歡樂大排檔

營業中

休息中

又是共享天倫的定期聚會，家人提議到開業不久的歡樂大排檔。食店以新派大排檔裝修作招徠，燈光明亮，以街坊食店而言，環境算是不錯。一份有5大件雲吞，最妙之處是內藏一隻爽口彈牙的蝦仁，錦鹵汁內有半肥叉燒及三色椒，醬汁是有點肥膩，但甜酸度剛好。三星是鵪鶉蛋、豬膶及冬菇，但三星並非不會轉變的，從別人的食評中發現叉燒也會出現。三星中最差的是豬膶，細小之餘也蒸得過火，口感粗硬。賣相和味道均有進步空間，生菜色澤暗啞，欠缺油水，水魷和牛柏葉味淡是意料之中，然而質感也不達標，少了嚼勁。釀茄子賣相和味道都不錯，只是熱度不夠，影響了口感。縱然食店為雞仔包起了一個別緻的名稱，但水準也是一般。燒鵝皮脆肉厚，而且件數甚多，以1/4隻燒鵝而言，十分超值；可惜瀬粉卻溫溫吞吞，盛器也不大，大概是2-3 人份量。炒腸粉鑊氣十足，食材均勻沾滿豉油，豉香撲鼻是簡單而出衆的美食。從價格看是沒什麼好投訴的，但食物又怎可以不論質素。驟眼看以為廚師炒烏冬時忘記加入肉絲，細心查找便發現廚師以全肥肉條取代肉絲，染有豉油的肥肉便與烏冬完美混合。從健康或味道出發，剔走肉絲比加入肥肉條的炒烏冬更為優勝。

難得約齊舊朋友，一行15人黎到「歡樂大排擋」歡眾一下晚餐 預早book定枱點菜食好西! 朋友食過話呢間餐廳食物質都係超哂班! 餐廳安排咗房，我地咁多人都坐得好舒服!為咗呢餐我lunch都冇食，留定肚黎大吃大喝呀! 叫咗16道菜，每道菜都係超水準，由於太好食，掛住傾計食下停下，一路食d菜一路上，唔係每款都影得切相，只能揀幾張相同大家分享一下!先黎上陳皮燒鵝王 – 燒鵝肉質好鮮嫩保留到皮脆肉juicy，而且真係食到淡淡陳皮香味，基本上唔需要點太多汁，係我食過最好食燒鵝!  回味安格斯牛柳粒 – 牛味香濃，熟成度岩岩好，呢個菜絕對唔會令人失望。古法雞煲翅 – 呢道簡直係成餐飯精髓!!! 成碗金黃色嘅雞煲翅，遠遠見到已經流哂口水，飲第一啖真係有條龍飛出黎，超級足料，成碗湯係好香好濃，翅夠粗身，大啖大啖翅食落口，好食到癲!懷舊蝦多士 – 呢款懷舊蝦多士已經愈黎愈少餐廳見到，岩岩炸起脆口熱辣辣嘅多士配上大大隻蝦喺面，呢個香脆誘惑程度係即使你知道好熱，但都係忍唔住要即食入口!脆皮炸大腸，潮洲普寧脆豆腐，椒鹽炸粟米，瑤柱蛋白飯……全部都實在唔駛多講，一個字 - 「正」!油鹽水浸蜆 – 聽個名咁簡單食落

3月26日揾食肥華和靚媽及大細仔仔嘅，飯局敘會又選擇咗呢間，楼上食店舉行，因大仔仔話此店嘅，招牌菜，大排檔炒蜆，首屆一指，而細仔仔就對此店嘅， 椒鹽羊鞍一試難忘，加上肥華，亦想一試佢嘅，一品燒雞及豉油王中蝦，孖寶餐，所以一致贊成，今日在此店開餐。眾所周知此店新開舖時以食品，平，靚，正及不收加一小費及免茶位費為賣點，但現今此店已有，增收加一服務費及茶位費啲措施，但話雖如此，肥華一家人都仍然覺得，在比店食晚飯喺物有所值，今晚，所點每款餸菜，都喺預期中嘅A+級水準，而待應員工亦有良好，待客態度，雖然呢餐喺比之前，食貴咗一成費用，但肥華依然，認為此店喺一間，平，靚，正食店👍👍👍👍👍

見呢間中菜館開左一輪 終於搵到時間過黎試下 🐖沙薑豬手-沙薑汁有少少甜甜地 少少酸酸地 係一個好開胃既冷盤😋而且仲好大碟添 好抵食😁🕊️紅燒BB鴿-BB鴿新鮮炸起 外層脆卜卜 唔會太咸 唔錯👍🏻🌽椒鹽炸粟米-椒鹽炸得好香 粟米都好甜 如果中間個心可以食埋就完美喇😁🥬家鄉海鮮雜菜煲-底湯好清甜 菜同大蝦同鮮魷好新鮮 係一個好有鮮味湯底既雜菜煲👍🏻🍚生炒臘味糯米飯-略嫌唔夠豉油香 唔算好足料 發揮正常～我地今次叫左幾款小菜 整體發揮唔錯 如果一大班朋友黎仲可以訂間房 自成一閣 唔使怕嘈到人😂當日大嘅7:30左右去到門口已經座無虛席 環境氣氛相當熱鬧 真係好有大排檔feel😂環境方面 地方好乾淨 座位好舒適 係一個進化版的大排檔👍🏻

