正東燒豬料理 (已結業)

好耐沒有寫食評，但是今次真系忍無可忍。我和老公婚後想更改自己的飲食習慣，所以我們承諾，盡量不做回頭草，可是深水埗很多餐廳都吃過了，剛好看到正東，上網看了網評不是太差，所以就行入去試下。我們見到正東有個PROMOTION ,所以一進去就叫了98 元的蒸魚，然後至慢慢選其他的菜。然後我們叫了乳鴿，聖子，小炒王，結果燒味檔的師傅收了工，聖子賣嗮了，其實我們兩個什麼都吃，所以我們也沒所謂，就再選雞雜煲和豉椒炒蜆，加埋之前的蒸魚和小炒王，總共四個菜+2碗白飯。小菜的速度還好，味道有點咸，可是我覺的價錢是經濟和合理的。（最後埋單是大概310元）小炒王，一般在外吃的小炒王都是用韭菜，我們聽見師傅跑出來跟穿黑色衣服的女經理說什麼西芹，我們沒有理會，事後看到我們的小炒王，才知道應該是韭菜無左，所以師傅用西芹去取代，好在我和老公對西芹不反抗，所以就算了，可是我知道很多人都不吃西芹，理論上女經理應該問一下客人，轉西芹介不介意。雞雜煲和豉椒炒蜆味道都OK ，份量不算很多，但是都OK。可是恐怖的事情發生了。當時全店有兩台客，店裡來了一班人洗冷氣，本來打算是等我們吃完了冷氣機師傅先開工，點知，我地未食嗮已經洗緊。

長沙彎及深水步一帶食肆林立，有人介紹這裡的燒豬很出色，而且座無虛席要訂枱，所以便和家人決定試試看。鋪面裝修一般，夥計亦不多，幸好態度也不差，可能新年假期啦。眼見每枱都有叫乳豬，相信是必食之選。餐牌上除了肉類、亦有不少海鮮，我們叫了乳豬、薑蔥蠔、冰梅脆皮骨、牛柳粒、炸豆腐、腐乳唐生菜、香妃雞、白菜、蒜蓉炒苦瓜，但等了很久都未見苦瓜，一問之下原來廚房師傅未能有時間造真的忙得很亦見到人家吃冰鎮涼瓜，好似好好味下次一定要試下。總括來說都好食

太太家人提早做冬至食飯一行12 人,本來諗住去返食過對面間酒樓, 因見到有呢間未試過既正東,就咁決定試下呢間食物來講係還可以,只是少菜份量真係太少, 價錢都唔算平, 個個食完都覺得唔夠飽, 我一路都強調如果收得咁既價唔係問題,只係可唔可以俾返 d 質素客人, 客人食完都開心, 但發覺依家中式酒樓好多都做唔到. 終結係得隻乳豬係叫做唔錯.

今天同爷爷伯伯们一起去饮茶，平时都经常去因为他们老人家都习惯了，对口味没什么要求只要是吃的饱就行，其他的无所谓，这家都是老人家居多，很少有年轻去帮衬，因为这里东西口味水准都比隔壁的差！主要是服务员的态度太差！所以都没什么生意。上菜的竟然有钢丝球？！见图，我去收银台，跟柜面的说明，谁知道她竟然讲说妨碍她做事？！不道歉还反过来辱骂客人，还跟有脸其他人议论，这是什么服务态度？！太过分了吧，菜不仅难吃不说还有钢丝在上面？你一个服务员打工的对顾客如此不尊重！！希望食物处关注下

今晚去食團購1席另加壽包。乳豬全體，份量不少，皮脆肉多汁。咕嚕牛粒，外面酸酸地，裡面仍有些肉汁，吾錯。西蘭花炒球，魚肉炒得有點老及鞋身。蒸腩，有1條長長的頭髪在魚肉上，好殺風景！👎👎👎上湯蜆，有d粉絲及唐芹，好清新，可惜d蜆大部分都有沙。上湯什菜，湯底和上湯蜆一様，又系清清地。黃酒雞，酒味吾濃，雞肉彈牙，最好食系有雞什。什菌伊面，味道吾錯，但伊面比較濕。蛋白炒飯，好清嘅炒飯，完全冇味。夀包，熱辣辣，蓮蓉豐富又吾太甜，好味。魚肚海鮮羹、桂花糕，冇試。總括而言，試過就算，應該冇下次！

