35
4
1
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
啱啱試咗間自助放題火鍋店，食客自己揀食材，咁樣又慳時又衛生！🍲 店內環境整潔，坐得舒服，仲有免費Wi-Fi，等我邊食邊Post上社交媒體網站炫耀下！我揀咗個秘製湯底，清甜得嚟又湯底，真係撈到寶！而家嘅天氣食個熱辣辣湯底實在正！肉類選擇都多得嚇人，有啲種類我喺市面都少見，雀仔腸又滑又彈牙，肥牛切得又薄，涮一涮即刻入口，味道正到不得了！🥓青菜方面就有少少遜色，可能流轉台唔夠快，啲菜睇起上嚟少少殘，但都算新鮮。海鮮就算啦，每樣都新鮮，蝦仔同貝殼類特別推介，好食到停唔到口！最後，甜品我揀咗個芝士雪糕球，結實而含蓄嘅甜味正好作為呢頓豐盛晚餐嘅完美句號！🍨 下次再入來，一定會再試下其他款式嘅湯底！
繼續閱讀
平時不嬲幫襯開，咁佢啲冷撈比較辣，咁我就要求辣另上，其實不嬲都係咁，之前嗰個員工都好好服務態度，食開都可以俾我另上，點知有一日有個類似老細咁嘅肥老，平時冇乜見佢，佢幫我落單就話冇辣另上，我同佢講不嬲食開都有，佢話唔冇，其實講真嗰句，辣另上好難咩？😅只不過將啲辣放喺另一個兜度，算啦，你冇另上，之後仲要喺隔離冷嘲熱諷，不斷同啲員工講，不嬲都冇另上嫁wor,又講咩等我話下嗰個員工先，點會俾人另上嫁，講真嗰句你拗贏個客有咩用？你講完冇另上我都冇同你嘈，你仲要喺側邊冷嘲熱諷？為咩？by the way，唔會再幫襯你囉。
繼續閱讀
我地好鍾意食麵，特別係有麵粉香味嘅麵，例如粗上海麵、刀削麵。今次推介呢間基本上係我地平時嘅飯堂。今次叫左麻辣刀削麵，一個配麻辣豬軟骨、一個配麻辣牛𦟌。刀削麵係即叫即削，條條麵都粗身，有一定厚度，充滿麵粉香味，仲要煙靭有咬口，配合清徹但味道香濃嘅湯底，超級好味😍至於兩碟餸都係同湯分開上，擺左好多蒜頭，好重口味，麻辣味十足，份量都好足夠。但係牛𦟌就質素一時時，有時候係切得好靚。嘢飲就配左豆漿，唔算好甜，食麻辣嘢飲豆漿最啱。消費價錢：兩個人100蚊左右結論：飯堂餐廳名稱：正宗山西刀削麵皇 (觀塘)餐廳地址：觀塘康寧道58號地下
繼續閱讀
地鐵站行過去都要12分鐘左右，附近仲有間好好食既車仔麵，行前多小小就係刀削麵！店鋪細細，店員既樣比較兇神惡殺🤣，落單既時候又幾nice喎～落完單後，廚房就開始削麵啦，開放式廚房都幾光猛整潔，大約8mins就有野食lu~麻辣大腸刀削麵$50麵質超級正！有咬口但又唔會覺得食緊麵粉咁，份量都好多，因為好好食既關係一定食得曬！🫢餸既份量都好足，麻辣醬好惹味加落個湯到無得頂。。大腸都好入味good 👍🏻
繼續閱讀
今日係官塘做完野, 就咁係官塘搵左間餐廳食lunch本身午餐時間, 加上附近好多學校, 我又見到呢間有位, 就入左去食餐廳唔算大, 大部分都係學生, 剛坐低就8成滿, 叫完野食都坐滿了間餐廳名叫刀削麵王, 咁當然要食刀削麵, 佢有分湯面, 熱撈, 同埋冷撈我未試過冷撈, 咁就叫左個麻辣豬肚冷撈刀削麵, 等左唔算耐, 好多就上左個樣唔錯, 食落都幾好味, 刀削麵好煙韌, 好好食份量都唔少, 作為一個午餐黎講食完都夠飽不過就略嫌貴左少少, 淨係一碗面都成$62, 以官塘區既物價黎講係幾貴但係都值得一試
繼續閱讀
您可能會有興趣的...