194
7
6
港鐵尖沙咀/尖東站 B2 出口, 步行約3分鐘; 厚福街入 繼續閱讀
所有分店 (2)
電話號碼
25278887
開飯介紹
主打蒸氣火鍋,必點美國生蠔,新鮮大隻,粥底吸收海鮮精華後更鮮甜美味。 繼續閱讀
營業時間
今日營業
12:00 - 03:00
星期一至日
12:00 - 03:00
付款方式
Visa Master AE 現金 銀聯 JCB 支付寶
座位數目
120
其他資料
網上訂座
Wi-Fi
深夜營業
酒精飲品
自帶酒水
泊車 詳細介紹
電話訂座
賞訂座積分
外賣服務
加一服務費
電視播放
當面支付
有關獎賞計劃
食評 (228)
等級4 2018-09-17
2420 瀏覽
之前食過幾次蒸氣鍋,但久久無試呢間朋友話最好食既蒸氣鍋!今次趁同朋友gathering就揀左呢間試試佢!價錢係位計,多款海鮮起碼都有每人一件,整體都好新鮮!店員先倒入南瓜豬骨粥既料,邊蒸海鮮啲鮮甜海鮮精華就會流落去又可以邊煲滾個粥,最尾就可以開食啦!四人份既海鮮真係好震撼好豐富呢!貝類有兩款,蒸一陣就食得,好鮮甜海水味剛好又唔會太咸~蒸菠菜汁南非鮑魚,好彈牙啊!菠菜汁好fresh配搭得幾好~跟住佢既計時蒸到剛剛好!之後就有粉絲蒸元貝,鮮味十足又厚肉既元貝,必要蒜蓉撈粉絲!仲有蒸貴妃蚌都一樣咁出色跟住就到大肉蟹啦,蟹膏都好鮮甜唔會太濃郁,就剛剛好!肉蟹啖啖肉真係好正!唔少得法國藍龍蝦啦,龍蝦肉好爽彈亦幾易脫殼唔會好狼狽~完左蒸海鮮既環節之後就有蔬菜嘅部分同埋點心甜品~就咁蒸可以食到食材本身既原味,唔洗太多花巧同調味!有馬拉糕同黑糖蜂巢糕,我勁鐘意後者,質感好似黃金糕煙煙韌韌咁好好咬,黑糖味仲好出!最後就要嘆返碗粥,食到呢個moment煲粥已經煲到好綿好香~仲充滿海鮮既精華~好滿足啊! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-09-12
1499 瀏覽
蒸海鮮也有食過,不過頻率比較少,因為約人難。難得今次飯局齊人,就算遇著紅雨,也不懼。來到了尖咀的水上人,環境夠大,座位夠闊,就算紅雨,幫襯的人亦不少。我們點了餐牌上最抵食至尊的4人餐,每位$398。 上料好快,先是為我們放下了豬骨、南瓜等作蒸海鮮的粥底。然後就是引頸期盼的海鮮。大大隻冰鎮海鮮船送上枱。有南非鮑、貴妃蚌、元貝、大蜆等,樣子砌得好靚,我們瘋狂打卡。 因為第一次黎,所以唔知呢度原來有專人服務。每款海鮮都會按時為客人放入蒸鍋,時間好了,就逐一為客人分發上碟。啱晒我呢啲唔鍾意自己動手的懶人!!!先食的是蜆,有2個size,雖則其貌不揚,但想不到隻隻飽滿又鮮甜,唔使5分鐘已經被我地清左。貴妃蚌隻隻都有手掌咁大,和元貝一樣,望到都開心。因為預先已經放左粉絲及蒜蓉係面頭,所以蒸完出黎已經可以即食,唔使點任何醬料都鮮味十足,加上肥大肉厚,入口啖啖肉,好滿足!!鮑魚上面有菠菜蓉點綴,加了點顏色,入口爽口又彈牙,每人一隻的確唔係太夠喉。 正埋頭大快朵頤之際,第二盤海鮮都上枱。有大大隻龍蝦、肉蟹,望到又係好令人興奮。龍蝦肉晶瑩剔透,連著黃色肥美的蝦膏。蟹就已經預先拆件,但擺返好成隻上枱,栩栩如生烱烱有神。最估唔到係放落去蒸一刻,店員都同我地砌返靚隻龍蝦同蟹,擺得靚靚。龍蝦肉鮮味彈牙,蟹肉一絲絲拆出黎,好清甜,雖然蟹黃不特別多,但好香而且好肥美。大家都大讚~食完海鮮七七八八,便食蔬菜類,南瓜、紫薯、粟米。但我最愛的是馬拉糕和蜂巢糕。尤其蜂巢糕,蒸得好軟熟,黑榶味好香,令人食唔停口! 到了最後的豬骨粥,吸收了各款海鮮的精華,所以好鮮味。粥底綿密而且帶點肉味,食一碗飽肚又暖胃。 雖隔了好一排無食蒸海鮮,但朋友這間推介真的不錯,每款海鮮都好新鮮,味道又鮮甜,仲有專人服務,方便又舒服,我地個個都食得好盡興!!! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-08-23
