歡樂大排檔

營業中

休息中

同朋友敘舊，平時好少食大排檔，因為口味都好重，但依度唔會太重口味，仲有日本啤酒飲，超正😆😆海鮮雜菜煲清清地 份量足鹹蛋黃茄子 味道剛剛好仲食左白切雞 超滑 肉好夠最鍾意日本啤酒 有唔同口味 好好飲☺️☺️室內設計真係估唔到，天花板d燈超有氣氛，其他d裝飾都好令🥰

其實之前已經食過一次，覺得都ok價錢都合理，新開又免加一所以冬至都諗住book返佢嚟食，都知到時可能收費會貴少少（例如+1 ），但好奇怪， book枱後打去餐廳想confirm問收費等等 ，聽電話個男人一路支支吾吾，問乜都遊花園，話到時2日前再confirm。終於，2日再打去，明明5pm正常都無乜客，就話好忙，聽日再覆我，到1日前終於打黎，就叫你訂佢嗰個差唔多4000蚊嘅餐，話咁你會好迫又要等又點，然後答佢唔駛想散叫。就話咁你預到時係要等耐d。另外，因為OpenRice book枱只可以book到一張，所以屋企人用第二個acc book第二張，咁屋企人就答佢2個booking係一齊，叫佢都聯絡我，點知個呀姐就又係sale套餐，仲自己係咁話就咁決定啦。基於以上唔清唔楚，所以家人再打去問下，當然又sale套餐啦，但就係咁話咩你到時8點無野食嫁啦，乜都賣晒，又話咩無位要等咁我預約黎係做乜？見之前都人話佢信用卡碌多人錢，另外有個仲慘中秋去到現場先又拎個中秋餐牌我覺得節日特別收費係好合理，但佢經營手法好有問題，好似尊登講到好模糊咁。野食係叫唔差，平日個餐牌都合理但就好似好講彩數，唔知幾時會遇到佢

今晚來食生日飯，個枝竹羊腩煲好好食，啖啖肉，大大件，新鮮好味，無氈味。另外乳鴿好入味，唔肥，唔乾。海蜇爽囗⋯⋯所有會餸好好食🤤， 服務好好，不停添水，下次一定會帶家人再來食。

貪方便.約埋朋友…聚餐..大件夾抵食…正到爆.人均先200幾..都幾好味.又多種類繁多.味道 有超大排檔水準.酒樓的級數.可以試燒鵝.小炒王.樣樣都好食.下次再來啦😍😍😍😍

食物新鮮👌🏻份量充足👍🏻款式多元化🫶🏼味道冇得頂😋BB鴿好好食，花鵰蛋白蒸🦀非常鮮味，特式裝修仲有獨立房間，樓面工作人員親切熱誠，冬至節日家庭聚餐首選👍🏻👍🏻

由於之前openrice聲稱下列內容可能有法律責任，但本人基於食評內句句屬實，並無虛言！特此再次出文，以警惕街坊！＃深水埗長沙灣街坊＃＃歡樂大排檔＃真人真事：10月29號去晚飯埋單時，個女收銀俾晚飯張單我睇係455元，於是我就用信用卡埋單，係不需要簽名嘅，攞返信用卡收據冇睇得咁仔細就走左，到上左車至睇到張信用卡收據收左603元，於是即刻打返去問，個女收銀聽電話，我講完俾佢聽啱啱埋單收多左錢嘅事，佢竟然好冷淡咁話等陣，跟著叫左個男人聽，我就由頭講多一次俾佢知收多左我錢嘅事，佢聽完竟然話：收多左幾十元唧！你自己都要有責任睇清楚張單架！我話而家都係我自己睇到你地收錯錢所以打返黎架，收錢嗰個係你地，你地冇責任淨係得我有？仲有咩幾十元呀！你地係收多百幾元呀！如果我再黎幫襯，每次埋單要小心翼翼睇你有冇收多我錢咁牙煙，我仲敢黎咩？個男人仲要再話：收多左你百幾元唧！咁你咪黎攞返咯！呢刻我真係着着地，餐廳收錯錢唔係死罪，我都係埋完單走左唔夠15分鐘就打返黎問，但餐廳兩個人聽完電話，都冇講過一句唔好意思，仲要將責任俾返我！到第二晚我上去攞錢，個女收銀聽到我話黎攞返尋晚收多左嘅錢，就咀藐藐扮聽唔到，個男經理

今晚唔想煮飯，去咗歡樂大排檔食飯，個個餸都好平，好抵食，新開張不收服務費 又不收茶錢羊腩煲配糯米飯，簡直是絕配。加多個啫啫雞煲就非常完美。仲有叫咗個杞子白費湯味道也不錯。

係壹個月内，揾食肥華和靚媽，計埋11月17日嘅光顧，已經係第三次貨仔，食得咁密衹因大，細仔仔都鍾意食此店嘅小菜，主要此店家常小炒，小菜做得甚好，反而受到此店推薦名物，雞蛋焗魚腸，肥華，就真係不敢恭維，此味特式菜外觀雖然攞滿分，但魚腸有苦澀味而亦焗得唔夠乾身，個底部有水汪汪情況，出現，若將今晚，呢個雞蛋焗魚腸，同早前肥華在所食嘅，同款菜色相比，此店此菜式除咗外觀，勝晧景一筹外，味道係輸俾晧景不衹一條街，不過此店，仍然係肥華一家人，近期嘅飯堂，不過就唔會再叫，此店名物，雞蛋焗魚腸嘞