今日同朋友團年，我地一行六人去左位於深水埗既正東燒豬料理，話明燒豬料理，梗係要試下佢既乳豬，因為想食多d其他野，所以只係叫個例牌，乳豬略嫌唔夠脆皮。另外我地叫左炸乳鴿，炸豆腐，芥蘭煲，羊腩煲，豉椒炒蜆，酥炸生蠔，話梅骨同菜乾豬肺湯。乳鴿香口，但略為瘦少少。炸豆腐好滑,豉椒炒蜆有少少不太熟，酥炸生蠔好厚肉，好脆囗。個話梅骨好特別，值得一試菜乾豬肺湯略嫌淡味左少少。個度既裝修幾特別，一路食一路欣賞個環境都唔錯。

職員質素差。餐廳主打明菜即燒乳豬和燒鵝，乳豬皮比較脆，肉質比較乾和隻豬比較肥。喺街上望入去餐廳係有即燒鵝，我覺得即燒鵝係騙人，因為我今晚order嘅燒鵝，竟然皮表面係熱內面肉係凍，上莊就燒燶晒下裝就剛剛好，另一個可能性就係我order嘅燒鵝係隔夜。金鑽豆腐好多油。其他菜式都係一部部。裝修一般

正東 之前已經想試 聽聞啲乳豬好不得了 今日終於去到啦雖然我係下午去 但都叫了乳豬……飯 燒鵝……瀨粉 乳鴿 好多好多嘢食乳豬 正！出面食好多時得皮冇肉既，但依度有肉既 正燒鵝 燒入味乳鴿 原本諗住冇驚喜 因為午市優惠$23蚊一隻 但又真係好好食喎腸粉 真係好耐冇食過咁好食既腸粉蝦餃 好食 仲好平 冇記錯$13食左好多嘢 有啲失色既 只有黑椒牛仔骨 你地睇張相都知 色爭少少 但都好食既順帶一提 啲茶好香

母親節食飯近近地，點知食到一肚氣❌❌❌黑店😡長沙灣正東燒豬料理❌❌❌女店員不斷over sell 兼鬧客人本來開開心心食母親節飯8 大2細，想食好d但唔代表要比你「水」我地😡首先我地叫左龍蝦伊麵面問店員有幾多到，此終8個大人，佢話份量夠8個人食。之後再叫象拔蚌見有2種揀問店員有咩分別，貴既大好多（用手表示大小）又話夠8人食，好啦甘，無啦啦話再平多$100比你，心諗甘海鮮價咩😓會唔會係有咩問題架？不斷要我地叫條咩咩斑過$1000，我地見已經8餸一湯覺得好足夠，店員不斷再sell $300-1000/每碟既餸比我地，避免浪費食物想唔夠再叫。一上菜真係打但突😱完全無睇過就切左所謂好大條同夠8個人食象拔蚌原來行一隻手掌仲要超薄切，問店員佢話係呢條無錯，下，比你形容差2/3size ，佢話係會縮水，平個條係黑好多（態度開始唔耐煩）頭先明明話細好多？好聲好氣問佢如果出到黎係甘size 唔夠8個人食我地唔介意比錢叫2份起碼夠食，店員態度愈黎愈激動，你冷靜d我黎比錢食飯唔係受氣既。😡其他既餸份量根本就係4-6人份量，你話唔夠我可以再叫但唔係甘樣水我地只係叫d價格高但份量唔夠兼比你講到好夠既野。之後店鋪

成日經過都見到，都見到佢係一間古式裝修既中菜餐廳，就決定帶爸爸媽媽黎試下菜。一黎到當然要叫隻乳豬先啦。乳豬皮香脆可口，肉質鮮嫩，肥瘦均勻，唔洗加醬食都好夠味。可惜係骨比較多，扣左小小分。椒鹽尤魚，新鮮炸起，外脆內軟，味道偏咸，送飯食一流。蒜蓉開邊花足蝦，蝦夠新鮮，肉質爽口，鮮甜，蒜蓉味略重，清蒸應該仲好食。總括黎講帶爸爸媽媽黎食一定岩佢地口味！

