影片
營業時間
星期一至五
18:00 - 02:00
星期六至日
12:00 - 15:00
18:00 - 02:00
公眾假期
12:00 - 15:00
18:00 - 02:00
以上資料只供參考, 請與餐廳確認詳情
636 瀏覽
舅父回港探親數週，遇啱佛誕假期肥肥家族唔洗返工，所以就約埋出街食晏，一齊入去跑馬地試一試「正少食棧」。兩層高o既「正少」門外展出多頁餐牌，任大眾參閱。閒日假日午市均有茶飲。餐廳雖則樓底夠高，但唔知係咪因為中午剛開門所致，店內唔係好夠冷氣，而且有不少蚊蟲飛黎飛去，感覺不甚衛生。豉油皇炒蘿蔔糕（$68）：蘿蔔糕外層雖夠脆，但個心就偏乾同黐喉，認真麻麻。晶瑩蝦餃皇（$40/四隻）：蝦餃餡心尚算爽脆，餃皮又唔會過厚，無奈蝦餃陣雪味仲未溶解，極不討好！娥姐靚粉果（$36/三隻）：粉果外皮好厚，加上調味欠奉，講真完全唔知點靚囉。。。蟹籽燒賣（$40/四隻）：燒賣入口一陣強勁o既咸魚味，當真未必人人頂得順！小籠包：服務生推介全新推出o既小籠包係就係好夠湯汁，可惜皮層偏厚，肉餡唔夠軟嫩，不吃也吧！鮮蝦腐皮卷（$45）：如相所示，腐皮卷油淋淋之餘，入面仲要冇乜料，姨丈話齋，一個字「劣」！欖菜肉鬆炆米粉（$108）：炆米濕潤惹味，雖則欖菜肉鬆份量唔係咁足，不過此味絕對係整頓午餐最好味o既一道菜。沙爹粉絲牛肉煲（$128）：滾住上o既粉絲牛肉煲熱辣辣，牛肉鬆軟易咬，無奈調味咸得過份，實在驚嚇！皮蛋瘦肉粥（$60/碗）：粥品則淡而無味，冇野好講！記得「正少食棧」喺跑馬地新開時已聽到不少負評，所以一直都冇幫襯過，費事嘥彈藥。最近聽聞裝修過後，食物水平有所進步，大肥終於都係忍唔住要一試，點知餐店除咗樓底高之外，其餘各方面都令人失望透頂，如果唔係哥哥一路㩒住細佬，XO仔早已走咗過去隔離食，唔洗搞到成肚氣！
繼續閱讀
九點幾想食宵夜，又唔想甘悶成日食糖水，經過跑馬地見到正少食棧主打宵夜小炒，抱住一試無妨既心態，點知有驚喜，日後又多一個宵夜新蒲點。 至少2米半既大木門俾人感覺寬敞自在，餐廳吊燈氣勢十足，有如酒店般，美侖美奐，裝修中西合璧，令人食指大動。叫左個佛跳牆，用料十足，有女人至愛既花膠以及海參，係秋冬美顏必備武器，另有彈口鮑魚，新鮮雞肉以及瘦肉，填滿成個盅，所以湯水十分清甜，欲罷不能，飲完成個人滋潤左。到左重點必食推介--拆肉泥鯭魚粥。新鮮無骨既滑泥鱈鯭，配上香濃陳皮，令人精神為之一振，另有私伙咸菜頭肉，增加粥既鮮甜，爽咸得來又脆口，不知不覺間成碗粥已被消滅。食得粥，點少得送粥良伴，其他鋪少見XO醬炒蘿蔔糕，配上青紅椒及洋蔥，令色香味俱全，更附上秘製辣椒醬，窩心體貼，中二辣既朋友不防一試。最後係脆皮胡椒豬手粒，呢碟無論送粥送酒送茶皆可。一口大小既豬手粒，脆卜卜之餘，仲保留肉汁豐富，骨膠原爆燈，男女老少皆宜。食完一碟，勁有衝動再續上一碟。呢餐食完好滿足，無論食物定環境，朋友們，下次再約過，試埋其他野，最重要係間鋪開到半夜2點，大家可以暢所欲言，宵夜新寵非你莫屬！
繼續閱讀
跑馬地。不熟悉的道路，平常很少到嘅地方。令我開始熟悉它，熟悉到不能，原因莫過於那張綠色的執照。為了它呼天搶地的折騰了好幾個月，最後便是慘淡收場。。。為了它，我重遊舊地，再一次拼搏。人攰了，自己想找個地方好好的休息一下。這裡便是我今個晚上與友人的落點。想不到這寂靜的地點，竟會有這個好地方。門面不算起眼，但內裡卻金壁輝煌，半夜閒談更覺滋味。家鄉胡椒豬肚---雪白濃湯，酸菜味重。加上偶而散發出來嘅胡椒辣味，有層次感。豬肚乾淨的處理，沒有多餘的脂肪，外層爽口，內層已煮得軟熟。