歡樂大排檔

營業中

休息中

同一大班舊同事聚餐，發現長沙灣新開咗一間幾有卓頭既餐廳，仲有懷舊打卡位，諗住去試下新野，去到員工親切有禮招呼，推介出面唔容易食到嘅心機菜，由於餐牌太豐富我地不斷揀餐廳員工好好，叫我地食住先，唔夠再叫，上菜速度控制好唔會太急剛剛好，頭啖湯真係不得了，我已經唔記得幾耐冇飲過杏汁豬肺湯，回憶中只有馬會中菜廳一飲難忘，點知今日喺呢度有緣再遇這款湯，真係不得了，豬肺軟林到好似豆腐咁，入口即融，完全感受到呢個湯既精華，飲完覺得好幸福陳皮燒鵝真係做到脆皮口感，咬落去打啖啖鵝香豉汁蒸鱔，火候控制得剛剛好，主打一個新鮮，砵仔焗魚腸簡直無得輸，今時今日香港仲可以食到哩一款懷舊經典菜，突然間覺得感動，鍥而不捨，用心製作，不用花巧，食到食物嘅精髓潮州普寧脆豆腐看似簡單，但絕對不簡單，咬落啖啖豆香，真係豆香豆腐嘅真正味道沙薑豬手，越食越想吃，打做一個野味蝦多士吃出兒時的味道兩款糖水贈送木瓜雪耳紅豆沙糖水，原來招呼我地既個位係老闆親力親為，為員工打做好榜樣能夠落手落腳，對食物有一份執著 值得讚賞我地成班朋友都諗過依家週末都唔駛上深圳啦，香港都有好去處，香港良心嘅餐廳，香港人一定要大大力支持保持傳統經典於一身goo

今晚朋友介紹，有驚喜懷舊味重，重有打卡位5個女人食12樣，全部食晒，出色有杏汁豬肺湯，必飲，沙薑豬手，好彈牙，好入味，普寧豆腐，第一次食，要點鹽蔥水，豆腐好滑，好有豆味，燒鵝，皮好脆口，而家好少地方有既砵仔焗魚腸，呢個好好味，搵返兒時既回憶，記住要落胡椒粉，飯後重有甜品，每日不同，今晚紅豆椰汁糕，味道剛剛好，不太甜，紅豆大大粒，桂花糕，好有桂花杞子味，另外重有陳皮普洱茶，好重陳皮味，真心價錢又低又好食👍🏻👍🏻👍🏻

多年好友Sam哥新開的食肆，當然要去捧場一吓！雖然本人不是什麼食家，但對食亦有一定要求，歡樂大排檔絕對值得推介👍🏻燒味有水準，燒鵝上枱熱騰騰、皮脆肉嫰古法雞燉翅，必試之選，材料十足另外Sam哥介紹了幾款小菜，蝦多士、小炒王、砵仔焗魚腸、鹽焗南非鮑魚，全部都很有水準，十分滋味以後跟朋友吃飯敍會，又多了個好去處

一班舊同學搵地方敘舊，選擇咗歡樂大排檔喺深水埗舊區難得搵到地方整潔洗手間設施乾淨嘅中式酒家菜式多元化，明爐燒味，尤其突出！燒鵝皮脆，味道適中，係必食之選酥炸菜式亦非常出色，難得酥炸之後並冇油膩嘅感覺，漿粉適中，火候剛剛好！裏面嘅肉仍然可以保持鮮味，最重要係用嘅炸油健康又新鮮！完全唔會覺得有千年油嘅感覺！蝦多士同椒鹽豆腐非常美味！不得不提嘅就係砂鍋雞燉翅！雞湯底濃郁美味，湯料十足！價錢比長沙灣深水埗區嘅大排檔，例如愛民生，更加便宜！但係地方就舒適乾淨得多！真係抵食！

阿妹生日，4個人去試新嘢一入門口就見到色彩繽紛嘅招牌及懷舊打卡位4個人叫咗6樣餸，分量足夠，食到好飽😋😋陳皮燒鵝皇（例牌）- 上枱仍然熱辣辣，皮脆肉厚鳯梨生炒骨 - 好多菠蘿，肉略為硬了一點椒鹽炸粟米 - 又係熱辣辣，可以加多點孜然粉，更惹味家鄉海鮮雜菜煲 - 湯底好鮮，冇味精，有好多種菜，海鮮就只有少量蝦清蒸細沙巴龍躉仔 - 蒸好即上枱，啱啱好，比預期中大條招牌豉油皇炒麵 - 炒得好乾身，唔油👍新張期間仲免加一，最緊要仲唔限時，可以慢慢食👍👍

