牙片肉燒到有少少焦，香味滿分💯阪上將軍拉麵老公叫咗蕃茄湯底拉麵（其實係我想食）香濃蕃茄味，酸酸甜甜，好開胃～ 加上彈牙拉麵一齊食，好味到停唔到口忌廉蟹餅外皮金黃香脆，包住香滑忌廉蟹肉，令人回味無窮炸雞塊炸雞香味四溢，入口鮮嫩多汁，味道剛剛好，不太咸，必食之選其他湯底都想試試，咁抵食可以去多幾次

之前在尖沙咀和九龍灣均嚐過武士拉麵的滋味；近日在牛頭角發現其蹤跡，這新分店的食物質素能否保持水準呢？ 餐廳在牛頭角道地舖，雖然舖面小小的，但還算易找。餐牌在店外，圖文並茂，容易理解。 拉麵名字仍舊充滿霸氣，貫徹武士主題。 拉麵以外，餐廳亦提供飯餐，照顧不同食客需要。 這晚點了一客足利將軍拉麵(HKD98)，真身是黑蒜油豬骨湯底拉麵，並追加一隻溏心蛋(HKD10)。 拉麵湯底、麵條及麵質均按店長推薦配搭，而這確實是個優質選擇，湯底香而不過份油膩，麵條看來是普通的一款，而麵質有夠爽口彈牙，也很掛湯。 叉燒共有兩片，肥瘦適中，口感一流。溏心蛋名副其實，細滑質感是上佳享受。 餐廳免費供應茶水，而沒有額外加一服務費，還不錯喲。

我最鍾意試新野, 又好鍾意支持小店, 今日就俾我係工作地點附近搵到呢間武士拉麵試下。地方唔算大, 但樓底高,  好光猛, 環境幾舒服, 同埋地方乾淨。同朋友一人一碗拉麵, 再加2 個小食開心share 。呢到有好多款湯底, 除左湯拉麵, 仲有沾麵同飯可以揀。更係一款岩自己的。每碗有2 塊豚肉, 木E, 半隻流心蛋, 覺得唔夠, 仲可以追加料。拉麵既湯底, 麵質都可以自己揀, so friendly。我係超鍾意蕃茄的, 所以2 話不說就揀左坂上將軍拉麵($88), 姐係蕃茄湯底的, 其他拉麵店比較少有。幼身既拉麵沾上濃濃既蕃茄, 再配2 塊半肥瘦既豚肉, 半隻流心蛋, 大大塊而仲係脆既紫菜, 一大堆既蔥, 正。差D 湯都俾我清埋。而朋友既德川將軍拉麵, 就係醬油魚介豬骨拉麵 ($98), 朋友話無tick 濃湯, 但個豬骨味都已經好濃。配料一樣有2 塊豚肉, 流心蛋, 再配有木E, 芽菜, 朋友一樣清晒。另外2 個小食有吉烈炸蝦3 隻($28), 炸得金黃, 粉漿唔厚, 蝦肉爽口。3 隻$28 抵食。蜜糖芥末雞翼8 隻($28),  雞翼係單骨既, 細細隻, 好易食, 唔覺唔覺會自己食晒

今晚收工經過牛頭角裕民商場附近，行行下發現果頭附近好都有好多餐廳，見到有間新開的武士拉麵，又見好耐冇食過拉麵就一於去試下。有7種拉麵選擇我地點左兩個拉麵是足利將軍拉麵（黑蒜油豬骨湯底）和阪上將軍拉麵（蕃茄豬骨湯底）。阪上將軍拉麵選濃湯底，麵條粗和麵質普通。蕃茄湯底濃厚，又有兩大片叉燒半肥瘦，半隻糖心蛋，粗麵又夠煙韌。足利將軍拉麵濃厚的豬骨味配上黑蒜的味道令湯底更香濃，又有爽口木耳絲，糖心蛋和叉燒。蜜糖芥末雞翼外層沾上蜜糖的甜味，內里食落口有淡淡的芥末香味。忌廉蟹肉薯餅炸到金黃色又香口。