遲下子會到台灣旅行，近排就忙著追回台灣的綜藝節目-食尚玩家，希望找些地道和特別的台灣美食。有一集，說到主持人到了在一間台灣有很長歷史的港式燒味店，看著看著，發覺"港式燒味"在外地人心目中也同有著崇高的地位，忽然還感到有食燒味的衝動，於是這晚就叫父親下班後買些燒鵝回家。之前也試過到正東吃飯，無論食品質素以至服務印象中也是挺好的，全名叫正東燒豬料理，但試過它的例牌燒乳豬，水平則只屬一般，反而燒鵝就挺令人驚豔了。一般燒味店的燒鵝，貴是貴，但很多時只有幾塊兒燒鵝能吃得下，其他的不是"油脂多過肉"就是"只有骨沒有肉"。 正東的就不同了，可以說是近八成至九成的燒件都能吃。先說鵝皮，燒得油亮有光澤，啡啡紅紅的，薄薄的包著嫩滑帶粉的鵝肉。鵝皮與鵝肉中間的鵝脂是恰如其分的，薄得像層衣，輕牽著鵝肉上。邊位難免有點油脂，不愛的孩子大可把它咬開，剩餘的鵝肉還是絕對能讓孩子大塊朵頤。咬一口，鵝皮輕薄帶點焦香，鵝肉嫩滑，鵝油都被燒進了肉那頭了，吃下帶著滿滿的鵝脂香。 沾著盛在底部的鵝汁，咸度適中，為燒鵝件增添著風味。再沾著燒鵝例必附送的梅子醬，甜甜酸酸的梅氣，為鵝件帶來個小緩衝，層次完整細膩。

之前已同朋友去食過，都唔錯~所以就帶咗屋企人嚟食~人唔太多，所以即刻有位~4個人，叫咗5碟餸~有招牌的例牌燒乳豬~$168(都幾貴)味道可以，不致於超好味~但唔太肥呢樣好~東江脆大腸~之前食過~覺得好係因為腸內的肥羔已經清走晒~食得爽d~薑蔥少肉蟹~做緊特價~係幾多肉的~$200頭清炒豆苗~清清地~都可以啫啫肉碎芥蘭煲~由於想食多d菜~所以叫2個菜~呢個都幾好味~唔錯唔錯~由於人唔多, 所以侍應都能立即o黎落單之類~係D招牌菜有少少貴~總括而言, 我自己就覺得呢間都唔錯~不過比較高要求的媽媽就覺得冇咩特別~

象拔蚌刺身 , 肉脆口但加左檸檬芥茉都仲係腥腥地燒乳豬皮脆肉嫩, 點甜醬好食,係油膩左少少村長紅燒肉, 鞋左啲,得個咸話梅肉, 似咕嚕肉換左醬, 但呢隻好食啲豆腐,炸得係脆但冇咩豆味好少豬肉撈飯, 等超過30分鐘, 唔知係咪要現炸再雪凍, 冇咩甘香味,唔食好過食蠔餅 FAIL

深水埗好多小炒我同為食團既朋友好多都試過, 近呢一年開左呢間正東燒豬料理就去試下, 都有意想不到既美味在內燒乳豬 切得比較闊身..當然夠脆, 肉比較多同滑, GOOD!豉椒炒蜆 汁比較多, 味道偏淡, 但我覺得尚可蒜蓉蟶子王 夠新鮮, 蒸既時候火候夠就好好味了西蘭花 正常炸豆腐 呢個正, 出面層皮厚度適中, 裏面熱辣辣又夠滑刴椒魚頭 魚頭夠滑, 配以微辣既剁椒, 味道不錯黃酒煮雞煲 用黃酒煮成既雞煲, 好香黃酒同雞油味, 而且有雞子, 所係一個幾好既選擇!

為人師表的大學好友每逢到暑假就會糾集好友們出來聚個會見個面吃頓飯。那選吃地方的重任，當然是落在小弟身上了....在經過篩選之後，選了這間主力做廣東小炒的館子。怎知在嚐過之後，卻感到有點後悔自己作的選擇，是辜負了欲想吃美妙東西的好友的期望....招牌乳豬是一定入圍在菜單裡頭。其餘的，就隨便的想叫想吃甚麼便來甚麼。我們這幾個老友記，一向都是如此卒性子的....侍者一來便向我們推介冬瓜盅。本來我個人就沒大有興趣叫的，但好友認為在炎夏底下喝這個湯很好啊....所以最後也聽他的....論料頭是足的 --- 蝦、帶子、草菇及金華火腿等全部落齊；湯也似是沒下師傅的不過味是淡得尤如在喝白開水一般。似乎那些料是在湯弄好後才後加上去的，火喉是一點都不夠....若想吃出該店的燒乳豬真正水準的話，只叫一碟例牌實在是未能看出端倪來，起碼也要叫半只才可以吧....看上去還覺對勁的，但咬下去才發現皮只脆但不夠鬆化。採用的豬亦稍為偏肥，另外在熱度上亦是有點溫吞。若以半隻索價接近三百大洋的價位來說，實在是不太值得去叫....同樣是豬肉類的菜，一道村長炆腩仔倒是十分合個人囗味的...煲底下有大量的鹹菜，和我們的客家式的炆