正宗水上人氣鍋專門店 (已結業)

初嘗蒸氣火鍋，可能我們比較早晚上6:15左右到鋪，店員招呼一流，可是點一杯crush apple cider 無貨，要番追問下才告之。是晚點了$598 及$498 套餐，另外加了酸梅湯及開茶，原來茶位每人$28非常欣賞欣乎每次轉菜時侍應都協助換碟個人喜好象拔蚌及奄仔蟹另外剛剛桌子面對魚缸，伴著所有海鮮進餐額外高興像越南帽子的蓋子協助蒸氣散熱是晚沒有追加任何，所以追加也沒有用通常每道菜都只是5分鐘左右就可以吃一邊吃上一道菜，不久之後下一道菜也可上碟

水上人應該是第二代蒸氣火鍋的表表者，自潮福後最深入民心的店。海鮮絕對是一流，又平又抵，之前試過吃蒸氣鍋，今晚試下打邊爐，原來都咁好，父親節仲要有平。海鮮加自選菜式分為$298和$388兩個餐，我要了貴那個餐，當然要豪下先得，海鮮選擇多，但店主絕不會將貨就價，今晚吃過的那些蟶子，鮑魚都勁新鮮和大隻，我們全都是吃大大盤的海鮮。我們每人可以叫其他五種菜，菜式如牛頸脊都不錯，只是像我女孩，海鮮都很容易已經把你填滿了肚皮。粥底和上次一樣，用海鮮調過的粥，好食得吃了兩底。地方又好坐舒服，我相信這是節日和家人食飯的好選擇。唯一的不好處，就是冷氣非常不夠。不過，幾百元就有多重享受，是很好的，而且味道較清新，所以，我較為喜歡這個多於潮福。

 今日約左班朋友食飯，多人食飯打邊爐就最好。想試下D特別既湯底，今次就揀左正宗水上人氣鍋專門店，見佢個太極桑拿鍋好吸引！間鋪環境舒服，地方闊落，枱又夠大，唔會唔夠位擺食物。除左本身包既海鮮，仲可以揀多5款食物， SAHRE食。好多唔同醬料 自己配鐘意GE口味今次揀左冬陰功&湯白玉濃湯，冬陰功唔會太辣而且有好香既椰汁味，白玉就係粥底，味道夠清甜芒果可樂沙冰唔會話好甜，意外地覺得2者好夾墨魚滑 牛骨髓 牛頸 和牛粒 食落爽口唔會覺得老手打鵝肝丸同芥末墨丸，蜂巢豆腐等新鮮炸既響令，一定要食，夠香口，仲可以分一半再放唔同湯底，享受2種味道!主角海鮮出場! 夠生猛新鮮,仲係生。鮑魚唔會韌，D蝦又夠爽口彈牙，蚌大隻但唔會話味淡，蜆同蟹都好夠味整體對今次打邊爐滿意，食物夠新鮮，種類多。另外服務態度好，上菜速度快，唔駛等到湯滾都未有得食!有機會一定會再食!

第一次試蒸氣火鍋，朋友話e間ok所以黎試下！叫左個$298套餐，都幾抵包幾款海鮮再另選五款食品，對於食量一般的我剛剛好。如果醬油可以包埋更加好。醬油都有好多款揀，個炸菜好好味。我地叫左e度出名的粥底火煱同店員推薦的冬陰公煱底。粥底夠特色、好軟滑。冬陰公就當然泰國餐廳的會正宗一點，但也可一試。頂級牛頸脊必叫，一睇就知係靚野。嚮玲聲稱即炸，堅無誇張，好脆，浸3秒剛剛好！海鮮好新鮮，全部活生生識跳咁，蝦爽口彈牙，花蟹一般，蚌蜆都無沙～正👍🏻D餃子都好欣賞，入面唔會太咸好鮮，韮菜餃好清新。d丸同滑都好正，爽口又彈牙👍🏻整體食物都好有水準，如果份量多少少就好了。