即蒸蝦餃皇--即叫即包即蒸。雖較細小，但皮薄薄的，透出蝦的嫩紅。外皮軟，入口即溶。鮮蝦餡爽口，有蝦肉汁流出。一粒一粒細細顆的更有視覺享受。迷你彿跳牆--推薦之選。鮑魚，海參，花膠，說得出的矜貴材料一應俱全。全置於燉盅內，燉出來的湯必是精華所在。香，濃，滋潤。相對於普通嘅湯水可能會較為貴，但相對這個，價錢不過138元，很划算。薑蔥爆桶蠔--有八只之多，每只肉身飽滿。用小砂鍋烹煮，洋蔥，香葱，薑片一起爆香。味道夠火喉，咸度適中。另一亮點之選--自家拆肉泥猛粥。泥猛粥的盛名聽過很多遍，尤其出名的相信是沙田的。今天在這嚐了第一次，想不到如此味美。是鮮甜的魚味，啖啖的魚肉再加上熬至軟綿的粥。(另配有鹹味菜䔕，隨意添加)暗地在想，晚上來這個地方確實不錯。就算特地過來也不算過態，起碼比起鬧市舒適。但另一面在擔憂，那張可恨的綠色認可証在下一週可會有變化？
繼續閱讀
自從搬去九龍後，我都有頗長一段時間沒有搭叮叮了，藉著這晚去跑馬地食飯，由銅鑼灣搭一程叮叮車，直達跑馬地總站，真的很涼快。跑馬地有什麼好食呢? 除了幾間茶餐廳和米芝星彭慶記外，中菜又可以試試這間「正少食棧」。「正少」跟「正斗」是同系，後者出名賣雲吞麵，前者則主打粵式小菜。好少菜館有咁高樓層，感覺有種堂皇氣勢，配合牆上如傳統飯店般貼著菜單，令這種氣勢變得親切起來，像這晚吃的都是小炒為主，很有平民菜館的感覺。脆皮豬手粒 $98一來都是道好麻甩的小炒，平常吃的豬手多是比較大件，這次切成細粒，更容易炸得香脆，細細有細件好，就是適合佐酒，好比吃花生一樣的道理。經典小炒皇 $128用料有魷魚、蝦干、腰果等，跟韭菜花一同炒，再加些蝦醬，十分惹味，而且下油的份量都足夠的。陳皮蒜香骨 $128排骨炸得十分鬆化，蒜味足，但陳皮就略為微弱，大致上仍是一道合格的小菜。炒了幾道菜後，要吃番清淡一些，這道「杞子豬肝浸菜苗」的湯汁鮮甜，菜曲和豬肝都煮得剛剛好，尤其豬肝煮得不會過熟，十分軟滑。沙嗲粉絲海蝦煲 $168濃郁的沙嗲，帶著些微的辣，令整件事變得很豐富惹味，兼且海蝦和粉絲都吸盡了汁料的精華。這晚的小炒的確很適合飲酒，而菜館又開得夜 (至凌晨兩點)，是跑馬地月光下的宵夜之選。
繼續閱讀
不能否認，人越大制肘越多，若果能夠在家庭、工作、愛情也可以找到平衡點，當然是如魚得水，否則令人感到生活枯燥乏味。因為投入了新的工作崗位，以至精神長期處於緊張狀態，平時放工後巳經攰到想即時撲返屋企。約朋友已經是可免則免，但家人就一定要定期見，約定晚飯的地點是位於跑馬地的「正少食棧」。飯店開系跑馬地當然不要奢望它的價位是街坊價，但至少是一般人可以負擔的範圍。先以兩款冷盤清味蕾, 分別是「玫瑰香油佛手瓜」$48、「青芥鮮雲耳」$48先者佛手瓜爽囗富有清新的玖瑰清香。後者是爽口而微辛的雲耳，而雲耳亦有清血管，降血脂等保健功效，多吃無坊。燒雞 $338 / 隻不但皮薄香脆，份量亦甚有睇頭，脂肪不多肉質嫰，燒烤時間亦拿揑得準繩令人回味。豬肝浸菜苗 $98豬肝可以補血是不爭的事實, 人地話黃沙潤最靚，但近黃沙潤買少見少。我就吾理黃吾黃沙最緊要好食，而這𥚃出品的豬潤口感爽滑入口無渣，菜苗清甜亦保留咬口。豉油皇吊片炒麵 $108如況好的炒麺，當然要集以下條件，麵夠乾身、油不多、夠鑊氣、麵條上色均勻、麵質爽口彈牙等因素。這碟豉油皇炒麵不但乎合以上條件，而且以吊片入饌鮮味頓時令它更升華。籠仔蒸飯 $138 以班片放在蒸飯上，班片的鮮味和富荷香的香飯，味道十分夾，只嫌味道略淡，有需要自行添味。看著兩老的容貌，我希望不會愛得太遲。
繼續閱讀