正宗點心佬 (已結業)

這間在新北江商場，最入邊巷裏的點心舖，本來隔離有間譚仔，依家持續不斷的疫情，真係大集團，譚仔都倒閉了。希望疫情快啲過去，可以正常做生意。今日食孖寶，$34，可以飯+點心，或者兩個都是點心。加$4茶，沒有加一。孖寶幾扺食。單叫點心，由$18-$32。單叫蒸飯，由$30-$58。還有煲仔飯。今日孖寶食章魚肉餅飯，和雞絲粉卷。章魚肉餅蒸飯，飯粒軟硬適中，粒粒分明。肉餅有啲章魚粒，有啲厚度，有咬口，唔會太淋，好食。雞絲粉卷，粉卷有米香，好厚身。都好食。我鍾意食這裏嘢，落單即蒸，會等大約十幾分鐘，係耐啲，但熱辣辣的，好味好多。…查看更多

新北江一樓係一字排開既食店好多米線同茶記都勁熱鬧無視佢地行到最入面會見到譚仔譚仔隔離就係冇乜人既正宗點心佬喇🤣見到出面咁熱鬧但呢間得一兩枱客心𥚃面驚過會唔會係好伏係餐廳點知‼️好食到‼️完全係寶藏‼️☘️全部點心都係即叫即整尤其必食🌟蒜蓉蝦春卷🌟丫姐幫你剪開啲春卷果下你會聽到sharp sharp聲勁脆！叉燒包好鬆軟好香！咸水角即叫即炸 上碟仲聽到zizi聲咬落外皮好薄好脆 內𥚃好足料沙薑鳳爪好大份全部點心都係大大粒漲卜卜😋又可以慢慢食冇乜客人既時候廚房師傅會出黎坐埋一枱打牙較，又會同d客講今日乜野好食，又會叫客人要食哂好唔浪費～好屋企feel…查看更多

到了午市時間想找個位置食東西，但由於疫情措施的關係，每一家店舖只可以坐一半人，所以等位比平時更長。由於不想等位，看到這家有位就決定進去吃東西吧。💥醬皇蒸鳳爪 HKD$23，鳳爪的醬汁味道很香濃，但略為咸了一點😅😅，若味沒有這樣咸會好吃很多。💥鮑螺片金鉤咸水角 HKD$22，這個味道最棒🤩，外皮酥脆有咬感，很快就被我們吃清光了。💥山竹牛肉球 HKD$20，味道不錯挻爽口，加了喼汁味道更加昇華，可惜喼汁的味道太酸了，蓋過了牛肉的味道。💥流沙豬仔包 HKD$20，賣相挻有趣但奶黃不是流沙，有點失望呢，但味道還可以接受。…查看更多

今天主要都在新北江活動，替媽媽去藥房執中藥，自己去蒸腳，去涼茶舖買涼茶，最後當然是吃下午茶。我發現自己跟新北江有點脫節，很多新食店都未曾光顧過，這餐下午茶決定去正宗點心佬吃點心。始終八點會吃晚飯，所以我精挑細選三款點心作為下午茶好了，吃太飽吃不下飯就不好呢，我分別點了鮮蝦菠菜餃，韭菜炸鯪魚餅和陳皮牛肉腸。最近吃過粟米牛肉餅吃上癮，幾乎對這類「餅」類特別有興趣。剛煎起的韭菜炸鯪魚餅外層金黃酥脆，咬下去熱呼呼的，韭菜味非常濃厚，鯪魚肉彈牙無骨刺，可口無比。接著陳皮牛肉腸上桌，腸粉皮不算太厚，滑溜溜的，做到腸粉基本的要求。陳皮牛肉給得大方，腸粉由頭至尾都塞滿牛肉，牛肉肉質細滑，十分討喜。鮮蝦菠菜餃飽滿得很，餃皮晶瑩剔透，個人覺得皮可做得更薄。鮮蝦尚算大顆，菠菜嫩綠，可是餃內過多蒜頭，蓋過菠菜原有的鮮甜，有些失色。…查看更多

我光顧的時間, 內裡沒甚客人. 樓面的服務是很好的, 相對其他酒樓而言.我所叫的茶, 壼內不是酒樓的茶葉, 而是茶包, 看似衛生很多, 茶味也不差.我光顧的時間仍是早茶, 點心價格偏貴.所以我選的是孖寶套餐, 但可以點的點心不多. 適合我口味的選擇好少.點了一個雞飯, 和一個混合了雞扎和鴨腳扎的點心. 上菜的點心都是新蒸熱辣辣.早茶雞飯份量和其他酒樓差不多, 味道也差不多.點心腐皮卷著芋頭, 雞肉, 雞腳/鴨腳. 味道一般, 油膩.…查看更多

初試呢間新開點心店：裝潢： 正常，一般茶記點心鋪價錢：正常點心價，合理可接受，三人吃，雖然非正餐，推測正餐價每人$100有找味道：不過不失，有一兩道點心不錯(只影左一張相)服務：老闆態度很好，距離關門時間近仍肯幫我地整食物，仲要唔介意我地坐底傾計，（原本打算搵個地方坐一陣），最抵讚係雖然臨近關門，但點心都係新鮮同熱既，給人印象不錯！總結：挺有心的店，可以去試試👍🏽 畢竟新北江既點心店本身就好似好少。…查看更多

足料，無味精！想喺附近地區揾間點心店，呢間開得比較夜，所以9點幾都仲揾到佢。裝修簡約，正常傳統點心店的裝潢。食物即叫即做製，食物送岀到都係熱辣辣。食物啲料都好足，好味，我覺得我會再嚟幫襯。有人情味，老闆送湯。…查看更多

如題，大力推薦一試，真係多數點心都好好味，價錢唔算平，但係絕對物超所值 。鮮蝦韮菜餅非常鮮甜，充滿花枝膠與蝦膠，真材實料 。其他例如山竹牛肉，蒜蓉鮮蝦春卷，棉花雞（雞肉嫩滑，魚肚柔軟吸味，上湯鮮甜。） 鳳爪排骨蒸飯（飯粒清爽分明，很有蒸飯甘香 。）等等都十分出色 。…查看更多

新北江譚仔隔離新開左間點心舖 難得唔洗再去酒樓都可以坐低飲茶嘆點心~點心款式幾大路 佢標榜全部點心都係店內即製~重點來了 最吸引我黎食既唔係佢既點心... 而係煲仔飯!!😍 區內罕有 仲要係全日供應🤤蟲草花臘腸滑雞煲仔飯 $55 雞肉份量好多 幾滑 成個飯充滿雞油香😋 臘腸就得幾片仔 唔夠臘香 飯偏濕軟 底部淨係整到少少飯焦其他點心雖然味道唔算特別驚豔 但都夠大大件幾足料幾飽滿 推薦正宗燒賣皇($32) 北菇棉花雞($28) 水晶鮮蝦餃($32)全日免加一 茶錢每位$4…查看更多