由於有兩位朋友生日，所以決定一大班人慶祝吓，想搵一個地方大少少，而且有間房可以坐得好耐嘅地方，所以朋友就建議過嚟呢間歡樂大排檔試吓😜✨歡樂大排檔嘅位置，我覺得近乎於長沙灣同埋深水埗之間，喺商場嘅外牆已經好明顯見到歡樂大排檔嘅標誌，所以都算係易搵嘅！我哋係早一個星期已經訂咗位，當時職員就同我哋講如果想食羊腩煲同埋想飲豬肺湯嘅話，就要提早預訂😘作為醒目一族咁當然係一早預訂咗啦！一坐低就上菜啦，首先要提一提呢個豬肺湯真係非常之清潤，作為一個冇乜屋企靚湯飲嘅人，真係會覺得呢個湯非常之好飲！佢唔似一般茶餐廳會落味精嘅，你飲得出佢真係用好多嘅菜同埋豬肺煲出嚟，非常之入味😋😋忍唔住飲咗兩碗！🐷🥬第二就係一早訂咗嘅羊腩煲！朋友話呢度嘅羊腩真係用真嘅羊腩，我本身唔係好明佢講緊啲乜嘢，因為羊腩煲唔係本身就係用羊腩嘅咩？原來我朋友講緊嘅就係有好多羊腩煲都唔會用完整嘅羊腩肉，會係羊腩碎上，但係呢度你真係可以見到好肥美嘅羊腩瞓咗喺個煲入面🐑😛非常有咬口，雖然佢有皮喺上面，但係你嘅感覺唔會太煙靭！另外我哋仲叫咗好多小菜！不過因為後期同朋友掛住傾偈，所以冇乜影到，下次如果大家有機會過嚟嘅話真係可以試吓！我印象中好味

上次同fd打完波10點幾11點，係長沙灣睇吓有咩食，見到黎間寫住平日9點後有8折就上去試下。環境乾淨，坐得舒服。啲裝修都係行懷舊大排檔風格，不過環境就比一般大排檔乾淨同埋闊落啲。我地4個人嗌左4個餸，4個飯同埋嘢飲。免加一，免茶介，每人除翻開都係117蚊。對於我地學生哥黎講真係好抵食，又好味又夠哂飽。我比嗰度嘅沙爹牛肉粉絲煲驚艷到，超好味🤤 打完波大家都好肚餓，每樣餸都食得乾乾淨淨。最緊要嗰度真係坐得幾舒服，慢慢食。以後練完波都可以有多個選擇😁

已經是第3次幫襯歡樂大排檔吃晚飯第一次是路過，見到新開張，免加一，免茶芥，就上去試下，我們叫了他們推介的古法砂鍋雞燉翅，雞湯底非常濃郁美味，D翅仲要係一梳梳，十分足料，另油浸荀殼魚也很出色，外脆內滑，燒鵝燒腩仔，普寧豆腐都好好味第二次再黎encore 雞燉翅，荀殼魚和普寧豆腐，都keep 到水準，再試蝦多士，蝦多士好脆好味，一D都吾多油第三次就是剛過去的星期四，因為已過了9点，只簡單叫了海鮮什菜煲，豉油皇炒麵，咕嚕肉，樣樣都好食，突別是什菜煲，聽職員講湯底用左雞燉翅D湯黎做，怪不得咁好味，我地連湯都清晒，因為當晚我地9点後入座，他們都比左8折優惠我地，呢餐又抵又滿足

今日去到叫咗個幾個小菜同龍蝦燒鵝套餐$298，上菜極慢，食完一碟隔10分鐘先嚟另一碟！最後伊麵龍蝦等咗差唔多成個鐘都未嚟，前後催左三次，都冇人跟，最後頂唔順話買單經理先走過來，話要等多10分鐘，我話我唔等，我已經催左好多次。咁咪買單，結果燒鵝計返我正價$168，勁唔合理，上菜上得慢乜嘢表示都冇之餘，仲要我用正價去俾返燒鵝錢，我係因為有優惠我先會嗌呢個套餐，結果你收返我正價。經理態度惡劣，不單止覺得自己啱曬，仲要返口質問我哋，話我哋已經食咗隻燒鵝，所以要收返我哋正價，覺得我哋先係錯個邊。環境逼夾，地方淺窄，座位與座位之間沒有空間，走動困難，請大家諗清楚先選擇呢間餐廳。

近近地喺屋企附近幫阿女慶祝生日，我老公話俾我聽有間大排檔新開張，所以去試吓。阿女喜歡食懷舊蝦多士、我喜歡吃BB乳鴿、而老公喜歡吃回味安格斯牛柳粒。食物質素平均幾好，原來新開張面+1服務費。

我個朋友同我講長沙灣附近開了間大排檔，啲食品不錯，價錢又平，約我去試下，趁今晚星期六試試，點知道去到人山人海， 幸好等了一陣就有位， 我們試了個羊腩煲，大大煲，味道不錯，喝了很多瓶，1664，因為18支比酒吧平，抵飲。

今日收工返屋企在長沙灣地鐵站見到個燈箱廣告，原來附近有間歡樂大排檔新開張，是天然居舊址，叫阿媽唔好煮飯， 近近地去開飯啦！ 試咗個黑胡椒炒蟹， 非常有鑊氣， 陳皮燒鵝 唔差過深井嗰啲， 埋單先知道，新張優惠， 免收茶芥，免收加一服務費。 阿媽話晚晚來吃飯，慳番不用煮。