正斗火鍋 (已結業)

正斗火鍋係多人食所以啲嘢食都唔差！肉類都好新鮮嘅！賣相都好好 嗰度有好多食物多到數唔到 重點係每樣嘢食都係煮出嚟好食之餘仲要一喊就即有嗰樣食物成個快餐店咁 不過因為有時嗰度太多人所以如果夜晚去就6點去食喇有很揀位5位以上坐房都得了隔音效果勁好出面人哋點樣大聲講嘢喺房裏都唔會有好多躁音…查看更多

走過萬千小店，今次落腳於這家食肆，裏面嘅豬骨煲真係可以話係"靚絕"😍！每一口湯，都似係講緊故仔咁，滿滿膠原蛋白嘅豬骨溶入湯底，啖啖香濃。傳說中嘅黑柏葉咬落去，清甜爽口，完全冇將我搞犯賊🤤。每件食材洗得筍白淨淨，睇得出老板嘅認真。炸響玲脆到出聲，幾嗲呀貼！而手切牛肉勁薄，得意到爆🎉！融入豬骨湯，就好似味蕾嘅交響樂一樣悅耳。炸魚皮啲脆喱嘩啦嘅聲音，一啖入口已經講明晒「我好味！」。來到咸蛋牛肉丸，我真係要劈個讚👍，肉丸滑嫩之餘，咸蛋香味又濃郁盡現，每一啖都咸得黎好計。我敢講，呢度嘅打邊爐可以話係巷仔內嘅隱世美食樂園，準你食過一次，必定令你回味無窮！…查看更多

牛肉好新鮮 牛三寶正 花膠雞湯底非常正 我再叫一啲花膠膠落去池魚刺身兩食 有啲驚喜 初時諗住喺呢啲店舖食刺身會有啲危險 但係價錢都唔貴可以接受 竟然比預計中好 食物種類選擇多 燒腩仔都好好食 炸雲吞 食咗多款式勿忘記拍照 羊肉水餃 螄蚶好新鮮食過幾次冇肚痛 來食過三四次今次先寫食評 多數都係火鍋 食物配料每樣都新鮮 燒味有試過都唔差 但係主力都係食火鍋多 最大缺點星期五六日人多會非常嘈若果人多可以預早訂房 價錢中等 唔係一般平價 但係可以接受 食咗超多嘢四個人@$2700連啤酒汽水…查看更多

叫碟貴牛，拎碟普通牛嚟，食咗兩舊，完全兩回事，叫佢換過碟，但又計埋普通牛嘅價錢，埋單同經理炸型，佢就好型咁話free咗碟普通牛，睇番張單點解仲貴咗，佢話頭先本來無計醬油錢，而家無計碟牛，所以要計番足喎，明白哂👌🏻…查看更多

本身去附近食海鮮粥底火鍋，個邊full booking，於是行左過隔離見到呢間，就走入去食海鮮粥底火鍋，冇象拔蚌無講，直接被左硯，唔緊要，我地都ok既，然後最無奈係啲蜆煮到走個陣都未開，已經同佢地講左，一個個扮睇唔到，仲叫我地反轉睇吓😅反轉就識開？然後每次個個行過黎望一眼就算，扮睇唔到，扮唔知，扮無事…換都唔幫我地換過一份，最後就係個粥無味，食咗一啖就無食，未食過難食到咁，真係要唔會再去😅😅😅…查看更多

食完後煙味勁過打邊壚味。同待應反映完全冇人理。一家大細及討厭煙味既人絕對不適宜。個個仲明目張膽食。吸哂2手煙。急急食完即刻走，頂唔順。成餐睇住個我隔離嗰部小米空氣清新機啲數字狂升。冇下次。..............................…查看更多

同屋企人去，我個女4歲，去到坐低，隔離台食緊煙，問侍應可否轉台，冇問題(我其實係expect佢叫隔離唔好食煙)，轉第二張台，豉油碗碟到齊，睇緊叫乜，隔離台又開始食煙，唯有走人，冇下次！…查看更多

秋風起～梗係要打邊爐😁😁🤔🤔諗諗吓，其實我一年四季都打今日又去正斗火鍋，因為人多啲所以可以食多啲野✌🏻✌🏻先黎個泰式鳳爪，佢個汁不得之了，非常惹味而且不會太辣👍🏻👍🏻湯底揀咗個牛雜鍋～啲料多到呢，淨係食牛雜都夠飽啊😅😅一碟大手切牛頸脊～開頭見到個賣相唔係好肥，諗住實麻麻哋，點知有驚喜，好夠肉味而且啲肉好嫩口👏🏻👏🏻魚子鮮蝦丸～自家製幾好味另外仲有叫咗菜，響鈴，豬大腸，羊肉片個響鈴啱啱炸起，熱辣辣非常惹味😋😋仲要飲多11自大啤酒，最後埋單都唔使$1000 ，點可以唔再幫襯完又幫襯呢😉😉…查看更多