1458 瀏覽
朋友約局於尖沙咀食海鮮,這次又是選在份屬群雄爭霸的厚福街之地(雖然地理上寫上加拿芬道);食店的名字叫正宗水上人蒸氣鍋專門店,顧名思義,當然是以近年頗為流行的海鮮蒸氣鍋為主打;由於好友一早訂了檯,食店位置離地鐵站也不遠,所以大家都徑自內進;而我就根據Openrice大神的指引,很快找到了食店地處之所;食店的偌大招牌,其設計從文字到顏色的構成,頗有韓風影子,別樹同類店子一格;經過樓梯進入食店,內裡的裝潢走的是中國風的路綫,從燈飾的造型顯出優雅之氣,而且燈光夠柔亮;餐椅與間隔牆都用上木製鏤空式樣,加強中式了風格,配上良好的抽風系統,縱使沒高樓底也使人感覺舒服自然!主持飯局的好友問準了各人意見,綜合店內經理的推薦,很快點好了菜式,就馬上落單;侍應生先端來兩大盤俄羅斯式轉盤的醬料,說得上料頭十足,相當霸氣!眾人從各式醬料拼配成的“混醬”,當中過程顯得一樂也!隨後遞上的一大盤刺身拼盤,從新鮮豐厚的象拔蚌刺身切片,到柔軟豐美的八爪魚片,而鮮甜可口的北寄貝則甚合我口味!點上一瓶食店精選的精品蘋果酒--來自瑞典的Lemon Ginger Cider,配上這麼新鮮的刺身,尤其是檸檬味與薑味搭上象拔蚌刺身,將腥氣盡情地褪去,留下更純粹更精華的海洋氣息!吃著刺身的同時,蒸鍋的主角食材逐一登場;由侍應生全程操作,在鍋底放上一撮白米,一隻蟹,幾塊雞件,加水之後再蓋上蒸氣隔;第一道先來芒蜆,預校的蒸煮時計響起,刺身也被大家吃得剩下見著鋪底的冰粒,是時侯來些暖熱的蒸海鮮來過過口癮;芒蜆個頭較細,連帶質地也偏向薄身,但肉質爽脆,而且淡淡的海水鹹味過後,令蜆肉更突出其帶著肉感的鮮甜!隨後的馬甲貝,鮮甜可口的程度可比芒蜆,但馬甲貝的肉質厚道一些,質感上爽彈中又帶些柔軟,更討喜一些!黑松露蒸大元貝,將處理好的鮮元貝,底層鋪上粉絲,上層則綴以黑松露肉醬;當蒸鍋所發出的熱力在穿透大元貝時,黑松露特有的香味即時在空氣中飄散!在口感方面,大元貝既爽彈又滑溜,與黑松露肉醬所賦予的香氣結合,在味蕾上留下美好的印象!來一口檸薑蘋果酒,更是突出其鮮味!海中蝦以串蝦形式出現,清蒸是嚐其真味的最好方法之一;蝦肉爽脆彈滑,鮮味足味,輕蘸醬油已能突出其本味,若再配上檸薑啤酒,更有一番風味!接著登場--來自日本北海道的花咲蟹,其擺盤造型甚具氣勢,兼且以蟹蓋盛載著豐盈的蟹糕最為亮眼;經過蒸氣鍋的水汽熱力作用後,猶如飛鴻踏雪卻又梅花處處的蟹肉就這樣在我們手中呈現了!紮實的肉質,北海道較涼泠海水營造成清透的海洋氣息精華,在花咲蟹的身上大大地表現出來!那驚鴻一瞥的蟹膏,帶著肉慾的質感,溫潤的油脂感在味蕾上留下深長的回味!一段段的海鮮時光就要過去了,另一樣港人至愛的--雪花和牛,馬上登場;從在蒸氣隔的鋪排,油脂均勻而輕輕地佈滿在艷紅的牛肉裡面,已令人引頸以待!一經蒸熟以後,水汽混合著牛脂,透出油亮的光澤!一入口,牛肉本味即時充斥著整個口腔,豐富的油脂為牛肉帶著綿滑的質感,咀嚼起來有點溶化的感覺,值得深深吸一口氣來延長這股美妙的滋味!糯米蒸花蟹飯,是以較清輕的做法,以花蟹的鮮味滲入糯米飯中,飽滿的飯粒吸收了來自海洋的鮮香氣息,填了胃納又滿足了味蕾!全餐另一個大亮點是壓軸的鳳凰水蟹粥;盡情地收納了各式海鮮/肉類食材所留下的汁水精華,加上有雞肉與水蟹的釋透,每一口溫暖而綿滑的粥湯,都有豐厚複雜的滋味透出,令人有透心入肺般的舒暢,太美妙了!最後上來的甜品,是以維修工具式造型的糕點;形神俱似的帶來粗獷感覺,與入口帶著煙韌的質感,形成較大的反差,作為一頓豐盛美妙的蒸氣鍋晚宴帶來有趣的收結!在蒸氣鍋食店越來越受關注的熱潮之中,這次在尖沙咀正宗水上人所嚐到的美味食物,於我當然留下是極佳印象,而一眾同宴的友人亦給予高度讚好! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-08-05