餐廳設計成大排檔feel，裏面有好多懷舊可以打卡位置。食物質素超班，性價比十分高。最令人震撼係海鮮名碼實價，唔係一般寫時價，令人卻步。老闆話兩星期就推出一個正斗菜式。 與朋友共聚， 試了好多菜，完全冇得輸。試了雞濃湯灼象拔蚌，黑胡椒炒肉蟹，燒牛肋骨，自家燒燒鵝，芝士龍蝦伊面，豬肺白菜燉清湯， 台山蠔磚 (師傅自創菜式)， 煎蠔餅，麻辣汁撈豬手仔。最後猫山王布甸，好好味又好cute,又係另一個打咭點。餐廳有包房，也有大堂，悉隨尊便。

包房消費，要求最低消費6000，唯有兩張臺，每張臺坐六七个人~以前去都唔使收加一，今日既然收加一~埋單七千幾，水果糖水都无一份送，d野食麻麻地椒鹽九肚好鹹，豆腐火楠都鹹，得鷄好味，其他都麻麻地

情人節再到歡樂大排檔，點了幾個未試過菜式，依然有驚喜。椒鹽粟米 – 新鮮粟米包漿粉炸至金黃，再灑上香脆蒜粒，送飯送酒兩皆宜。生炒糯米飯 – 飯香軟糯有嚼勁，超多腊味配料，不經意地吃了一大碗。雙輝美點 – 紅豆沙清甜帶果皮香，紅豆軟腍大大粒，飯後最佳選擇；桂花糕帶淡淡桂花香，冰涼爽甜，桂花潤肺生津，是個健康甜品。

踏入年尾又係做冬同屋企人團圓嘅時候，每次諗食都真係諗爆頭，自己食都仲可以話想食乜就乜，同屋企人有大有細，有時真係拗爆頭，今日就住屋企人，所以喺長沙灣搵到一間食店，一於試吓佢，地方不大上到去初頭唔係太多人，當然預先有book位，但係到到咁上下就坐滿晒人啦，裝修都係近年啲小菜餐館一貫作風懷舊。食物價錢唔貴，仲可以話算係平。食物質素都OK唔係天花板又唔係地底泥😂諗唔到食咩？又就腳嘅話都可以試吓。上菜速度幾好。因為有啲食店都逐碟黎。噤樣好掃興，尤其是做節嘅日子佢都冇甩漏，算係一讚嘅地方

抵食大件，餐廳價錢酒樓水準，免+1呢樣值得欣賞，服務正常好過好多餐廳，我帶朋友一齊去試吓個個都有讚冇彈，最緊要啤酒抵飲，好耐冇試過搵到間咁嘅餐廳呢個價錢咁嘅質素👍👍👍

真係食過咁多間最好食呢間，今晚食第二次蠔磚熱辣辣保持水準，阿女食咗都話超正👍🏻芝士龍蝦伊麵做節精選，完全夠晒味,食得出有上湯煮過,加咗芝士都冇掩蓋上湯嘅味道😋，波士頓龍蝦啖啖肉😋另外不得不讚就係今晚我最鍾意嘅嘅雞煲翅好足料好夠味,唔知平日有冇得飲呢個雞煲翅湯？這家餐廳的環境非常好，非常乾淨整潔。食物不僅看起來很漂亮，更重要的是味道很好，無論是顏色還是味道。菜式保留了食材的原味，而且菜色選擇多，價格也不高，適合一家人去。老闆非常好人,不事問餸菜味道如何？啱唔啱胃口？好關心客人對餸菜嘅評價,睇得出佢好用心👍🏻簡直比101分👍🏻👍🏻

上年先新開嘅歡樂大排檔開喺長沙灣居民區做街坊生意，性價比高，每份點心都大大份同屋企人每次嚟都食到超飽👍必食蝦餃燒賣上枱熱辣辣，仲有燒味燒得好香，白切雞好滑😋環境都唔錯，好舒服又有打卡位，滿滿香港懷舊氣氛

有次收工經過見到新開大排檔，終於搵到個機會約埋幾個朋友老婆一齊去試吓，雖然個名比較平凡，估唔到食物質素一啲都唔平凡，仲有驚喜，食物抵食夾大件，仲要好食，老婆最鍾意佢個小炒皇同埋蝦多士，仲有龍蝦伊麵免茶免芥免+1，慳返啲錢仲可以叫多幾支啤酒同食多碟小菜👍🏻👍🏻如果去連鎖酒樓乜都未食茶芥+1就已經舊幾水，不如去歡樂大排檔食多碟小菜。而家香港地出去食晚飯，人均二百零蚊，仲有龍蝦食，都好少地方搵到雖然服務絕對有可以改善嘅地方，但食平嘢預咗要俾多少少耐性，去得大排檔就唔會預咗有酒店嘅服務但如果出餐可以快啲，有多啲侍應就perfect👍🏻👍🏻一定會翻食

幫襯過幾次，免加一，免茶介之餘啲嘢食好好味😋 我最鍾意食佢嘅係招牌蝦多士，每次食必嗌！另外，佢有3個套餐可以揀，一個餐2個餸 而且價錢係平過就咁嗌2個餸好多！ 超抵食！🤤🤤🤤 我就成日嗌A餐，有燒鵝皇加芝士龍蝦伊麵，份量亦唔少，大大碟！星期一至四9點後入座，主餐牌仲有8折！真係啱晒我地黎啲學生哥🥹🥹🥹

好味抵食，價錢好，小炒皇好食，啤酒抵飲🍻坐位闊落，無酒樓果啲油煙味星期六一定要book定位！另外建議一下: 除左book房依個option外，如果有啲枱有少少間隔有啲privacy就可以坐耐啲，同啲飲酒食飯傾吓偈都唔使同隔籬嗰枱咁近

太好了，歡樂大排檔收12時， 通常星期六收工八點後先可以食飯， 去歡樂大排檔食飯就可以坐到12點唔使畀人吹埋單， 羊腩煲好好味， 回味安格斯牛柳粒正， 豉汁蒸盤龍鱔 好新鮮， 鹽焗南非鮑魚有特色