性價比很高的火鍋店，以前仲有分店。生意難做，以我所知早兩年開始已經由2變1了😞😞其實除咗打邊爐之外，佢哋仲有韓式燒烤及打冷，不過我最鍾意食嘅都係佢嘅火鍋。火鍋湯底唔貴，用料都好足夠，嚟咁多次，基本上每次的食材都十分新鮮👍🏻👍🏻今晚兩個人嚟食宵夜，食咗唔算太多嘢，叫咗個醉雞鍋（半隻雞），一碟大嘅安格斯，細份嘅梅菜豬肉丸，熱辣辣嘅炸魚皮，飲多兩枝啤酒，非常滿足埋單五舊水有找，價錢都算幾合理㗎啦😊😊題外話，樓面有兩個哥哥仔好醒目，好過晒以前嗰啲中坑經理💪🏻💪🏻…查看更多

天氣凍凍地，就係最佳打邊爐嘅時間啦。去完天悅廣場買嘢之後就call埋住喺附近嘅朋友一齊落街食晚餐啦。朋友知道我想打邊爐之後就帶我去佢食過嘅火鍋店，話呢度唔錯。點咗個2人火鍋套餐。$268都已經包括有幾款配料，我地怕唔夠食所以再加多咗少少，後尾係食唔晒。揀咗沙嗲鴛鴦鍋，因為番茄薯仔鍋平時喺屋企都可以食得到。沙嗲湯底味道濃郁，唔會水水咁，加咗配料後都唔會唔夠味。配料仲有炸魚皮、手切安格斯牛肉、手打四寶丸、生菜同埋出前一丁，我地另外加咗響鈴及午餐肉。所有份量都唔少，配料又新鮮，加埋每位都唔貴，差D飽到行唔到。…查看更多

今日同班朋友一齊去左深水埗慶祝朋友新居入伙上完佢屋企搗亂一番之後就落佢樓下既正斗火鍋打邊爐啦佢呢度唔止得打邊爐，仲有打冷、小菜甚至連燒烤都有啱哂有選擇困難症既我地打邊爐我地叫左好多野食，肥牛、雞子、海鮮都有叫下最特別係有一個羊肉餃，多汁之餘又唔會太重羶味當然唔少得仲叫左啲打冷野食下啦鹵水鵝片、豬大腸同墨魚都唔少，又鹵得幾夠味，鵝片就最正最好食煎蠔餅都唔錯，夠鑊氣之餘仲勁多蠔仔係入面，YUMMY除左啤酒之外，呢度仲有好多唔同既紅酒、白酒、日本酒，價錢都唔算貴仲有掟鏢機可以玩，呢間餐廳真係十足十叮噹百寶袋咁乜都有…查看更多

深水埗一向都係搵食勝地，真係想食乜都有!淨係火鍋都有幾十間任你揀正斗我幫襯過一次，印象中都幾好佢地唔止打邊爐，仲有得打冷、刺身、蒸氣鍋可以一路打邊爐一路打冷~啱哂一大班人食物質素幾唔錯，火鍋料都幾多唔同選擇我地叫左一份黃牛三寶，入面包括有牛胸爽、黃牛喉、黑柏葉價錢唔貴，都係$128仲叫左至尊牛肉薈，一碟有幾款唔同既牛肉/部位 ，堅係抵食喎牛肉好正，雪花紋勁靚，入口即溶，越食越想食!另外仲有手打四寶丸，真係粒粒手打，絕對唔係攞貨返黎賣個種最正係個手打墨丸，入口彈牙，仲食到墨魚粒係入面。黎到呢度點會唔食下潮州野呀我地就叫左一份家鄉煎蠔烙，即係我地所認識既煎蠔餅，不過佢就比較似係炸多啲都幾大份，一上枱勁香! 蠔仔粒粒飽滿，新鮮無異味，正!…查看更多

友人住深水埗，去咗搵佢傾計，講講下我地有D肚餓，就去食消夜。問佢有咩介紹，可以食少少嘢又坐得舒服，唔使食到好飽，都係可以傾計，唔會被趕就可以啦。佢話不如打冷，又會太飽，又喺附近，行2個街口就到啦。去到正斗見到係火鍋店，主力係豬骨煲，不過都有好多打冷小菜。點咗鹵水拼盤，有墨魚、滷水鵝、豬耳等。鹵水好夠味，份量多，好食。小炒王都中規中矩，夠鑊氣，除咗送啤酒，送汽水都係一流。最後坐咗2個鐘慢慢食，真係傾到口水乾先肯走…查看更多

難得星期日可以出街，又岩岩約左d同學佢地去深水埗買野，就求其搵一間打邊爐，見呢間都幾特別，又可以燒烤又可以食火鍋，所以決定食呢間。三個人叫咗一個燒烤餐，叫咗個豬骨湯底，再叫左少少菜同牛丸，都好豐富，仲食唔晒添。…查看更多

打邊爐最緊要材料新鮮同埋個湯底，$198/人海鮮餐係唔多飽，食物講質素，另外叫左肥牛，老實麻麻，仲有少少貴$78得6塊，羊肉片都唔錯下，滾完個湯都變左羊肉湯咁，黃沙豬潤好在有叫，下次去都必食，超甜超好食，絕對無醃過，係原先食材味講返個海鮮餐包咩1，鮑魚一隻2，蟹一隻/2位用3，海蝦三隻4，蚌二隻5，帶子一隻6，菜一盆7，金沙豬頸肉一份 (超爽脆)唔好以為清湯無咩味，真材實料，滾海鮮可以唔洗點豉油星期日有85折仲免茶芥醬汁兩個人500幾蚊抵食…查看更多