本身帶兩老30號去新店試特色野，點知問有冇主餐牌，侍應話還做緊中秋特別餐牌，明明餐牌話供應到29號。。。。。。係有少少失望，但為左試焗魚腸，會有多一次光顧😮‍💨食完飯見後面枱有蒜蓉開邊蝦，但特別餐牌又無，再同收枱侍應反映失望無魚腸，跟住佢又問收銀，又話可以係平時主牌價錢另加$30點。節日加價明白的，但唔好問你拿主餐牌你唔俾，食飽又搬龍門又話可以叫，真係好難捉摸架。。。。。。見隔離枱五個人先叫碟雜菜煲同油浸筍殼。係要人食特別餐牌，客人都識回敬你。係香港島的長水遠來到又無想食㗎菜式情況下，最後都點左d中秋佳餚試。事實上野食物係出色。。。。。。做生意唔係要你蝕，但咁做個場咪唔爆，都唔好諗住用九點7折幫自己係國慶節翻枱。客人都有選擇權，下次過節幾好食都未必爆。苦口婆心完～回帶食評：炸子雞～脆嫩唔會死咸，好過好多坊間㗎食店。小炒皇～有少少偏成但飲啤酒埋剛剛好，銀魚仔同蝦乾份量足，腰果有誠意係脆㗎。油浸筍殼~望落去似過火，但肉又幾嫩滑，可能d油炸過幾轉，賣物係差少少但味道搭夠。椒鹽魷魚鬚～脆粉夠薄唔油膩，魷魚彈牙但無底味春蛋腐竹糖水～呢個係真失望，唔香且過甜，跟水一樣稀。蛋花keep住滾又會老，

餐廳裝修幾有特色，老闆好客一行二人見到有新開張大排檔，就幫襯一下除咗一般茶餐廳都有嘅粉麵飯，呢度早餐仲係飲茶最腳之地，真係估佢唔到！晚上就係食小菜，炒粉麵飯嘅地方。我地叫左鼓椒炒蜆，小炒王，蒜蓉蒸開邊蝦，重有小食海蜇手撕雞整體不錯，幾有鑊氣，味道都好食，買單沒有加入，也沒有收茶錢，幾抵。可以再去幫襯試埋其他菜式。住附近，朝早仲可以揾次嚟試吓啲點心🤭

中秋節正日，選擇了新開張呢間「大排檔」。本人好喜歡去大排檔，但阿女聽到「大排檔」有啲擔心，因為之前試過比九龍灣嘅屋村大排檔嚇親。今次呢間食得非常安心，樓面到廁所都非常乾淨！懷舊裝修，仲有張麻雀枱比大家打卡，正👍🏼由於做節關係，揀咗個八人餐，燒鵝非常有水準，芝士伊麵味道啱啱好，大龍躉兩味最啱老人家食、重點係雞煲翅，食到一家大細都話要encore。可能新開張加上做節人多，上菜比較慢，不過可以慢慢食傾吓偈，唔洗驚比人趕，都係另一番享受！下次去一定要試吓真正嘅大排檔小炒！

經過元州街見到西岸新開咗間大排檔又有點心同小菜咁就帶屋企人嚟試吓😝上到去見到裝修真係好用心，有波波燈，一大塊燈牌同一個懷舊麻雀打卡位，又真係幾有氣氛喎👍🏻🌽椒鹽粟米椒鹽粟米好惹味，外層香脆咬落去又爆汁屋企人都讚好食🍆避風塘茄子茄子炸到好香口，但入面又好軟熟，好啱用嚟餸啤酒🍗紅燒乳鴿乳鴿肉質好嫩滑，夠曬鹹香，只係放耐咗會有啲乾，如果再juicy啲就好喇🥢豉油王炒麵見係招牌菜就試吓啦，唔會太油，配埋韭黃銀芽真係絕配，可惜個麵唔多爽口彈牙總結小菜真係唔錯，香口嘢幾出色，每一碟份量都好足，汽水啤酒選擇多，下次會約埋班friend嚟食🤣

早幾日放工途中經過屋企附近, 發現天然居舊址有新酒樓開張, 於是襯中秋就到, 一於同屋企人提早做節, 試下新野我地因為同老人家同行, 所以早D食, 雖然無BOOK位, 6點令去有位唔駛等, 酒樓地方座位算寬敞, 叫得歡樂大排檔, 個佈置有D昔日舊香港設計,  D長者見到有共鳴, 而且有個打卡位都算有D心思食物方面味道算OK, 而且份量都足, 但招呼方面, 逃不過新開張就是會亂的命運, 樓面好似唔夠人, 要等一陣先有人招呼我地落單, 出菜有D慢, 不過服務人員普遍有禮貌, 無影響我地用餐心情, 而且佢地新開張晚市免茶芥同免加一, 所以平均來講算叫做抵食, 仲有其他餸菜掛住食唔記得影.......

9 月生日 ，同朋友去長沙灣吃飯， 原來西岸國際大廈3樓，新開了間歡樂大排檔，我們 試食燒鵝，安格斯牛肉粒 ， 懷舊蝦多士，新加坡胡椒炒蟹，好好咪，1664特價 18元一支。

放咗工，即慶約咗成班朋友去慶祝小弟生日，諗住係長沙灣工司附近食飯，經過元州街見到有間新開張歡樂大排檔，裡面裝修幾懷舊幾特別，於是入去一試！ 大排檔最講嘅就係鑊氣，佢哋嘅明蝦炒球，椒鹽鮮魷， 蝦多士同鼓油皇炒麵都做得幾出色！可能新開張原故，上菜較為慢, 老闆sam哥見我哋落佐order 都末有餸菜上碟，佢送咗碟叉燒比我地飲住酒等菜上，非常之好客！另一驚喜， 價錢確實公道，冇加一茶芥，埋單都唔使千三蚊，圍起每人都係百五蚊一位，以後放工係長沙灣又多個飯堂！