不只海鮮鮮甜，肉類也很好吃（除了宮廷靈芝羊，又鞋又冇味），不過價錢有點兒貴！後來發現以$999食阿拉斯加蟹，買一送一（但另一隻要下次食），問過大約有3斤半，下次要試這個！

我前幾日經open rice訂位， 試這間“正宗水上人”， 初時入去感覺都ok, 食物都好新鮮， 但有點問題發生左， 係當我地蒸了第2款海鮮後 ， 個爐就壞了， 跟住經理搞左一輪，佢話唔壞左， 佢話拎去另一枱 蒸，蒸好就拎留過黎俾你， 跟住菜又送錯黎， 食食下地下又流水， 搞到我好冇心機。 個經理講唔好意思， 但後來見個爐寫住“請勿盡用”。 但何為仲要給客戶用呢？ 所以我下次唔會再去。

散叫非常唔抵，3個人叫咗好少野都成2千蚊，佢啲價錢真係偏貴，雖然海鮮新鮮，但呢個價錢係其他地方都食到，個人食過一次唔會再番兜，最慘係無咩冷氣，坐咗兩個鐘一啲都感覺唔到涼，啲海鮮一路係咁出煙，我個人一路係咁蒸面，通風唔掂，食完個粥底係成個人流晒汗，氣溫係同坐係街邊食無分別，另外like佢個facebook送三文魚刺身或鮑魚，問完一個又一個，比佢地睇完like咗都唔多理我地，好似無幫我地落單，最後問多次個經理至送，好似唔多想比咁

有朋友來港，想帶佢試新嘢，點知張枱有曱甴。未食都嚇餐死。。。食物質素還好，但略嫌太貴。我地散叫，太概叫咗七至八個配料(有蔬菜同普通海鮮)，賣單一人四百幾。我記得三隻蝦盛惠$250

預祝老娘生日，約姊妹們食我最喜歡的海鮮，在幾家同類型餐廳裡面，選擇這家。可能是熱潮已過，整個二樓大廳只有兩枱客人。餐廳裝潢有心思，木刻花紋的牆身，配上大紅鮮花。雲石大桌配上竹籃蓋子，整體感覺一致和諧。論食物除了味道外，美觀也很重要。每份海鮮均配上不同的醬汁，顏色出眾。但同樣的缺點就是........完全掩蓋海鮮的鮮味，已經令你分不清新不新鮮。龍蝦真的需要讚一下，肉質結實，口感豐富，一口咬下去，蝦味透出蟲草花雞肉非常有驚喜！蟲草花是健康之物，而且色彩鮮豔，配上嫰滑雞肉，非常美味。食完一輪海鮮後，又是女士最愛的蔬菜環節。絲瓜又是色彩濃厚，食材本身亦是索味之物，真的很好食最後送上生日馬拉糕，略為過甜及過實，但就像是飯後甜點一樣，不可或缺！

朋友問我有邊間蒸海鮮好食，叫我帶佢地去試下，我之前食過尖沙咀分店，旺角分店就第一次黎食，相信水準唔會差太遠吧我覺得旺角分店環境比尖沙咀店更靚更舒服，我地4個人安排左坐卡位外面有大量醬料俾你慢慢混醬，但其實我覺得新鮮海鮮係唔需要落任何醬料，食佢原汁原味先最正一坐底就梗係睇下今日睇乜餸先，有散叫有套餐，寫晒每樣食材需要蒸幾耐，但其實係唔需要用到的，我係下面會解釋，揀套餐就最抵食啦，乜都有唔洗煩，套餐有分3個價錢 - $398、$498、$598，我地今晚叫左$398個餐就係呢個蒸鍋會擔起今晚重中之重o既重任，為我地逐樣新鮮食材蒸好，旁邊有個時間制，唔洗驚會蒸過龍，上文講到唔需要睇每樣野蒸幾耐，係因為店員會由頭到尾幫你逐樣食材放入蒸爐，再較好時間，煮好就會過黎幫你拎出，根本就唔需要自己操勞，超貼身照顧首先黎到的當然係粥料啦，材料有南瓜同豬骨，就咁放係鍋底唔需要加任何水，之後係上面蒸海鮮就會自然滴晒精華落去煲熟佢胭脂蚌、花蛤皇由於今日無芒蜆，所以轉左來自韓國的胭脂蚌，變相更高級，我地賺左了(笑)，胭脂蚌同花蛤皇都開晒口，肉大而厚，証明夠晒新鮮，唔需要加任何醬汁就咁食就最正，吃得出的鮮味個海鮮拼