1774 瀏覽
都有一段時間沒有食海鮮蒸汽火鍋,難得約到一班舊同學聚舊,我們就去正宗水上人。正宗水上人之前已經來過,大班人吃飯其實味道還在其次,最緊要坐得舒服,可以慢慢食慢慢坐,服務好,所以我第一時間想到水上人。*************正宗水上人的海鮮蒸氣鍋有套餐也有單點,左看右看我們最想試它的花笑蟹,約四斤重的花笑蟹人少一點都吃不到,難得今日坐滿一席,當然想試試。但套餐都沒有花笑蟹,所以我們就選擇單點。甫坐下,侍者先送來兩盤醬料,一盤是九款不同醬汁,另一盤則是九款不同配料,以$28一位醬料費,醬料選擇也對得起價格。雖然食海鮮只要夠新鮮已經好吃,但都會不其然混下醬。鳳凰水蟹粥-中($248)鳳凰水蟹粥就是水蟹鮮雞粥,中份量已經夠八至十人享用。食完海鮮,海鮮精華都落在粥上,到時食埋個粥就啱!檸檬薑果酒($58)水上人除了普通大啤汽水涼茶,還有這款來自瑞士的手工啤酒,見未試過就試下。入口酒味不重,幾夠薑味,非常易入口,重點是500ml夠大枝很抵飲,由開餐飲到食完都未飲完。馬刀貝($88/份)&芒蜆($78/份)因為人多,每款各點了兩份。芒蜆雖然不是太大隻,但都有點看頭,不會無肉食,沒有沙,都鮮甜。馬刀貝就比芒蜆大隻,入口較有口感,同樣沒有沙,都鮮甜。海中蝦($48/兩)這裡的海中蝦比較大隻,所以一隻大約有二兩,$48/兩雖然偏貴,但肉質非常爽陣,蝦味十足!花笑蟹($2888)花笑蟹一隻足有四斤重,蟹藍都有成款面咁大,每隻腳比拇指還要粗,所以無論份量或價錢都是人多share食最好。一隻花笑蟹已經打爆整個鐵盤。蟹膏都幾多,不過膏香就不能跟大閘蟹和初夏的奄仔蟹相比。蟹鉗啖啖肉,一梳梳的蟹肉很鮮味。怪味和豚肉($98/份)豚肉切成一片片,肥瘦適中,上面放上怪味醬,所謂怪味其實就是孜然的味道。豚入入口軟嫩,但怪味醬味道太霸道,我會建議撥走大部份怪味醬,只保留小半怪味醬在豚肉上更好,更能吃出豚肉的味道。食完海鮮再讓粥多滾一會就吃得,侍者會先問食客才落菜脯和蔥花。水蟹粥夠綿滑,食得出有淡淡海鮮味,加了菜脯令食味大增。甜品這碟鑼絲和鑼絲批其實是啫哩,又幾棧鬼,本身沒有味道,要靠碟上的黃糖提味。總結,海鮮雖然比其他同類的海鮮蒸氣鍋貴,但海鮮質素不俗,重點是沒有時限而且侍應服非常有禮。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-08-05
1037 瀏覽
最近熱氣的食物, 煎炸麻辣尤其地多, 一眾朋友的聚餐便改為較健康的選擇, 早年流行一時的粥底蒸鍋. 與之前光顧的粥底蒸鍋稍有不同是這裡以生猛海鮮為最大賣點, 魚缸的陣容頗可觀. 場內的座位有較好的私隱度, 是我喜歡的格局. 房間的座位鬆動, 舒適. 雖然是蒸氣鍋, 但仍舊奉上多款的調味料. 頭盤上的是眾人皆愛吃的刺身拼盤.象拔蚌新鮮甜美得讓人停不了口, 雪花和牛用蒸的方法處理, 壞處是生熟較難控制, 但好處是肉汁保留得較多. 怪味其實是沙嗲醬混上其他醬, 意想不到地不錯, 濃味的醬與豚肉相當配合. 海蝦的肉質彈性十足, 用來蒸的效果比灼更好. 花咲蟹是北海道四大名蟹之一, 看外表暗褐色, 帶有榴槤般的刺. 蒸好後則變成鮮豔的赤紅色. 一梳梳的蟹肉看起來跟龍蝦肉相似, 肉質鮮甜而結實飽滿. 蟹膏則帶濃郁的鮮味, 最好的吃法是用蟹肉沾上蟹膏來吃, 雙重享受. 最尾的一道蒸花蟹飯, 飯香軟糯, 吸盡蟹的鮮味, 蟹飯比蟹更好味. 吃過所有蒸物後, 自然是壓軸的蟹粥, 下鍋的除了水蟹還有雞件. 粥底的味道包含了3種蟹的鮮味, 甜美得不能形容的鮮味. 甜品送上的是鮮甜西瓜及桂花椰汁糕, 滿足感十足. 埋單夾了每人大約$500, 以食材的豐盛程度來說很合理.  繼續閱讀
(以上食評乃用戶個人意見 , 並不代表OpenRice之觀點。)