正升冰室 (已結業)

一個人突然想食d中餐，去左正升，味道都ok, 坐低2人台同人搭台都無所謂，食左一半，同台的人走左，個侍應就叫我轉第二張台，因後面有2人入座。過了10分鐘，大台人食完我心諗，唔係又叫我轉台……點知，又來叫我起身，咩事呀，的3都有俾錢嫁！我想講，我只是坐左20分鐘食個早餐啫，轉左3次台！太過份啦！帶位嘅又勁大聲叫又閙人（侍應）真係好嘈……這是我第一次上網寫食評！因為太過份啦，唔想其他人都被網上打手騙了。…查看更多

我一直以為呢家叫正斗, 原來係正升..隔離個米線好生意, 但呢家連一半人都無, 我食了之後就明白了.上星期二去到, 大約就係三成的食客, 任坐的.望了餐牌, 點了個鹽焗雞飯, 連一個例湯, 一個凍奶茶,例湯, 有水準的, 但好細碗.凍奶茶, 我有問侍應阿姐, 如果唔叫少甜, 會唔會好甜, 佢話, 如果太甜, 可以幫我拎去水吧沖淡一點.結果來到, 都唔會太甜, 但亦唔係好飲, 因為茶太濃太澀唔好飲鹽焗雞飯, 個鹽雞係冰鮮鹽水雞 (比起過橋X檔的咸雞, 差幾條街), 無雞味, 個汁亦無乜味, 係墊底的芽菜幾好食.食了之後, 我覺得人少真係有原因的, 價格唔係貴但出品一般般.希望佢地見到可以改善下.…查看更多

在南生圍出來，已經感到非常口渴，於是在元朗尋找可坐下來的餐廳，歇歇腳和飲下嘢。途經正升冰室，二話不說的走了入去。坐下後，仍然有下午茶，於是點一份下午茶餐，至少有得食有得飲，還可以休息一下。很久沒食過奶醬厚多士，厚厚的花生醬和練奶油，充滿了厚多士的表面，多士內脆外軟，加上花生醬的香口，和練奶油的香滑，令多士十分邪惡。凍奶茶雖不解渴，但為熱辣辣身軀降溫，也能暫時解渴。茶秬和茶味都算有的，未至於濃厚，不過不失吧。藉著下午茶，可以休息一下，也可補充一下體力吧。…查看更多

逛到門口被老闆兜搭，心諗都係周圍撞搵野食就撞左入去。環境加上顏色有少少懷舊感覺，是日午餐選擇都好多，今次食咕嚕班塊飯。午餐有例湯送，今日係蓮藕湯，火喉十足味道出，飲落就知無味精，以冰室例湯計可以話係上佳之作。咕嚕汁顏色奪目都幾靚，酸甜香味都令人胃口大開。白飯口感適中，不過無咩飯香。咕嚕汁味道甜酸得宜，但汁身較稀，魚塊味道夠但略嫌厚粉而且太淋。綜合黎計都係物有所值，只計湯係超班。午餐份量夠，服務又有街坊式親切，閒時食飯都可以選擇一下。…查看更多

女A明天就外遊，跟住好幾日見唔到，係暫時我倆分開最長一次，一向難捨難離既男A連續兩天都來探下佢。其實男A頭先走左幾個地方，為咗買個公仔陪女A旅行，可惜找不到，就好鬼肚餓，一於食個下午茶先。叫了公司三文治。公司治果然係公司治，焊底、炒蛋、蕃茄、芝士、等基本野都做足晒，望落去大大份，分分鐘同巨無霸有得揮，而用料都算新鮮，典型足料公司治，食落味道不錯，等耐尐都值。33元都算係咁，直至.......我望到對面28元的豬扒薯條，我就開始後悔，原來平5元的豬扒勁大個，而且超多薯條，下次真係要試下。…查看更多