假日約埋朋友到旺角水上人食蒸海鮮，入到去見到大魚缸，蝦兵蟹將生猛游水，見到就想食！店內寬敞有卡位，有圓抬，二人撐枱腳又得，而且全程侍應幫手蒸海鮮，唔怕靚海鮮蒸過火！水上人蒸氣鍋有A、B、C餐可以揀，B、C餐仲有優惠價無限menu追加， 啱曬大胃王！我今次同班姊妹淘黎，緊係要保持返elegant形象，A餐就啱曬我地！4人A餐海鮮拼盤蝦兵蟹將好生猛，龍蝦同奄仔蟹上枱會郁，好新鮮南非龍蝦龍蝦已經放尿開邊，蒸4分鐘肉剛剛熟，龍蝦彈牙鮮甜，加上龍蝦頭膏好香珠江奄仔蟹蟹膏豐滿，蟹膏香到有鹹蛋黃感覺黑松露蒸元貝黑松露醬味同元貝好夾，唔會過濃蓋過元貝鮮味美國生蠔生蠔同美國D人一樣咁大隻同厚肉，簡單用薑蔥一齊蒸已經帶出蠔鮮甜味花蛤皇餐廳處理海鮮吐沙程序好重要，我最怕食花蛤最怕有沙，食左6隻一粒沙都無，大大粒花蛤肉沾少少豉油已經好鮮味怪味豚 嫩滑既豚肉嫩上面醬用咖哩沙嗲醬，食落好惹味時菜娃娃菜上面舖魯肉味肉碎南瓜豬骨粥粥底用豬骨南瓜熬左2個鐘，又吸收盡所有海鮮精華，食之前侍應加入脆米。另外可加蔥花，菜脯。睇落金黃食落帶有脆米香，再滲出海鮮嘅鮮味，味道好有層次

一大班人食飯，總離不開中菜，火鍋，中菜，和火鍋。但今日我地想食得清d，但係又要keep住個好味，朋友就提議佐食蒸氣鍋。相約在中「間」點，我們選擇了旺角，最後就揀佐呢間在云云蒸氣鍋店中比較好坐既水上人啦。餐廳位於旺角砵蘭街，位置很方便，到朗豪坊shoppin後，5分鐘內便可以到達。步進餐廳，時間大約係7點鐘，人流也不算多，可能是天氣開始熱既緣故吧，人們也跑了去吃日本菜？但其實只要餐廳的冷氣夠，火鍋或者蒸氣鍋也可以食得好舒服。大大一個魚缸去養住海鮮，保證夠新鮮，保證夠生猛。餐廳頗大，主要4人是卡位，8－12人就坐大圓枱。裝潢都算幾新，餐廳應該開業不算很久吧，或者係保養得宜？自助醬料部，以供大家自行混醬，炸菜絲，菜甫粒，大頭菜絲，生蒜茸，泰式雞醬，重慶醬，湖南醬，泰式蝦醬，等等。醬料選擇夠多，夠特別，我地好興奮，好熱烈地去混醬，但係其實到最後，都唔係太用到醬料既，所以建議大家唔洗太熱情去混醬，以免浪費。呢個就係蒸氣鍋既主控制台，店員會為你控制，不同的海鮮，set好不同的時間去烹煮。蒸氣鍋賣相獨特。食物選擇非常多，單是海鮮，已超過50款，假如唔想煩，唔想揀的話，就可以選擇食套餐。套餐就有3款，

如果熊小弟是個海鮮迷，熊媽媽必定是海鮮狂熱份子，愛吃海鮮愛到一個快要不能自控的程度!自從帶她到西貢和長洲吃過豐富的海鮮餐後，總是念念不忘，整天嚷著要再去一趙。可惜，天公總是不造美，每次都因壞天氣而擱置行程。熊小弟得知旺角朗豪坊附近，有間人氣餐廳主打 “蒸” 海鮮，便帶同熊媽媽試一試。從朗豪坊沿砵蘭街一直走，便來到 “蒸” 出名堂的正宗水上人蒸氣鍋專門店。在接待處報上預約姓名和時間，接待員便領我倆進去，並安排坐於下層的寬敞的二人卡座去。餐廳裝潢簡潔明亮，還有很多竹製的特色擺設，極具地道色彩。職員貼心的奉上熱茶和餐牌。餐牌上有海鮮餐﹑散點海鮮和小菜可選。我倆為海鮮而來，便點了較多海鮮款式的B餐 ($498/ 位)。熱心的職員還提醒我們，只要Like & Share Facebook，更可額外多送每位沙白5隻呢~!等待上菜的時候，熊小弟先到醬料自助吧 “混醬” ~ 自助吧醬料豐富，提供十多種香料醬汁讓客人自行 “混醬”，滿足不同口味~“混醬” 過後，職員便送來一碟碟生猛新鮮的海鮮。然後，先在蒸氣鍋的底層加入白米﹑南瓜和豬骨一同熬粥，再利用蒸氣的熱力，將上層的海鮮煮熟，讓食客既可品嚐到原汁原味

今日係小胖女老媽子生日,同親小胖女出擊不外孚食食食,就book左旺角呢間正宗水上人氣鍋專門店其實小弟之前已經係尖沙咀食過一次,質數有保證同夠新鮮黎為小胖媽慶祝生日,黎到見店內環境唔錯,事正企理,分兩層,一樓有大大個海鮮櫃比客人挑選海鮮,我地安排坐2樓,事不宜遲,馬上叫野食,蟶子皇,象拔蚌仔, 石蠔, 大元貝都係例牌必點之選海鮮仲點左象拔蚌仔,波士頓龍蝦,糯米蒸花蟹,店員為我地一路蒸,我地一路食,基本上無停過,除左海鮮次外,仲有幾他野都係必食,有怪味豚肉同小弟至愛馬拉糕,如果食得比較慢既朋友都唔洗擔心,可以慢慢嘆完先叫店員開始蒸另一樣,唔洗驚會催你啦啦聲食完最後食埋個糯米蒸花蟹,為小胖媽完美廢祝生日

雖然已經係夏天，但係都無礙去打邊爐既意欲。今晚我地4個打完麻雀就落左去旺角呢間蒸氣火鍋專門店度醫肚。呢間蒸氣火鍋專門店係係砵蘭街，朗豪坊斜對面，佢個門口既霓虹光管好搶眼，好容易就會搵到。呢間係總店黎既，佢入面既裝修環境我都覺得舒服過尖沙咀分店。蒸氣火鍋其實已經興左好耐，佢同平時既邊爐唔同既係佢用一個大鍋分隔左上半部同埋底鍋，再靠底層既熱水蒸熟上面既食物。呢度主要有三個唔同價錢既套餐，分別係398，498同598。498同598既套餐仲可以以優惠價錢無限追加tim。menu呢度係有服務員幫我地調較好個蒸煮時間既，唔會怕唔熟或者蒸過龍。其實個餐牌上面都有備註埋每款食物所需要既蒸煮時間，我地亦可以自己跟住調較都得。今晚我地就揀左個398套餐。係未開始蒸煮之前，服務員先係個底鍋到落左d米，南瓜同豬骨。跟住擺番好個蒸盤就開始啦，先黎既係芒蜆同花蛤，size適中，味道鮮甜再黎個海鮮拼盤，有龍蝦，奄仔蟹，元貝同生蠔，一睇就知道係新鮮啦，因為隻蟹同龍蝦都仲識郁架先講個元貝，好彈牙呀，配埋個黑松露，將成個味道都昇華左跟住呢隻生蠔又肥大又鮮甜，蒸煮完個size都冇咩點變，而且又唔會腥喎至於隻龍蝦就鮮嫩爽口